IPL 2023, RCB vs PBKS: ಫಾಫ್​-ಕೊಹ್ಲಿ ಅದ್ಭುತ ಬ್ಯಾಟಿಂಗ್​, ಪಂಜಾಬ್​ ತಂಡಕ್ಕೆ ಸ್ಪರ್ಧಾತ್ಮಕ ಟಾರ್ಗೆಟ್​ ನೀಡಿದ ಆರ್​ಸಿಬಿ

ಇಂಡಿಯನ್ ಪ್ರೀಮಿಯರ್ ಲೀಗ್‌ನ (IPL 2023) 16ನೇ ಋತುವಿನ 27ನೇ ಪಂದ್ಯದಲ್ಲಿ, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಪಂಜಾಬ್ ಕಿಂಗ್ಸ್ (PBKS vs RCB) ಸೆಣಸಾಡುತ್ತಿದೆ. ಐಪಿಎಲ್ 2023ರ ಈ ಪಂದ್ಯ ಮೊಹಾಲಿಯಲ್ಲಿ ನಡೆಯುತ್ತಿದೆ. ಆರ್‌ಸಿಬಿ ನಾಯಕ ಫಾಫ್ ಡುಪ್ಲೆಸಿ ಇದುವರೆಗೆ ಟೂರ್ನಿಯಲ್ಲಿ ಅತಿ ಹೆಚ್ಚು ರನ್ ಗಳಿಸಿದ್ದು, ಆರೆಂಜ್​ ಕ್ಯಾಫ್​ ಹೋಲ್ಡರ್​ ಆಗಿದ್ದಾರೆ. ಇದರ ನಡುವೆ ಗಾಯದ ಸಮಸ್ಯೆಯ ನಡುವೆಯೂ ಫಾಫ್​ ಬ್ಯಾಟಿಂಗ್​ ಮಾಡಿದ್ದಾರೆ. ಆದರೆ ಫಿಲ್ಡಿಂಗ್​ ಮಾಡುವುದಿಲ್ಲ ಎಂದು ನಾಯಕ ವಿರಾಟ್ ಕೊಹ್ಲಿ ತಿಳಿಸಿದ್ದಾರೆ. ಇನ್ನು, ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ಮಾಡಿದ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡವು ನಿಗದಿತ 20 ಓವರ್​ನಲ್ಲಿ 4 ವಿಕೆಟ್​ ನಷ್ಟ್ಕಕೆ 174 ರನ್ ಗಳಿಸುವ ಮೂಲಕ ಪಂಜಾಬ್​ ತಂಡಕ್ಕೆ 175  ರನ್​ ಟಾರ್ಗೆಟ್​ ನೀಡಿದೆ.

ಫಾಫ್​ - ಕೊಹ್ಲಿ ಭರ್ಜರಿ ಬ್ಯಾಟಿಂಗ್​:

ಇನ್ನು, ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ಮಾಡಿದ ಆರ್​ಸಿಬಿ ತಂಡ 20 ಓವರ್​ನಲ್ಲಿ 4 ವಿಕೆಟ್​ ನಷ್ಟ್ಕಕೆ 174 ರನ್ ಗಳಿಸಿತು. ಆರ್​ಸಿಬಿ ಪರ ಇಂದು ಆರಂಭಿಕರಾಗಿ ಕಣಕ್ಕಿಳಿದ ವಿರಾಟ್ ಕೊಹ್ಲಿ ಮತ್ತು ಫಾಫ್​ ಡು ಪ್ಲೇಸಿಸ್​ ಶತಕದ ಜೊತೆಯಾಟವಾಡಿದರು. ಇವರಿಬ್ಬರೂ 137 ರನ್​ಗಳ ಭರ್ಜರಿ ಇನ್ನಿಂಗ್ಸ್ ಆಡಿದರು. ವಿರಾಟ್​ ಕೊಹ್ಲಿ 47 ಎಸೆತದಲ್ಲಿ 1 ಸಿಕ್ಸ್ ಮತ್ತು 5 ಫೋರ್ ಮೂಲಕ 59 ರನ್​ ಗಳಿಸಿದರು. ಅದರಂತೆ ಫಾಫ್​ ಡುಪ್ಲೇಸಿಸ್​ ಸಹ 56 ಎಸೆತದಲ್ಲಿ 5 ಸಿಕ್ಸ್ ಮತ್ತು 5 ಫೋರ್​ ಮೂಲಕ 84 ರನ್ ಗಳಿಸಿದರು. ಉಳಿದಂತೆ ಗ್ಲೇನ್​ ಮ್ಯಾಕ್ಸ್​ವೆಲ್​ ಶೂನ್ಯ, ದಿನೇಶ್​ ಕಾರ್ತಿಕ್ 7 ರನ್, ಮಹಿಪಾಲ್​ ಲೋಮ್ರೋರ್​ 7 ರನ್ ಮತ್ತು ಶಹ್ಬಾಜ್​ ಅಹ್ಮದ್​ 5 ರನ್ ಗಳಿಸಿದರು.

Innings Break!

Fifties from openers @imVkohli & @faf1307 power @RCBTweets to 174/4 in the first innings 👌🏻👌🏻

Will it be enough for @PunjabKingsIPL? We'll find out soon 😎

Scorecard ▶️ https://t.co/CQekZNsh7b#TATAIPL | #PBKSvRCB pic.twitter.com/GUMlqjfxqT

— IndianPremierLeague (@IPL) April 20, 2023

ವಿರಾಟ್ ಕೊಹ್ಲಿ ತಮ್ಮ IPL ವೃತ್ತಿಜೀವನದ 48ನೇ ಅರ್ಧಶತಕವನ್ನು ಪೂರ್ಣಗೊಳಿಸಿದರು. ಜೊತೆಗೆ RCB ನಾಯಕ ಫಾಫ್ ಡುಪ್ಲೆಸಿ ತಮ್ಮ IPL ವೃತ್ತಿಜೀವನದ 29ನೇ ಅರ್ಧಶತಕವನ್ನು ಪೂರ್ಣಗೊಳಿಸಿದರು.

ಇದನ್ನೂ ಓದಿ: Virat Kohli: ಆರ್​ಸಿಬಿ ಬಿಡುವ ಮನಸ್ಸು ಮಾಡಿದ್ದೆ! ಐಪಿಎಲ್​ ನಡುವೆ ಹೊಸ ಬಾಂಬ್​ ಸಿಡಿಸಿದ ಕಿಂಗ್​ ಕೊಹ್ಲಿ

ಕೊಹ್ಲಿ - ಡುಪ್ಲೆಸಿ ಭರ್ಜರಿ ಜೊತೆಯಾಟ:

ಐಪಿಎಲ್ 2023ರಲ್ಲಿ ಇಲ್ಲಿಯವರೆಗೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ನಾಯಕ ಫಾಫ್ ಡುಪ್ಲೆಸೆ ಮತ್ತು ವಿರಾಟ್ ಕೊಹ್ಲಿ 473 ರನ್‌ಗಳ ಜೊತೆಯಾಟವನ್ನು ಹಂಚಿಕೊಂಡಿದ್ದಾರೆ. ಈವರೆಗೆ ಯಾವುದೇ ಜೋಡಿ 300 ರನ್‌ಗಳ ಗಡಿ ದಾಟಲು ಸಾಧ್ಯವಾಗಿಲ್ಲ. ಇದರಿಂದಾಗಿ ಆರ್​ಸಿಬಿಯ ಈ ಆರಂಭಿಕ ಜೋಡಿ ಐಪಿಎಲ್​ನಲ್ಲಿ ಹೊಸ ದಾಖಲೆ ಬರೆಯುವ ಸನಿಹದಲ್ಲಿದೆ.

ಆರ್​ಸಿಬಿ - ಪಂಜಾಬ್​ ಪ್ಲೇಯಿಂಗ್​ 11:

ಪಂಜಾಬ್ ಕಿಂಗ್ಸ್ ಪ್ಲೇಯಿಂಗ್​ 11: ಅಥರ್ವ ಟೈಡೆ, ಮ್ಯಾಥ್ಯೂ ಶಾರ್ಟ್, ಹರ್‌ಪ್ರೀತ್ ಸಿಂಗ್ ಭಾಟಿಯಾ, ಲಿಯಾಮ್ ಲಿವಿಂಗ್‌ಸ್ಟೋನ್, ಸ್ಯಾಮ್ ಕುರಾನ್(ಸಿ), ಜಿತೇಶ್ ಶರ್ಮಾ(ಡಬ್ಲ್ಯೂ), ಶಾರುಖ್ ಖಾನ್, ಹರ್‌ಪ್ರೀತ್ ಬ್ರಾರ್, ನಾಥನ್ ಎಲ್ಲಿಸ್, ರಾಹುಲ್ ಚಾಹರ್, ಅರ್ಶ್‌ದೀಪ್ ಸಿಂಗ್.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪ್ಲೇಯಿಂಗ್​ 11: ವಿರಾಟ್ ಕೊಹ್ಲಿ(ಸಿ), ಫಾಫ್ ಡು ಪ್ಲೆಸಿಸ್, ಮಹಿಪಾಲ್ ಲೋಮ್ರೋರ್, ಗ್ಲೆನ್ ಮ್ಯಾಕ್ಸ್‌ವೆಲ್, ಶಹಬಾಜ್ ಅಹ್ಮದ್, ದಿನೇಶ್ ಕಾರ್ತಿಕ್(ಡಬ್ಲ್ಯೂ), ವನಿಂದು ಹಸರಂಗ, ಸುಯಶ್ ಪ್ರಭುದೇಸಾಯಿ, ಹರ್ಷಲ್ ಪಟೇಲ್, ವೇಯ್ನ್ ಪಾರ್ನೆಲ್, ಮೊಹಮ್ಮದ್ ಸಿರಾಜ್.