• Home
  • »
  • News
  • »
  • sports
  • »
  • Lionel Messi: ಮೆಸ್ಸಿ ಜನಿಸಿದ್ದು ಅಸ್ಸಾಂನಲ್ಲಿ! ಹೊಸ ಚರ್ಚೆ ಹುಟ್ಟುಹಾಕಿದ ಕಾಂಗ್ರೆಸ್​ ಸಂಸದನ ಟ್ವೀಟ್​

Lionel Messi: ಮೆಸ್ಸಿ ಜನಿಸಿದ್ದು ಅಸ್ಸಾಂನಲ್ಲಿ! ಹೊಸ ಚರ್ಚೆ ಹುಟ್ಟುಹಾಕಿದ ಕಾಂಗ್ರೆಸ್​ ಸಂಸದನ ಟ್ವೀಟ್​

ಅಸ್ಸಾಂ ಸಂಸದ ಅಬ್ದುಲ್ ಖಲೀಕ್ ಟ್ವೀಟ್​

ಅಸ್ಸಾಂ ಸಂಸದ ಅಬ್ದುಲ್ ಖಲೀಕ್ ಟ್ವೀಟ್​

ಅರ್ಜೆಂಟೀನಾದ ಗೆಲುವಿಗೆ ಕಾರಣರಾದ ಲಿಯೊನೆಲ್ ಮೆಸ್ಸಿಯವರಿಗೆ ಹೃದಯಾಂತರಾಳದ ಧನ್ಯವಾದಗಳು, ನಿಮ್ಮ ಅಸ್ಸಾಂ ಸಂಪರ್ಕದ ಬಗ್ಗೆ ನಾವು ಹೆಮ್ಮೆ ಪಡುತ್ತೇವೆ ಎಂದು ಟ್ವೀಟ್​ ಮಾಡಿದ್ದರು. ನಂತರದಲ್ಲಿ ಇದು ಬಹಳಷ್ಟು ಚರ್ಚೆಗೆ ಕಾರಣವಾಯಿತು.

  • News18 Kannada
  • 5-MIN READ
  • Last Updated :
  • New Delhi, India
  • Share this:

    ಇತ್ತೀಚೆಗೆ ಕತಾರ್​ನಲ್ಲಿ ನಡೆದಂತಹ ಫಿಫಾ ವಿಶ್ವಕಪ್ 2022 (FIFA World Cup 2022) ವೀಕ್ಷಕರ ಮೆಚ್ಚುಗೆ ಪಾತ್ರವಾಯಿತು. ಅದ್ರಲ್ಲೂ ಫಿಫಾ ವಿಶ್ವಕಪ್​ನ ಫೈನಲ್​ ಪಂದ್ಯಾಟವನ್ನು ಜಗತ್ತಿನೆಲ್ಲೆಡೆ ಕಾತುರದಿಂದ ಕಾಯ್ತಾ ಇದ್ರು ಅಂತಾನೇ ಹೇಳ್ಬಹುದು. ಈ ಬಾರಿ ಕತಾರ್​ ಫಿಫಾ ಫುಟ್​ಬಾಲ್​ ವಿಶ್ವಕಪ್ 2022 ಹಲವಾರು ದಾಖಲೆಯನ್ನು ಮಾಡಿ ಫುಟ್​ಬಾಲ್ (Football)​ ಯುಗದಲ್ಲಿ ಒಂದು ಇತಿಹಾಸವನ್ನೇ ಸೃಷ್ಟಿ ಮಾಡಿತ್ತು. ಫೈನಲ್​ ಪಂದ್ಯಾಟ ಫ್ರಾನ್ಸ್ (France)​ ಮತ್ತು ಅರ್ಜೆಂಟೀನಾ (Argentina) ತಂಡಗಳ ನಡುವೆ ನಡೆಯಿತು. ಇದೀಗ ಅರ್ಜೆಂಟೀನಾ ತಂಡದ ಪ್ರಮುಖ ಆಟಗಾರ ಲಿಯೋನೆಲ್ ಮೆಸ್ಸಿ ಅವರಿಗೆ ಅಸ್ಸಾಂ (Assam) ಸಂಸದ ಟ್ವಿಟರ್​ನಲ್ಲಿ (Twitter) ಅಭಿನಂದನೆ ಸಲ್ಲಿಸಿದರು. ಆದರೆ ಇದರಲ್ಲಿ ಟ್ವೀಟ್​ ಮಾಡಿ ಅಸ್ಸಾಂ ಸಂಸದ ಅಬ್ದುಲ್​ ಖಲೀಕ್​ ಬಹಳಷ್ಟು ಚರ್ಚೆಗೆ ಒಳಗಾದರು.


