IPL 2023: ಆರ್​​ಸಿಬಿ ತಂಡಕ್ಕೆ ಆರಂಭಿಕರ ಸಮಸ್ಯೆ; ಈ ಮೂರು ಕಾಂಬಿನೇಷನ್ನಲ್ಲಿ ಯಾವುದು ಬೆಟರ್?

ಐಪಿಎಲ್ (IPL 2023)​​ ಟೂರ್ನಿ ಆರಂಭವಾದ ಸಮಯದಿಂದಲೂ ಒಮ್ಮೆಯೂ ಟ್ರೋಫಿ ಗೆಲ್ಲದ ತಂಡಗಳಲ್ಲಿ ರಾಯಲ್​ ಚಾಲೆಂಜರ್ಸ್​​ ಬೆಂಗಳೂರು (Royal Challengers Bangalore) ಒಂದು. ಟ್ರೋಫಿ ಗೆಲ್ಲುವ ಸಾಮರ್ಥ್ಯವಿದ್ದರೂ ಅದೃಷ್ಟ ಮಾತ್ರ ತಂಡದ ಕೈ ಹಿಡಿದಿಲ್ಲ. ಕಳೆದ ವರ್ಷ ಎಲಿಮಿನೇಟರ್​ ಹಂತಕ್ಕೂ ಎಂಟ್ರಿ ಕೊಟ್ಟಿದ್ದ ಆರ್​​ಸಿಬಿ (RCB), ರಾಜಸ್ಥಾನ ರಾಯಲ್ಸ್ (Rajasthan Royals) ತಂಡದ ವಿರುದ್ಧ ಸೋಲುಂಡು ಮನೆ ಹಿಂದಿರುಗಿಸಿತ್ತು. ಆದರೆ ಈ ಬಾರಿ ತಂಡ ಬ್ಯಾಲೆನ್ಸ್​​ ಆಗಿ ಕಾಣುತ್ತಿದೆ. ಆದರೆ ಆರಂಭಿಕ ಜೋಡಿಯ ಸಮಸ್ಯೆ ಮಾತ್ರ ತಂಡವನ್ನು ಕಾಡುತ್ತಿದೆ ಎಂದು ಹೇಳಬಹುದು.

ಹಳೆ ಫಾರ್ಮಲಾವನ್ನೇ ಮುಂದುವರಿಸುತ್ತಾರಾ?

ಆರ್​ಸಿಬಿ ತಂಡದ ಆರಂಭಿಕರಾಗಿ ಉತ್ತಮ ಪ್ರದರ್ಶನ ನೀಡಿರುವ ಆಟಗಾರರಲ್ಲಿ ವಿರಾಟ್​ ಕೊಹ್ಲಿ ಕೂಡ ಒಬ್ಬರು. ಸದ್ಯ ತಂಡದ ನಾಯಕರಾಗಿರುವ ಫಾಫ್ ಡು ಪ್ಲೆಸ್ಸಿಸ್ ಕೂಡ ಉತ್ತಮ ಆಟಗಾರರಾಗಿದ್ದರೆ. ಇಬ್ಬರು ಉತ್ತಮ ಫಾರ್ಮ್​​ನಲ್ಲಿ ಒಂದಾದರೆ ಆ ಪಂದ್ಯದಲ್ಲಿ ತಂಡಕ್ಕೆ ಅತ್ಯುತ್ತಮ ಆರಂಭ ಲಭ್ಯವಾಗೋದು ಖಚಿತ ಅಂತಲೇ ಹೇಳಬಹುದು.

ಕಳೆದ ವರ್ಷ ವಿರಾಟ್​ ಕೊಹ್ಲಿ ಉತ್ತಮ ಫಾರ್ಮ್​​ನಲ್ಲಿ ಇಲ್ಲದಿದ್ದರೂ ಇಬ್ಬರ ಜೋಡಿ ಉತ್ತಮ ಆರಂಭವನ್ನೇ ನೀಡಿತ್ತು. ಈ ಕಾರಣದಿಂದ ಮುಂದಿನ ವರ್ಷದಲ್ಲೂ ಈ ಇಬ್ಬರೇ ಆರಂಭಿಕರಾಗಿ ಕಣಕ್ಕಿಳಿಯುವ ಸಾಧ್ಯತೆ ಇದೆ. ಏಕೆಂದರೆ ಕೊಹ್ಲಿ ಇತ್ತೀಚೆಗೆ ಉತ್ತಮ ಫಾರ್ಮ್​ಗೆ ಮರಳಿದ್ದು, ಡು ಪ್ಲೆಸ್ಸಿಸ್​ ಕೂಡ ಫಾರ್ಮ್​​ನಲ್ಲಿದ್ದಂತೆ ಕಾಣುತ್ತಿದೆ.

ಆರ್​ಸಿಬಿ

ಇದನ್ನೂ ಓದಿ: IPL 2023: ಈ ಸ್ಟಾರ್​ ಕ್ರಿಕೆಟಿಗರ ಪ್ರೀತಿಗೆ ಐಪಿಎಲ್​ ಕಾರಣವಂತೆ, ತಾಜ್​ಮಹಲ್​ ಎದುರು ಪ್ರಪೋಸ್​ ಮಾಡಿದ RCB ಆಟಗಾರ

ಯುವ ಆಟಗಾರನಿಗೆ ಸಿಗುತ್ತಾ ಚಾನ್ಸ್?

