DC vs SRH: ಡೆಲ್ಲಿ-ಹೈದರಾಬಾದ್​ ತಂಡಕ್ಕೆ ಮಾಡು ಇಲ್ಲವೇ ಮಡಿ ಪಂದ್ಯ, ಟಾಸ್​ ಗೆದ್ದ ಎಸ್​ಆರ್​ಎಚ್​ ಬ್ಯಾಟಿಂಗ್​ ಆಯ್ಕೆ

ಐಪಿಎಲ್ 2023 ರಲ್ಲಿ (IPL 2023) ಡೆಲ್ಲಿ ಕ್ಯಾಪಿಟಲ್ಸ್ ಸ್ಥಿತಿ ಉತ್ತಮವಾಗಿಲ್ಲ. ಡೇವಿಡ್ ವಾರ್ನರ್ ನಾಯಕತ್ವದ ತಂಡ ಇದೀಗ ತವರು ದೆಹಲಿಯ ಅರುಣ್ ಜೇಟ್ಲಿ ಸ್ಟೇಡಿಯಂನಲ್ಲಿ (Arun Jaitley Stadium)  8ನೇ ಪಂದ್ಯದಲ್ಲಿ ಹೈದರಾಬಾದ್ (DC vs SRH) ಅನ್ನು ಎದುರಿಸುತ್ತಿದೆ. ಕಳೆದ 3 ಪಂದ್ಯಗಳಲ್ಲಿ ತಂಡ ಹೀನಾಯ ಸೋಲು ಎದುರಿಸಬೇಕಾಯಿತು. ಮತ್ತೊಂದೆಡೆ ಹೈದರಾಬಾದ್ ತಂಡ ಈ ಪಂದ್ಯದಲ್ಲಿ ಡೆಲ್ಲಿಯನ್ನು ಸೋಲಿಸುವ ನಿರೀಕ್ಷೆಯಲ್ಲಿದೆ. ಡೆಲ್ಲಿ ತಂಡವು ಅತ್ಯಂತ ಕಳಪೆ ಅಂಕಿಅಂಶಗಳೊಂದಿಗೆ ಪಾಯಿಂಟ್ ಪಟ್ಟಿಯಲ್ಲಿ ಕೊನೆಯ ಸ್ಥಾನದಲ್ಲಿದ್ದರೆ, ಹೈದರಾಬಾದ್ ಕೂಡ 5 ಸೋಲುಗಳೊಂದಿಗೆ 9ನೇ ಸ್ಥಾನದಲ್ಲಿದೆ. ಇಂದಿನ ಪಂದ್ಯದ ಟಾಸ್​ ಆಗಿದ್ದು, ಟಾಸ್​ ಗೆದ್ದ ಸನ್‌ರೈಸರ್ಸ್ ಹೈದರಾಬಾದ್ ತಂಡದ ನಾಯಕ ಮೊದಲು ಬ್ಯಾಟಿಂಗ್​ ಆಯ್ಕೆ ಮಾಡಿದ್ದಾರೆ.

ಸೋಲಿನ ಸಮರದಲ್ಲಿ ಡೆಲ್ಲಿ-ಹೈದರಾಬಾದ್​:

ಇಲ್ಲಿಯವರೆಗೆ ಡೆಲ್ಲಿ ಕಡೆಯಿಂದ ಬ್ಯಾಟಿಂಗ್ ಸಂಪೂರ್ಣ ವಿಫಲವಾಗಿದೆ. ಆದರೆ, ನಾಯಕ ಡೇವಿಡ್ ವಾರ್ನರ್ ಅವರ ಬ್ಯಾಟ್‌ನಿಂದ 4 ಅರ್ಧಶತಕಗಳ ಇನ್ನಿಂಗ್ಸ್‌ಗಳು ಕಂಡುಬಂದಿವೆ. ಇತ್ತ ಹೈದರಾಬಾದ್ ಪರ ಶತಕ ಬಾರಿಸಿದ ಹ್ಯಾರಿ ಬ್ರೂಕ್ ಅವರನ್ನು ಗುರಿಯಾಗಿಸಲು ಡೆಲ್ಲಿ ತಂಡ ಸಿದ್ಧವಾಗಿದೆ. ದೆಹಲಿಯ ಸೋಲಿಗೆ ಸೇಡು ತೀರಿಸಿಕೊಳ್ಳಲು ಹೈದರಾಬಾದ್‌ಗೆ ಉತ್ತಮ ಅವಕಾಶವಿದೆ. ಹೀಗಾಗಿ ಇಂದಿನ ಪಂದ್ಯವು ಉಭಯ ತಂಡಗಳಿಗೆ ಮಾಡು ಇಲ್ಲವೇ ಮಡಿ ಎಂಬಂತಾಗಿದೆ. ಅಲ್ಲದೇ ಇಬ್ಬರಿಗೂ ಇದು ಸೇಡಿನ ಸಮರವಾಗಿದೆ.

A look at the Playing XIs of the two sides in the #DCvSRH contest 👌🏻👌🏻

Follow the match ▶️ https://t.co/iOYYyw2zca #TATAIPL | #DCvSRH pic.twitter.com/j8URCwie0R

— IndianPremierLeague (@IPL) April 29, 2023

ಅರುಣ್​ ಜೆಟ್ಲಿ ಸ್ಥಳದಲ್ಲಿ ಇಲ್ಲಿಯವರೆಗೆ ಮೂರು ಪಂದ್ಯಗಳನ್ನು ಆಡಲಾಗಿದೆ ಮತ್ತು ಅವುಗಳಲ್ಲಿ ಒಂದು ಮಾತ್ರ ಸ್ಪರ್ಧೆಯನ್ನು ಗೆದ್ದಿದೆ. ಅಲ್ಲಿ ಪ್ರತಿ ತಂಡವು 170 ರನ್ ಗಡಿ ದಾಟಿತು. ಆದ್ದರಿಂದ ಹೆಚ್ಚು ಸ್ಕೋರ್ ಮಾಡುವ ಸ್ಥಳವಲ್ಲ ಎನ್ನಬಹುದು. ತಂಡಗಳು ಎಲ್ಲಾ ಮೂರು ಸಂದರ್ಭಗಳಲ್ಲಿ ಚೇಸಿಂಗ್​ ಮಾಡಿದ ತಂಡ ಗೆಲುವನ್ನು ದಾಖಲಿಸಿದೆ. ಇಬ್ಬನಿಯಿಂದಾಗಿ ಚೇಸಿಂಗ್ ಉತ್ತಮ ಆಯ್ಕೆ ಆಗಿದೆ.

ಇದನ್ನೂ ಓದಿ: IPL 2023: 9 ಜನ ಬೌಲರ್​, 458 ರನ್​; ಲಕ್ನೋ-ಪಂಜಾಬ್​ ಪಂದ್ಯದಲ್ಲಿ ಸಾಲು ಸಾಲು ರೆಕಾರ್ಡ್ ಕ್ರಿಯೇಟ್​!

ತಂಡದಲ್ಲಿ ಬದಲಾವಣೆ:

ಸನ್​ರೈಸರ್ಸ್​ ಹೈದರಾಬಾದ್​ ಒಂದೆರಡು ಬದಲಾವಣೆಗಳನ್ನು ಮಾಡಿದೆ. ಅವರು ವಾಷಿಂಗ್ಟನ್ ಸುಂದರ್ ಅವರನ್ನು ತಂಡದಿಂದ ಹೊರನಡೆದಿದ್ದಾರೆ. ಅಕೇಲ್ ಹೊಸೈನ್‌ಗೆ ಚೊಚ್ಚಲ ಪಂದ್ಯದ ಅವಕಾಶ ನೀಡಿಲಾಗಿದೆ. ಅಬ್ದುಲ್ ಸಮದ್ ಪ್ಲೇಯಿಂಗ್​ 11ಗೆ ಮರಳಿದ್ದಾರೆ. ಅದೇ ರೀತಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ಪ್ರಿಯಮ್ ಗಾರ್ಗ್ ಅವರು ಈ ಹಿಂದೆ ಪ್ರತಿನಿಧಿಸಿದ್ದ ತಂಡದ ವಿರುದ್ಧ ಫ್ರಾಂಚೈಸಿಗೆ ಪಾದಾರ್ಪಣೆ ಮಾಡಲಿದ್ದಾರೆ. ಅಮನ್ ಖಾನ್ ಅವರನ್ನು ಕೈಬಿಡಲಾಗಿದೆ.

ಹೈದರಾಬಾದ್​ - ಡೆಲ್ಲಿ ಪ್ಲೇಯಿಂಗ್ 11:

ಸನ್‌ರೈಸರ್ಸ್ ಹೈದರಾಬಾದ್ ಪ್ಲೇಯಿಂಗ್ 11: ಹ್ಯಾರಿ ಬ್ರೂಕ್, ಮಯಾಂಕ್ ಅಗರ್ವಾಲ್, ರಾಹುಲ್ ತ್ರಿಪಾಠಿ, ಏಡೆನ್ ಮಾರ್ಕ್ರಾಮ್ (ನಾಯಕ), ಹೆನ್ರಿಚ್ ಕ್ಲಾಸೆನ್ (ವಿಕೆಟ್ ಕೀಪರ್), ಅಭಿಷೇಕ್ ಶರ್ಮಾ, ಅಬ್ದುಲ್ ಸಮದ್, ಅಕೇಲ್ ಹೊಸೈನ್, ಭುವನೇಶ್ವರ್ ಕುಮಾರ್, ಮಯಾಂಕ್ ಮಾರ್ಕಾಂಡೆ, ಉಮ್ರಾನ್ ಮಲಿಕ್.

ಡೆಲ್ಲಿ ಕ್ಯಾಪಿಟಲ್ಸ್ ಪ್ಲೇಯಿಂಗ್ 11: ಡೇವಿಡ್ ವಾರ್ನರ್ (ನಾಯಕ), ಫಿಲಿಪ್ ಸಾಲ್ಟ್ (ವಿಕೆಟ್ ಕೀಪರ್), ಮಿಚೆಲ್ ಮಾರ್ಷ್, ಮನೀಶ್ ಪಾಂಡೆ, ಪ್ರಿಯಮ್ ಗಾರ್ಗ್, ಅಕ್ಷರ್ ಪಟೇಲ್, ರಿಪಾಲ್ ಪಟೇಲ್, ಕುಲದೀಪ್ ಯಾದವ್, ಅನ್ರಿಚ್ ನಾರ್ಟ್ಜೆ, ಇಶಾಂತ್ ಶರ್ಮಾ, ಮುಖೇಶ್ ಕುಮಾರ್.