RCB vs PBKS: ಸಿರಾಜ್​ ಬೆಂಕಿ ಬೌಲಿಂಗ್​ಗೆ ಪಂಜಾಬ್​ ತತ್ತರ, ಆರ್​ಸಿಬಿ ತಂಡಕ್ಕೆ ಭರ್ಜರಿ ಜಯ

ಇಂಡಿಯನ್ ಪ್ರೀಮಿಯರ್ ಲೀಗ್‌ನ (IPL 2023) 16ನೇ ಋತುವಿನ 27ನೇ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಪಂಜಾಬ್ ಕಿಂಗ್ಸ್ (PBKS vs RCB) ಮುಖಾಮುಖಿ ಆಗಿದ್ದ್ವು. ಐಪಿಎಲ್ 2023ರ ಈ ಪಂದ್ಯ ಮೊಹಾಲಿಯಲ್ಲಿ ನಡೆಯಿತು. ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ಮಾಡಿದ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡವು ನಿಗದಿತ 20 ಓವರ್​ನಲ್ಲಿ 4 ವಿಕೆಟ್​ ನಷ್ಟ್ಕಕೆ 174 ರನ್ ಗಳಿಸುವ ಮೂಲಕ ಪಂಜಾಬ್​ ತಂಡಕ್ಕೆ 175 ರನ್​ ಟಾರ್ಗೆಟ್​ ನೀಡಿತು. ಈ ಮೊತ್ತ ಬೆನ್ನಟ್ಟಿದ ಪಂಜಾಬ್​ ತಂಡವು ನಿಗದಿತ 18.2 ಓವರ್​ನಲ್ಲಿ 10 ವಿಕೆಟ್​ ನಷ್ಟಕ್ಕೆ 150 ರನ್​ ಗಳಿಸುವ ಮೂಲಕ ಆರ್​ಸಿಬಿ ವಿರುದ್ಧ 24 ರನ್​ಗಳಿಂದ ಸೋಲನ್ನಪ್ಪಿತು.

ಬ್ಯಾಟಿಂಗ್​ನಲ್ಲಿ ಎಡವಿದ ಪಂಜಾಬ್​:

ಇನ್ನು, ಆರ್​ಸಿಬಿ ನೀಡಿದ ಟಾರ್ಗೆಟ್​ ಬೆನ್ನಟ್ಟಿದ ಪಂಜಾಬ್​ ತಂಡವು ನಿಗದಿತ 18.2 ಓವರ್​ನಲ್ಲಿ 10 ವಿಕೆಟ್​ ನಷ್ಟಕ್ಕೆ 150 ರನ್​ ಗಳಿಸಿತು. ಪಂಜಾಬ್​ ಕಿಂಗ್ಸ್ ಪರ, ಅಥರ್ವ ಟೈಡೆ 4 ರನ್, ಮ್ಯಾಥ್ಯೂ ಶಾರ್ಟ್ 8 ರನ್, ಪ್ರಭಿಶರ್ಮನ್​ ಸಿಂಗ್​ 46 ರನ್, ಹರ್‌ಪ್ರೀತ್ ಸಿಂಗ್ ಭಾಟಿಯಾ 13 ರನ್, ಲಿಯಾಮ್ ಲಿವಿಂಗ್‌ಸ್ಟೋನ್ 2 ರನ್, ಸ್ಯಾಮ್ ಕುರಾನ್ 10 ರನ್, ಜಿತೇಶ್ ಶರ್ಮಾ 41 ರನ್, ಶಾರುಖ್ ಖಾನ್ 7 ರನ್, ಹರ್‌ಪ್ರೀತ್ ಬ್ರಾರ್ 13 ರನ್, ನಾಥನ್ ಎಲ್ಲಿಸ್ 1 ರನ್ ಮತ್ತು ಅರ್ಶ್‌ದೀಪ್ ಸಿಂಗ್ 0 ರನ್​ ಗಳಿಸಿದರು.

𝘽𝙖𝙘𝙠 𝙩𝙤 𝙬𝙞𝙣𝙣𝙞𝙣𝙜 𝙬𝙖𝙮𝙨 😎@RCBTweets clinch a 24-run victory over #PBKS in Mohali 🙌🙌

Scorecard ▶️ https://t.co/CQekZNsh7b#TATAIPL | #PBKSvRCB pic.twitter.com/RGFwXXz5eC

— IndianPremierLeague (@IPL) April 20, 2023

ಬೆಂಗಳೂರು ಪರ ಇಂದು ಆರಂಭಿಕರಾಗಿ ಕಣಕ್ಕಿಳಿದ ವಿರಾಟ್ ಕೊಹ್ಲಿ ಮತ್ತು ಫಾಫ್​ ಡು ಪ್ಲೇಸಿಸ್​ ಶತಕದ ಜೊತೆಯಾಟವಾಡಿದರು. ಇವರಿಬ್ಬರೂ 137 ರನ್​ಗಳ ಭರ್ಜರಿ ಇನ್ನಿಂಗ್ಸ್ ಆಡಿದರು. ವಿರಾಟ್​ ಕೊಹ್ಲಿ 47 ಎಸೆತದಲ್ಲಿ 1 ಸಿಕ್ಸ್ ಮತ್ತು 5 ಫೋರ್ ಮೂಲಕ 59 ರನ್​ ಗಳಿಸಿದರು. ಅದರಂತೆ ಫಾಫ್​ ಡುಪ್ಲೇಸಿಸ್​ ಸಹ 56 ಎಸೆತದಲ್ಲಿ 5 ಸಿಕ್ಸ್ ಮತ್ತು 5 ಫೋರ್​ ಮೂಲಕ 84 ರನ್ ಗಳಿಸಿದರು.

