IPL 2022: ಡೆಲ್ಲಿ ವಿರುದ್ಧ ಮುಂಬೈ ಇಂಡಿಯನ್ಸ್​ಗೆ ಸೋಲು, ಇಶಾನ್ ಕಿಶನ್ ಅರ್ಧ ಶತಕ ವ್ಯರ್ಥ

ಡೆಲ್ಲಿ 18.2 ಓವರ್ ​ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 179 ರನ್​ ಗಳಿಸುವ ಮೂಲಕ ಮುಂಬೈ ವಿರುದ್ಧ 4 ವಿಕೆಟ್​ಗಳ ಭರ್ಜರಿ ಜಯ ದಾಖಲಿಸಿದೆ.

ಮುಂಬೈ ವಿರುದ್ಧ ಡೆಲ್ಲಿಗೆ ಗೆಲುವು

ಮುಂಬೈ ವಿರುದ್ಧ ಡೆಲ್ಲಿಗೆ ಗೆಲುವು

  • Share this:
ಐಪಿಎಲ್​ 2022ರ (IPL 2022) 15ನೇ ಆವೃತ್ತಿಯ 2ನೇ ಪಂದ್ಯದಲ್ಲಿ ಇಂದು ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ಮುಂಬೈ ಇಂಡಿಯನ್ಸ್ (MI vs DC) ತಂಡಗಳು ಮುಖಾಮುಖಿಯಾಗಿದ್ದವು. ಟಾಸ್​ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಮುಂಬೈ ಇಂಡಿಯನ್ಸ್ ತಂಡವು ನಿಗದಿತ 20 ಓವರ್​ಗಳಲ್ಲಿ (Over) 5 ವಿಕೆಟ್ ನಷ್ಟಕ್ಕೆ  177 ರನ್​ಗಳಿತು. ಈ ಮೊತ್ತ ಬೆನ್ನಟ್ಟಿದ ಡೆಲ್ಲಿ ಕ್ಯಾಪಿಟಲ್ ತಂಡವು ಇನ್ನೂ 10 ಎಸೆತ ಬಾಕಿ ಇರುವಾಗಲೇ ಗೆಲುವಿನ ನಗೆ ಬೀರಿದೆ. ಡೆಲ್ಲಿ 18.2 ಓವರ್ ​ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 179 ರನ್​ ಗಳಿಸುವ ಮೂಲಕ ಮುಂಬೈ ವಿರುದ್ಧ 4 ವಿಕೆಟ್​ಗಳ ಭರ್ಜರಿ ಜಯ ದಾಖಲಿಸಿದೆ. ಇನ್ನು ಅಂತಿಮ ಹಂತದಲ್ಲಿ ಅಕ್ಷರ್ ಪಟೇಲ್ (Axar Patel) ಅವರ 17 ಎಸೆತಗಳಲ್ಲಿ 38 ರನ್‌ಗಳ ಅಮೋಘ ಇನ್ನಿಂಗ್ಸ್‌ನ ಸೋಲಿನ ಸರಣಿಯನ್ನು ಗೆಲುವಿನತ್ತ ತಿರುಗಿಸಲು ಡೆಲ್ಲಿ ನೆರವಾಯಿತು. 

ಸ್ಪೋಟಕ ಆಟವಾಡಿದ ಅಕ್ಷರ್ ಪಟೇಲ್:

ಇನ್ನು, ಡೆಲ್ಲಿ ಕ್ಯಾಪಿಟಲ್ಸ್ ಸೋಲಿನ ದವಡೆಯಿಂದ ಅಕ್ಷರ್ ಪಟೇಲ್ ತಪ್ಪಿಸಿದ್ದಾರೆ. ಹೌದು, ಅಂತಿಮ ಹಂತದಲ್ಲಿ ಸ್ಪೋಟಕ ಆಟವಾಡಿದ ಅಕ್ಷರ್ ಪಟೇಲ್ 17 ಎಸೆತಗಳಲ್ಲಿ 3 ಸಿಕ್ಸ್ ಮತ್ತು 2 ಬೌಂಡರಿ ನೆರವಿನಿಂದ 38 ರನ್​ ಗಳಿಸುವ ಮೂಲಕ ತಂಡವು ಗೆಲುವಿನ ನಗೆ ಬೀರುವಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದರು.

