Kane Williamson: ಐಪಿಎಲ್​ನಿಂದ ವಿಶ್ವ ಚಾಂಪಿಯನ್ ನಾಯಕನ ವೃತ್ತಿಜೀವನವನ್ನು ಕೊನೆಗೊಳುತ್ತಾ? ಹೊರಬಿತ್ತು ಶಾಕಿಂಗ್​ ಮಾಹಿತಿ

ಐಪಿಎಲ್‌ನಲ್ಲಿ ಫೀಲ್ಡಿಂಗ್ ಮಾಡುವಾಗ ಕೇನ್ ವಿಲಿಯಮ್ಸನ್ ಗಾಯಗೊಂಡಿದ್ದಾರೆ. ಆದ್ದರಿಂದ ಅವರು ಐಪಿಎಲ್ 2023ರಿಂದ ಹೊರ ನಡೆದಿದ್ದಾರೆ. ಅವರು ಮೊಣಕಾಲಿನ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದಾರೆ. ಹಾಗಾಗಿ ಮುಂದಿನ ಕೆಲವು ತಿಂಗಳುಗಳ ಕಾಲ ಅವರು ಕ್ರಿಕೆಟ್​ನಿಂದ ಹೊರಗುಳಿಯಲಿದ್ದಾರೆ. ಕೆನ್ ಐಪಿಎಲ್ 2023ರಲ್ಲಿ ಅವರು ಗುಜರಾತ್ ತಂಡದ ಪರ ಆಡುತ್ತಿದ್ದರು. ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧದ ಋತುವಿನ ಮೊದಲ ಪಂದ್ಯದಲ್ಲಿ ಫೀಲ್ಡಿಂಗ್ ಮಾಡುವಾಗ ಅವರ ಮೊಣಕಾಲು ಗಾಯಗೊಂಡಿದೆ. ಮೊಣಕಾಲಿನ ಗಾಯದ ನಂತರ, ಅವರು ತಕ್ಷಣವೇ ಮೈದಾನವನ್ನು ತೊರೆಯಬೇಕಾಯಿತು.

ಐಪಿಎಲ್​ನಿಂದ ಕೇನ್​ ಔಟ್​:

ಮೊಣಕಾಲಿನ ಗಾಯದ ನಂತರ, ಅವರು IPL 2023 ನಿಂದ ಹೊರಗುಳಿದಿದ್ದಾರೆ ಮತ್ತು ನ್ಯೂಜಿಲೆಂಡ್‌ಗೆ ಮರಳಿದ್ದಾರೆ. ಏಪ್ರಿಲ್ 5 ರಂದು, ಅವರ ಮೊಣಕಾಲು ಸ್ಕ್ಯಾನ್ ಮಾಡಲಾಯಿತು. ಬಲ ಮಂಡಿಗೆ ಆಪರೇಷನ್ ಮಾಡಬೇಕಾಗುತ್ತದೆ ಎಂದು ವೈದ್ಯರು ಮಾಹಿತಿ ನೀಡಿದ್ದಾರೆ ಎಂದು ವರದಿತಯಾಗಿದೆ. ವರದಿಗಳ ಪ್ರಕಾರ, ಕೇನ್ ವಿಲಿಯಮ್ಸನ್ ಅವರ ಶಸ್ತ್ರಚಿಕಿತ್ಸೆ ಮುಂದಿನ ಮೂರು ವಾರಗಳಲ್ಲಿ ನಡೆಯಲಿದೆ. ಅವರ ಚೇತರಿಕೆ ಸ್ವಲ್ಪ ಸಮಯ ತೆಗೆದುಕೊಳ್ಳುತ್ತದೆ ಎಂದು ಹೇಳಲಾಗಿದೆ. ಅದೇ ಸಮಯದಲ್ಲಿ, ಮೈದಾನಕ್ಕೆ ಮರಳುವ ಬಗ್ಗೆ ಅವರ ಆತಂಕವೂ ಸ್ಪಷ್ಟವಾಗಿತ್ತು. ಆದರೆ ಅವರು ಮೈದಾನಕ್ಕೆ ಮರಳಲು ಉತ್ಸುಕರಾಗಿದ್ದರಂತೆ.

Painful to see Kane Williamson in this situation!

Wishing him a speedy recovery. pic.twitter.com/cngFRlQiyg

— Mufaddal Vohra (@mufaddal_vohra) April 4, 2023

ಕೇನ್‌ ಅವರ ಈ ಗಾಯವನ್ನು ನೋಡಿದರೆ ODI ವಿಶ್ವಕಪ್ ಆಡಬಹುದೇ ಎಂಬುದು ದೊಡ್ಡ ಅನುಮಾನವಾಗಿದೆ. ಇಷ್ಟು ಮಾತ್ರವಲ್ಲದೆ ನಿರಂತರ ಗಾಯಗಳಿಂದಾಗಿ ಕೇನ್ ಕ್ರಿಕೆಟ್ ಮೈದಾನ ತೊರೆಯುತ್ತಾರಾ? ನಿವೃತ್ತಿ ತೆಗೆದುಕೊಳ್ಳುತ್ತಾರಾ ಎಂಬ ಚರ್ಚೆಯೂ ಶುರುವಾಗಿದೆ. ಆದರೆ ಇದೆಲ್ಲದರ ಬಗ್ಗೆ ಇನ್ನೂ ಸಸ್ಪೆನ್ಸ್ ಇದೆ. ಮುಂದಿನ ದಿನಗಳಲ್ಲಿ ಕೇನ್ ಅವರ ಫಿಟ್ನೆಸ್ ಮೇಲೆ ಎಲ್ಲವೂ ಅವಲಂಬಿತವಾಗಿದೆ.

Injury Update | Kane Williamson will require surgery on his injured right knee, after scans on Tuesday confirmed he’d ruptured his anterior cruciate ligament while fielding for the Gujarat Titans in the Indian Premier League. More at the link https://t.co/3VZV7AcnL2 pic.twitter.com/tN0e7X8tme

— BLACKCAPS (@BLACKCAPS) April 5, 2023

ಕೇನ್​ ಕಂಬ್ಯಾಕ್​ಗೆ ಫ್ಯಾನ್ಸ್ ಪಾರ್ಥನೆ:

ಐಪಿಎಲ್​ 2023ರಲ್ಲಿ ಕೇನ್​ ಗಾಯದ ಬಳಿಕ ಅಭಿಮಾನಿಗಳು ಅವರು ಶೀಘ್ರವಾಗಿ ಚೇತರಿಸಿಕೊಳ್ಳಲು ಮತ್ತು ಮೈದಾನಕ್ಕೆ ಮರಳಲು ಪ್ರಾರ್ಥಿಸಿದ್ದಾರೆ. ಅಭಿಮಾನಿಗಳ ಪ್ರೀತಿಯಿಂದ ಕೇನ್ ಬೇಗ ಗುಣಮುಖರಾಗುತ್ತಾರಾ ನೋಡಬೇಕಿದೆ. ಅವರು ಶೀಘ್ರ ಗುಣಮುಖರಾಗಲಿ ಎಂದು ಕ್ರಿಕೆಟ್ ಅಭಿಮಾನಿಗಳು ಹಾರೈಸಿದ್ದಾರೆ. ಜನರ ಈ ಪ್ರೀತಿಯಿಂದ ಕೇನ್ ವಿಲಿಯಮ್ಸನ್ ಕೂಡ ಭಾವುಕರಾಗಿದ್ದಾರೆ.

ಇದನ್ನೂ ಓದಿ: IPL 2023: ಕೋಲ್ಕತ್ತಾ ವಿರುದ್ಧ ಪಂದ್ಯಕ್ಕೆ RCB ನಾಲ್ವರು ಆಟಗಾರರು ಅಲಭ್ಯ, ಹೀಗಿರಲಿದೆ ಬೆಂಗಳೂರು ತಂಡದ ಪ್ಲೇಯಿಂಗ್​ 11

ನ್ಯೂಜಿಲೆಂಡ್ ತಂಡದಲ್ಲಿ ಹೆಚ್ಚಾಯ್ತು ಟೆನ್ಷನ್:

ಏಕದಿನ ವಿಶ್ವಕಪ್ ವರೆಗೆ ಕೇನ್ ವಿಲಿಯಮ್ಸನ್ ಚೇತರಿಸಿಕೊಳ್ಳುವುದು ತಂಡದ ದೃಷ್ಟಿಯಿಂದ ಅತ್ಯಗತ್ಯ. ಅವರು ಹೊಂದಿಕೊಳ್ಳದಿದ್ದರೆ, ತಂಡದ ಒತ್ತಡ ಹೆಚ್ಚಾಗಬಹುದು. ಅವರು ಏಕದಿನ ವಿಶ್ವಕಪ್ ಆಡುವುದಿಲ್ಲ ಎಂಬ ಮಾತು ಕೇಳಿಬರುತ್ತಿದೆ. ಆದರೆ ನ್ಯೂಜಿಲೆಂಡ್ ತಂಡ ಈ ಬಗ್ಗೆ ಇನ್ನೂ ಯಾವುದೇ ಮಾಹಿತಿ ನೀಡಿಲ್ಲ. ಏಕದಿನ ವಿಶ್ವಕಪ್ ಭಾರತದಲ್ಲಿ ನಡೆಯಲಿದೆ. ಕೇನ್ ವಿಲಿಯಮ್ಸನ್ ನ್ಯೂಜಿಲೆಂಡ್ ತಂಡದ ಪ್ರಮುಖ ಆಟಗಾರರಾಗಿದ್ದಾರೆ. ಅವರು ತಂಡದಲ್ಲಿ ಇಲ್ಲದಿದ್ದರೆ ತಂಡದ ಟೆನ್ಷನ್ ಮತ್ತಷ್ಟು ಹೆಚ್ಚಾಗಬಹುದು.

ಶಸ್ತ್ರಚಿಕಿತ್ಸೆಗೆ ಒಳಗಾದರೆ ಕನಿಷ್ಠ ಐದಾರು ತಿಂಗಳು ಹಾಸಿಗೆಯಲ್ಲಿ ಇರಬೇಕಾಗುತ್ತದೆ. ಇದರ ಬಳಿಕ ಅವರು ಕ್ರಿಕೆಟ್ ಆಡುತ್ತಾರೆಯೇ ಎನ್ನಲು ಸಾಧ್ಯವಿಲ್ಲ. ಇದೇ ಕಾರಣಕ್ಕೆ ಅಕ್ಟೋಬರ್​ನಿಂದ ಭಾರತದಲ್ಲಿ ನಡೆಯಲಿರುವ ಏಕದಿನ ವಿಶ್ವಕಪ್​ನಲ್ಲಿ ಆಡುವುದು ಅನುಮಾನ ಎನ್ನಲಾಗುತ್ತಿದೆ.