RCB vs CSK, IPL 2023: ಆರ್​ಸಿಬಿ ವಿರುದ್ಧ ಚೆನ್ನೈಗೆ ಭರ್ಜರಿ ಜಯ, ಫಾಫ್​-ಮ್ಯಾಕ್ಸಿ ಹೋರಾಟ ವ್ಯರ್ಥ!

ಇಂದು ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ (M. Chinnaswamy Stadium) ಚೆನ್ನೈ ಮತ್ತು ಆರ್‌ಸಿಬಿ (RCB vs CSK) ತಂಡಗಳು ಮುಖಾಮುಖಿ ಆದವು. ಮೊದಲು ಟಾಸ್​ ಗೆದ್ದ ಆರ್​ಸಿಬಿ ನಾಯಕ ಫಾಫ್​ ಡು ಪ್ಲೇಸಿಸ್​ ಬೌಲಿಂಗ್​ ಆಯ್ಕೆ ಮಾಡಿಕೊಂಡರು. ಚೆನ್ನೈ ಪರ ಡ್ವೇನ್​ ಕಾನ್ವೆ (Devon Conway) ಮತ್ತು ಶಿವಂ ದುಭೆ ಭರ್ಜರಿ ಬ್ಯಾಟಿಂಗ್​ ಮಾಡಿದರು. ಅಂತಿಮವಾಗಿ ಚೆನ್ನೈ ಸೂಪರ್​ ಕಿಂಗ್ಸ್ ತಂಡವು ನಿಗದಿತ 20 ಓವರ್​ನಲ್ಲಿ 6 ವಿಕೆಟ್​ ನಷ್ಟಕ್ಕೆ 226 ರನ್​ ಗಳಿಸಿತು. ಈ ಮೊತ್ತ ಬೆನ್ನಟ್ಟಿದ ಆರ್​ಸಿಬಿ ತಂಡ ನಿಗದಿತ 20 ಓವರ್​ಗಳಿಗೆ 8 ವಿಕೆಟ್​ ನಷ್ಟಕ್ಕೆ 218 ರನ್​ ಗಳಿಸುವ ಮೂಲಕ 8 ರನ್​ ಗಳಿಂದ ಸೋಲನ್ನಪ್ಪಿತು.

ಮ್ಯಾಕ್ಸ್​ವೆಲ್​ -ಫಾಫ್​ ಆಟ ವ್ಯರ್ಥ:

ಇನ್ನು, ಚೆನ್ನೈ ನೀಡಿದ ಬಿಗ್​ ಟಾರ್ಗೆಟ್​ ಬೆನ್ನಟ್ಟಿದ ಬೆಂಗಳೂರು ತಂಡ  20 ಓವರ್​ಗಳಿಗೆ 8 ವಿಕೆಟ್​ ನಷ್ಟಕ್ಕೆ 218 ರನ್​ ಗಳಿಸಿತು. ಆರ್​ಸಿಬಿ ಪರ ವಿರಾಟ್ ಕೊಹ್ಲಿ ಅನಿರಿಕ್ಷಿತವಾಗಿ ಔಟ್​ ಆಗುವ ಮೂಲಕ ನಿರಾಸೆ ಅನುಭವಿಸಿದರು. ಅವರು ಕೇವಲ 6 ರನ್​ ಗಳಿಸಿ ಫೇವೆಲಿಯನ್​ ತಲುಪಿದರು. ಆದರೆ ಬಳಿಕ ಮಹಿಪಾಲ್​ ಲೊಮ್ರೋರಾ ಶೂನ್ಯಕ್ಕೆ ಔಟ್​ ಆದರು. ನಂತರ ನಾಯಕ ಫಾಫ್​ ಡು ಪ್ಲೇಸಿಸ್​ ಮತ್ತು ಗ್ಲೇನ್​ ಮ್ಯಾಕ್ಸ್ವೆಲ್​ ಅಬ್ಬರಿಸುವ ಮೂಲಕ ಗೆಲುವಿನ ಆಸೆ ಚಿಗುರಿಸಿದರು. ಡುಪ್ಲೇಸಿಸ್​ 33 ಎಸೆಯದಲ್ಲಿ 4 ಸಿಕ್ಸ್ ಮತ್ತು 5 ಪೋರ್​ ಮೂಲಕ 62 ರನ್​ ಗಳಿಸಿದರು. ಅದರಂತೆ ಗ್ಲೇನ್​ ಮ್ಯಾಕ್ಸ್ವೆಲ್​ ಸಹ 36 ಎಸೆತದಲ್ಲಿ 8 ಸಿಕ್ಸ್ ಮತ್ತು 3 ಫೋರ್​ ಮೂಲಕ 76 ರನ್​ ಗಳಿಸಿದರು. ಉಳದಿಂತೆ ಶಾಹಬಾಜ್​ ಅಹ್ಮದ್​ 12 ರನ್, ದಿನೇಶ್​ ಕಾರ್ತಿಕ್​​ 28 ರನ್, ವಾರ್ನೆ ಪರ್ನೇಲ್​ 2 ರನ್ ಗಳಿಸಿದರು.

