IPL 2023: ಐಪಿಎಲ್​ಗಿಂತ ದೊಡ್ಡ ಟಿ20 ಲೀಗ್​ ಆರಂಭಿಸಲು ಮುಂದಾದ ಸೌದಿ! ಬಿಸಿಸಿಐಗೆ ಟಕ್ಕರ್​ ಕೊಡುತ್ತಾ ಅರೇಬಿಯಾ?

ಐಪಿಎಲ್ ಜಗತ್ತಿನ ಅತಿ ದೊಡ್ಡ ಕ್ರಿಕೆಟ್ ಲೀಗ್ ಆಗಿದೆ. ಬಿಸಿಸಿಐ (BCCI) ಇದನ್ನು ಮೊದಲ ಬಾರಿಗೆ 2008ರಲ್ಲಿ ಆರಂಭವಾಯಿತು. ಇದೀಗ ಐಪಿಎಲ್ 2023 (IPL 2023) ಅಂದರೆ 16ನೇ ಸೀಸನ್ ಟಿ20 (T20 Cricket) ಲೀಗ್ ನಡೆಯುತ್ತಿದೆ. ಐಪಿಎಲ್ ಆರಂಭವಾದಾಗಿನಿಂದ ಬಹುತೇಕ ದೇಶಗಳು ತಮ್ಮದೇ ಆದ ಟಿ20 ಲೀಗ್ ಅನ್ನು ಪ್ರಾರಂಭಿಸಿದವು. ಆಟಗಾರರು ಕೂಡ ಲೀಗ್‌ನಿಂದ ಸಾಕಷ್ಟು ಗಳಿಸುತ್ತಿದ್ದಾರೆ. ಕೇಂದ್ರೀಯ ಒಪ್ಪಂದದ ಉನ್ನತ ದರ್ಜೆಯ A+ ಹೊಂದಿರುವ ಆಟಗಾರರಿಗೆ ಬಿಸಿಸಿಐ ವಾರ್ಷಿಕವಾಗಿ 7 ಕೋಟಿ ನೀಡುತ್ತದೆ. ಅದೇ ಸಮಯದಲ್ಲಿ, ಐಪಿಎಲ್ 2023ಗಾಗಿ ಪಂಜಾಬ್ ಕಿಂಗ್ಸ್ ಇಂಗ್ಲೆಂಡ್ ಆಲ್ ರೌಂಡರ್ ಸ್ಯಾಮ್ ಕರನ್ ಅವರನ್ನು ಹರಾಜಿನಲ್ಲಿ 18.5 ಕೋಟಿ ರೂ.ಗೆ ಖರೀದಿಸಿತು. ಅವರು ಕೇವಲ 17 ಪಂದ್ಯಗಳನ್ನು ಆಡಬೇಕಿದೆ.

ಅಂದರೆ ಒಂದು ಪಂದ್ಯಕ್ಕೆ ಒಂದು ಕೋಟಿಗೂ ಹೆಚ್ಚು ಪಡೆಯುತ್ತಾರೆ. ಇದೀಗ ಸೌದಿ ಅರೇಬಿಯಾ ವಿಶ್ವದ ಅತಿದೊಡ್ಡ ಟಿ20 ಲೀಗ್‌ಗೆ ತಯಾರಿ ನಡೆಸುತ್ತಿದೆ. ಇದಕ್ಕಾಗಿ ಐಪಿಎಲ್ ಫ್ರಾಂಚೈಸಿ ಜತೆಗೂ ಚರ್ಚೆ ನಡೆಸಿದೆ. ಐಸಿಸಿ ಈ ಹಂತವನ್ನು ಆಟದ ಬೆಳವಣಿಗೆಗೆ ಪ್ರಮುಖವೆಂದು ಪರಿಗಣಿಸುತ್ತಿದೆ.

ಹೊಸ ಟಿ20 ಲೀಗ್​ ಆರಂಭ:

ಸಿಡ್ನಿ ಮಾರ್ನಿಂಗ್ ಹೆರಾಲ್ಡ್ ಮತ್ತು ದಿ ಏಜ್ ಸುದ್ದಿ ಪ್ರಕಾರ, ಸೌದಿ ಅರೇಬಿಯಾ ಸರ್ಕಾರದ ಪ್ರತಿನಿಧಿಗಳು ಟಿ20 ಲೀಗ್‌ಗೆ ಸಂಬಂಧಿಸಿದಂತೆ ಇಂಡಿಯನ್ ಪ್ರೀಮಿಯರ್ ಲೀಗ್‌ನ ಮಾಲೀಕರೊಂದಿಗೆ ಮಾತುಕತೆ ನಡೆಸಿದ್ದಾರೆ. ಹಲವು ದೇಶಗಳ ಹಿರಿಯ ಕ್ರಿಕೆಟ್ ಆಡಳಿತಗಾರರು, ತರಬೇತುದಾರರು ಮತ್ತು ಆಟಗಾರರು ಒಂದು ವರ್ಷಕ್ಕೂ ಹೆಚ್ಚು ಕಾಲ ಈ ಬಗ್ಗೆ ತಿಳಿದಿದ್ದರು ಎಂದು ಹೇಳಿದ್ದಾರೆ. ಟಿ20 ಲೀಗ್‌ಗೆ ಭಾರತೀಯ ಆಟಗಾರರಿಗೂ ಅವಕಾಶ ನೀಡಬಹುದು ಎಂಬ ಮಾತು ಕೂಡ ಕೇಳಿಬರುತ್ತಿದೆ. ಇದೀಗ ನಿವೃತ್ತಿಯ ಮೊದಲು ಯಾವುದೇ ಭಾರತೀಯರು ವಿದೇಶಿ ಟಿ20 ಲೀಗ್‌ಗೆ ಪ್ರವೇಶಿಸುವಂತಿಲ್ಲ. ಐಪಿಎಲ್ ನ ಫ್ರಾಂಚೈಸಿ ತಂಡಗಳು ಈಗಾಗಲೇ ವಿಶ್ವದ ಹಲವು ದೇಶಗಳಲ್ಲಿ ತಮ್ಮ ತಂಡಗಳನ್ನು ಕಣಕ್ಕಿಳಿಸುತ್ತಿರುವುದು ಗೊತ್ತೇ ಇದೆ.

