• Home
  • »
  • News
  • »
  • sports
  • »
  • PAK vs NZ: ಅಂಪೈರ್​ಗೆ ಬಾಲ್​ನಿಂದ ಹೊಡೆದ ಪಾಕ್​ ಆಟಗಾರ, ವಿಡಿಯೋ ವೈರಲ್

PAK vs NZ: ಅಂಪೈರ್​ಗೆ ಬಾಲ್​ನಿಂದ ಹೊಡೆದ ಪಾಕ್​ ಆಟಗಾರ, ವಿಡಿಯೋ ವೈರಲ್

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

PAK vs NZ: ಪಾಕಿಸ್ತಾನ ಮತ್ತು ನ್ಯೂಜಿಲೆಂಡ್ ನಡುವಿನ ಮೂರು ಪಂದ್ಯಗಳ ಏಕದಿನ ಸರಣಿಯ ಎರಡನೇ ಪಂದ್ಯ ಕರಾಚಿಯಲ್ಲಿ ನಡೆಯುತ್ತಿದೆ. ಪಂದ್ಯದ ವೇಳೆ ನಡೆದ ಅದೊಂದು ಘಟನೆ ಎಲ್ಲಡೆ ಸಖತ್ ವೈರಲ್ ಆಗಿದೆ.

  • Share this:

ಪಾಕಿಸ್ತಾನ ಮತ್ತು ನ್ಯೂಜಿಲೆಂಡ್ (PAK vs NZ) ನಡುವಿನ ಮೂರು ಪಂದ್ಯಗಳ ಏಕದಿನ ಸರಣಿಯ ಎರಡನೇ ಪಂದ್ಯ ಕರಾಚಿಯಲ್ಲಿ (Karachi) ನಡೆದಿದೆ. ಪಂದ್ಯದ ವೇಳೆ ಸಂಭವಿಸಿ ಅದೊಂದು ಘಟನೆ ಎಲ್ಲರ ಗಮನ ಸೆಳೆದಿದೆ. ನ್ಯೂಜಿಲೆಂಡ್ ಬ್ಯಾಟಿಂಗ್ ವೇಳೆ ಅಂಪೈರ್ ಅಲೀಂ ದಾರ್ (Aleem Dar) ಅವರಿಗೆ ಚೆಂಡು ಬಡಿದಿದ್ದು, ನಂತರ ಅವರು ಕೋಪಗೊಂಡಿದ್ದಾರೆ. ಇಡೀ ಘಟನೆ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ವಿಡಿಯೋ ಕೂಡಲೇ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ. ಅಷ್ಟಕ್ಕೂ ಆ ವೇಳೆ ಏನಾಯಿತು ಎಂಬ ವಿವರ ಇಲ್ಲಿದೆ ನೋಡಿ.


ಅಂಪೈರ್​ ಕಾಲಿಗೆ ತಗುಲಿದ ಬೌಲ್​:


ನ್ಯೂಜಿಲೆಂಡ್‌ ಬ್ಯಾಟಿಂಗ್‌ ಮಾಡುವಾಗ ನಡೆದ ಘಟನೆಯು ಎಲ್ಲರನ್ನು ಅಚ್ಚರಿಗೊಳಿಸಿತು. ಪಾಕಿಸ್ತಾನದ ಬೌಲರ್ ನಸೀಮ್ ಶಾ ಬೌಂಡರಿ ಗೆರೆಯಿಂದ ಬೌಲ್​ನ್ನು ಥ್ರೋ ಮಾಡಿದ್ದಾರೆ. ಅದು ಫೀಲ್ಡ್ ಅಂಪೈರ್ ಅಲೀಂ ದಾರ್ ಅವರ ಕಾಲಿಗೆ ಬಡಿದಿದೆ. ನಂತರ ಅಂಪೈರ್ ತುಂಬಾ ಕೋಪಗೊಂಡಿದ್ದು, ಅಂಪೈರ್​ ಬೌಲಿಂಗ್ ಮಾಡುತ್ತಿದ್ದ ಹ್ಯಾರಿಸ್ ರೌಫ್ ಅವರ ಟಿ-ಶರ್ಟ್ ಅನ್ನು ನೆಲಕ್ಕೆ ಎಸೆದಿದ್ದಾರೆ. ಗಾಯವು ತೀವ್ರವಾಗಿತ್ತು, ಆದ್ದರಿಂದ ನಸೀಮ್ ತಕ್ಷಣ ಅಲ್ಲಿಗೆ ಓಡಿ ಬಂದು ಅವನ ಕಾಲುಗಳನ್ನು ಹಿಡಿದು ಆ ಸ್ಥಳವನ್ನು ಕೈಯಿಂದ ಉಜ್ಜಿದ್ದಾರೆ. ಗಾಯ ಕಡಿಮೆಯಾದ ನಂತರ ಪಂದ್ಯವನ್ನು ಪುನರಾರಂಭಿಸಲಾಯಿತು. ಈ ಘಟನೆಯ ಮಧ್ಯೆ ಪಾಕ್ ನಾಯಕ ಬಾಬರ್ ಅಜಮ್ ಅವರು ನಗುತ್ತಿರುವ ವಿಡಿಯೋ ಇದೀಗ ಎಲ್ಲಡೆ ವೈರಲ್ ಆಗಿದೆ.



ಕಾನ್ವೆ ಭರ್ಜರಿ ಶತಕ:


ಪಾಕಿಸ್ತಾನ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಟಾಸ್ ಗೆದ್ದ ನ್ಯೂಜಿಲೆಂಡ್ ಮೊದಲು ಬ್ಯಾಟಿಂಗ್ ಮಾಡಲು ನಿರ್ಧರಿಸಿತು. ಆರಂಭಿಕ ಆಟಗಾರ ಡೆವೊನ್ ಕಾನ್ವೆ ಅಮೋಘ ಬ್ಯಾಟಿಂಗ್‌ ನೆರವಿನಿಂದ 92 ಎಸೆತಗಳಲ್ಲಿ 101 ರನ್‌ಗಳ ಇನಿಂಗ್ಸ್‌ನೊಂದಿಗೆ ತಂಡಕ್ಕೆ ಉತ್ತಮ ಆರಂಭ ನೀಡಿದರು. ನಾಯಕ ಕೇನ್ ವಿಲಿಯಮ್ಸನ್ 85 ರನ್ ಗಳಿಸಿ ಔಟಾದರು. ನಂತರ 200 ರನ್ ಗಳಿಗೆ 5 ವಿಕೆಟ್ ಕಳೆದುಕೊಂಡಿದ್ದ ತಂಡ 261 ರನ್ ಗಳಿಗೆ ಆಲೌಟ್ ಆಯಿತು. ಇನ್ನು, ಮೊದಲ ಪಂದ್ಯದಲ್ಲಿ ಕಿವೀಸ್​ ವಿರುದ್ಧ ಪಾಕ್​ ಗೆದ್ದು ಸರಣಿಯಲ್ಲಿ 1-0 ಮುನ್ನಡೆ ಸಾಧಿಸಿದೆ.


ಇದನ್ನೂ ಓದಿ: Prithvi Shaw: 49 ಬೌಂಡರಿ, 4 ಸಿಕ್ಸರ್, 400 ಜಸ್ಟ್ ಮಿಸ್! ವಿಶೇಷ ದಾಖಲೆ ಬರೆದ ಟೀಂ ಇಂಡಿಯಾ ಆಟಗಾರ


ಸಪ್ಟೆಂಬರ್​ನಲ್ಲಿ ಏಷ್ಯಾಕಪ್:


ಏಷ್ಯಾಕಪ್ ಕುರಿತು ಮಾತನಾಡುತ್ತಾ, ಪಂದ್ಯಗಳು ಸೆಪ್ಟೆಂಬರ್‌ನಲ್ಲಿ ನಡೆಯಲಿವೆ. ಇದನ್ನು ಪಾಕಿಸ್ತಾನ ಆಯೋಜಿಸಲಿದೆ. ಆದರೆ ಭಾರತವು ಪಾಕಿಸ್ತಾನಕ್ಕೆ ಹೋಗಲು ನಿರಾಕರಿಸಿದೆ. ಅಂತಹ ಪರಿಸ್ಥಿತಿಯಲ್ಲಿ, ಪಂದ್ಯಗಳನ್ನು ತಟಸ್ಥ ಸ್ಥಳದಲ್ಲಿ ನಡೆಸಬಹುದು. ಒಟ್ಟು 6 ತಂಡಗಳು ಟೂರ್ನಿಗೆ ಪ್ರವೇಶಿಸಲಿವೆ. ಭಾರತ ಮತ್ತು ಪಾಕಿಸ್ತಾನ ಹೊರತುಪಡಿಸಿ, ಕ್ವಾಲಿಫೈಯರ್-1 ಅನ್ನು ಗುಂಪಿನಲ್ಲಿ ಇರಿಸಲಾಗಿದೆ. ಎರಡನೇ ಗುಂಪಿನಲ್ಲಿ ಶ್ರೀಲಂಕಾ, ಬಾಂಗ್ಲಾದೇಶ ಮತ್ತು ಅಫ್ಘಾನಿಸ್ತಾನ ಇವೆ. ಇದಾದ ನಂತರ ಸೂಪರ್-4 ಮತ್ತು ನಂತರ ಫೈನಲ್ ನಡೆಯಲಿದೆ. ಅಂದರೆ ಭಾರತ ಮತ್ತು ಪಾಕಿಸ್ತಾನ ನಡುವೆ 3 ಪಂದ್ಯಗಳು ನಡೆಯಬಹುದು.


ಇದಲ್ಲದೇ ಏಕದಿನ ವಿಶ್ವಕಪ್ ಕುರಿತು ಮಾತನಾಡುತ್ತಾ, 10 ತಂಡಗಳನ್ನು ಒಂದೇ ಗುಂಪಿನಲ್ಲಿ ಇರಿಸಲಾಗಿದೆ. ಎಲ್ಲಾ ತಂಡಗಳು 9 ಗುಂಪುಗಳ ವಿರುದ್ಧ ಆಡಲಿವೆ. ಇದಾದ ನಂತರ ನಾಕೌಟ್‌ನಲ್ಲಿ ಭಾರತ ಮತ್ತು ಪಾಕಿಸ್ತಾನ ನಡುವೆ ಪಂದ್ಯ ನಡೆಯಲಿದೆ. ಹೀಗಾಗಿ ಈ ಬಾರಿ ಭಾರತ ಮತ್ತು ಪಾಕಿಸ್ತಾನ ತಂಡಗಳು ಮತ್ತೆ ಮುಖಾಮುಖಿ ಆಗಲಿದ್ದು, ಏಷ್ಯಾಕಪ್​ ಮತ್ತು ಏಕದಿನ ವಿಶ್ವಕಪ್​ನಂತಹ ಮೆಗಾ ಟೂರ್ನಿಯಲ್ಲಿ ಉಭಯ ತಂಡಗಳು ಸೆಣಸಾಡಲಿವೆ.

Published by:shrikrishna bhat
First published: