RCB vs DC: ಡೆಬ್ಯೂ ಮ್ಯಾಚ್​ನಲ್ಲಿಯೇ ಕನ್ನಡಿಗ ಬೆಂಕಿ ಬೌಲಿಂಗ್​, ತವರಿನಲ್ಲಿ ಗೆದ್ದು ಬೀಗಿದ ಆರ್​ಸಿಬಿ

ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB vs DC) ತಂಡಗಳು ಸೆಣಸಾಡಿದವು. ಟಾಸ್ ಗೆದ್ದ ಡೆಲ್ಲಿ ತಂಡದ ನಾಯಕ ಡೇವಿಡ್ ವಾರ್ನರ್ (David Warner) ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದರು. ಹೀಗಾಗಿ ಮೊದಲು ಬ್ಯಾಟಿಂಗ್​ ಮಾಡಿದ ಆರ್​ಸಿಬಿ ತಂಡವು ನಿಗದಿತ 20 ಓವರ್​ನಲ್ಲಿ 6 ವಿಕೆಟ್​ ನಷ್ಟಕ್ಕೆ 174 ರನ್ ​ಗಳಿಸುವ ಮೂಲಕ ಡೆಲ್ಲಿ ತಂಡಕ್ಕೆ 175 ರನ್​ಗಳ ಟಾರ್ಗೆಟ್​ ನೀಡಿತು. ಈ ಮೊತ್ತ ಬೆನ್ನಟ್ಟಿದ ಡೆಲ್ಲಿ ತಂಡ 20 ಓವರ್​ಗಳಿಗೆ 9 ವಿಕೆಟ್​ ನಷ್ಟಕ್ಕೆ 151 ರನ್​ ಗಳಿಸುವ ಮೂಲಕ 23 ರನ್​ಗಳಿಂದ ಸೋಲನ್ನಪ್ಪಿತು. ಈ ಮೂಲಕ ಆರ್​ಸಿಬಿ ತಂಡ ತವರಿನಲ್ಲಿ ಮತ್ತೊಂದು ಗೆಲುವು ಸಾಧಿಸಿತು. ಈ ಮೂಲಕ ಆರ್​ಸಿಬಿ ತಂಡ ಅಂಕಪಟ್ಟಿಯಲ್ಲಿ 2 ಗೆಲುವಿನೊಂದಿಗೆ 4 ಅಂಕ ಗಳಿಸಿ 7ನೇ ಸ್ಥಾನಕ್ಕೇರಿದೆ.

ಬ್ಯಾಟಿಂಗ್​ನಲ್ಲಿ ಎಡವಿದ ಡೆಲ್ಲಿ:

ಇನ್ನು, ಡೆಲ್ಲಿ ತಂಡ  20 ಓವರ್​ಗಳಿಗೆ 9 ವಿಕೆಟ್​ ನಷ್ಟಕ್ಕೆ 151 ರನ್​ ಗಳಿಸಲಷ್ಟೇ ಶಕ್ತವಾಯಿತು. ಡಿಸಿ ಪರ, ನಾಯಕ ಡೇವಿಡ್ ವಾರ್ನರ್ 19 ರನ್, ಪೃಥ್ವಿ ಶಾ ಶೂನ್ಯ, ಮಿಚೆಲ್ ಮಾರ್ಷ್ ಶೂನ್ಯ, ಯಶ್ ಧುಲ್ 1 ರನ್, ಮನೀಶ್ ಪಾಂಡೆ 50 ರನ್, ಅಕ್ಷರ್ ಪಟೇಲ್ 21 ರನ್, ಲಲಿತ್ ಯಾದವ್ 4 ರನ್, ಅಮನ್ ಹಕೀಮ್ ಖಾನ್ 18 ರನ್, ಎನ್ರಿಚ್ ನಾರ್ಟ್ಜೆ 23 ರನ್, ಅಭಿಷೇಕ್ ಪೊರೆಲ್ 5 ರನ್ ಮತ್ತು ಕುಲದೀಪ್ ಯಾದವ್ 7 ರನ್ ಗಳಿಸಿದರು.

