LSG vs RCB: ತ್ರಿಮೂರ್ತಿಗಳ ಅಬ್ಬರಕ್ಕೆ ಬೆಚ್ಚಿಬಿದ್ದ ಲಕ್ನೋ, ರಾಹುಲ್​ ಪಡೆಗೆ ಬಿಗ್​ ಟಾರ್ಗೆಟ್​

ಐಪಿಎಲ್​ 2023ರ (IPl 2023) 15ನೇ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಲಕ್ನೋ ಸೂಪರ್ ಜೈಂಟ್ಸ್ (RCB vs LSG) ತಂಡಗಳು ಸೆಣಸಾಡುತ್ತಿವೆ. ಬೆಂಗಳೂರಿನ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ (M Chinnaswamy Stadium Bengaluru) ಈ ಪಂದ್ಯ ನಡೆಯುತ್ತಿದೆ. ಈಗಾಗಲೇ ಟಾಸ್​ ಗೆದ್ದ ಲಕ್ನೋ ನಾಯಕ ಕೆಎಲ್​ ರಾಹುಲ್​ ಬೌಲಿಂಗ್​ ಆಯ್ಕೆ ಮಾಡಿದ್ದು, ಆರ್​ಸಿಬಿ ಮೊದಲು ಬ್ಯಾಟಿಂಗ್​ ಮಾಡಿತು. ಬೆಂಗಳೂರು ತಂಡವು ನಿಗದಿತ 20 ಓವರ್​ನಲ್ಲಿ 2 ವಿಕೆಟ್​ ನಷ್ಟಕ್ಕೆ ಬರೋಬ್ಬರಿ 212 ರನ್​ ಗಳಿಸುವ ಮೂಲಕ ಲಕ್ನೋ ತಂಡಕ್ಕೆ 213  ರನ್​ಗಳ ಬೃಹತ್​ ಮೊತ್ತದ ಟಾರ್ಗೆಟ್​ ನೀಡಿದೆ. ಈ ಮೂಲಕ ತವರಿನಲ್ಲಿ ಮತ್ತೊಂದು ಗೆಲುವಿಗಾಗಿ ಆರ್​ಸಿಬಿ ಸನಿಹವಾಗಿದೆ.

ಆರ್​ಸಿಬಿ ಪರ ಅಬ್ಬರಿಸಿದ ತ್ರಿಮೂರ್ತಿಗಳು:

ಇನ್ನು, ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ಮಾಡಿದ ಆರ್​ಸಿಬಿ ತಂಡವು ನಿಗದಿತ 20 ಓವರ್​ನಲ್ಲಿ 2 ವಿಕೆಟ್​ ನಷ್ಟಕ್ಕೆ ಬರೋಬ್ಬರಿ 212 ರನ್ ಗಳಿಸಿತು. ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡದ ಪರ ಆರಂಭಿಕರಾಗಿ ಕಣಕ್ಕಿಳಿದ ವಿರಾಟ್ ಕೊಹ್ಲಿ ಮತ್ತು ನಾಯಕ ಫಾಫ್​ ಡುಪ್ಲೇಸಿಸ್​ ಭರ್ಜರಿಯಾಗಿ ಆಟವಾಡಿದರು. ಬಳಿಕ ಬಂದ ಗ್ಲೇನ್​ ಮ್ಯಾಕ್ಸ್​ವೆಲ್​ ಸಹ ಅಬ್ಬರದ ಬ್ಯಾಟಿಂಗ್​ ಮೂಲಕ ಮೂವರು ಸಹ ಆಕರ್ಷಕ ಅರ್ಧಶತಕ ಸಿಡಿಸಿದರು.

We asked for a Big Finish, and a big finish is what we got!🥹

Bowlers, now it’s your time to shine 👊#PlayBold #ನಮ್ಮRCB #IPL2023 #RCBvLSG pic.twitter.com/QQZAQF2bVr

— Royal Challengers Bangalore (@RCBTweets) April 10, 2023

ವಿರಾಟ್ ಕೊಹ್ಲಿ 44 ಎಸೆತದಲ್ಲಿ 4 ಸಿಕ್ಸ್ 4 ಪೋರ್​ ಮೂಲಕ 61 ರನ್​ ಗಳಿಸಿದರೆ, ಫಾಫ್​ ಡುಪ್ಲೇಸಿಸ್​ 46 ಎಸೆತದಲ್ಲಿ 5 ಸಿಕ್ಸ್ ಮತ್ತು 5 ಫೋರ್​ ಮೂಲಕ 79 ರನ್​ ಹಾಗೂ ಗ್ಲೇನ್ ಮ್ಯಾಕ್ಸ್​ವೆಲ್​ 29 ಎಸೆತದಲ್ಲಿ 6 ಸಿಕ್ಸ್ ಮತ್ತು 3 ಫೋರ್​ ಮೂಲಕ 59 ರನ್ ಕೊನೆಯಲ್ಲಿ ದಿನೇಶ್​ ಕಾರ್ತಿಕ್​ 1 ರನ್​ ಗಳಿಸುವ ಮೂಲಕ ತಂಡದ ಮೊತ್ತ ಇನ್ನೂರು ರನ್​ ಗಡಿ ದಾಟಲು ಸಹಾಯಕರಾದರು.

