Joginder Sharma: ಕ್ರಿಕೆಟ್​ಗೆ ನಿವೃತ್ತಿ ಘೋಷಿಸಿದ ಟಿ20 ವಿಶ್ವಕಪ್​ ಹೀರೋ!

ಟಿ20 ವಿಶ್ವಕಪ್ 2007ರ ಫೈನಲ್‌ಗೂ ಮುನ್ನ ಜೋಗಿಂದರ್ ಶರ್ಮಾ (Joginder Sharma) ಅವರಿಗೆ ಹೆಚ್ಚಿನ ಮನ್ನಣೆ ಇರಲಿಲ್ಲ. ವಿಶ್ವಕಪ್‌ನ ಅಂತಿಮ ಪಂದ್ಯ ಭಾರತ ಮತ್ತು ಪಾಕಿಸ್ತಾನ (IND vs PAK) ನಡುವೆ ನಡೆಯಿತು. ಇಂತಹ ಪರಿಸ್ಥಿತಿಯಲ್ಲಿ ಇನಿಂಗ್ಸ್‌ನ 20ನೇ ಓವರ್‌ ಎಸೆಯುವುದು ಯಾರಿಗೂ ಸುಲಭದ ಮಾತಾಗಿರಲಿಲ್ಲ. ಆದರೆ ಈ ವೇಳೆ ನಾಯಕ ಎಂಎಸ್ ಧೋನಿ (MS Dhoni) ವೇಗದ ಬೌಲರ್ ಜೋಗಿಂದರ್​ ಅವರಿಗೆ ಬೌಲಿಂಗ್​ ಮಾಡಲು ಕಳುಸಹಿಸಿದರು. ಆದರೆ ಧೋನಿ ನಂಬಿಕೆ ಉಳಿಸಿಕೊಂಡ ಜೋಗಿಂದರ್​ ಶರ್ಮಾ ಮಿಸ್ಬಾ ಉಲ್ ಹಕ್ ಅವರ ದೊಡ್ಡ ವಿಕೆಟ್ ಪಡೆಯುವ ಮೂಲಕ ಭಾರತ ತಂಡಕ್ಕೆ ಸ್ಮರಣೀಯ ಜಯ ತಂದುಕೊಟ್ಟರು. ಈ ಘಟನೆಯನ್ನು ಎಲ್ಲಾ ಭಾರತೀಯ ಅಭಿಮಾನಿಗಳು ಇನ್ನೂ ನೆನಪಿಸಿಕೊಳ್ಳುತ್ತಾರೆ. ಆದರೆ ಈಗ ಹರಿಯಾಣ ಪೊಲೀಸ್‌ನಲ್ಲಿ ಡಿಎಸ್‌ಪಿಯಾಗಿ ಕೆಲಸ ಮಾಡುತ್ತಿರುವ ಜೋಗಿಂದರ್ ಅಂತರಾಷ್ಟ್ರೀಯ ಕ್ರಿಕೆಟ್ ಹೊರತಾಗಿ ದೇಶೀಯ ಕ್ರಿಕೆಟ್​ಗೆ ವಿದಾಯ ಹೇಳಿದ್ದಾರೆ.

ನಿವೃತ್ತಿ ಘೋಷಿಸಿದ ಜೋಗಿಂದರ್​:

39 ವರ್ಷದ ಜೋಗಿಂದರ್ ಶರ್ಮಾ ಇದೀಗ ತಮ್ಮ ಕ್ರಿಕೆಟ್​ ವೃತ್ತಿ ಜೀವನಕ್ಕೆ ಅಧಿಕೃತವಾಗಿ ನಿವೃತ್ತಿ ಘೋಷಿಸಿದ್ದಾರೆ. ಟ್ವೀಟ್​ ಮೂಲಕ ಎಲ್ಲರಿಗೂ ಧನ್ಯವಾದ ತಿಳಿಸುವ ಮೂಲಕ ಶರ್ಮಾ ಅವರು ಕ್ರಿಕೆಟ್​ಗೆ ಗುಡ್​ ಬೈ ಹೇಳಿದ್ದಾರೆ. ಅವರು, ಈವರೆಗೆ ಅಂತರಾಷ್ಟ್ರೀಯ ಟಿ20 ಕ್ರಿಕೆಟ್​ನಲ್ಲಿ ಕೇವಲ 4 ಪಂದ್ಯಗಳನ್ನು ಆಡಿದ್ದಾರೆ. ಪಾಕಿಸ್ತಾನ ವಿರುದ್ಧದ ಫೈನಲ್ ಪಂದ್ಯದ ನಂತರ ಅವರು ಟೀಂ ಇಂಡಿಯಾ ಪರ ಯಾವುದೇ ಪಂದ್ಯವನ್ನು ಆಡಿರಲಿಲ್ಲ.

