RCB vs KKR: ಕೋಲ್ಕತ್ತಾ ಎದುರು ಆರ್​ಸಿಬಿ ತಂಡಕ್ಕೆ ಹೀನಾಯ ಸೋಲು, ತವರಿನಲ್ಲಿ ಗೆದ್ದು ಬೀಗಿದ ಕೆಕೆಆರ್​

ನಿತೀಶ್ ರಾಣಾ ನಾಯಕತ್ವದ ಕೋಲ್ಕತ್ತಾ ನೈಟ್ ರೈಡರ್ಸ್ ಮತ್ತು ಫಾಫ್ ಡುಪ್ಲೆಸಿ ನೇತೃತ್ವದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಗಳು ಇಂದು ಕೋಲ್ಕತ್ತಾ ತಂಡ ಈ ಪಂದ್ಯವನ್ನು ತನ್ನ ತವರು ಮೈದಾನ ಈಡನ್ ಗಾರ್ಡನ್‌ನಲ್ಲಿ (Eden Gardens) ಮುಖಾಮುಖಿ ಆದವು. ಈ ಪಂದ್ಯದಲ್ಲಿ ಟಾಸ್ ಗೆದ್ದ RCB ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದೆ. ಕೆಕೆಆರ್ ಆರ್‌ಸಿಬಿ ಮುಂದೆ 205 ರನ್‌ಗಳ ಗುರಿ ನೀಡಿತು. ಈ ಟಾರ್ಗೆಟ್​ ಬೆನ್ನಟ್ಟಿದ ಬೆಂಗಳೂರು ತಂಡ 17.4 ಓವರ್​ಗಳಲ್ಲಿ ತನ್ನೆಲ್ಲಾ 10 ವಿಕೆಟ್​ಗಳನ್ನು ಕಳೆದುಕೊಂಡು 123 ರನ್​ ಗಳಿಸುವ ಮೂಲಕ 81 ರನ್​ ಗಳಿಂದ ಹೀನಾಯವಾಗಿ ಸೋಲನ್ನಪ್ಪಿತು. ಈ ಮೂಲಕ ಕೆಕೆಆರ್​ ತವರಿನಲ್ಲಿ ಚೊಚ್ಚಲ ಗೆಲುವನ್ನು ಕಂಡಿತು. ಇನ್ನು, ಇಂದಿನ ಪಂದ್ಯಕ್ಕೆ ಬಾಲಿವುಡ್​ ನಟ ಶಾರುಖ್​ ಖಾನ್​ (Shah Rukh Khan) ಆಗಮಿಸಿದ್ದರು. ಅಲ್ಲದೇ ಸಾಮಾಜಿಕ ಜಾಲತಾಣಗಳಲ್ಲಿ ಇಬ್ಬರು ಕಿಂಗ್​ಗಳು ಒಂದೇ ಕಡೆ ಸೇರಿದ್ದಾರೆ ಎಂದು ಕೊಹ್ಲಿ ಮತ್ತು ಶಾರುಖ್​ ಫೋಟೋಗಳು ಸಖತ್​ ವೈರಲ್​ ಆಗುತ್ತಿದೆ.

ಬ್ಯಾಟಿಂಗ್​ನಲ್ಲಿ ಎಡವಿದ ಆರ್​ಸಿಬಿ:

ಕೆಕೆಆರ್​ ನೀಡಿದ 205 ರನ್​ ಗಳ ಬೃಹತ್​ ಟಾರ್ಗೆಟ್​ ಬೆನ್ನಟ್ಟಿದ ಬೆಂಗಳೂರು ತಂಡದ ಬ್ಯಾಟಿಂಗ್​ ಉತ್ತಮವಾಗಿರಲಿಲ್ಲ ತಂಡವು ಕೇವಲ 17.4 ಓವರ್​ಗಳಲ್ಲಿ ತನ್ನೆಲ್ಲಾ 10 ವಿಕೆಟ್​ಗಳನ್ನು ಕಳೆದುಕೊಂಡು 123 ರನ್​ ಗಳಿಸಲಷ್ಟೇ ಶಕ್ತವಾಯಿತು. ಆರ್​ಸಿಬಿ ಪರ ನಾಯಕ ಫಾಫ್ ಡುಪ್ಲೆಸಿಸ್ 23 ರನ್, ವಿರಾಟ್ ಕೊಹ್ಲಿ 21 ರನ್, ಗ್ಲೆನ್ ಮ್ಯಾಕ್ಸ್‌ವೆಲ್ 19 ರನ್, ಮೈಕಲ್ ಬ್ರೇಸ್‌ವೆಲ್ 19 ರನ್, ಶಹಬಾಜ್ ಅಹ್ಮದ್ 1 ರನ್, ದಿನೇಶ್ ಕಾರ್ತಿಕ್ 9 ರನ್, ಕರಣ್​ ಶರ್ಮಾ 1 ರನ್, ಹರ್ಷಲ್ ಪಟೇಲ್ 0 ರನ್, ಅನುಜ್​ ರಾವತ್​ 1 ರನ್, ಆಕಾಶ್​ ದೀಪ್​ 17 ರನ್, ಡೇವಿಡ್​ ವಿಲ್ಲೆ 20 ರನ್​ ಗಳಿಸಿದರು.

A memorable first victory of #TATAIPL 2023 at home.@KKRiders secure a clinical 81-run win over #RCB ⚡️⚡️

Scorecard - https://t.co/J6wVwbsfV2#TATAIPL | #KKRvRCB pic.twitter.com/0u57nKO57G

— IndianPremierLeague (@IPL) April 6, 2023

ತವರಿನಲ್ಲಿ ಕೋಲ್ಕತ್ತಾ ನೈಟ್​ ರೈಡರ್ಸ್​ ತಂಡದ ಬೌಲರ್​ಗಳು ಸಂಘಟಿತ ಬೌಲಿಂಗ್​ ದಾಳಿ ನಡೆಸಿದರು. ಕೆಕೆಆರ್​ ಪರ ವರುಣ್​ ಚರ್ಕವರ್ತಿ 4 ವಿಕೆಟ್​, ಸುಯಾಶ್ ಶರ್ಮಾ 3 ವಿಕೆಟ್​, ಸುನೀಲ್​ ನರೇನ್​ 2 ವಿಕೆಟ್​ ಮತ್ತು ಶಾರ್ದೂಲ್​ ಠಾಕೂರ್ 1 ವಿಕೆಟ್​ ಪಡೆದು ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.

ಇದನ್ನೂ ಓದಿ: IPL 2023: ಕಿಂಗ್​ ಕೊಹ್ಲಿ ದಾಖಲೆ ಮುರಿದ ಧವನ್​, ಅನುಭವಿ ಆಟಗಾರನ ರೆಕಾರ್ಡ್​ ಬ್ರೇಕ್​ ಮಾಡಿದ ಚಹಾಲ್​

ಶಾರ್ದೂಲ್​- ರಿಂಕು ಅಬ್ಬರದ ಬ್ಯಾಟಿಂಗ್​:

ಇನ್ನು, ಮೊದಲು ಬ್ಯಾಟ್​ ಮಾಡಿದ ಕೋಲ್ಕತ್ತಾ ನೈಟ್​ ರೈಡರ್ಸ್​ ಪರ, ರಹಮಾನುಲ್ಲಾ ಗುರ್ಬಾಜ್ 44 ಎಸೆತದಲ್ಲಿ 3 ಸಿಕ್ಸ್ ಮತ್ತು 6 ಫೋರ್​ ಮೂಲಕ 57 ರನ್​ ಗಳಿಸಿದರು, ವೆಂಕಟೇಶ್​ ಅಯ್ಯರ್ 3 ರನ್, ಮನ್‌ದೀಪ್ ಸಿಂಗ್ ಶೂನ್ಯ, ನಿತೀಶ್ ರಾಣಾ 1 ರನ್, ಆಂಡ್ರೆ ರಸೆಲ್ 0 ರನ್, ರಿಂಕು ಸಿಂಗ್ 46 ರನ್, ಸುನಿಲ್ ನರೈನ್ ಶೂನ್ಯ, ಉಮೇಶ್ ಯಾದವ್ 4 ರನ್​ ಗಳಿಸಿದರು. ಆದರೆ ಶಾರ್ದೂಲ್ ಠಾಕೂರ್ ಇಂದು ಅಬ್ಬರಿಸಿದ್ದು, 29 ಎಸೆತದಲ್ಲಿ 9 ಪೋರ್​ ಮತ್ತು 3 ಸಿಕ್ಸ್ ಮೂಲಕ 68 ರನ್​ ಗಳಿಸಿದರು.

ದುಬಾರಿಯಾದ ಆರ್​ಸಿಬಿ ಬೌಲರ್ಸ್​:

ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಪರ ಡೇವಿಡ್​ ವಿಲ್ಲೆ 2 ವಿಕೆಟ್​ ಮತ್ತು ಕರಣ್​ ಶರ್ಮಾ 2 ವಿಕೆಟ್​ ಪಡೆದರು. ಉಳಿಂದತೆ ಮಿಚೆಲ್​ ಬ್ರಾಸ್ವೆಲ್​ ಮತ್ತು ಹರ್ಷಲ್​ ಪಟೇಲ್​ ತಲಾ 1 ವಿಕೆಟ್​ ಪಡೆದರು. ಮೊಹಮ್ಮದ್ ಸಿರಾಜ್​ ಸಹ 1 ವಿಕೆಟ್​ ಪಡೆದರು.