ಇದನ್ನೂ ಓದಿ: IPL 2023: ಚೆನ್ನೈ ಸೂಪರ್ ಕಿಂಗ್ಸ್ ಗೆ ಬಿಗ್ ಶಾಕ್, ಇಂಜುರಿ ಸಮಸ್ಯೆಯಿಂದ ಇಬ್ಬರು ಸ್ಟಾರ್​ ಪ್ಲೇಯರ್​ ಔಟ್​!

ದುಬಾರಿಯಾದ ಲಕ್ನೋ ಬೌಲರ್ಸ್​:

ಟಾಸ್​ ಗೆದ್ದು ಮೊದಲು ಬೌಲಿಂಗ್​ ಮಾಡಿದ ಲಕ್ನೋ ತಂಡದ ಬೌಲರ್ಸ್​ ಆರ್​ಸಿಬಿ ವಿರುದ್ಧ ಇಂದು ದುಬಾರಿಯಾದರು. ಕೊಹ್ಲಿ, ಡುಪ್ಲೇಸಿಸ್​ ಮತ್ತು ಮ್ಯಾಕ್ಸ್​ವೆಲ್​ ಕಟ್ಟಿಹಾಕುವಲ್ಲಿ ವಿಫಲರಾದರು. ಲಕ್ನೋ ಪರ, ಮಾರ್ಕ್​ ವುಡ್​ ಮತ್ತು ಅಮಿತ್​ ಮಿಶ್ರಾ ತಲಾ ಒಂದು ವಿಕೆಟ್​ ಪಡೆದರು. ಉಳದಂತೆ ಜಯದೇವ್​ ಉನದ್ಕಟ್​ 27 ರನ್, ಆವೇಶ್​ ಖಾನ್​ 53 ರನ್, ಕೃನಲ್​ ಪಅಂಡ್ಯ 35 ರನ್ ನೀಡುವ ಮೂಲಕ ದುಬಾರಿಯಾದರು.

ಬೆಂಗಳೂರು- ಲಕ್ನೋ ಪ್ಲೇಯಿಂಗ್​ 11:

ರಾಯಲ್​ ಚಾಲೆಂಜರ್ಸ್​​ ಬೆಂಗಳೂರು ಪ್ಲೇಯಿಂಗ್ 11: ವಿರಾಟ್ ಕೊಹ್ಲಿ, ಫಾಫ್ ಡುಪ್ಲೆಸಿ (ಸಿ), ಮಹಿಪಾಲ್ ಲೊಮ್ರೋರ್, ಗ್ಲೆನ್ ಮ್ಯಾಕ್ಸ್‌ವೆಲ್, ಶಹಬಾಜ್ ನದೀಮ್, ದಿನೇಶ್ ಕಾರ್ತಿಕ್ (ವಿಕಿ), ಅನುಜ್ ರಾವತ್, ಡೇವಿಡ್ ವಿಲ್ಲಿ, ವೇಯ್ನ್ ಪಾರ್ನೆಲ್, ಹರ್ಷಲ್ ಪಟೇಲ್, ಮೊಹಮ್ಮದ್ ಸಿರಾಜ್.

ಲಕ್ನೋ ಸೂಪರ್ ಜೈಂಟ್ಸ್ ಪ್ಲೇಯಿಂಗ್ 11: ಕೆಎಲ್ ರಾಹುಲ್ (ಸಿ), ಕೈಲ್ ಮೈಯರ್ಸ್, ದೀಪಕ್ ಹೂಡಾ, ಮಾರ್ಕಸ್ ಸ್ಟೊಯಿನಿಸ್, ಕೃನಾಲ್ ಪಾಂಡ್ಯ, ನಿಕೋಲಸ್ ಪೂರನ್ (wk), ಜಯದೇವ್ ಉನದ್ಕತ್, ಅಮಿತ್ ಮಿಶ್ರಾ, ಅವೇಶ್ ಖಾನ್, ಮಾರ್ಕ್ ವುಡ್ ರವಿ ಬಿಷ್ಣೋಯಿ.