    ಹೌದು, ಅರ್ಜೆಂಟೀನಾದ ಗೆಲುವಿಗೆ ಕಾರಣರಾದ ಲಿಯೊನೆಲ್ ಮೆಸ್ಸಿಯವರಿಗೆ ಹೃದಯಾಂತರಾಳದ ಧನ್ಯವಾದಗಳು, ನಿಮ್ಮ ಅಸ್ಸಾಂ ಸಂಪರ್ಕದ ಬಗ್ಗೆ ನಾವು ಹೆಮ್ಮೆ ಪಡುತ್ತೇವೆ ಎಂದು ಟ್ವೀಟ್​ ಮಾಡಿದ್ದರು. ನಂತರದಲ್ಲಿ ಇದು ಬಹಳಷ್ಟು ಚರ್ಚೆಗೆ ಕಾರಣವಾಯಿತು.


    ಅಸ್ಸಾಂ ಸಂಸದರ ಟ್ವೀಟ್​


    ಅಬ್ದುಲ್ ಖಲೀಕ್ ಅಸ್ಸಾಂನ ಬರ್ಪೇಟಾ ಲೋಕಸಭಾ ಕ್ಷೇತ್ರದ ಸಂಸದರಾಗಿದ್ದಾರೆ. ಕತಾರ್​​​ ನಲ್ಲಿ ನಡೆದ ವಿಶ್ವಕಪ್ ಫುಟ್​ಬಾಲ್​ ಪಂದ್ಯದಲ್ಲಿ ಅರ್ಜೆಂಟೀನಾ ಗೆಲುವಿಗೆ ಅಭಿನಂದಿಸಿದ ಅಬ್ದುಲ್, ಹೃದಯಂತರಾಳದ ಅಭಿನಂದನೆಗಳು. ನಿಮ್ಮ ಅಸ್ಸಾಂ ಸಂಬಂಧದ ಬಗ್ಗೆ ನಾವು ಹೆಮ್ಮೆ ಪಡುತ್ತೇವೆ ಎಂದು ಮೆಸ್ಸಿಯ ಫೋಟೋ ಜೊತೆಗೆ ಟ್ವೀಟ್ ಮಾಡಿದ್ದರು.


    ಇದನ್ನೂ ಓದಿ: ಚರ್ಚೆಗೆ ಕಾರಣವಾಯ್ತು ಮೆಸ್ಸಿ ಧರಿಸಿದ್ದ ಡ್ರೆಸ್​​, ಏನಿದು ಕತಾರ್​ ಬಿಷ್ಟ್​?


    ವ್ಯಕ್ತಿಯೊಬ್ಬರ ಸಂಸದರ ಟ್ವೀಟ್​ಗೆ ಪ್ರತಿಕ್ರಿಯೆ


    ಈ ಟ್ವೀಟ್​ ಗಮನಿಸಿದ ಆದಿತ್ಯ ಶರ್ಮಾ ಎಂಬವರು ಅಬ್ದುಲ್ ಖಲೀಕ್ ಅವರ ಟ್ವೀಟ್​ಗೆ ಅಸ್ಸಾಂ ಜೊತೆ ಸಂಪರ್ಕನಾ? ಎಂದು ಪ್ರತಿಕ್ರಿಯಿಸಿದ್ದಾರೆ.  ಅದಕ್ಕೆ ಸಂಸದರು ಹೌದು, ಅವರು ಅಸ್ಸಾಂ ನಲ್ಲೇ ಹುಟ್ಟಿದ್ದು ಎಂದು ಪ್ರತಿಕ್ರಿಯೆ ನೀಡಿದ್ದಾರೆ.


    ಇನ್ನು ಹಲವಾರು ಟ್ವೀಟ್​


    ಈ ಟ್ವೀಟ್​ ಗಮನಿಸಿ ಇನ್ನೊಬ್ಬರು ಸಂಸದರ ಕಾಲೆಳೆದು, ಹೌದು ಸರ್, ಅವರು ನನ್ನ ಸಹಪಾಠಿ ಎಂದೂ ಮರು ಉತ್ತರ ನೀಡಿದ್ದಾರೆ. ಹೀಗೆ ಹಲವಾರು ಟ್ವೀಟ್​ಗಳು ಸಂಸದರು ಮೆಸ್ಸಿ ಕುರಿತು ಬರೆದಿದ್ದ ಟ್ವೀಟ್​ಗೆ ಪ್ರತಿಕ್ರಿಯೆ ನೀಡಿದ್ದಾರೆ. ಇದಾದ ಬಳಿಕ ತನ್ನ ಗೊಂದಲವನ್ನು ಅರಿತು ಕೆಲವೇ ಹೊತ್ತಿನಲ್ಲಿ ಅಬ್ದುಲ್ ಖಲೀಕ್ ಅವರು ತಮ್ಮ ಟ್ವೀಟ್ ಅನ್ನು ಡಿಲೀಟ್ ಮಾಡಿದ್ದಾರೆ.


    ಇದು ಟ್ವಿಟರ್​ನಲ್ಲಿ ಅಸ್ಸಾಂ ಸಂಸದ ಅಬ್ದುಲ್ ಖಲೀಕ್ ಅವರು ಹಾಕಿದಂತಹ ಟ್ವೀಟ್​ಗೆ ಬಂದಂತಹ ಪ್ರತಿಕ್ರಿಯೆ ಆಗಿದೆ. ಆದರೆ ಕೆಲವರು ಈ ಟ್ವೀಟನ್ನು ನೋಡಿ ಫ್ಯಾಕ್ಟ್​​ಚೆಕ್ ಮಾಡಿ ಲಿಯೊನೆಲ್ ಮೆಸ್ಸಿ ಹುಟ್ಟಿದ್ದು ಅರ್ಜೆಂಟೀನಾದಲ್ಲಿ ಎಂದು ಹೇಳಿದ್ದಾರೆ.


    ಮೆಸ್ಸಿ ಪರವಾಗಿ ಉಚಿತ ಚಹಾ


    ಹೌದು, ಇತ್ತ ಭಾರತದಲ್ಲಿಯೂ ಫುಟ್​ಬಾಲ್​ ಫೀವರ್​ ಹೆಚ್ಚಿತ್ತು ಎಂದರೆ ತಪ್ಪಾಗಲಾರದು. ಅದರಲ್ಲಿಯೂ ಕೇರಳ ಮತ್ತು ಪಶ್ಚಿಮ ಬಂಗಾಳದಲ್ಲಿ ಫಿಫಾ ವಿಶ್ವಕಪ್​ ನೋಡುಗರ ಸಂಖ್ಯೆ ಹೆಚ್ಚಿತ್ತು. ಕೇರಳದಲ್ಲಿ ರೋನಾಲ್ಡೋ ಮತ್ತು ಮೆಸ್ಸಿಯ ಆಳೆತ್ತರದ ಕಟೌಟ್​ಗಳನ್ನು ನಿರ್ಮಿಸಿದರೆ, ಪಶ್ಚಿಮ ಬಂಗಾಳದ ಮಹಿಳೆಯೊಬ್ಬರು ತಮ್ಮ ಮೆಸ್ಸಿಯ ಮೇಲಿನ ಮತ್ತು ಫುಟ್​ಬಾಲ್​ ಪ್ರೀತಿಗೆ ಬೇರೆಯದೇ ರೀತಿಯಲ್ಲಿ ಸುದ್ದಿಯಾಗಿದ್ದಾರೆ.


    ಟೀ ಸ್ಟಾಲ್ ಹೊಂದಿರುವ ಪಶ್ಚಿಮ ಬಂಗಾಳದ ಮಹಿಳೆಯೊಬ್ಬರು ಈಗ ಇಂಟರ್ನೆಟ್ ಸೆಲೆಬ್ರಿಟಿಯಾಗಿದ್ದಾರೆ. ಅವರು ಮೆಸ್ಸಿ ನಾಯಕತ್ವದ ಅರ್ಜೆಂಟಿನಾ ತಂಡ ಫೈನಲ್​ನಲ್ಲಿ ಗೆದ್ದ ಕಶರಣ ಉಚಿತವಾಗಿ ಟೀ ನೀಡುತ್ತಿದ್ದಾರೆ. ಇದರ ಫೋಟೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ.

    Published by:Prajwal B
    First published: