ಐಪಿಎಲ್ ಆರಂಭಕ್ಕೂ ಮುನ್ನವೇ ಮುಂಬೈಗೆ ಟಾಂಗ್ ನೀಡಿದ ಚೆನ್ನೈ ಸೂಪರ್ ಕಿಂಗ್ಸ್​

ನ್ಯೂಸ್ 18 ಕನ್ನಡ

2019ರ ಐಪಿಎಲ್​ ಟೂರ್ನಿ ಆರಂಭಕ್ಕೆ ಇನ್ನೇನು ಕೆಲವೆ ತಿಂಗಳುಗಳು ಬಾಕಿ ಉಳಿದಿವೆಯಷ್ಟೆ. ಫ್ರಾಂಚೈಸಿಗಳು ಈಗಾಗಲೇ ಆಟಗಾರರ ಆಯ್ಕೆಯಲ್ಲಿ ತೊಡಗಿದ್ದು, ಸಾಮಾಜಿಕ ಜಾಲತಾಣಗಳಲ್ಲು ಸಕ್ರಿಯರಾಗಿದ್ದಾರೆ. ಈ ಮಧ್ಯೆ ಮುಂಬೈ ಇಂಡಿಯನ್ಸ್​ ತಂಡದ ಅಧಿಕೃತ ಟ್ವಿಟರ್ ಖಾತೆಯಿಂದ ಕೇಳಿದ ಪ್ರಶ್ನೆಯೊಂದಕ್ಕೆ ಚೆನ್ನೈ ಸೂಪರ್ ಕಿಂಗ್ಸ್​ ತಂಡದ ಟ್ವಿಟರ್ ಖಾತೆ ನೀಡಿರುವ ಉತ್ತರ ಸಖತ್ ವೈರಲ್ ಆಗುತ್ತಿದೆ.

ಮುಂಬೈ ಇಂಡಿಯನ್ಸ್ ತಂಡವು ಹಾರ್ದಿಕ್ ಪಾಂಡ್ಯ ಅವರು ಟ್ವಿಟರ್​ನಲ್ಲಿ ಹಂಚಿಕೊಂಡಿರುವ ಫೋಟೋಕ್ಕೆ​ ‘ಇವರಿಗಿಂತ ಉತ್ತಮ ಆಲ್ರೌಂಡರ್ ಆಟಗಾರರು ಯಾರಿದ್ದಾರೆ..? ಮರು ಉತ್ತರಕ್ಕಾಗಿ ಕಾಯುತ್ತಿದ್ದೇವೆ’ ಎಂದು ಬರೆದು ಟ್ವೀಟ್ ಮಾಡಿದೆ. ಈ ಫೋಟೋದಲ್ಲಿ ಮುಂಬೈ ಇಂಡಿಯನ್ಸ್​ ತಂಡದ ಆಲ್ರೌಂಡರ್ ಆಟಗಾರರಾದ ಹಾರ್ದಿಕ್ ಪಾಂಡ್ಯ, ಕ್ರುನಾಲ್ ಪಾಂಡ್ಯ ಹಾಗೂ ವೆಸ್ಟ್​ ಇಂಡೀಸ್ ತಂಡದ ಕೀರೊನ್ ಪೊಲ್ಲಾರ್ಡ್​​ ಇದ್ದಾರೆ.

ಇದನ್ನೂ ಓದಿ: ರೊನಾಲ್ಡೊ ಮನೆಯ ಕೆಲಸಗಾರ ಆಗಬೇಕಾ..? ಹಾಗಾದ್ರೆ ಮೊದಲು ನೀವು ಇದಕ್ಕೆ ಒಪ್ಪಬೇಕು

 

Find a better allrounder trio. We will wait ⏳😏 #CricketMeriJaan @hardikpandya7 @KieronPollard55 @krunalpandya24 https://t.co/wBnnKrVdF9

— Mumbai Indians (@mipaltan) November 13, 2018

ಮುಂಬೈ ಇಂಡಿಯನ್ಸ್​ ಕೇಳಿದ ಪ್ರಶ್ನೆಗೆ ಸನ್​ರೈಸರ್ಸ್​ ಹೈದರಾಬಾದ್ ತಂಡ 'ಕಾಯುವ ಅಗತ್ಯವಿಲ್ಲ, ಅದು ಇವರೇ' ಎಂದು ತಮ್ಮ ತಂಡದ ಮೊಹಮ್ಮದ್ ನಬಿ, ರಶೀದ್ ಖಾನ್ ಹಾಗೂ ಶಕೀಬ್ ಅಲ್ ಹಸನ್ ಅವರ ಫೋಟೋ ಶೇರ್ ಮಾಡಿದೆ. ಇದಕ್ಕೆ ಮುಂಬೈ ಮತ್ತೆ ತಾನು ಗೆದ್ದಿರುವ ಮೂರು ಐಪಿಎಲ್ ಟ್ರೋಫಿಯ ಫೋಟೋ ಹಂಚಿಕೊಂಡು ಮತ್ತೊಮ್ಮೆ ಪ್ರಶಸ್ತಿ ಮುಡಿಗೇರಿಸಿಕೊಳ್ಳಲಿದ್ದೇವೆ ಎಂದು ಪರೋಕ್ಷವಾಗಿ ಸೂಚಿಸಿದ್ದಾರೆ.

 

The wait is over! 😉 pic.twitter.com/MM5nzuuJDt

— SunRisers Hyderabad (@SunRisers) November 13, 2018

 

The wait goes on...🏆🏆🏆 pic.twitter.com/uDeM0WImIt

— Mumbai Indians (@mipaltan) November 13, 2018

ಆದರೆ, ಚೆನ್ನೈ ಸೂಪರ್ ಕಿಂಗ್ಸ್​ ತಂಡದ ಟ್ವಿಟರ್ ಖಾತೆ ಇದಕ್ಕೆಲ್ಲಾ ವಿಭಿನ್ನವಾಗಿ ಟಾಂಗ್ ಕೊಟ್ಟು ಉತ್ತರ ನೀಡಿದೆ. ‘ಮೂನ್​​ಡ್ರು ಮುಗಮ್​​‘(ಮೂರು ಅವತಾರ) ಎಂದು ಅಡಿಬರಹ ನೀಡಿ ಸಿಎಸ್​​​​ಕೆ ತನ್ನ ತಂಡದ ನಾಯಕ ಎಂ. ಎಸ್ ಧೋನಿ ಅವರ ಮೂರು ಫೋಟೋವನ್ನು ಹಂಚಿಕೊಂಡಿದೆ. ಈ  ಮೂಲಕ ಐಪಿಎಲ್ ಆರಂಭಕ್ಕೂ ಮುನ್ನವೆ ಅಭಿಮಾನಿಗಳಿಂದ ತಮ್ಮ ನೆಚ್ಚಿನ ತಂಡದ ಮೇಲಿನ ಕ್ರೇಜ್ ಜೋರಾಗ ತೊಡಗಿವೆ.

 

Moondru Mugam 🦁🦁🦁#Thala #WhistlePodu 💛 pic.twitter.com/0thaMqeIE1

— Chennai Super Kings (@ChennaiIPL) November 13, 2018