RCB vs MI: ಮುಂಬೈ ವಿರುದ್ಧ ಆರ್​ಸಿಬಿಗೆ ಹೀನಾಯ ಸೋಲು, ಪ್ಲೇಆಫ್​ ಹಾದಿ ಇನ್ನಷ್ಟು ಜಟಿಲ

ಇಂಡಿಯನ್ ಪ್ರೀಮಿಯರ್ ಲೀಗ್ (IPL 2023) 2023ರ 54ನೇ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಮುಂಬೈ ಇಂಡಿಯನ್ಸ್ (MI vs RCB) ತಂಡಗಳು ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ (Wankhede Stadium) ಮುಖಾಮುಖಿ ಆದವು. ಈ ಪಂದ್ಯದಲ್ಲಿ ಮೊದಲು ಟಾಸ್​ ಸೋತು ಬ್ಯಾಟಿಂಗ್​ ಮಾಡಿದ ಆರ್​ಸಿಬಿ ತಂಡ ನಿಗದಿತ 20 ಓವರ್​ಗೆ 6 ವಿಕೆಟ್​ ನಷ್ಟಕ್ಕೆ 199 ರನ್​ ಗಳಿಸುವ ಮೂಲಕ ಮುಂಬೈ ಇಂಡಿಯನ್ಸ್ ತಂಡಕ್ಕೆ 200 ರನ್​ ಗಳ ಟಾರ್ಗೆಟ್​ ನೀಡಿತು. ಈ ಮೊತ್ತ ಬೆನ್ನಟ್ಟಿದ ಮುಂಬೈ ಇಂಡಿಯನ್ಸ್ ತಂಡವು 16.3 ಓವರ್​ಗೆ 4 ವಿಕೆಟ್​ ನಷ್ಟಕ್ಕೆ 200 ರನ್​ ಗಳಿಸುವ ಮೂಲಕ 6 ವಿಕೆಟ್​ಗಳ ಭರ್ಜರಿ ಜಯ ದಾಖಲಿಸಿತು. ಈ ಮೂಲಕ ಮುಂಬೈ ತಂಡ ಪ್ಲೇಆಫ್​ ಹಾದಿ ಇನ್ನಷ್ಟು ಸುಗಮವಾಯಿತು. ಆದರೆ ಆರ್​ಸಿಬಿ ಪ್ಲೇಆಫ್​ ಹಾದಿ ಮತ್ತಷ್ಟು ಕಠಿಣವಾಗಿದೆ.

ಅಬ್ಬರಿಸಿದ ಸೂರ್ಯಕುಮಾರ್ ಯಾದವ್:

ರೋಹಿತ್ ಶರ್ಮಾ ಮತ್ತೊಮ್ಮೆ ನಿರಾಸೆ ಮೂಡಿಸಿದ್ದಾರೆ. ಆರಂಭಿಕರಾಗಿ ಕಣಕ್ಕಿಳಿದ ರೋಹಿತ್​ ಶರ್ಮಾ 8 ಬಾಲ್​ಗೆ 7 ರನ್ ಗಳಿಸಿದರು. ಆದರೆ, ಸೂರ್ಯಕುಮಾರ್ ಯಾದವ್ 35 ಎಸೆತದಲ್ಲಿ 6 ಸಿಕ್ಸ್ ಮತ್ತು 7 ಫೋರ್​ ಮೂಲಕ 83 ರನ್​ ಗಳಿಸಿದರು. ಅವರೊಂದಿಗೆ ನೆಹಾಲ್ ವಧೇರಾ 34 ಎಸೆತದಲ್ಲಿ 3 ಸಿಕ್ಸ್ ಮತ್ತು 4 ಬೌಂಡರಿ ಮೂಲಕ 52 ರನ್ ಗಳಿಸಿದರು. ಟೀಮ್​ ಡೇವಿಡ್ ಶೂನ್ಯ, ಕ್ಯಾಮರೂನ್​ ಗ್ರಿನ್ 2 ರನ್ ಮತ್ತು ಇಶಾನ್​ ಕಿಶನ್ 42 ರನ್ ಗಳಿಸಿದರು.

SKY brought his joystick tonight and took the game away from us. 💔

We’ve got 3 games left. We’ll treat every game as a knockout game from here on and we will continue to believe ❤️‍🩹#PlayBold #ನಮ್ಮRCB #IPL2023 #MIvRCB pic.twitter.com/nMtXKjAzac

— Royal Challengers Bangalore (@RCBTweets) May 9, 2023

ಮೊದಲು ಬ್ಯಾಟಿಂಗ್​ ಆರಂಭಿಸಿದ ಬೆಂಗಳೂರು ತಂಡಕ್ಕೆ ಆಘಾತದ ಮೇಲೆ ಆಘಾತ ಉಂಟಾಯಿತು. ಆರಂಭದಲ್ಲಿಯೇ ವಿರಾಟ್ ಕೊಹ್ಲಿ ಮತ್ತು ಅನುಜ್​ ರಾವತ್​ ಬ್ಯಾಕ್​ ಟು ಬ್ಯಾಕ್​ ವಿಕೆಟ್​ ಹೋಗುವ ಮೂಲಕ ತಂಡಕ್ಕೆ ಹಿನ್ನಡೆ ಆಗಿತ್ತು. ಆದರೆ ಬಳಿಕ ನಾಯಕ ಫಾಫ್​ ಡು ಪ್ಲೇಸಿಸ್​ ಮತ್ತು ಗ್ಲೆನ್​ ಮ್ಯಾಕ್ಸ್​ವೆಲ್​ ಜೋಡಿ 62 ಎಸೆತದಲ್ಲಿ 120 ರನ್​ ಜೊತೆಯಾಟವಾಡಿದರು. ಆರ್​ಸಿಬಿ ಪರ ವಿರಾಟ್ ಕೊಹ್ಲಿ 1 ರನ್, ಫಾಫ್ ಡು ಪ್ಲೆಸಿಸ್ 42 ಎಸೆತದಲ್ಲಿ 5 ಬೌಂಡರಿ ಮತ್ತು 3 ಸಿಕ್ಸ್ ಮೂಲಕ 65 ರನ್ , ಅನುಜ್ ರಾವತ್ 6 ರನ್, ಗ್ಲೆನ್ ಮ್ಯಾಕ್ಸ್‌ವೆಲ್ 33 ಎಸೆತದಲ್ಲಿ 8 ಬೌಂಡರಿ ಮತ್ತು 4 ಸಿಕ್ಸ್ ಮೂಲಕ 68 ರನ್, ಮಹಿಪಾಲ್ ಲೊಮ್ರೋರ್ 1 ರನ್, ದಿನೇಶ್​ ಕಾರ್ತಿಕ್​ 30 ರನ್, ಕೇದಾರ್​ ಜಾದವ್​ 12 ರನ್ ಮತ್ತು ವನಿಂದು ಹಸರಂಗ 12 ರನ್ ಗಳಿಸಿದರು.

ಇದನ್ನೂ ಓದಿ: IPL 2023: ಕೊಹ್ಲಿಗೆ ಗಂಭೀರ್​-ನವೀನ್ ಕೌಂಟರ್​! ಲಕ್ನೋ ವಿರುದ್ಧ ಆರ್​ಸಿಬಿ ಫ್ಯಾನ್ಸ್ ಗರಂ

ವಾಂಖೆಡೆಯಲ್ಲಿ ಸುಸ್ತಾದ ಬೌಲರ್ಸ್​:

ಇನ್ನು, ಮುಂಬೈ ಮತ್ತು ಆರ್​ಸಿಬಿ ಬೌಲರ್​ಗಳು ಇಂದು ವಾಂಕೆಡೆಯಲ್ಲಿ ಸೋತು ಹೋದರು ಎಂದರೂ ತಪ್ಪಾಗಲಾರದು. ಆರ್​ಸಿಬಿ ಪರ ಕನ್ನಡಿಗ ವಿಜಯ್​ ವೈಶಾಕ್​ ಕುಮಾರ್ 3 ಓವರ್​ ಬೌಲ್​ ಮಾಡಿ 37 ರನ್ ನೀಡಿ 2 ವಿಕೆಟ್​ ಹಾಗೂ ವನಿಂದು ಹಸರಂಗ 4 ಓವರ್​ ಮಾಡಿ 53 ರನ್ ನೀಡಿ 2 ವಿಕೆಟ್​ ಪಡೆದರು. ಅದರಂತೆ ಮುಂಬೈ ಪರ ಜಾನ್ಸನ್​ 4 ಓವರ್​ಗೆ 36 ರನ್ ನೀಡಿ 3 ವಿಕೆಟ್​, ಕ್ಯಾಮರೂನ್​ ಗ್ರೀನ್​ 1 ವಿಕೆಟ್​, ಕ್ರಿಸ್​ ಜೋರ್ಡನ್​ 1 ವಿಕೆಟ್​, ಕುಮಾರ್​ ಕಾರ್ತಿಕೇಯ 1 ವಿಕೆಟ್​ ಪಡೆದರು.