LSG vs PBKS: ಲಕ್ನೋ ವಿರುದ್ಧ ಪಂಜಾಬ್​ಗೆ ರೋಚಕ ಜಯ, ಕನ್ನಡಿಗ ಕೆಎಲ್ ರಾಹುಲ್​ ಆಟ ವ್ಯರ್ಥ

ಐಪಿಎಲ್ 2023 (IPL 2023) 21ನೇ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ ವಿರುದ್ಧ ಲಕ್ನೋ ಸೂಪರ್ ಜೈಂಟ್ಸ್ (LSG vs PBKS) ಮುಖಾಮುಖಿ ಆದವು. ಉಭಯ ತಂಡಗಳ ನಡುವಿನ ಈ ಪಂದ್ಯ ಏಕನಾ ಸ್ಪೋರ್ಟ್ಸ್ ಸಿಟಿಯಲ್ಲಿ (Ekana Sports City) ನಡೆಯಿತು. ಟಾಸ್​ ಗೆದ್ದ ಪಂಜಾಬ್ ಕಿಂಗ್ಸ್ ಮೊದಲು ಫೀಲ್ಡಿಂಗ್ ಮಾಡಲು ನಿರ್ಧರಿಸಿತು. ಶಿಖರ್ ಧವನ್ ಅನುಪಸ್ಥಿತಿಯಲ್ಲಿ ಪಂಜಾಬ್ ತಂಡವನ್ನು ಸ್ಯಾಮ್ ಕರನ್​ ಮುನ್ನಡೆಸಿದರು. ಮೊದಲು ಬ್ಯಾಟ್​ ಮಾಡಿದ ಲಕ್ನೋ ತಂಡ ನಿಗಿತ 20 ಓವರ್​ನಲ್ಲಿ 8 ವಿಕೆಟ್​ ನಷ್ಟಕ್ಕೆ 159 ರನ್ ಗಳಿಸಿತು. ಈ ಮೊತ್ತ ಬೆನ್ನಟ್ಟಿದ ಪಂಜಾಬ್​ ಕಿಂಗ್ಸ್ ತಂಡವು 19.3 ಓವರ್​ಗಳಲ್ಲಿ 8 ವಿಕೆಟ್​ ನಷ್ಟಕ್ಕೆ 161 ರನ್​ ಗಳಿಸುವ ಮೂಲಕ 2 ವಿಕೆಟ್​ಗಳ ರೋಚಕ ಜಯ ದಾಖಲಿಸಿತು.

ಸಿಕಂದರ್ ರಜಾ ಭರ್ಜರಿ ಬ್ಯಾಟಿಂಗ್​:

ಇನ್ನು, ಲಕ್ನೋ ನೀಡಿದ ಟಾರ್ಗೆಟ್​ ಬೆನ್ನಟ್ಟಿದ ಪಂಜಾಬ್​ ತಂಡ 19.3 ಓವರ್​ಗಳಲ್ಲಿ 8 ವಿಕೆಟ್​ ನಷ್ಟಕ್ಕೆ 161 ರನ್​ ಗಳಿಸುವ ಮೂಲಕ 2 ವಿಕೆಟ್​ ​ಗಳ ರೋಚಕ ಜಯ ದಾಖಲಿಸಿತು.ಪಂಜಾಬ್​ ಪರ ಸಿಕಂದರ್ ರಜಾ ಏಕಾಂಗಿ ಹೋರಾಟ ನಡೆಸಿದರು. ಸಿಕಂದರ್ ರಜಾ 41 ಎಸೆತದಲ್ಲಿ 3 ಸಿಕ್ಸ್ ಮತ್ತು 4 ಫೊರ್​ ಮೂಲಕ 57 ರನ್​ ಗಳಿಸಿದರು. ಉಳಿದಂತೆ, ಅಥರ್ವ ತೈಡೆ ಶೂನ್ಯ, ಹರ್ಪ್ರೀತ್ ಭಾಟಿಯಾ 22 ರನ್, ಮ್ಯಾಥ್ಯೂ ಶಾರ್ಟ್ 34 ರನ್, ಜಿತೇಶ್ ಶರ್ಮಾ 2 ರನ್, ಸ್ಯಾಮ್ ಕರನ್ 6 ರನ್, ಪ್ರಭ್ಷಿಮರಣ್​ ಸಿಂಗ್​ 4 ರನ್, ಕಗಿಸೊ ರಬಾಡ ಶೂನ್ಯ, ಹರ್ಪ್ರೀತ್ ಬ್ರಾರ್ 6 ರನ್, ಶಾರುಖ್ ಖಾನ್ 23 ರನ್ ಗಳಿಸಿದರು.

ಲಯಕ್ಕೆ ಮರಳಿದ ಕನ್ನಡಿಗ ರಾಹುಲ್:

ಇನ್ನು, ಟಾಸ್​ ಸೋತು ಮೊದಲು ಬ್ಯಾಟ್​ ಮಾಡಿದ ಲಕ್ನೋ ಪರ ಇಂದು ನಾಯಕ ಕೆಎಲ್​ ರಾಹುಲ್​ ಭರ್ಜರಿ ಬ್ಯಾಟಿಂಗ್​ ಮಾಡುವ ಮೂಲಕ ಮತ್ತೆ ಲಯಕ್ಕೆ ಬಂದಂತೆ ಕಾಣಿಸಿಕೊಂಡರು. ರಾಹುಲ್ 56 ಎಸೆತದಲ್ಲಿ 1 ಸಿಕ್ಸ್ ಮತ್ತು 8 ಪೋರ್​ ಮೂಲಕ 74 ರನ್​ ಗಳಿಸಿದರು. ಉಳಿದಂತೆ ಲಕ್ನೋ ಪರ, ಕೈಲ್ ಮೇಯರ್ಸ್ 29 ರನ್, ದೀಪಕ್ ಹೂಡಾ 2 ರನ್, ಕೃನಾಲ್ ಪಾಂಡ್ಯ 18 ರನ್, ಮಾರ್ಕಸ್ ಸ್ಟೋನಿಸ್ 15 ರನ್, ನಿಕೋಲಸ್ ಪೂರನ್ ಶೂನ್ಯ, ಆಯುಷ್ ಬಡೋನಿ 5 ರನ್, ರವಿ ಬಿಷ್ಣೋಯ್​ 3 ರನ್ ಗಳಿಸಿದರು.

ಇದನ್ನೂ ಓದಿ: Virat Kohli: ಐಪಿಎಲ್​ನಲ್ಲಿ ಹೊಸ ದಾಖಲೆ ಬರೆದ ಕಿಂಗ್​ ಕೊಹ್ಲಿ! ಈ ಸಾಧನೆ ಮಾಡಿದ ಮೊದಲ ಆಟಗಾರ ವಿರಾಟ್

ಏಕನಾ ಸ್ಟೇಡಿಯಂನಲ್ಲಿ ಅಬ್ಬರಿಸಿದ ಬೌಲರ್ಸ್​:

ಇನ್ನು, ಲಕ್ನೋ ಮತ್ತು ಪಂಜಾಬ್​ ತಂಡದ ಬೌಲರ್​ಗಳು ಇಂದು ಭರ್ಜರಿ ದಾಳಿ ನಡೆಸಿದರು. ಪಂಜಾಬ್​ ಪರ ಅರ್ಷದೀಪ್​ ಸಿಂಗ್​ 1 ವಿಕೆಟ್, ಕಗಿಸೋ ರಬಾಡ 2 ವಿಕೆಟ್​, ಸ್ಯಾಮ್​ ಕರನ್​ 3 ವಿಕೆಟ್​ ಹರ್ಪ್ರಿತ್​ ಬ್ರಾರ್​ 1 ಮತ್ತು ಸಿಕಂಧರ್​ ರಾಝಾ 1 ವಿಕೆಟ್​ ಪಡೆದು ಮಿಂಚಿದರು. ಅದೇ ರಿತಿ ಲಕ್ನೋ ಪರ ಸಹ ಬೌಲರ್​ಗಳು ಉತ್ತಮ ದಾಳಿ ನಡೆಸಿದರು. ಲಕ್ನೋ ಪರ ಯಧುವೀರ್ ಸಿಂಗ್​ 2 ವಿಕೆಟ್​, ಮಾರ್ಕ್​ ವುಡ್​ 2 ವಿಕೆಟ್​, ರವಿ ಬಿಷ್ಣೋಯ್​ 2 ವಿಕೆಟ್​ ಮತ್ತು ಕೃಷ್ಣಪ್ಪ ಗೌತಮ್​ ಮತ್ತು ಕೃನಲ್​ ಪಾಂಡ್ಯ ತಲಾ 1 ವಿಕೆಟ್​ ಪಡೆದರು.

ಭುಜದ ನೋವಿಗೆ ತುತ್ತಾದ ಧವನ್​:

ಕಳೆದ ಪಂದ್ಯದಲ್ಲಿ ಶಿಖರ್ ಧವನ್ ಭುಜದ ನೋವಿಗೆ ಒಳಗಾಗಿದ್ದರು ಎಂದು ಟಾಸ್ ನಂತರ ಸ್ಯಾಮ್ ಕರನ್ ಹೇಳಿದ್ದಾರೆ. ಆದರೆ, ಧವನ್ ಗಾಯ ಎಷ್ಟು ಗಂಭೀರವಾಗಿದೆ. ಈ ಬಗ್ಗೆ ಕರನ್ ಹೆಚ್ಚಿನ ಮಾಹಿತಿ ನೀಡಿಲ್ಲ. ಧವನ್ ಅನುಪಸ್ಥಿತಿಯಲ್ಲಿ ಸಿಕಂದರ್ ರಜಾ ಮತ್ತು ಹರ್‌ಪ್ರೀತ್ ಭಾಟಿಯಾ ಈ ಪಂದ್ಯವನ್ನು ಆಡುತ್ತಿದ್ದಾರೆ. ರನ್ ಚೇಸ್ ಸಮಯದಲ್ಲಿ ಪಂಜಾಬ್ ಖಂಡಿತವಾಗಿಯೂ ಧವನ್ ಅವರನ್ನು ಮಿಸ್ ಮಾಡಿಕೊಂಡಿತು. ಆರೆಂಜ್ ಕ್ಯಾಪ್ ರೇಸ್‌ನಲ್ಲಿ ಶಿಖರ್ ಧವನ್ ಇದ್ದು, ಅವರು ಐಪಿಎಲ್ 2023ರ 4 ಪಂದ್ಯಗಳ ಮೂಲಕ 233 ರನ್ ಗಳಿಸಿದ್ದಾರೆ. ಅವರು 4 ಪಂದ್ಯಗಳಲ್ಲಿ 2 ಅರ್ಧಶತಕಗಳನ್ನು ಗಳಿಸಿದ್ದಾರೆ. ಸನ್‌ರೈಸರ್ಸ್ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ ಧವನ್ ಅಜೇಯ 99 ರನ್ ಗಳಿಸಿದ್ದರು.