KL Rahul Athiya Shetty Wedding: ಮಗಳ ಮದುವೆಗೆ ಸಜ್ಜಾಗ್ತಿದೆ ಸುನೀಲ್ ಶೆಟ್ಟಿ 'ಅರಮನೆ', ನಾಳೆ ಮೀಡಿಯಾ ಮುಂದೆ ಬರ್ತಾರಂತೆ ರಾಹುಲ್-ಅಥಿಯಾ

ಭಾರತ ಕ್ರಿಕೆಟ್ ತಂಡದ ಸ್ಟಾರ್ ಬ್ಯಾಟ್ಸ್‌ಮನ್ ಕೆಎಲ್ ರಾಹುಲ್ ಮತ್ತು ಸುನೀಲ್ ಶೆಟ್ಟಿ ಅವರ ಪುತ್ರಿ ಅಥಿಯಾ ಶೆಟ್ಟಿ ನಾಳೆ ವಿವಾಹವಾಗಲಿದ್ದಾರೆ. ಈ ಮದುವೆಗೆ ಈಗಾಗಲೇ ಭರ್ಜರಿ ಸಿದ್ಧತೆಗಳು ನಡೆಯುತ್ತಿವೆ. ಖಂಡಾಲದಲ್ಲಿರುವ ಸುನೀಲ್ ಶೆಟ್ಟಿ ಅವರ ಫಾರ್ಮ್‌ಹೌಸ್‌ನಲ್ಲಿ ಸಂಪೂರ್ಣ ವಿವಾಹ ಕಾರ್ಯಕ್ರಮ ನಡೆಯಲಿದೆ. ಅದರ ತಯಾರಿಗಳು ಭರದಿಂದ ನಡೆಯುತ್ತಿದೆ. ಜನವರಿ 23 ರಂದು ಮದುವೆಗೆ ಮೊದಲು ಮೆಹೆಂದಿ, ಹಳದಿ ಶಾಸ್ತ್ರ ಮತ್ತು ಸಂಗೀತ ಸಮಾರಂಭವೂ ನಡೆಯಲಿದೆ. ಇದಕ್ಕಾಗಿ ಇಡೀ ತೋಟದ ಮನೆಯನ್ನು ಅಲಂಕರಿಸಲಾಗಿದೆ. ಇದೇ ವೇಳೆ ಕೆ.ಎಲ್ ರಾಹುಲ್ ಮತ್ತು ಅಥಿಯಾ ಅವರ ಮದುವೆ ಮಂಟಪವನ್ನೂ ಅದ್ಧೂರಿಯಾಗಿ ಅಲಂಕರಿಸಲಾಗಿದೆ. ಇದರ ವಿಡಿಯೋ ಹೊರಬಿದ್ದಿದ್ದು, ಮದುವೆಯ ಥೀಮ್ ಗೋಲ್ಡನ್ ಲುಕ್​ನಲ್ಲಿ ಇರಲಿದೆ.

ನಾಳೆ ಮಾಧ್ಯಮದ ಮುಂದೆ ಸ್ಟಾರ್ ಜೋಡಿ:

ಏತನ್ಮಧ್ಯೆ, ಅಥಿಯಾ ಅವರ ತಂದೆ ಸುನೀಲ್ ಶೆಟ್ಟಿ ಮಾಧ್ಯಮದವರ ಮುಂದೆ ಮಾತನಾಡಿದ್ದು, ಅದರಲ್ಲಿ ಅವರು ನಾಳೆ ಮಕ್ಕಳನ್ನು (ಕೆಎಲ್ ರಾಹುಲ್-ಅಥಿಯಾ) ನಿಮ್ಮ ಮುಂದೆ ಕರೆತರುತ್ತೇನೆ ಎಂದು ಪಾಪರಾಜಿಗಳಿಗೆ ಹೇಳುತ್ತಿರುವುದು ಕಂಡುಬಂದಿದೆ. ಇಲ್ಲಿಯವರೆಗೆ ನೀವು ತೋರಿದ ಪ್ರೀತಿಗೆ ಧನ್ಯವಾದಗಳು. ಇನ್ನು ಮದುವೆ ವಿಚಾರಕ್ಕೆ ಬಂದರೆ ಉಭಯ ಕುಟುಂಬಗಳ ಆಪ್ತ ಸ್ನೇಹಿತರು ಹಾಗೂ ಸಂಬಂಧಿಕರು ಮಾತ್ರ ಇದರಲ್ಲಿ ಭಾಗಿಯಾಗಲಿದ್ದಾರೆ.

View this post on Instagram

A post shared by Suniel Shetty (@suniel.shetty)

ಕೆಎಲ್ ಅವರ ಉಡುಪನ್ನು ಡಿಸೈನರ್ ರಾಹುಲ್ ವಿಜಯ್ ವಿನ್ಯಾಸಗೊಳಿಸಿದ್ದರೆ, ಅಥಿಯಾಳ ಬಟ್ಟೆಯನ್ನು ಆಮಿ ಪಟೇಲ್ ವಿನ್ಯಾಸಗೊಳಿಸಿದ್ದಾರೆ ಎನ್ನಲಾಗಿದೆ. ಮದುವೆಯ ದಿನದಂದು ರಾಯಲ್ ಲುಕ್ ಶೇರ್ವಾನಿಯಲ್ಲಿ ರಾಹುಲ್ ಕಾಣಿಸಿಕೊಳ್ಳಬಹುದು. ರಾಹುಲ್ ವಿಜಯ್ ಭಾರತ ಮತ್ತು ವಿದೇಶಗಳಲ್ಲಿ ಉನ್ನತ ಫ್ಯಾಷನ್ ಬ್ರಾಂಡ್‌ಗಳೊಂದಿಗೆ ಕೆಲಸ ಮಾಡಿದ ಅನುಭವವನ್ನು ಹೊಂದಿದ್ದಾರೆ.

ಇದನ್ನೂ ಓದಿ: KL Rahul Athiya Shetty Wedding: ನಾಳೆಯೇ ರಾಹುಲ್-ಅಥಿಯಾ ಕಲ್ಯಾಣ, ಈ ಮೊದಲು ಯಾರ್ಯಾರ ಜೊತೆ ಡೇಟಿಂಗ್ ಮಾಡಿದ್ದರು ಸುನೀಲ್ ಶೆಟ್ಟಿ ಅಳಿಯ?

ಮದುವೆಗೆ ಸ್ಟಾರ್​ಗಳ ಆಗಮನ:

ಬಾಲಿವುಡ್ ಅಥವಾ ಕ್ರಿಕೆಟ್ ಜಗತ್ತಿನಲ್ಲಿನ ಅಥಿಯಾ ಮತ್ತು ಕೆಎಲ್ ರಾಹುಲ್ ಅವರ ನಿಕಟ ಸ್ನೇಹಿತರು ಮಾತ್ರ ಈ ಮದುವೆಯಲ್ಲಿ ಭಾಗವಾಗಲಿದ್ದಾರೆ. ಮಾಧ್ಯಮ ವರದಿಗಳ ಪ್ರಕಾರ, ಮದುವೆಗೆ ಸುಮಾರು 100 ಅತಿಥಿಗಳು ಮಾತ್ರ ಭಾಗವಹಿಸುತ್ತಾರೆ. ಮದುವೆಗೆ ಖಂಡಾಲಾಕ್ಕೆ ಬರುವ ಅತಿಥಿಗಳು. ಅವರು ರಾಡಿಸನ್ ಹೋಟೆಲ್‌ನಲ್ಲಿ ತಂಗಲಿದ್ದಾರೆ. ಮದುವೆಯ ನಂತರ ರಾಹುಲ್ ಮತ್ತು ಅಥಿಯಾ ಮುಂಬೈನಲ್ಲಿ ಅದ್ಧೂರಿ ಆರತಕ್ಷತೆಯನ್ನು ನೀಡಲಿದ್ದಾರೆ. ಇದು ಐಪಿಎಲ್ ನಂತರ ಮೇ ತಿಂಗಳಲ್ಲಿ ಆಗಬಹುದು. ಕ್ರಿಕೆಟ್ ಮತ್ತು ಬಾಲಿವುಡ್ ನ ದೊಡ್ಡ ತಾರೆಯರು ಇದರಲ್ಲಿ ಭಾಗಿಯಾಗಲಿದ್ದಾರೆ.

ಸ್ಟಾರ್ ಜೋಡಿಗಳ ಮದುವೆಯಲ್ಲಿ ಅನೇಕ ದಿಗ್ಗಜ ಕ್ರಿಕೆಟಿಗರು ಹಾಜರಾಗಲಿದ್ದಾರಂತೆ. ಈ ವಿಶೇಷ ಪಟ್ಟಿಯಲ್ಲಿ ಭಾರತದ ಹಾಲಿ ನಾಯಕ ರೋಹಿತ್ ಶರ್ಮಾ, ಅನುಭವಿ ಬ್ಯಾಟ್ಸ್‌ಮನ್ ವಿರಾಟ್ ಕೊಹ್ಲಿ ಮತ್ತು ಮಾಜಿ ನಾಯಕ ಎಂಎಸ್ ಧೋನಿ ಅವರ ಹೆಸರೂ ಸೇರಿದೆ. ಈ ಮೂವರು ಕ್ರಿಕೆಟಿಗರು ತಮ್ಮ ಇಡೀ ಕುಟುಂಬದೊಂದಿಗೆ ರಾಹುಲ್ ಮದುವೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ ಎಂದು ಹೇಳಲಾಗುತ್ತಿದೆ.

ರಾಹುಲ್-ಅಥಿಯಾ ನಿವಾಸ:

ಮಾಧ್ಯಮ ವರದಿಗಳ ಪ್ರಕಾರ, ಮದುವೆಗೆ ಮುಂಚೆಯೇ ಈ ತಾರಾ ಜೋಡಿ ಮುಂಬೈನಲ್ಲಿ ಅಪಾರ್ಟ್ಮೆಂಟ್ ಅನ್ನು ಬಾಡಿಗೆಗೆ ತೆಗೆದುಕೊಂಡಿದೆ. ಈ 4BHK ಅಪಾರ್ಟ್‌ಮೆಂಟ್ ಬಾಂದ್ರಾದ ಕಾರ್ಟರ್ ರಸ್ತೆಯಲ್ಲಿ ಸಮುದ್ರ ತೀರದಲ್ಲಿದೆ ಎಂದು ಹೇಳಲಾಗುತ್ತಿದೆ. ಈ ಅಪಾರ್ಟ್‌ಮೆಂಟ್‌ಗಾಗಿ ಸ್ಟಾರ್ ಜೋಡಿಗಳು ಪ್ರತಿ ತಿಂಗಳು ಸುಮಾರು 10 ಲಕ್ಷ ರೂಪಾಯಿಗಳನ್ನು ಪಾವತಿಸಬೇಕಾಗುತ್ತದೆ ಎಂದು ವರದಿಯಾಗಿದೆ.