ಇದನ್ನೂ ಓದಿ: Virat Kohli: ಐಪಿಎಲ್​ನಲ್ಲಿ ದಾಖಲೆಗಳ ಸುರಿಮಳೆಗೈದ ಕಿಂಗ್​ ಕೊಹ್ಲಿ, ರೆಕಾರ್ಡ್ಸ್ ಎಲ್ಲಾ ಪೀಸ್ ಪೀಸ್ ಎಂದ ಫ್ಯಾನ್ಸ್!

ಉಳಿದಂತೆ ಗ್ಲೇನ್​ ಮ್ಯಾಕ್ಸ್​ವೆಲ್​ ಶೂನ್ಯ, ದಿನೇಶ್​ ಕಾರ್ತಿಕ್ 7 ರನ್, ಮಹಿಪಾಲ್​ ಲೋಮ್ರೋರ್​ 7 ರನ್ ಮತ್ತು ಶಹ್ಬಾಜ್​ ಅಹ್ಮದ್​ 5 ರನ್ ಗಳಿಸಿದರು. ಇದೇ ವೇಳೆ ವಿರಾಟ್ ಕೊಹ್ಲಿ ತಮ್ಮ IPL ವೃತ್ತಿಜೀವನದ 48ನೇ ಅರ್ಧಶತಕವನ್ನು ಪೂರ್ಣಗೊಳಿಸಿದರು. ಜೊತೆಗೆ RCB ನಾಯಕ ಫಾಫ್ ಡುಪ್ಲೆಸಿ ತಮ್ಮ IPL ವೃತ್ತಿಜೀವನದ 29ನೇ ಅರ್ಧಶತಕವನ್ನು ಪೂರ್ಣಗೊಳಿಸಿದರು. ಇವರಿಬ್ಬರ ಬ್ಯಾಟಿಂಗ್​ ಮೂಲಕ ತಂಡದ ಗೆಲುವಿನಲ್ಲಿ ಪ್ರಮುಖರಾದರು.

ದಾಖಲೆ ನಿರ್ಮಿಸಿದ ಕೊಹ್ಲಿ:

ಐಪಿಎಲ್‌ನಲ್ಲಿ ಕೊಹ್ಲಿ ಮತ್ತೊಂದು ದಾಖಲೆ ಬರೆದಿದ್ದಾರೆ. ಪಂಜಾಬ್ ಕಿಂಗ್ಸ್ ವಿರುದ್ಧದ ಪಂದ್ಯದಲ್ಲಿ ಅರ್ಧಶತಕ ಸಿಡಿಸಿದ ಕೊಹ್ಲಿ ಅಪರೂಪದ ದಾಖಲೆಯೊಂದನ್ನು ತಮ್ಮ ಹೆಸರಿನಲ್ಲಿ ನಿರ್ಮಿಸಿದ್ದಾರೆ. ಐಪಿಎಲ್‌ನಲ್ಲಿ 600 ಬೌಂಡರಿಗಳನ್ನು ಬಾರಿಸಿದ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಈ ಪಂದ್ಯಕ್ಕೂ ಮುನ್ನ 598 ಬೌಂಡರಿಗಳನ್ನು ಸಿಡಿಸಿದ್ದ ಕೊಹ್ಲಿ ಖಾತೆಯಲ್ಲಿ ಪಂಜಾಬ್​ ಪಂದ್ಯದಲ್ಲಿ ಐದು ಬೌಂಡರಿಗಳನ್ನು ಸಿಡಿಸಿದ್ದಾರೆ. ಈ ಮೂಲಕ ಒಟ್ಟು 603 ಫೋರ್​ ಸಿಡಿಸಿದಂತಾಯಿತು. ಇದರೊಂದಿಗೆ ಕೊಹ್ಲಿ ಮತ್ತೊಂದು ಅಪರೂಪದ ದಾಖಲೆ ನಿರ್ಮಿಸಿದ್ದು, ಐಪಿಎಲ್ ವೃತ್ತಿಜೀವನದಲ್ಲಿ 100 ಬಾರಿ 30 ಪ್ಲಸ್ ರನ್ ಗಳಿಸಿದ ಆಟಗಾರ ಎಂಬ ರೆಕಾರ್ಡ್​ ಕ್ರಿಯೇಟ್​ ಮಾಡಿದ್ದಾರೆ.