Announced retirement from cricket Thanks to each and everyone for your love and support 🙏❤️👍👍 pic.twitter.com/A2G9JJd515

— Joginder Sharma 🇮🇳 (@MJoginderSharma) February 3, 2023

ಜೋಗಿಂದರ್ ಶರ್ಮಾ ಅವರು ತಮ್ಮ ಅಂತಿಮ ಪಂದ್ಯವನ್ನು 2007ರಲ್ಲಿ, ಪಾಕಿಸ್ತಾನ ವಿರುದ್ಧ ಆಡಿದ್ದಾರೆ. ಆ ಪಂದ್ಯದಲ್ಲಿ ಜೋಗಿಂದರ್ ಶರ್ಮಾ 20ನೇ ಓವರ್ ಅನ್ನು ಉತ್ತಮ ರೀತಿಯಲ್ಲಿ ಆರಂಭಿಸಲು ಸಾಧ್ಯವಾಗದಿದ್ದರೂ ಮೊದಲ 2 ಎಸೆತಗಳಲ್ಲಿ 7 ರನ್ ನೀಡಿದರು . ಮೊದಲ ಚೆಂಡು ವೈಡ್ ಆಗಿತ್ತು. ಮುಂದಿನ ಎಸೆತದಲ್ಲಿ ಮಿಸ್ಬಾ ಉಲ್ ಹಕ್ ರನ್ ಗಳಿಸಲಿಲ್ಲ. ಎರಡನೇ ಎಸೆತದಲ್ಲಿ ಸಿಕ್ಸರ್ ಬಾರಿಸಿದರು.

ಇದನ್ನೂ ಓದಿ: Joginder Sharma: 120 ಮಹಿಳೆಯರ ಮೇಲೆ ಜಿಲೇಬಿ ಬಾಬಾ ದೌರ್ಜನ್ಯ! ಕಾಮುಕನನ್ನು ಬಂಧಿಸಿದ್ದು ಟೀಂ ಇಂಡಿಯಾ ಕ್ರಿಕೆಟಿಗ!

ಈ ಮೂಲಕ ಮೊದಲ 2 ಎಸೆತಗಳಲ್ಲಿ 7 ರನ್‌ಗಳು ಬಂದವು. ಆಗ ಪಾಕಿಸ್ತಾನ ಗೆಲುವಿಗೆ 4 ಎಸೆತಗಳಲ್ಲಿ 6 ರನ್‌ಗಳ ಅಗತ್ಯವಿತ್ತು. ಮಿಸ್ಬಾ ಮೂರನೇ ಎಸೆತದಲ್ಲಿ ಸ್ಕೂಪ್ ಶಾಟ್ ಆಡಲು ಹೋದರು, ಆದರೆ ಅವರು ಔಟ್ ಆದರು. ಅವರ ಸ್ಮರಣೀಯ ಕ್ಯಾಚ್ ಅನ್ನು ಶ್ರೀಶಾಂತ್ ಶಾರ್ಟ್ ಫೈನ್ ಲೆಗ್‌ನಲ್ಲಿ ಹಿಡಿದರು. ಈ ಪಂದ್ಯದಲ್ಲಿ ಭಾರತದ 157 ರನ್‌ಗಳಿಗೆ ಉತ್ತರವಾಗಿ ಪಾಕಿಸ್ತಾನ ತಂಡ 152 ರನ್ ಗಳಿಸುವ ಮೂಲಕ ಆಲೌಟ್ ಆಯಿತು.

ಜಂಗಿಂದರ್ ಶರ್ಮಾ ಭಾರತ ಪರ 4 ODI ಮತ್ತು 4 T20 ಪಂದ್ಯಗಳನ್ನು ಆಡಿದ್ದಾರೆ. ಒಂದು ವಿಕೆಟ್ ಪಡೆದಿದ್ದಲ್ಲದೆ, ಅವರು ಏಕದಿನದಲ್ಲಿ 35 ರನ್ ಗಳಿಸಿದ್ದಾರೆ. ಅದೇ ಸಮಯದಲ್ಲಿ, ಅವರು ಟಿ20ಯಲ್ಲಿ 4 ವಿಕೆಟ್​ಗಳನ್ನು ಪಡೆದಿದ್ದಾರೆ. ಆದರೆ ಅವರಿಗೆ ಬ್ಯಾಟಿಂಗ್ ಅವಕಾಶ ಸಿಗಲಿಲ್ಲ. ಅವರ ಪ್ರಥಮ ದರ್ಜೆ ವೃತ್ತಿಜೀವನದಲ್ಲಿ 2800ಕ್ಕೂ ಹೆಚ್ಚು ರನ್ ಗಳಿಸಿದ್ದಲ್ಲದೆ, ಅವರು 297 ವಿಕೆಟ್‌ಗಳನ್ನು ಪಡೆದಿದ್ದಾರೆ. ಇದಲ್ಲದೇ ಜೋಗಿಂದರ್ ಶರ್ಮಾ 16 ಐಪಿಎಲ್ ಪಂದ್ಯಗಳನ್ನೂ ಆಡಿದ್ದು, ಚೆನ್ನೈ ಸೂಪರ್ ಕಿಂಗ್ಸ್ ಪರ ಕಣಕ್ಕಿಳಿದಿದ್ದರು.