DC vs SRH: ಹೈದರಾಬಾದ್​ಗೆ ರೋಚಕ ಜಯ, ಡೆಲ್ಲಿ ಪ್ಲೇಆಫ್​ ಹಾದಿ ಇನ್ನಷ್ಟು ಕಠಿಣ

ಐಪಿಎಲ್ 2023ರ (IPL 2023) 40ನೇ ಪಂದ್ಯ ದೆಹಲಿಯಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ಸನ್ ರೈಸರ್ಸ್ ಹೈದರಾಬಾದ್ (DC vs SRH) ನಡುವೆ ನಡೆಯಿತು. ಈ ಪಂದ್ಯದಲ್ಲಿ ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ ಮಾಡಿದ ಸನ್​ ರೈಸರ್ಸ್​ ಹೈದರಾಬಾದ್​ ತಂಡವು 20 ಓವರ್​ನಲ್ಲಿ 6 ವಿಕೆಟ್​ ನಷ್ಟಕ್ಕೆ 197 ರನ್​ ಗಳಿಸಿತು. ಈ ಮೊತ್ತ ಬೆನ್ನಟ್ಟಿದ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ನಿಗದಿತ 20 ಓವರ್​ನಲ್ಲಿ 6 ವಿಕೆಟ್​ ನಷ್ಟಕ್ಕೆ 188 ರನ್​ ಗಳಿಸುವ ಮೂಲಕ 9 ರನ್​ ಗಳಿಂದ ಸೋಲನ್ನಪ್ಪಿತು. ಈ ಮೂಲಕ ಡೆಲ್ಲಿ ತಂಡಕ್ಕೆ ಈ ಬಾರಿಯ ಫ್ಲೇಆಫ್​ ಹಾದಿ ಇನ್ನಷ್ಟು ಕಠಿಣವಾಗಿದೆ.

ಬ್ಯಾಟಿಂಗ್​ನಲ್ಲೂ ಅಬ್ಬರಿಸಿದ ಮಾರ್ಷ್​:

ಇನ್ನು, ಹೈದರಾಬಾದ್​ ನೀಡಿದ ಬಿಗ್​ ಟಾರ್ಗೆಟ್​ ಬೆನ್ನಟ್ಟಿದ ಡೆಲ್ಲಿ ತಂಡವು 20 ಓವರ್​ನಲ್ಲಿ 6 ವಿಕೆಟ್​ ನಷ್ಟಕ್ಕೆ 188 ರನ್ ಗಳಿಸಿತು. ಡೆಲ್ಲಿ ಕ್ಯಾಪಿಟಲ್ಸ್ ಪರ ಡೇವಿಡ್ ವಾರ್ನರ್ ಶೂನ್ಯಕ್ಕೆ ಔಟ್​, ಫಿಲಿಪ್ ಸಾಲ್ಟ್ 35 ಎಸೆತದಲ್ಲಿ 9 ಫೊರ್​ ಮೂಲಕ 59 ರನ್​, ಮಿಚೆಲ್ ಮಾರ್ಷ್ 39 ಎಸೆತದಲ್ಲಿ 6 ಸಿಕ್ಸ್ ಮತ್ತು 1 ಫೊರ್​ ಮೂಲಕ 63 ರನ್, ಮನೀಶ್ ಪಾಂಡೆ 1 ರನ್​ ಗಳಿಸುವ ಮೂಲಕ ಮತ್ತೊಮ್ಮೆ ನಿರಾಸೆ ಮೂಡಿಸಿದರು, ಪ್ರಿಯಮ್ ಗಾರ್ಗ್ 12 ರನ್, ಅಕ್ಷರ್ ಪಟೇಲ್ 29 ರನ್, ರಿಪಾಲ್ ಪಟೇಲ್ 11 ರನ್ ಗಳಿಸಿದರು.

ಹೈದರಾಬಾದ್​ ಸಂಘಟಿತ ಬೌಲಿಂಗ್​ ದಾಳಿ:

ಬೃಹತ್​ ಮೊತ್ತ ನೀಡುವ ಮೂಲಕ ಬ್ಯಾಟಿಂಗ್​ನಲ್ಲಿ ಮಿಂಚಿದ ಹೈದರಾಬಾದ್​ ತಂಡವು ಬೌಲಿಂಗ್​ನಲ್ಲಿಯೂ ಸಂಘಟಿತ ದಾಳಿ ನಡೆಸಿದರು. ಹೈದರಾಬಾದ್​ ಪರ ಇಂದು ಅಕೇಲ್ ಹೊಸೈನ್ 4 ಓವರ್​ಗೆ 40 ರನ್​ ನೀಡಿ 1 ವಿಕೆಟ್​, ಮಾಯಾಂಕ ಮಾರ್ಕಂಡೆ 4 ಓವರ್​ಗೆ 20 ರನ್ ನೀಡಿ 2 ವಿಕೆಟ್​, ಅಭಿಷೇಕ್​ ಶರ್ಮಾ 3 ಓವರ್​ಗೆ 26 ರನ್ ನೀಡಿ 1 ವಿಕೆಟ್​ ಟಿ. ನಟರಾಜನ್​ 4 ಓವರ್​ ಮಾಡಿ 1 ವಿಕೆಟ್​ ಹಾಗೂ ಭುವನೇಶ್ವರ್​ ಕುಮಾರ್​ 1 ವಿಕೆಟ್​ ಪಡೆದು ಮಿಂಚಿದರು.

