(VIDEO): ಐತಿಹಾಸಿಕ ಗೆಲುವಿನ ಖುಷಿಗೆ 'ನಾಗಿನ್ ಡ್ಯಾನ್ಸ್​' ಕಿಕ್: ಕೊಹ್ಲಿ-ಪಾಂಡ್ಯ ಸಖತ್ ಸ್ಟೆಪ್ಸ್

ಸಿಡ್ನಿ: ಆಸ್ಟ್ರೇಲಿಯಾ ನೆಲದಲ್ಲಿ ಐತಿಹಾಸಿಕ ಟೆಸ್ಟ್​ ಸರಣಿ ಗೆದ್ದ ಬಳಿಕ ಟೀಂ ಇಂಡಿಯಾ ಆಟಗಾರರ ಸಂತಸ ಮುಗಿಲು ಮುಟ್ಟಿದೆ. ಇದೇ ಮೊದಲ ಬಾರಿ ಕಾಂಗರೂಗಳ ನಾಡಿನಲ್ಲಿ ಭಾರತ ಟೆಸ್ಟ್​​ ಸರಣಿ ಗೆದ್ದು ಬೀಗಿದರೆ, ಇದು ನನ್ನ ನಾಯಕತ್ವದಲ್ಲಿ ಎಂಬುದು ವಿರಾಟ್ ಕೊಹ್ಲಿಗೆ ಡಬಲ್ ಖುಷಿ ನೀಡಿದೆ.

ಅಂತೆಯೆ ಭಾರತೀಯ ಆಟಗಾರರು ಪಂದ್ಯ ಮುಗಿದ ಬಳಿಕ ಹೋಟೆಲ್​​ಗೆ ತೆರಳಿದ್ದು, ಭಾರತ್ ಆರ್ಮಿ ಅಭಿಮಾನಿಗಳು ಟೀಂ ಇಂಡಿಯಾಕ್ಕೆ ಭರ್ಜರಿ ಸ್ವಾಗತ ಕೋರಿದ್ದಾರೆ. ಆಟಗಾರರು ಹೋಟೆಲ್ ಒಳಗೆ ಕಾಲಿಡುತ್ತಿದ್ದಂತೆ ಫೇಮಸ್ ಹಿಂದಿ ಚಿತ್ರಗೀತೆಗಳನ್ನು ಪ್ಲೇ ಮಾಡಿ ಡ್ರಂ ಬಾರಿಸಿ ಅದ್ಧೂರಿಯಾಗಿ ವೆಲ್​ಕಮ್​ ಮಾಡಿದ್ದಾರೆ.

ಈ ಸಂದರ್ಭ ಸಂತೋಷ ತಾಳಲಾರದೆ ಭಾರತೀಯ ಆಟಗಾರರು ಸಖತ್ ಸ್ಟೆಪ್ಸ್ ಹಾಕಿದರು. ಅದರಲ್ಲು ಹಾರ್ದಿಕ್ ಪಾಂಡ್ಯ ಅವರ ಟಪ್ಪಾಂಗುಚ್ಚಿ ಹಾಗೂ ವಿರಾಟ್ ಕೊಹ್ಲಿ ಅವರ ನಾಗಿನ್ ಡ್ಯಾನ್ಸ್​ ಎಲ್ಲರ ಗಮನ ಸೆಳೆಯಿತು. ಇವರ ಜೊತೆ ಮಯಾಂಕ್ ಅಗರ್ವಾಲ್, ಇಶಾಂತ್ ಶರ್ಮಾ ಕೂಡ ಹೆಜ್ಜೆ ಹಾಕಿ ಕುಣಿದು ಕುಪ್ಪಳಿಸಿದರು. ಈ ವಿಡಿಯೋ ಸಾಮಾಜಿಕ ತಾಣಗಳಲ್ಲಿ ವೈರಲ್ ಆಗುತ್ತಿದೆ.

ಇದನ್ನೂ ಓದಿ: 'ವಿಶ್ವಕಪ್' ವಿಚಾರವಾಗಿ ಅಭಿಮಾನಿಗಳಿಗೆ ಸಿಹಿ ಸುದ್ದಿ ನೀಡಿದ ಯುವರಾಜ್ ಸಿಂಗ್

 

Series victory, Indian team dancing to "mere desh ki darti", nagin 🐍 dance, making Pujara dance ✅💉

(📹 via Whatsapp) pic.twitter.com/PO3f4SrgJD

— Vinay (@SemperFiUtd) January 7, 2019

ನಾಲ್ಕು ಪಂದ್ಯಗಳ ಟೆಸ್ಟ್​ ಸರಣಿ ಪೈಕಿ ಅಡಿಲೇಡ್​ನಲ್ಲಿ ನಡೆದ ಮೊದಲ ಪಂದ್ಯದಲ್ಲಿ ಭಾರತ 31 ರನ್​ಗಳ ಗೆಲುವು ದಾಖಲಿಸಿದರೆ, ಪರ್ಥ್​​ನಲ್ಲಿ ನಡೆದ ಎರಡನೇ ಟೆಸ್ಟ್​​​​ 146 ರನ್​ಗಳಿಂದ ಆಸೀಸ್ ಪಾಲಾಯಿತು. ಅಂತೆಯ ಮೆಲ್ಬೋರ್ನ್​​ನಲ್ಲಿ ನಡೆದ ಮೂರನೇ ಟೆಸ್ಟ್​ ಪಂದ್ಯದಲ್ಲಿ ಭಾರತ ಭರ್ಜರಿ 137 ರನ್​​ಗಳ ಜಯ ಸಾಧಿಸಿತು. ಅಂತಿಮ ನಾಲ್ಕನೇ ಟೆಸ್ಟ್​ ಪಂದ್ಯ ಮಳೆಯಿಂದ ಡ್ರಾನಲ್ಲಿ ಅಂತ್ಯಕಂಡ ಪರಿಣಾಮ, ಭಾರತ ಬಾರ್ಡರ್-ಗವಾಸ್ಕರ್ ಟ್ರೋಫಿಯ ಸರಣಿಯಲ್ಲಿ 2-1 ಅಂತರದದಲ್ಲಿ ಟೆಸ್ಟ್​ ಸರಣಿ ವಶ ಪಡಿಸಿಕೊಂಡು, ಐತಿಹಾಸಿಕ ಗೆಲುವು ಕಂಡಿದೆ.