PKL 8: ಯೋದ್ಧಾಗೆ ಸೋಲುಣಿಸಿದ ತಲೈವಾಸ್; ಅಂಕ ಹಂಚಿಕೊಂಡ ಸ್ಟೀಲರ್ಸ್, ಮುಂಬಾ

Pro Kabaddi League: ಯುಪಿ ಯೋದ್ಧಾ ವಿರುದ್ಧ ತಮಿಳ್ ತಲೈವಾಸ್ 39033 ಅಂಕಗಳಿಂದ ಸೋಲಿಸಿತು. ಇದಕ್ಕೆ ಮುನ್ನ ಹರಿಯಾಣ ಸ್ಟೀಲರ್ಸ್ ಮತ್ತು ಯು ಮುಂಬಾ ನಡುವಿನ ಪಂದ್ಯ 24-24 ಅಂಕಗಳಿಂದ ಡ್ರಾ ಆಯಿತು.

ತಮಿಳ್ ತಲೈವಾಸ್ ಮತ್ತು ಯುಪಿ ಯೋದ್ಧಾ ನಡುವಿನ ಪಂದ್ಯ

ತಮಿಳ್ ತಲೈವಾಸ್ ಮತ್ತು ಯುಪಿ ಯೋದ್ಧಾ ನಡುವಿನ ಪಂದ್ಯ

  • News18
  • Last Updated :
  • Share this:
    ಬೆಂಗಳೂರು, ಜ. 4: ಇಂದು ನಡೆದ ಪ್ರೋಕಬಡ್ಡಿ ಲೀಗ್​ನ ಎರಡು ಪಂದ್ಯಗಳಲ್ಲಿ ಹರ್ಯಾಣ ಸ್ಟೀಲರ್ಸ್ ಮತ್ತು ಯು ಮುಂಬಾ (Haryana Steelers vs U Mumba) ನಡುವಿನ ಮೊದಲು ಪಂದ್ಯ ಡ್ರಾನಲ್ಲಿ ಅಂತ್ಯಗೊಂಡಿತು. ಎರಡನೇ ಪಂದ್ಯದಲ್ಲಿ ಯುಪಿ ಯೋದ್ಧಾ ತಂಡದ ಪ್ರತಿರೋಧವನ್ನ ಹಿಮ್ಮೆಟ್ಟಿಸಿದ ತಮಿಳ್ ತಲೈವಾಸ್ (Tamil Thalaivas beat U P Yoddha) ಟೂರ್ನಿಯಲ್ಲಿ ಎರಡನೇ ಗೆಲುವು ಪಡೆಯಿತು.

    ಲೋ ಸ್ಕೋರಿಂಗ್ ಇದ್ದ ಮೊದಲ ಪಂದ್ಯದಲ್ಲಿ ಯು ಮುಂಬಾ ಮತ್ತು ಹರಿಯಾಣ ಸ್ಟೀಲರ್ಸ್ ತಂಡಗಳು 24-24 ಅಂಕಗಳಿಂದ ಸ್ಕೋರು ಸಮ ಮಾಡಿಕೊಂಡವು. ಹರ್ಯಾಣ ಸ್ಟೀಲರ್ಸ್ ತಂಡ ರೇಡಿಂಗ್​ನಲ್ಲಿ ಹೆಚ್ಚು ಅಂಕ ಗಳಿಸಿದರೆ ಯು ಮುಂಬಾ ತಂಡದ ಡಿಫೆನ್ಸ್ ಭರ್ಜರಿಯಾಗಿತ್ತು. ಆರಂಭದಿಂದ ಕೊನೆಯವರೆಗೂ ಎರಡೂ ತಂಡಗಳ ಮಧ್ಯೆ ಸ್ಕೋರ್​ನಲ್ಲಿ ಅಷ್ಟೇನೂ ವ್ಯತ್ಯಾಸ ಕಾಣಲಿಲ್ಲ. ಕೊನೆಯವರೆಗೂ ತುರುಸಿ ಪೈಪೋಟಿ ಇತ್ತು. ಹರ್ಯಾಣದ ಆಲ್​ರೌಂಡರ್ ರೋಹಿತ್ ಗುಲಿಯಾ 8 ಅಂಕ ಗಳಿಸಿ ಗಮನ ಸೆಳೆದರು.

    ಈ ಡ್ರಾ ಪಂದ್ಯದ ಮೂಲಕ ಯು ಮುಂಬಾ ಅಂಕಪಟ್ಟಿಯಲ್ಲಿ 4ನೇ ಸ್ಥಾನಕ್ಕೆ ಏರಿದರೆ ಹರಿಯಾಣ ಸ್ಟೀಲರ್ಸ್ ತಂಡ 7ನೇ ಸ್ಥಾನಕ್ಕೆ ಏರಿತು.

