• Home
  • »
  • News
  • »
  • sports
  • »
  • T20 World Cup 2022: ಬಾಂಗ್ಲಾ ವಿರುದ್ಧ ಟೀಂ ಇಂಡಿಯಾ ಗೆದ್ದರೂ ಪಾಕ್​ಗಿದೆ ಸೆಮೀಸ್​ ಚಾನ್ಸ್! ಅದು ಹೇಗೆ ಗೊತ್ತಾ?

T20 World Cup 2022: ಬಾಂಗ್ಲಾ ವಿರುದ್ಧ ಟೀಂ ಇಂಡಿಯಾ ಗೆದ್ದರೂ ಪಾಕ್​ಗಿದೆ ಸೆಮೀಸ್​ ಚಾನ್ಸ್! ಅದು ಹೇಗೆ ಗೊತ್ತಾ?

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

T20 World Cup 2022: ಈ ವರ್ಷದ ವಿಶ್ವಕಪ್‌ನಲ್ಲಿ ಟೀಮ್ ಇಂಡಿಯಾದ ಮೂರನೇ ಗೆಲುವು. ಆದರೆ ಈ ಗೆಲುವಿನ ನಂತರವೂ ಸೆಮಿಫೈನಲ್‌ಗೆ ಟಿಕೆಟ್ ಯಾರಿಗೆ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. ಅಲ್ಲದೇ ಪಾಕಿಸ್ತಾನ ಸಹ ಇನ್ನೂ ಸೆಮೀಸ್ ಹಾದಿ ಜೀವಂತವಿದೆ.

  • Share this:

ವಿರಾಟ್ ಕೊಹ್ಲಿ ಮತ್ತು ಕೆಎಲ್ ರಾಹುಲ್ ಅವರ ಅರ್ಧಶತಕಗಳ ನಂತರ ಅರ್ಷದೀಪ್, ಶಮಿ ಮತ್ತು ಹಾರ್ದಿಕ್ ಪಾಂಡ್ಯ ಅವರ ಆಕರ್ಷಕ ಬೌಲಿಂಗ್ ದಾಳಿಯ ಬಲದಿಂದ ಟೀಂ ಇಂಡಿಯಾ (Team India) ಅಡಿಲೇಡ್ ಪಂದ್ಯವನ್ನು ಗೆದ್ದುಕೊಂಡಿತು. ಇದು ಈ ವರ್ಷದ ವಿಶ್ವಕಪ್‌ನಲ್ಲಿ ಟೀಂ ಇಂಡಿಯಾದ ಮೂರನೇ ಗೆಲುವು. ಆದರೆ ಈ ಗೆಲುವಿನ ನಂತರವೂ ಸೆಮಿಫೈನಲ್‌ಗೆ (Semi Final) ಯಾರಿಗೆ ಟಿಕೆಟ್ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. ಏಕೆಂದರೆ ಸೂಪರ್ 12 ಸುತ್ತಿನಲ್ಲಿ ಇನ್ನೂ ಕೆಲವು ಪಂದ್ಯಗಳು ಉಳಿದಿದ್ದು, ಮುಂದಿನ ಪಂದ್ಯಗಳ ಫಲಿತಾಂಶಗಳನ್ನು ಆಧರಿಸಿರುತ್ತದೆ. ಆದರೆ ಟೀಂ ಇಂಡಿಯಾದ ಮುಂದಿನ ಪಂದ್ಯ ಜಿಂಬಾಬ್ವೆ (IND vs ZIM) ವಿರುದ್ಧವಾಗಿದ್ದು, ಪ್ರಸ್ತುತ ಭಾರತ ತಂಡ ಆರು ಅಂಕಗಳೊಂದಿಗೆ ಅಗ್ರ ಸ್ಥಾನದಲ್ಲಿದೆ. ಹೀಗಾಗಿ ಸೆಮಿಫೈನಲ್‌ನಲ್ಲಿ ಭಾರತದ ಸ್ಥಾನ ಬಹುತೇಕ ಖಚಿತ ಎಂದು ಪರಿಗಣಿಸಲಾಗಿದೆ. ಆದರೆ ಮೆಲ್ಬೋರ್ನ್‌ನಲ್ಲಿ ಟೀಂ ಇಂಡಿಯಾವನ್ನು ಸೋಲಿಸಿದ ಪಾಕಿಸ್ತಾನಕ್ಕೆ (Pakistan) ಏನಾಗುತ್ತದೆ ಎಂಬ ಕುತೂಹಲವೂ ಅನೇಕರಲ್ಲಿದೆ.


ಪಾಕ್​ಗೆ ಇದೆ ಸೆಮೀಸ್​ ಚಾನ್ಸ್:


ಗುಂಪು 2 ರಲ್ಲಿ, ದಕ್ಷಿಣ ಆಫ್ರಿಕಾ ಪ್ರಸ್ತುತ ಎರಡನೇ ಸ್ಥಾನದಲ್ಲಿದೆ. ಮತ್ತು ದಕ್ಷಿಣ ಆಫ್ರಿಕಾ ತನ್ನ ಮುಂದಿನ ಪಂದ್ಯವನ್ನು ಇಂದು ಪಾಕಿಸ್ತಾನದ ವಿರುದ್ಧ ಆಡಲಿದೆ. ಆದರೆ ಪಾಕಿಸ್ತಾನ ಒಂದೇ ಒಂದು ಪಂದ್ಯವನ್ನು ಗೆದ್ದು ಪ್ರಸ್ತುತ ಐದನೇ ಸ್ಥಾನದಲ್ಲಿದೆ. ಪಾಕಿಸ್ತಾನ ಈಗ ಸೆಮಿಫೈನಲ್‌ನಲ್ಲಿ ಸ್ಥಾನ ಪಡೆಯಬೇಕಾದರೆ, ಬಾಂಗ್ಲಾದೇಶ ಮತ್ತು ಇಂದಿನ ಪಂದ್ಯವನ್ನು ದೊಡ್ಡ ಅಂತರದಿಂದ ಗೆಲ್ಲಬೇಕು. ಆದರೆ ಇದು ಸಾಕಾಗುವುದಿಲ್ಲ. ಏಕೆಂದರೆ ಆ ನಂತರ ಭಾರತ ಮತ್ತು ಜಿಂಬಾಬ್ವೆ ಪಂದ್ಯದ ಫಲಿತಾಂಶದ ಮೇಲೆ ಪಾಕಿಸ್ತಾನದ ಭವಿಷ್ಯವೂ ಅವಲಂಬಿತವಾಗಿರುತ್ತದೆ. ಜಿಂಬಾಬ್ವೆ ಭಾರತಕ್ಕೆ ಆಘಾತ ನೀಡಿದರೆ, ಪಾಕಿಸ್ತಾನ ಮತ್ತು ಭಾರತ ನಡುವಿನ ನೆಟ್ ರನ್ ರೇಟ್ ಸೆಮಿಫೈನಲ್‌ಗೆ ಯಾರು ಹೋಗುತ್ತಾರೆ ಎಂಬುದನ್ನು ನಿರ್ಧರಿಸುತ್ತದೆ.




ಮೆಲ್ಬೋರ್ನ್‌ನಲ್ಲಿ ಮಳೆಯಾದರೆ ಏನು ಕಥೆ?:


ಗ್ರೂಪ್ 2 ರ ಕೊನೆಯ ಗುಂಪು ಭಾರತ ಮತ್ತು ಜಿಂಬಾಬ್ವೆ ನಡುವೆ ಮೆಲ್ಬೋರ್ನ್‌ನಲ್ಲಿ ನಡೆಯಲಿದೆ. ಆ ಪಂದ್ಯ ಮಳೆಯಿಂದ ಸೋತರೆ ಉಭಯ ತಂಡಗಳು 1-1 ಅಂಕ ಪಡೆದು ಭಾರತ ನೇರವಾಗಿ ಸೆಮಿಫೈನಲ್‌ಗೆ ಅರ್ಹತೆ ಪಡೆಯಲಿದೆ. ಆದರೆ ಗುರುವಾರ ದಕ್ಷಿಣ ಆಫ್ರಿಕಾ ವಿರುದ್ಧ ಪಾಕಿಸ್ತಾನ ಸೋತರೆ ಭಾರತದ ಹಾದಿ ಸುಲಭವಾಗಲಿದೆ. ಹೀಗಾಗಿ ಇಂದಿನ ಪಾಕ್​ ಮತ್ತು ಆಫ್ರಿಕಾ ಪಂದ್ಯದ ಮೇಲೆ ಸಾಕಷ್ಟು ನಿರೀಕ್ಷೆ ಇದ್ದು, ಇಂದು ಪಾಖ್ ಸೋತಲ್ಲಿ ಟೂರ್ನಿಯಿಂದ ಹೊರಬೀಳಲಿದೆ.


ಇದನ್ನೂ ಓದಿ: IND vs BAN: ಬಾಂಗ್ಲಾ ವಿರುದ್ಧದ ಗೆಲುವಿನ ನಿಜವಾದ ಹೀರೋ ಈ ಕನ್ನಡಿಗ, ಅಭಿಮಾನಿಗಳ ಹೃದಯ ಗೆದ್ದ ರಘು!


ಗ್ರೂಪ್​ 1ರ ಸೆಮೀಸ್ ತಂಡ ಯಾವುದು?


ಇನ್ನು, ಗ್ರೂಪ್ 1ರ ಪಟ್ಟಿ ನೊಡುವುದಾದರೆ ನ್ಯೂಜಿಲ್ಯಾಂಡ್, ಇಂಗ್ಲೆಂಡ್​ ಮತ್ತು ಆಸ್ಟ್ರೇಲಿಯಾ ತಂಡಗಳು ತಲಾ 4 ಪಂದ್ಯದಲ್ಲಿ 2ರಲ್ಲಿ ಗೆದ್ದು 1 ಪಂದ್ಯ ರದ್ದಾದ ಕಾರಣ 5 ಅಂಕಗಳನ್ನು ಪಡೆದಿದೆ. ಆದರೆ ಕಿವೀಸ್ ಮತ್ತು ಆಂಗ್ಲರು ಕ್ರಮವಾಗಿ ಒಂದು ಮತ್ತು 2ನೇ ಸ್ಥಾನದಲ್ಲಿದ್ದಾರೆ. ಅಲ್ಲದೇ ಈ ಮೂರು ತಂಡಗಳ ಜೊತೆ ಶ್ರೀಲಂಕಾ ಸಹ ಸೆಮೀಸ್​ ರೇಸ್​ನಲ್ಲಿದ್ದು, 4 ಅಂಕಗಳೊಂದಿಗೆ 4ನೇ ಸ್ಥಾನದಲ್ಲಿದೆ. ಜೊತೆಗೆ ಗ್ರೂಪ್ 1ರಲ್ಲಿ ಎಲ್ಲಾ ತಂಡಗಳಿಗೂ ಕೇವಲ 1 ಪಂದ್ಯ ಮಾತ್ರ ಬಾಕಿ ಉಳಿದಿದೆ.

Published by:shrikrishna bhat
First published: