PKL 8: ಬೆಂಗಳೂರು ಬುಲ್ಸ್​ಗೆ ಸೋಲುಣಿಸಿದ ಪೈರೇಟ್ಸ್; ಜೈಪುರ್-ತಲೈವಾಸ್ ಪಂದ್ಯ ಡ್ರಾ

Pro Kabaddi League 2022: ಬೆಂಗಳೂರು ಬುಲ್ಸ್ ವಿರುದ್ಧ ಪಟ್ನಾ ಪೈರೇಟ್ಸ್ 38-31 ಅಂಕಗಳಿಂದ ಸೋಲಿಸಿತು. ಜೈಪುರ್ ಪಿಂಕ್ ಪ್ಯಾಂಥರ್ಸ್ ಮತ್ತು ತಮಿಳ್ ತಲೈವಾಸ್ ನಡುವೆ ನಡೆದ ಮತ್ತೊಂದು ಪಂದ್ಯ 31-31 ಅಂಕಗಳಿಂದ ಡ್ರಾ ಆಯಿತು.

ತಮಿಳ್ ತಲೈವಾಸ್ ಮತ್ತು ಜೈಪುರ್ ಪಿಂಕ್ ಪ್ಯಾಂಥರ್ಸ್

ತಮಿಳ್ ತಲೈವಾಸ್ ಮತ್ತು ಜೈಪುರ್ ಪಿಂಕ್ ಪ್ಯಾಂಥರ್ಸ್

  • News18
  • Last Updated :
  • Share this:
    ಬೆಂಗಳೂರು, ಜ. 16: ಮೂರು ಬಾರಿಯ ಚಾಂಪಿಯನ್ಸ್ ಪಟ್ನಾ ಪೈರೇಟ್ಸ್ ತಂಡ 38-31 ಅಂಕಗಳಿಂದ ಬೆಂಗಳೂರು ಬುಲ್ಸ್ ಅನ್ನು ಪರಾಭವಗೊಳಿಸಿದೆ. ಮತ್ತೊಂದು ಪಂದ್ಯದಲ್ಲಿ ತಮಿಳ್ ತಲೈವಾಸ್ ಮತ್ತು ಜೈಪುರ್ ಪಿಂಕ್ ಪ್ಯಾಂಥರ್ಸ್ ತಂಡಗಳು ಅಂಕ ಹಂಚಿಕೊಂಡಿವೆ. ಬೆಂಗಳೂರು ಬು್ಸ್ ತಂಡ ಸೋಲುಂಡರೂ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನ ಉಳಿಸಿಕೊಂಡಿದೆ. ಪಟ್ನಾ ಪೈರೇಟ್ಸ್ ಎರಡನೇ ಸ್ಥಾನಕ್ಕೇರಿದೆ. ಡ್ರಾ ಮಾಡಿಕೊಂಡು ತಲಾ 3 ಅಂಕ ಗಳಿಸಿದ ಜೈಪುರ್ ಪಿಂಕ್ ಪ್ಯಾಂಥರ್ಸ್ ಮತ್ತು ತಮಿಳ್ ತಲೈವಾಸ್ ತಂಡಗಳು ಕ್ರಮವಾಗಿ 4 ಮತ್ತು 5ನೇ ಸ್ಥಾನಕ್ಕೆ ಏರಿವೆ.

    ಬೆಂಗಳೂರು-ಪಾಟ್ನಾ ಪಂದ್ಯದಲ್ಲಿ ಡಿಫೆಂಡರ್ಸ್ ಮಿಂಚು:

    ಪವನ್ ಶೆರಾವತ್ ಸೂಪರ್10 ರೇಡ್ ನಡುವೆಯೂ ಪಟ್ನಾ ಪೈರೇಟ್ಸ್ ಎದುರು ಬೆಂಗಳೂರು ಬುಲ್ಸ್​ಗೆ ಗೆಲ್ಲಲು ಸಾಧ್ಯವಾಗಲಿಲ್ಲ. ಈ ಪಂದ್ಯ ಬಹುತೇಕ ಡಿಫೆಂಡರ್​ಗಳ ನಡುವಿನ ಯುದ್ಧವಾಗಿತ್ತು. ಪಟ್ನಾ ತಂಡದ ಸುನೀಲ್ 9 ಅಂಕ ಗಳಿಸಿದರು. ಎಲ್ಲವೂ ಟ್ಯಾಕಲ್ ಪಾಯಿಂಟ್​ಗಳೇ. ಸುನೀಲ್ ತಮ್ಮ ತಂಡದ ರೇಡರ್​ಗಳಿಗಿಂತಲೂ ಹೆಚ್ಚು ಅಂಕ ಗಳಿಸಿದರು. ಈ ಸೀಸನ್​ನ ಪಂದ್ಯಾವಳಿಯಲ್ಲಿ ಡಿಫೆಂಡರ್​ವೊಬ್ಬ ಒಂದು ಪಂದ್ಯದಲ್ಲಿ ತನ್ನ ತಂಡದ ಯಾವುದೇ ರೇಡರ್​ಗಿಂತ ಹೆಚ್ಚು ಅಂಕ ಗಳಿಸಿದ್ದು ಇದೇ ಮೊದಲು.

    ಬೆಂಗಲೂರು ಬುಲ್ಸ್ ತಂಡದ ಡಿಫೆಂಡರ್​ಗಳಾದ ಮಹೇಂದರ್ ಸಿಂಗ್ ಮತ್ತು ಸೌರಭ್ ನಂದಾಲ್ ಅವರೂ ತಲಾ 6 ವಿಕೆಟ್ ಸಂಪಾದಿಸಿದರು. ಆದರೆ, ಪಟ್ನಾ ಪೈರೇಟ್ಸ್ ತಂಡದ ರೇಡರ್​ಗಳಾದ ಸಚಿನ್, ಗುಮನ್ ಸಿಂಗ್ ಇಬ್ಬರೂ ಸೇರಿ 17 ಅಂಕಗಳನ್ನ ಕೊಳ್ಳೆ ಹೊಡೆದರು. ಅಂತಿಮವಾಗಿ ಪಟ್ನಾ ಪೈರೇಟ್ಸ್ ಗೆಲುವಿನ ನಗೆ ಬೀರಿತು. 7 ಅಂಕಗಳ ಅಂತರದ ಸೋಲಾದ್ದರಿಂದ ಬೆಂಗಳೂರು ಬುಲ್ಸ್ ತಂಡಕ್ಕೆ 1 ಅಂಕ ದಕ್ಕಿತು.

    ಇದನ್ನೂ ಓದಿ: U19 World Cup: ಸೌತ್ ಆಫ್ರಿಕಾ ವಿರುದ್ಧ ಟೀಮ್ ಇಂಡಿಯಾ ಜಯಭೇರಿ; ಇಲ್ಲಿವೆ ಮುಂದಿನ ಪಂದ್ಯಗಳು

    ತಮಿಳ್ ತಲೈವಾಸ್-ಜೈಪುರ್ ಪಿಂಕ್ ಪ್ಯಾಂಥರ್ಸ್ ಪಂದ್ಯ ಡ್ರಾ:

    ಇದಕ್ಕೆ ಮುನ್ನ ನಡೆದ ತಮಿಳ್ ತಲೈವಾಸ್ ಮತ್ತು ಜೈಪುರ್ ಪಿಂಕ್ ಪ್ಯಾಂಥರ್ಸ್ ನಡುವಿನ ಪಂದ್ಯ 31 ಅಂಕಗಳಿಂದ ಡ್ರಾನಲ್ಲಿ ಅಂತ್ಯಗೊಂಡಿತು. ಜೈಪುರ್ ತಂಡದ ಅರ್ಜುನ್ ದೇಶವಾಲ್ ಅವರ ಮ್ಯಾಜಿಕ್ ಇಂದು ನಡೆಯಲಿಲ್ಲ. ಈ ಪಂದ್ಯದಲ್ಲಿ ಅವರು 15 ರೇಡ್​ಗಳಿಂದ ಗಳಿಸಿದ್ದು ಕೇವಲ 6 ಅಂಕ ಮಾತ್ರ.

    ತಮಿಳ್ ತಲೈವಾಸ್ ತಂಡದ ರೇಡರ್ ಮಂಜೀತ್ 9 ಅಂಕ ಗಳಿಸಿದರು. ಡೂ ಆರ್ ಡೈ ರೇಡರ್ ಅಜಿತ್ ಪವಾರ್ 13 ರೇಡ್​ಗಳಿಂದ ಕೇವಲ 3 ಅಂಕ ಗಳಿಸಿದ್ದು ತಲೈವಾಸ್​ಗೆ ನೆರವಾಗಲಿಲ್ಲ.

    ನಿನ್ನೆ ಪಂದ್ಯಗಳ ಫಲಿತಾಂಶ:

    1) ಹರ್ಯಾಣ ಸ್ಟೀಲರ್ಸ್ ವಿರುದ್ಧ ದಬಂಗ್ ಡೆಲ್ಲಿಗೆ 28-25 ಅಂಕಗಳಿಂದ ಜಯ

    2) ತೆಲುಗು ಟೈಟಾನ್ಸ್ ವಿರುದ್ಧ ಯು ಪಿ ಯೋದ್ಧಾಗೆ 39-33 ಅಂಕಗಳಿಂದ ಜಯ

    3) ಯು ಮುಂಬಾ ಮತ್ತು ಬೆಂಗಾಲ್ ವಾರಿಯರ್ಸ್ ಪಂದ್ಯ 32-32 ಅಂಕಗಳಿಂದ ಡ್ರಾ.

    ಇದನ್ನೂ ಓದಿ: PKL 8: ಬೆಂಗಾಲ್ ವಾರಿಯರ್ಸ್ ಮತ್ತು ಪುಣೇರಿ ಪಲ್ಟನ್​ಗೆ ಗೆಲುವಿನ ಸಿಂಚನ

    ನಾಳೆಯ ಪಂದ್ಯಗಳು:

    1) ಪುಣೇರಿ ಪಲ್ಟನ್ vs ಯು ಪಿ ಯೋದ್ಧಾ, ಸಮಯ ಸಂಜೆ 7:30ಕ್ಕೆ

    2) ತೆಲುಗು ಟೈಟಾನ್ಸ್ vs ಬೆಂಗಾಲ್ ವಾರಿಯರ್ಸ್, ಸಮಯ ರಾತ್ರಿ 8:30ಕ್ಕೆ

    ಅಂಕಪಟ್ಟಿ:

    1) ಬೆಂಗಳೂರು ಬುಲ್ಸ್: 39 ಅಂಕ
    2) ಪಟ್ನಾ ಪೈರೇಟ್ಸ್: 39 ಅಂಕ
    3) ದಬಂಗ್ ಡೆಲ್ಲಿ: 37 ಅಂಕ
    4) ಜೈಪುರ್ ಪಿಂಕ್ ಪ್ಯಾಂಥರ್ಸ್: 31 ಅಂಕ
    5) ತಮಿಳ್ ತಲೈವಾಸ್: 30 ಅಂಕ
    6) ಯು ಪಿ ಯೋದ್ಧಾ: 28 ಅಂಕ
    7) ಯು ಮುಂಬಾ: 28 ಅಂಕ
    8) ಬೆಂಗಾಲ್ ವಾರಿಯರ್ಸ್: 25 ಅಂಕ
    9) ಹರ್ಯಾಣ ಸ್ಟೀಲರ್ಸ್: 24 ಅಂಕ
    10) ಪುಣೇರಿ ಪಲ್ಟನ್: 21 ಅಂಕ
    11) ಗುಜರಾತ್ ಜೈಂಟ್ಸ್: 20 ಅಂಕ
    12) ತೆಲುಗು ಟೈಟಾನ್ಸ್: 11 ಅಂಕ
    Published by:Vijayasarthy SN
    First published: