RCB vs CSK: ಬೆಂಗಳೂರಲ್ಲಿ ಅಬ್ಬರಿಸಿದ ಧೋನಿ ಬಾಯ್ಸ್, ಆರ್​ಸಿಬಿ ತಂಡಕ್ಕೆ ಬಿಗ್​ ಟಾರ್ಗೆಟ್​

ಚೆನ್ನೈ ಮತ್ತು ಆರ್‌ಸಿಬಿ (RCB vs CSK) ತಂಡಗಳು ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ (M. Chinnaswamy Stadium) ಸೆಣಸಾಡುತ್ತಿದೆ. ಈಗಾಗಲೇ ಮೊದಲು ಟಾಸ್​ ಗೆದ್ದು ಬೌಲಿಂಗ್​ ಆಯ್ಕೆ ಮಾಡಿಕೊಂಡ ಆರ್​ಸಿಬಿ ನಾಯಕ ಫಾಫ್​ ಡು ಪ್ಲೇಸಿಸ್​ ಆಲೋಚನೆಯನ್ನು ಚೆನ್ನೈ ಬ್ಯಾಟ್ಸ್​ಮನ್ಸ್ ತಲೆಕೆಳಗೆ ಮಾಡಿದರು. ಚೆನ್ನೈ ಪರ ಡ್ವೇನ್​ ಕಾನ್ವೆ (Devon Conway) ಮತ್ತು ಶಿವಂ ದುಭೆ ಭರ್ಜರಿ ಬ್ಯಾಟಿಂಗ್​ ಮಾಡುವ ಮೂಲಕ ಆರ್​ಸಿಬಿ ಬೌಲರ್​ಗಳ ಬೆವರಿಳಿಸಿದರು. ಅಂತಿಮವಾಗಿ ಚೆನ್ನೈ ಸೂಪರ್​ ಕಿಂಗ್ಸ್ ತಂಡವು ನಿಗದಿತ 20 ಓವರ್​ನಲ್ಲಿ 6 ವಿಕೆಟ್​ ನಷ್ಟಕ್ಕೆ 226 ರನ್​ ಗಳಿಸುವ ಮೂಲಕ ರಾಯಲ್​ ಚಾಲೆಂಜರ್ಸ್​ ತಂಡಕ್ಕೆ 227 ರನ್​ಗಳ ಬಿಗ್​ ಟಾರ್ಗೆಟ್​ ನೀಡಿದರು.

ಬೆಂಗಳೂರಲ್ಲಿ ಅಬ್ಬರಿಸಿದ ಧೋನಿ ಬಾಯ್ಸ್:

ಇನ್ನು, ಟಾಸ್​ ಸೋತು ಮೊದಲು ಬ್ಯಾಟ್​ ಮಾಡಿದ ಚೆನ್ನೈ ತಂಡ, 20 ಓವರ್​ನಲ್ಲಿ 6 ವಿಕೆಟ್​ ನಷ್ಟಕ್ಕೆ 226 ರನ್​ ಗಳಿಸಿತು. ಚೆನ್ನೈ ಸೂಪರ್​ ಕಿಂಗ್ಸ್ ತಂಡದ ಪರ ಇಂದು ಆರಂಭಿಕರಾಗಿ ಕಣಕ್ಕಿಳಿದ ರುತುರಾಜ್ ಗಾಯಕ್ವಾಡ್ ಕೇವಲ 3 ರನ್​ ಗಳಿಸಿ ವಿಕೆಟ್​ ಒಪ್ಪಿಸಿದರು. ಆದರೆ ಬಳಿಕ ಡೆವೊನ್ ಕಾನ್ವೆ ಅಬ್ಬರ ಆರಂಭವಾಯಿತು. ಅವರು 45 ಎಸೆತದಲ್ಲಿ 6 ಸಿಕ್ಸ್ ಮತ್ತು 6 ಫೋರ್​ ಮೂಲಕ ಬರೋಬ್ಬರಿ 83 ರನ್​ ಗಳಿಸಿದರು. ಅವರ ಜೊತೆ ಶಿವಂ ದುಬೆ ಸಹ ಕೇವಲ 27 ಎಸೆತದಲ್ಲಿ 5 ಸಿಕ್ಸ್ ಮತ್ತು 2 ಪೋರ್​ ಮೂಲಕ 52 ರನ್​ ಸಿಡಿಸಿದರು. ಉಳಿದಂತೆ ಅಜಿಂಕ್ಯ ರಹಾನೆ 20 ಎಸೆತದಲ್ಲಿ 37 ರನ್, ಅಂಬಟಿ ರಾಯುಡು 14 ರನ್, ರವೀಂದ್ರ ಜಡೇಜಾ 10 ರನ್, ಮೋಯಿನ್​ ಅಲಿ 19 ರನ್ ಮತ್ತು ಕೊನೆಯಲ್ಲಿ ಬಂದ ನಾಯಕ ಧೋನಿ 1 ರನ್​ ಗಳಿಸಿದರು.

Innings Break!

It was raining boundaries in the first innings as @ChennaiIPL post a mighty total of 226/6!

Another high-scoring thriller on the cards? We will find out soon 😉

Scorecard ▶️ https://t.co/nvoo5Sl96y #TATAIPL | #RCBvCSK pic.twitter.com/DpQbs56QQj

— IndianPremierLeague (@IPL) April 17, 2023

ಟಾಸ್​ ಗೆದ್ದು ಬೌಲಿಂಗ್​ ಆಯ್ಕೆ ಮಾಡಿದ ಆರ್​ಸಿಬಿ ಲೆಕ್ಕಾಚಾರ ತಲೆಕೆಳಗಾಗಿತ್ತು. ಚೆನ್ನೈ ಬ್ಯಾಟ್ಸ್​ಮನ್ಸ್​ಗಳನ್ನು ಕಟ್ಟಿಹಾಕುವಲ್ಲಿ ಯಾರೊಬ್ಬರ ಹತ್ತಿರವೂ ಸಾಧ್ಯವಾಗಲಿಲ್ಲ. ಆರ್​ಸಿಬಿ ಪರ ಮೊಹಮ್ಮದ್ ಸಿರಾಜ್​ 30 ರನ್ ನೀಡಿ 1 ವಿಕೆಟ್​, ವಾರ್ನೆ ಪರ್ನೆಲ್​ 48 ರನ್​ ನೀಡಿ 1 ವಿಕೆಟ್​, ವೈಶಾಕ್​ ವಿಜಯ್​ಕುಮಾರ್​ 62 ರನ್ ನೀಡಿ 1 ವಿಕೆಟ್​, ಹಸರಂಗ ಮತ್ತು ಹರ್ಷಲ್​ ಪಟೇಲ್ ಮತ್ತು ಗ್ಲೇನ್​ ಮ್ಯಾಕ್ಸ್​ವೆಲ್​ ತಲಾ 1 ವಿಕೆಟ್​ ಪಡೆದರು.

ಇದನ್ನೂ ಓದಿ: RCB vs CSK Rivalry: ಮತ್ತೆ ಶುರುವಾಯ್ತು ಆರ್​​ಸಿಬಿ-ಸಿಎಸ್​ಕೆ ಫ್ಯಾನ್ಸ್​ ವಾರ್​​, ಪ್ರತಿ ಬಾರಿ ಹೀಗಾಗೋದ್ಯಾಕೆ?

ಐಪಿಎಲ್​ 2023 ಅಂಕಪಟ್ಟಿ:

ಇನ್ನು, ಐಪಿಎಲ್​ 2023ರ 16ನೇ ಸೀಸನ್​ನ ಅಂಕಪಟ್ಟಿಯಲ್ಲಿ 5 ಪಂದ್ಯದಲ್ಲಿ 4 ಪಂದ್ಯ ಗೆದ್ದಿರುವ ರಾಜಸ್ಥಾನ್​ ರಾಯಲ್ಸ್ ಅಗ್ರಸ್ಥಾನದಲ್ಲಿದೆ. ಚೆನ್ನೈ ಮತ್ತು ಬೆಂಗಳೂರು ತಂಡಗಳು ಆಡಿರುವ 4 ಪಂದ್ಯದಲ್ಲಿ 2ರಲ್ಲಿ ಗೆದ್ದು 2ರಲ್ಲಿ ಸೋತು ಕ್ರಮವಾಗಿ ಸಿಎಸ್​ಕೆ 6ನೇ ಸ್ಥಾನ ಮತ್ತು ಆರ್​ಸಿಬಿ 7ನೇ ಸ್ಥಾನದಲ್ಲಿದೆ. ಹೀಗಾಗಿ ಇಂದು ಗೆದ್ದ ತಂಡ ಅಂಕಪಟ್ಟಿಯಲ್ಲಿ ಮೇಲೇರಲಿದೆ.

ಸಿಎಸ್​ಕೆ - ಆರ್​ಸಿಬಿ ಪ್ಲೇಯಿಂಗ್​ 11:

ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಪ್ಲೇಯಿಂಗ್​ 11: ವಿರಾಟ್ ಕೊಹ್ಲಿ, ಫಾಫ್ ಡು ಪ್ಲೆಸಿಸ್ (ನಾಯಕ), ಮಹಿಪಾಲ್ ಲೊಮ್ರೊರ್, ಗ್ಲೆನ್ ಮ್ಯಾಕ್ಸ್‌ವೆಲ್, ಶಹಬಾಜ್ ಅಹ್ಮದ್, ದಿನೇಶ್ ಕಾರ್ತಿಕ್, ಹರ್ಷಲ್ ಪಟೇಲ್, ವನಿಂದು ಹಸರಂಗ, ವೇಯ್ನ್ ಪಾರ್ನೆಲ್, ವಿಜಯ್‌ಕುಮಾರ್ ವೈಶಾಕ್, ಮೊಹಮ್ಮದ್ ಸಿರಾಜ್.

ಚೆನ್ನೈ ಸೂಪರ್​ ಕಿಂಗ್ಸ್ ಪ್ಲೇಯಿಂಗ್​ 11: ಡೆವೊನ್ ಕಾನ್ವೆ, ರುತುರಾಜ್ ಗಾಯಕ್ವಾಡ್, ಅಜಿಂಕ್ಯ ರಹಾನೆ, ಮೊಯಿನ್ ಅಲಿ, ಅಂಬಟಿ ರಾಯುಡು, ಶಿವಂ ದುಬೆ, ರವೀಂದ್ರ ಜಡೇಜಾ, ಎಂಎಸ್ ಧೋನಿ (w/c),ಮತೀಶ ಪತಿರಾನ, ತುಷಾರ್ ದೇಶಪಾಂಡೆ, ಮಹೀಶ್ ತೀಕ್ಷಣ.