ಚೆನ್ನೈ ಸಂಘಟಿತ ಬೌಲಿಂಗ್​ ದಾಳಿ:

ಆರ್​ಸಿಬಿಗೆ ಬಿಗ್​ ಟಾರ್ಗೆಟ್​ ನೀಡಿದರೂ ಚೆನ್ನೈ ಬೌಲರ್ಸ್​ ಆರಂಭದಲ್ಲಿ ಉತ್ತಮ ಸ್ಪೆಲ್​ ಮಾಡಿದರು. ಆದರೆ ಬಳಿಕ ಫಾಫ್​ ಮತ್ತು ಮ್ಯಾಕ್ಸ್ವೆಲ್​ ಭರ್ಜರಿ ಬ್ಯಾಟಿಂಗ್​ ಮಾಡಿದರು. ಚೆನ್ನೈ ಪರ ಇಂದು ತುಷಾರ್​ ದೇಶಪಾಂಡೆ 4 ಓವರ್​ ಮಾಡಿ 45 ರನ್ ನೀಡಿ ಪ್ರಮುಖ 3 ವಿಕೆಟ್​ ಪಡೆದು ಮಿಂಚಿದರು. ಉಳದಂತೆ ಆಕಾಶ್​ ಸಿಂಗ್​ 1 ವಿಕೆಟ್​, ಮಹೀಶಾ ತೀಕ್ಷಣ್​ 1 ವಿಕೆಟ್​, ಮತೇಶಾ ಪ್ರತಿರಣ್​ 2 ವಿಕೆಟ್​ ಮತ್ತು ಮೋಯಿನ್​ ಅಲಿ 1 ವಿಕೆಟ್​ ಪಡೆಯುವ ಮೂಲಕ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.

ಇದನ್ನೂ ಓದಿ: IPL 2023, RCB vs CSK: ಬೆಂಗಳೂರಲ್ಲಿ ಮೊಳಗಿದ ಧೋನಿ ಪರ ಘೋಷಣೆ, ಆರ್‌ಸಿಬಿಗೆ ಸಪೋರ್ಟ್‌ ಮಾಡೋಕೆ ಬಂದ್ರು ಶಿವಣ್ಣ

ಕಾನ್ವೆ - ದುಬೆ ಭರ್ಜರಿ ಬ್ಯಾಟಿಂಗ್​:

ಚೆನ್ನೈ ಸೂಪರ್​ ಕಿಂಗ್ಸ್ ತಂಡದ ಪರ ಇಂದು ಆರಂಭಿಕರಾಗಿ ಕಣಕ್ಕಿಳಿದ ರುತುರಾಜ್ ಗಾಯಕ್ವಾಡ್ ಕೇವಲ 3 ರನ್​ ಗಳಿಸಿ ವಿಕೆಟ್​ ಒಪ್ಪಿಸಿದರು. ಆದರೆ ಬಳಿಕ ಡೆವೊನ್ ಕಾನ್ವೆ ಅಬ್ಬರ ಆರಂಭವಾಯಿತು. ಅವರು 45 ಎಸೆತದಲ್ಲಿ 6 ಸಿಕ್ಸ್ ಮತ್ತು 6 ಫೋರ್​ ಮೂಲಕ ಬರೋಬ್ಬರಿ 83 ರನ್​ ಗಳಿಸಿದರು. ಅವರ ಜೊತೆ ಶಿವಂ ದುಬೆ ಸಹ ಕೇವಲ 27 ಎಸೆತದಲ್ಲಿ 5 ಸಿಕ್ಸ್ ಮತ್ತು 2 ಪೋರ್​ ಮೂಲಕ 52 ರನ್​ ಸಿಡಿಸಿದರು. ಉಳಿದಂತೆ ಅಜಿಂಕ್ಯ ರಹಾನೆ 20 ಎಸೆತದಲ್ಲಿ 37 ರನ್, ಅಂಬಟಿ ರಾಯುಡು 14 ರನ್, ರವೀಂದ್ರ ಜಡೇಜಾ 10 ರನ್, ಮೋಯಿನ್​ ಅಲಿ 19 ರನ್ ಮತ್ತು ಕೊನೆಯಲ್ಲಿ ಬಂದ ನಾಯಕ ಧೋನಿ 1 ರನ್​ ಗಳಿಸಿದರು.

ಮತ್ತೆ ಬೌಲಿಂಗ್​ನಲ್ಲಿ ಎಡವಿದ ಫಾಫ್​ ಬಾಯ್ಸ್:

ಟಾಸ್​ ಗೆದ್ದು ಬೌಲಿಂಗ್​ ಆಯ್ಕೆ ಮಾಡಿದ ಆರ್​ಸಿಬಿ ಲೆಕ್ಕಾಚಾರ ತಲೆಕೆಳಗಾಗಿತ್ತು. ಚೆನ್ನೈ ಬ್ಯಾಟ್ಸ್​ಮನ್ಸ್​ಗಳನ್ನು ಕಟ್ಟಿಹಾಕುವಲ್ಲಿ ಬೆಂಗಳೂರು ತಂಡ ವಿಫಲವಾಯಿತು. ಆರ್​ಸಿಬಿ ಪರ ಮೊಹಮ್ಮದ್ ಸಿರಾಜ್​ 30 ರನ್ ನೀಡಿ 1 ವಿಕೆಟ್​, ವಾರ್ನೆ ಪರ್ನೆಲ್​ 48 ರನ್​ ನೀಡಿ 1 ವಿಕೆಟ್​, ವೈಶಾಕ್​ ವಿಜಯ್​ಕುಮಾರ್​ 62 ರನ್ ನೀಡಿ 1 ವಿಕೆಟ್​, ಹಸರಂಗ ಮತ್ತು ಹರ್ಷಲ್​ ಪಟೇಲ್ ಮತ್ತು ಗ್ಲೇನ್​ ಮ್ಯಾಕ್ಸ್​ವೆಲ್​ ತಲಾ 1 ವಿಕೆಟ್​ ಪಡೆದರು.