    ತಮಿಳ್ ತಲೈವಾಸ್​ಗೆ ರೋಚಕ ಗೆಲುವು:

    ಇಂದಿನ ಎರಡನೇ ಪಂದ್ಯದಲ್ಲಿ ಯು ಪಿ ಯೋದ್ಧಾ ವಿರುದ್ಧ ತಮಿಳ್ ತಲೈವಾಸ್ 39-33 ಅಂಕಗಳಿಂದ ಸೋಲಿಸಿತು. ಸುರೇಂದರ್ ಗಿಲ್ ಅವರು 14 ಅಂಕ ಗಳಿಸಿ ಮೆರೆದರೂ ತಮಿಳ್ ತಲೈವಾಸ್ ಗೆಲುವನ್ನ ತಡೆಯಲು ಆಗಲಿಲ್ಲ. ರೇಡಿಂಗ್​ನಲ್ಲಿ ಮಂಜೀತ್(7), ಅಜಿಂಕ್ಯ ಪವಾರ್(6), ಪ್ರಪಂಜನ್(5), ಭವಾನಿ ರಾಜಪೂತ್(4) ಅವರು ಮಿಂಚಿದರೆ ಡಿಫೆನ್ಸ್​ನಲ್ಲಿ ಸಾಗರ್ ಮತ್ತು ಸುರ್ಜೀತ್ ಭದ್ರಕೋಟೆಯಂತಿದ್ದರು.

    ಇದನ್ನೂ ಓದಿ: PKL 8: ಅಂಕಪಟ್ಟಿ, ಅತಿಹೆಚ್ಚು ಯಶಸ್ವಿ ರೇಡ್, ಟ್ಯಾಕಲ್​ನಲ್ಲಿ ಬಂಗಳೂರು ಬುಲ್ಸ್ ಮುಂದು

    ಅತ್ತ ಯುಪಿ ಯೋದ್ಧಾ ತಂಡಕ್ಕೆ ಸುರೇಂದರ್ ಗಿಲ್ ಅವರೊಬ್ಬರೇ ರೇಡಿಂಗ್ ಶಕ್ತಿ ಎನಿಸಿದ್ದರು. ಸ್ಟಾರ್ ಆಟಗಾರ ಪ್ರದೀಪ್ ನರ್ವಾಲ್ 6 ಅಂಕ ಗಳಿಸಿದರು. ಡಿಫೆನ್ಸ್​ನಲ್ಲಿ ಶುಭಂ ಕುಮಾರ್ ಮತ್ತು ಅಂಶು ಸಿಂಗ್ ಉತ್ತಮ ಪ್ರದರ್ಶನ ನೀಡಿದರು.

    ನಾಳೆ ಪಂದ್ಯಗಳು:

    1) ಪುಣೇರಿ ಪಲ್ಟಾನ್ vs ಗುಜರಾತ್ ಜೈಂಟ್ಸ್, ಸಮಯ 7:30ಕ್ಕೆ

    2) ದಬಂಗ್ ಡೆಲ್ಲಿ vs ತೆಲುಗು ಟೈಟಾನ್ಸ್, ಸಮಯ 8:30ಕ್ಕೆ

    ಇದನ್ನೂ ಓದಿ: Pro Kabaddi: ಕಬಡ್ಡಿ ಅಂಗಳ ಅಳತೆ, ವಿವಿಧ ನಿಯಮಗಳು, ಫೌಲ್, ಎಲ್ಲಾ ಡೀಟೇಲ್ಸ್

    ಅಂಕಪಟ್ಟಿ:

    1) ಬೆಂಗಳೂರು ಬುಲ್ಸ್: 23 ಅಂಕ
    2) ದಬಂಗ್ ಡೆಲ್ಲಿ: 21 ಅಂಕ
    3) ಪಟ್ನಾ ಪೈರೇಟ್ಸ್: 21 ಅಂಕ
    4) ಯು ಮುಂಬಾ: 20 ಅಂಕ
    5) ತಮಿಳ್ ತಲೈವಾಸ್: 19 ಅಂಕ
    6) ಬೆಂಗಾಲ್ ವಾರಿಯರ್ಸ್: 16 ಅಂಕ
    7) ಹರ್ಯಾಣ ಸ್ಟೀಲರ್ಸ್: 15 ಅಂಕ
    8) ಯು ಪಿ ಯೋದ್ಧಾ: 14 ಅಂಕ
    9) ಗುಜರಾತ್ ಜೈಂಟ್ಸ್: 13 ಅಂಕ
    10) ಜೈಪುರ್ ಪಿಂಕ್ ಪ್ಯಾಂಥರ್ಸ್: 12 ಅಂಕ
    11) ತೆಲುಗು ಟೈಟಾನ್ಸ್: 9 ಅಂಕ
    12) ಪುಣೇರಿ ಪಲ್ಟಾನ್: 5 ಅಂಕ
    Published by:Vijayasarthy SN
    First published: