6 ಎಸೆತಗಳಲ್ಲಿ 5 ಸಿಕ್ಸ್​: ಒಂದೇ ಓವರ್​​ನಲ್ಲಿ 34 ರನ್ ಚಚ್ಚಿದ ಕಿವೀಸ್ ಆಟಗಾರ

ಶ್ರೀಲಂಕಾ ವಿರುದ್ಧ ನಡೆಯುತ್ತಿರುವ ಏಕದಿನ ಸರಣಿಯಲ್ಲಿ ನ್ಯೂಜಿಲೆಂಡ್ ತಂಡ ಭರ್ಜರಿ ಜಯದೊಂದಿಗೆ ಆರಂಭ ಪಡೆದುಕೊಂಡಿದೆ.

ಬ್ಯಾಟ್ಸ್​ಮನ್​ಗಳ ಸ್ಪೋಟಕ ಬ್ಯಾಟಿಂಗ್ ನೆರವಿನಿಂದ ಮೊದಲ ಏಕದಿನ ಪಂದ್ಯದಲ್ಲಿ ನ್ಯೂಜಿಲೆಂಡ್  ತಂಡ 45 ರನ್​ಗಳ ಜಯ ಸಾಧಿಸಿದೆ. ಅದರಲ್ಲು ನ್ಯೂಜಿಲೆಂಡ್​ನ ಆಲ್ರೌಂಡರ್ ಆಟಗಾರ ಜಿಮ್ಮಿ ನೀಶಮ್ ಅವರು ಒಂದೇ ಓವರ್​ನಲ್ಲಿ ಐದು ಸಿಕ್ಸ್​​​ ಸಿಡಿಸಿದ ಸಾಧನೆ ಮಾಡಿದ್ದಾರೆ.

ಕೊನೆಯ 50ನೇ ಓವರ್​​ನ ಪೆರೆರಾ ಅವರ 6 ಎಸೆತದಲ್ಲಿ ನೀಶಮ್ ಅವರು '6 6 6 6 2NB 6 1' ಒಟ್ಟು 34 ರನ್ ಚಚ್ಚಿದ್ದಾರೆ. ಇದರೊಂದಿಗೆ ಏಕದಿನ ಕ್ರಿಕೆಟ್​ನ ಒಂದೇ ಓವರ್​ನಲ್ಲಿ ಅತಿ ಹೆಚ್ಚು ರನ್ ಬಾರಿಸಿದವರ ಸಾಲಿನಲ್ಲಿ ನೀಶಮ್ ಅವರು ಮೂರನೆಯವರಾಗಿದ್ದಾರೆ.

ಇದನ್ನೂ ಓದಿ: ಐಪಿಎಲ್ 2019 ವೇಳಾಪಟ್ಟಿ ಸೋರಿಕೆ: ಘೋಷಣೆಗೂ ಮುನ್ನ ಇಂಟರ್ನೆಟ್​​ನಲ್ಲಿ ವೈರಲ್..!

ಈ ಹಿಂದೆ 2006ರಲ್ಲಿ ದಕ್ಷಿಣ ಆಫ್ರಿಕಾದ ಹರ್ಷಲ್ ಗಿಬ್ಸ್​​​​ ಅವರು ಆರು ಎಸೆತದಲ್ಲಿ ಆರು ಸಿಕ್ಸ್​ ಸಿಡಿಸಿ ದಾಖಲೆ ಬರೆದಿದ್ದರು. ಬಳಿಕ ಪೆರೆರಾ ಅವರು ಒಂದು ಓವರ್​ನಲ್ಲಿ 35 ರನ್ ಬಾರಿಸಿದ್ದರು. ಸದ್ಯ ನೀಶಮ್ ಅವರು 34 ರನ್ ಸಿಡಿಸಿದ್ದಾರೆ. ನೀಶಮ್ ಅವರು ಶ್ರೀಲಂಕಾ ವಿರುದ್ಧ ಒಟ್ಟು 13 ಎಸೆತಗಳಲ್ಲಿ 47 ರನ್ ಗಳಿಸಿ ಅಜೇಯರಾಗಿ ಉಳಿದರು.

 

🔥🔥🔥 WOW! What an over of batting from @JimmyNeesh!

6 6 6 6 2nb 6 1 - 34 runs off it! Crowd on their feet at @BayOvalOfficial! pic.twitter.com/ScNUYYkefE

— BLACKCAPS (@BLACKCAPS) January 3, 2019

ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ನ್ಯೂಜಿಲೆಂಡ್ ತಂಡ ಮಾರ್ಟಿನ್ ಗಪ್ಟಿಲ್ ಅವರ 138, ಕೇನ್ ವಿಲಿಯಮ್ಸನ್ ಅವರ 76, ರೋಸ್ ಟೇಲರ್ ಅವರ 54 ರನ್​ಗಳ ನೆರವಿನಿಂದ ನಿಗದಿತ 50 ಓವರ್​ನಲ್ಲಿ 371 ರನ್ ಕಲೆಹಾಕಿತ್ತು. ಈ ಗುರಿ ಬೆನ್ನತ್ತಿದ ಲಂಕಾನ್ನರು 49 ಓವರ್​​ನಲ್ಲಿ 326 ರನ್​ಗೆ ಆಲೌಟ್ ಆಗುವ ಮೂಲಕ ಸೋಲೊಪ್ಪಿಗೊಂಡರು.

 

🔥 6 6 6 6 2nb 6 1 🔥

New Zealand all-rounder Jimmy Neesham smashed an incredible 34 runs in one over in the first #NZvSL ODI!

Details 👇 https://t.co/y63eGUnd6D pic.twitter.com/QJcYIPAhfB

— ICC (@ICC) January 3, 2019