ಇದನ್ನೂ ಓದಿ: IPL 2023: ಐಪಿಎಲ್ ಹಿಸ್ಟರಿಯಲ್ಲಿ ಆರ್‌ಸಿಬಿಯದ್ದೇ ಸಿಂಹಪಾಲು, ಬೆಂಗಳೂರು ತಂಡದ ರೆಕಾರ್ಡ್ಸ್ ಬ್ರೇಕ್ ಮಾಡೋಕೆ ಯಾರಿಂದಲೂ ಸಾಧ್ಯವಿಲ್ಲ!

ಅಭಿಷೇಕ್ ಶರ್ಮಾ ಭರ್ಜರಿ ಬ್ಯಾಟಿಂಗ್​:

ಸನ್​ ರೈಸರ್ಸ್​ ಹೈದರಾಬಾದ್​ ಪರ ಅಭಿಷೇಕ್ ಶರ್ಮಾ 200.00 ಸ್ಟ್ರೈಕ್ ರೇಟ್‌ನೊಂದಿಗೆ ಐಪಿಎಲ್ ವೃತ್ತಿಜೀವನದ ನಾಲ್ಕನೇ ಅರ್ಧಶತಕವನ್ನು ಪೂರ್ಣಗೊಳಿಸಿದರು. ಅವರು 36 ಎಸೆತದಲ್ಲಿ 12 ಫೋರ್​ ಮತ್ತು 1 ಸಿಕ್ಸ್ ಮೂಲಕ 186.11 ಸ್ಟ್ರೈಕ್ ರೇಟ್‌ನೊಂದಿಗೆ 67 ರನ್​ ಗಳಿಸಿದರು. ಇನ್ನಿಂಗ್ಸ್ ಆರಂಭಿಸಿದ ಮಯಾಂಕ್ ಅಗರ್ವಾಲ್ ಮತ್ತೊಮ್ಮೆ ಬ್ಯಾಟಿಂಗ್‌ನಲ್ಲಿ ವಿಫಲರಾದರು. ಡೆಲ್ಲಿ ವಿರುದ್ಧ ಒಟ್ಟು ಆರು ಎಸೆತಗಳನ್ನು ಎದುರಿಸಿದ ಅವರು 5 ರನ್​ ಗಳಿಸಿದರು.

ಅಗರ್ವಾಲ್ ಮಾತ್ರವಲ್ಲ, ಮೂರನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಗೆ ಬಂದ ರಾಹುಲ್ ತ್ರಿಪಾಠಿ ಕೂಡ ಹೆಚ್ಚಿನ ಉತ್ಸಾಹ ತೋರದೆ ಪೆವಿಲಿಯನ್ ಗೆ ಮರಳಿದರು. ದೆಹಲಿ ವಿರುದ್ಧ ಒಟ್ಟು ಆರು ಎಸೆತಗಳನ್ನು ಎದುರಿಸಿದ ಅವರು 10 ರನ್ ಗಳಿಸಿದರು. ಉಳಿದಂತೆ ಅಡೇನ್​ ಮಾರ್ಕರಮ್​ 8 ರನ್, ಹ್ಯಾರಿ ಬ್ರೂಕ್​ ಶೂನ್ಯ, ಹೆನ್ರಿಚ್​ ಕ್ಲಾಸಿನ್​ 53 ರನ್, ಅಬ್ದುಲ್​ ಸಮ್ಮದ್ 28 ರನ್ ಮತ್ತು ಅಕೇಲ್​ ಹೋಸಿನ್​ 16 ರನ್​ ಗಳಿಸಿದರು.

ಮಿಚೆಲ್​ ಮಾರ್ಷ್​ ಸೂಪರ್​ ಬೌಲಿಂಗ್​:

ಇನ್ನು, ಟಾಸ್​ ಸೋತು ಮೊದಲು ಬೌಲಿಂಗ್​ ಮಾಡಿದ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ಆರಂಭದಲ್ಲಿ ಉತ್ತಮ ಬೌಲಿಂಗ್ ದಾಳಿ ನಡೆಸಿತು. ಡೆಲ್ಲಿ ಪರ ಇಂದು ಮಿಚೆಲ್​ ಮಾರ್ಷಲ್​ 4 ಓವರ್​ ಮಾಡಿ 27 ರನ್ ನೀಡಿ 4 ವಿಕೆಟ್​ ಪಡೆದು ಮಿಂಚಿದರು. ಉಳಿಂದತೆ ಇಶಾಂತ್​ ಶರ್ಮಾ 3 ಓವರ್​ಗೆ 1 ವಿಕೆಟ್​ ಮತ್ತು ಅಕ್ಷರ್​ ಪಟೇಲ್​ 4 ಓವರ್​ಗೆ 29 ರನ್​ ನೀಡಿ 1 ವಿಕೆಟ್​ ಪಡೆದು ಮಿಂಚಿದರು.