ಆರ್​ಸಿಬಿ ತಂಡದಲ್ಲಿ ಯುವ ವಿಕೆಟ್ ಕೀಪರ್, ಬ್ಯಾಟರ್ ಅನೂಜ್​​ ರಾವತ್​​ ಕೂಡ ಸ್ಥಾನ ಪಡೆದುಕೊಂಡಿದ್ದಾರೆ. ಕಳೆದ ವರ್ಷದ ಆವೃತ್ತಿಯಲ್ಲಿ ಆರಂಭಿಕರಾಗಿ ರಾವತ್​ಗೆ ಕೆಲ ಅವಕಾಶಗಳು ಸಿಕ್ಕಿದರೂ ಹೇಳಿಕೊಳ್ಳುವಂತ ಪ್ರದರ್ಶನ ಸಿಕ್ಕಿರಲಿಲ್ಲ. ಆ ಬಳಿಕ ವಿರಾಟ್​ ಕೊಹ್ಲಿಯನ್ನು ಆರಂಭಿಕರಾಗಿ ಕಣಕ್ಕೆ ಇಳಿಸಿಲಾಗಿತ್ತು.

ಈ ಬಾರಿಯ ಆವೃತ್ತಿಯಲ್ಲೂ ಮೊದಲು ರಾವತ್​​ಗೆ ಕೆಲ ಅವಕಾಶಗಳನ್ನು ನೀಡುವ ಸಾಧ್ಯತೆ ಇದೆ. ಆದರೆ ದಿನೇಶ್​ ಕಾರ್ತಿಕ್​ರಂತಹ ಆಟಗಾರರು ತಂಡದಲ್ಲಿರೋ ಕಾರಣ, ರಾವತ್​ಗೆ ಪ್ಲೇಯಿಂಗ್​ ಇಲೆವೆನ್​ನಲ್ಲಿ ಸ್ಥಾನ ಸಿಗೋದು ಕಷ್ಟ ಅಂತ ಹೇಳಲಾಗುತ್ತಿದೆ.

ಹೊಸ ಪ್ರಯೋಗಕ್ಕೆ ಮುಂದಾಗುತ್ತಾರಾ?

ಕಳೆದ ಎರಡು ಆವೃತ್ತಿಗಳಲ್ಲಿ ಆರ್​ಸಿಬಿ ತಂಡದೊಂದಿಗೆ ಪ್ರಯಾಣ ಮಾಡುತ್ತಿರುವ ಮತ್ತೊರ್ವ ವಿಕೆಟ್ ಕೀಪರ್, ಬ್ಯಾಟರ್ ಫಿನ್ ಅಲೆನ್. ಕಿವೀಸ್​ ಆಟಗಾರರಾಗಿರುವ ಅಲೆನ್​ಗೆ ಇದುವರೆಗೂ ಆರ್​​ಸಿಬಿ ಪರ ಆಡುವ ಅವಕಾಶ ಸಿಕ್ಕಿಲ್ಲ. ಆದರೆ ನ್ಯೂಜಿಲೆಂಡ್​ ಪರ 160 ಸ್ಟ್ರೈಕ್​ ರೆಟ್​​ನೊಂದಿಗೆ ಬ್ಯಾಟ್​ ಮಾಡಿರೋ ಅಲೆನ್​​ ಒಂದು ಅವಕಾಶಕ್ಕಾಗಿ ಕಾಯುತ್ತಿದ್ದಾರೆ. ಈ ಅಂಶವನ್ನು ನೋಡಿದರು ಆರ್​ಸಿಬಿ ಮ್ಯಾನೇಜ್​ಮೆಂಟ್​ ಅವರನ್ನು ಬೆಂಚ್​ಗೆ ಸೀಮಿತ ಮಾಡಿದರೆ ಬಹುದೊಡ್ಡ ತಪ್ಪಾಗುತ್ತದೆ ಅಂತ ಎಲ್ಲರು ಅಭಿಪ್ರಾಯಪಟ್ಟಿದ್ದಾರೆ.

ಇದನ್ನೂ ಓದಿ: IPL 2023: ಐಪಿಎಲ್​ 10 ತಂಡಗಳ ಸಂಪೂರ್ಣ ಆಟಗಾರರ ಲಿಸ್ಟ್​, ಯಾವ ತಂಡ ಬಲಿಷ್ಠವಾಗಿದೆ?

ನ್ಯೂಜಿಲೆಂಡ್ ತಂಡದ ಓಪನರ್​ ಆಗಿ ಮಿಂಚುತ್ತಿರುವ ಅಲೆನ್​​ಗೆ ಆರ್​ಸಿಬಿ ತಂಡದ ಪರ ಆರಂಭಿಕರಾದರೆ ಡು ಪ್ಲೆಸ್ಸಿಸ್ ​​ಗೆ ಉತ್ತಮ ಜೋಡಿ ಆಗ್ತಾರೆ ಎನ್ನಲಾಗಿದೆ. ಮೂರನೇ ಕ್ರಮಾಂಕದಲ್ಲಿ ಕೊಹ್ಲಿ ಆಡಲು ಸಾಧ್ಯವಾಗಲಿದೆ. ಈ ಮೂವರು ಆಟಗಾರರಲ್ಲಿ ಬೆಂಗಳೂರು ಫ್ರಾಂಚೈಸಿ ಯಾರಿಗೆ ಅವಕಾಶ ನೀಡುತ್ತೆ ಎಂಬುವುದನ್ನು ಕಾದು ನೋಡಬೇಕು.

𝗦𝘁𝗿𝗼𝗻𝗴 𝗰𝗼𝗿𝗲 𝗮𝗻𝗱 𝘁𝗵𝗲𝗻 𝘀𝗼𝗺𝗲 𝗺𝗼𝗿𝗲. 💪

Pretty much sums up our Class of 2023. We’re summer ready! Aren’t we, 12th Man Army? 😍#PlayBold #WeAreChallengers #IPL2023 #ClassOf2023 pic.twitter.com/JhPKnldrP6

— Royal Challengers Bangalore (@RCBTweets) December 24, 2022