ಕ್ರಿಕೆಟ್‌ನಲ್ಲಿ ಹೂಡಿಕೆ ಮಾಡಲು ಉತ್ಸುಕ:

ಯಾವುದೇ ಪಂದ್ಯಾವಳಿಗೆ ಐಸಿಸಿ ಮಾನ್ಯತೆ ಅತ್ಯಗತ್ಯ . ಸೌದಿ ಅರೇಬಿಯಾ ಕ್ರಿಕೆಟ್‌ನಲ್ಲಿ ಹೂಡಿಕೆ ಮಾಡಲು ಉತ್ಸುಕವಾಗಿದೆ ಎಂದು ಐಸಿಸಿ ಅಧ್ಯಕ್ಷ ಗ್ರೆಗ್ ಬಾರ್ಕ್ಲೇ ಹೇಳಿದ್ದಾರೆ. ಅಂತಹ ಪರಿಸ್ಥಿತಿಯಲ್ಲಿ, ಅವರು ಕ್ರಿಕೆಟ್‌ನಲ್ಲಿ ಅದೇ ರೀತಿ ಆಸಕ್ತಿ ಹೊಂದಿದ್ದಾರೆ. ಅವರು ಕ್ರೀಡೆಯಲ್ಲಿ ಹೂಡಿಕೆ ಮಾಡಲು ಉತ್ಸುಕರಾಗಿದ್ದಾರೆ ಮತ್ತು ಏಷ್ಯಾದಲ್ಲಿ ಕ್ರಿಕೆಟ್ ಜನಪ್ರಿಯತೆಯಿಂದಾಗಿ ಅವರಿಗೆ ದೊಡ್ಡ ಅವಕಾಶವಿದೆ.

ಇದನ್ನೂ ಓದಿ: RCB vs DC: ಡೆಲ್ಲಿ ವಿರುದ್ಧ ಆರ್​ಸಿಬಿ ಗೆಲ್ಲಬೇಕಾದ್ರೆ ಈ ಆಟಗಾರ ಬೇಗ ಔಟ್​ ಆಗಬೇಕು!

ಸೌದಿಯಲ್ಲಿ ಕ್ರಿಕೆಟ್​ ಕ್ರೇಜ್​:

ಸೌದಿ ಅರೇಬಿಯಾ 2030ರ ವೇಳೆಗೆ ಭಾರತಕ್ಕೆ ನಂಬರ್-1 ಪ್ರವಾಸಿ ತಾಣವಾಗುವ ಗುರಿಯನ್ನು ಹೊಂದಿದೆ. ಆದರೆ, ಇದೀಗ ಕ್ರಿಕೆಟ್ ಸ್ಟೇಡಿಯಂ ಕೊರತೆ ಇದೆ. ಸೌದಿ ಅರೇಬಿಯಾ ಕ್ರಿಕೆಟ್ ಫೆಡರೇಶನ್ ಅಧ್ಯಕ್ಷ ಪ್ರಿನ್ಸ್ ಸೌದ್ ಬಿನ್ ಮಿಶಾಲ್ ಅಲ್-ಸೌದ್ ಅರಬ್ ನ್ಯೂಸ್‌ ಜೊತೆ ಮಾತನಾಡಿದ್ದು, ಸೌದಿ ಅರೇಬಿಯಾವನ್ನು ಜಾಗತಿಕ ಕ್ರಿಕೆಟ್ ಸ್ಥಳವನ್ನಾಗಿ ಮಾಡುವುದು ನಮ್ಮ ಗುರಿಯಾಗಿದೆ. ಈಗಾಗಲೇ ಇಲ್ಲಿ ಫಾರ್ಮುಲಾ-1 ಆಯೋಜಿಸಲಾಗುತ್ತಿದೆ. ಇಂಗ್ಲಿಷ್ ಫುಟ್‌ಬಾಲ್ ಕ್ಲಬ್ ನ್ಯೂಕ್ಯಾಸಲ್‌ನಲ್ಲಿ ಪಾಲನ್ನು ಸಹ ಖರೀದಿಸಿದೆ. ಇತ್ತೀಚೆಗೆ, ಸೌದಿ ಅರೇಬಿಯಾದ ಫುಟ್ಬಾಲ್ ಕ್ಲಬ್ ಅಲ್ ನಾಸರ್ ತಮ್ಮೊಂದಿಗೆ ಅನುಭವಿ ಆಟಗಾರ ಕ್ರಿಸ್ಟಿಯಾನೋ ರೊನಾಲ್ಡೊ ಅವರನ್ನು ಸೇರಿಸಿಕೊಂಡಿದ್ದಾರೆ. ಗಾಲ್ಫ್‌ನಲ್ಲಿಯೂ ಭಾರಿ ಹೂಡಿಕೆಯಾಗಿದೆ. ಸೌದಿ ಅರೇಬಿಯಾ ಕ್ರೀಡೆಯನ್ನು ದೊಡ್ಡ ಉದ್ಯಮವಾಗಿ ನೋಡುತ್ತಿದೆ ಎಂಬುದು ಇದರಿಂದ ಸ್ಪಷ್ಟವಾಗುತ್ತದೆ.