Back to winning ways 🙌@RCBTweets register a 23-run win at home and clinch their second win of the season 👏👏

Scorecard ▶️ https://t.co/xb3InbFbrg #TATAIPL | #RCBvDC pic.twitter.com/5lE5gWQm8H

— IndianPremierLeague (@IPL) April 15, 2023

ಸ್ಪರ್ದಾತ್ಮಕ ಟಾರ್ಗೆಟ್​ ನೀಡಿದರೂ ಇಂದು ಆರ್​ಸಿಬಿ ಬೌಲರ್ಸ್​ ಉತ್ತಮ ಪ್ರದರ್ಶನ ನೀಡಿದರು. ಅದರಲ್ಲಿಯೂ ಚೊಚ್ಚಲ ಪಂದ್ಯದಲ್ಲಿಯೇ ಕನ್ನಡಿಗ ವೈಶಾಖ್​ ವಿಜಯ್ ​ಕುಮಾರ್ 4 ಓವರ್​ ಮಾಡಿ 20 ರನ್ ನೀಡಿ ಪ್ರಮುಖ 4 ವಿಕೆಟ್​ ಪಡೆದು ಮಿಂಚಿದರು. ಉಳಿದಂತೆ ಮೊಹಮ್ಮದ್ ಸಿರಾಜ್​ ಸಹ 4 ಓವರ್​ಗೆ 23 ರನ್ ನೀಡಿ 2 ವಿಕೆಟ್​ ಪಡೆದರು.

ಇದನ್ನೂ ಓದಿ: Team India: ಐಪಿಎಲ್​ ನಡುವೆ ಟೀಂ ಇಂಡಿಯಾಗೆ ಭರ್ಜರಿ ಗುಡ್​ ನ್ಯೂಸ್​! ಸ್ಟಾರ್​ ಪ್ಲೇಯರ್​ ಕಂಬ್ಯಾಕ್​ಗೆ ಬಿಸಿಸಿಐ ಮುಹೂರ್ತ ಫಿಕ್ಸ್

ಕೊಹ್ಲಿ ಉತ್ತಮ ಬ್ಯಾಟಿಂಗ್​:

ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡದ ಪರ ವಿರಾಟ್​ ಕೊಹ್ಲಿ 34 ಎಸೆತದಲ್ಲಿ 6 ಬೌಂಡರಿ ಮತ್ತು 1 ಸಿಕ್ಸ್ ಮೂಲಕ ಆಕರ್ಷಕ 50 ರನ್​ ಗಳಿಸಿದರು. ಉಳದಂತೆ ನಾಯಕ ಫಾಫ್ ಡುಪ್ಲೇಸಿಸ್ 22 ರನ್, ಮಹಿಪಾಲ್ ಲೊಮ್ರೋರ್ 26 ರನ್, ಗ್ಲೇನ್​ ಮ್ಯಾಕ್ಸ್​ವೆಲ್ 24 ರನ್, ಹರ್ಷಲ್​ ಪಟೇಲ್ 6 ರನ್, ದಿನೇಶ್​ ಕಾರ್ತಿಕ್ ಶೂನ್ಯ, ಅನುಜ್​ ರಾವತ್​ 15 ರನ್ ಮತ್ತು ಶಹಬಾಜ್ ಅಹ್ಮದ್ 18 ರನ್ ಗಳಿಸಿದರು.

ಬೌಲಿಂಗ್​ನಲ್ಲಿ ಮಿಂಚಿದ ಡೆಲ್ಲಿ ಬಾಯ್ಸ್:

ಡೆಲ್ಲಿ ಪರ ಕುಲದೀಪ್ ಯಾದವ್ ಸತತ 2 ವಿಕೆಟ್​ ತೆಗೆಯುವ ಮೂಲಕ ಉತ್ತಮ ಬ್ರೇಕ್​ ಥ್ರೂ ನೀಡಿದರು. ಮೊದಲ ಎಸೆತದಲ್ಲಿ ಗ್ಲೆನ್ ಮ್ಯಾಕ್ಸ್‌ವೆಲ್ ಮತ್ತು ಎರಡನೇ ಎಸೆತದಲ್ಲಿ ದಿನೇಶ್ ಕಾರ್ತಿಕ್ ಅವರನ್ನು ಖಾತೆ ತೆರೆಯದೆ ವಾಪಸ್ ಕಳುಹಿಸಿದರು. ತಪ್ಪಿಸಿದರು ಮತ್ತು ವಿಕೆಟ್ ಕಳೆದುಕೊಂಡರು. ಇನ್ನು, ಅಕ್ಷರ್​ ಪಟೇಲ್​ 1 ವಿಕೆಟ್, ಲಿಲಿತ್ ಯಾದವ್ 1 ವಿಕೆಟ್​, ಮಿಚೆಲ್​ ಮಾರ್ಷಲ್​ 2 ವಿಕೆಟ್​ ಮತ್ತು ಕುಲ್​ದೀಪ್​ ಯಾದವ್​ 2 ವಿಕೆಟ್​ ಪಡೆದರು.