ಡೆಲ್ಲಿ ಪರ ಲಲಿತ್ ಯಾಧವ್ 48 ರನ್​ ಹಾಗೂ ಪ್ರಥ್ವಿ ಶಾ 38 ರನ್​ ಗಳಿಸಿದರೆ, ಟೀಮ್ ಸೈಫರ್ಟ್ 21 ಹಾಗೂ ಶಾರ್ದೂಲ್ ಠಾಕೂರ್ 22 ರನ್​ ಗಳಿಸಿ ಮಿಂಚಿದರು.

ಇದನ್ನೂ ಓದಿ: DC vs MI: ಟಾಸ್ ಗೆದ್ದ ಡೆಲ್ಲಿ ಬೌಲಿಂಗ್​ ಆಯ್ಕೆ, ಹೇಗಿದೆ ಬ್ರಬೋರ್ನ್ ಸ್ಟೇಡಿಯಂ ಪಿಚ್​ ರಿಪೋರ್ಟ್?

ಮೊದಲು ಬ್ಯಾಟ್ ಮಾಡಿದ ಮುಂಬೈ:

ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಮುಂಬೈ ತಂಡ ನಿಗದಿತ 20 ಓವರ್​ ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 177 ರನ್​ಗಳ ಬೃಹತ್​ ಮೊತ್ತ ಕಲೆಹಾಕಿತು. ಮುಂಬೈ ಪರ ನಾಯಕ ರೋಹಿತ್ ಶರ್ಮಾ 32 ಬಾಲ್​ಗಳಲ್ಲಿ 41 ರನ್​ಗಳಿಸಿದರೆ, ಇಶಾನ್ ಕಿಶನ್ 48 ಬಾಲ್​ಗಳಲ್ಲಿ 11 ಫೋರ್​ 1 ಸಿಕ್ಸ್ ನೆರವಿನಿಂದ ಬರೋಬ್ಬರಿ 81 ರನ್​ಗಳಿಸುವ ಮೂಲಕ ತಂಡದ ದೊಡ್ಡ ಮೊತ್ತ ಪೇರೆಪಿಸುವಲ್ಲಿ ಸಹಾಯ ಮಾಡಿದರು. ಉಳಿದಂತೆ ತಿಲಕ್ ವರ್ಮಾ 22 ರನ್​ ಗಳಿಸಿದರು.

ಮಿಂಚಿದ ಕುಲದೀಪ್ ಯಾದವ್:

ಇನ್ನು, ಡೆಲ್ಲಿ ಸಹ ಉತ್ತಮ ಬೌಲಿಂಗ್ ಪ್ರದರ್ಶಿಸಿದ್ದು, ಮುಂಬೈ ತಂಡವನ್ನು 177 ರನ್​ಗಳಿಗೆ ಕಟ್ಟಿಹಾಕುವಲ್ಲಿ ಯಶಸ್ವಿಯಾಯಿತು. ಡೆಲ್ಲಿ ಪರ ಕುಲದೀಪ್ ಯಾದವ್ 4 ಓವರ್ ಮಾಡಿ 18 ರನ್​ಗೆ 3 ವಿಕೆಟ್ ಪಡೆದು ಮಿಂಚಿದರು. ಜೊತೆಗೆ ಕಲೀದ್ ಅಹ್ಮದ್ 4 ಓವರ್​ಗೆ  27 ರನ್​ ನೀಡಿ 2 ವಿಕೆಟ್​ ಪಡೆದರು. ಆದರೆ ಅಕ್ಷರ್ ಪಟೇಲ್ 40 ರನ್​ ನೀಡುವ ಮೂಲಕ ಸ್ವಲ್ಪ ದುಬಾರಿಯಾದರು.

ಇದನ್ನೂ ಓದಿ: MI vs DC: ಮುಂಬೈ ಕೊಟ್ಟ ಕೋಟಿ ಕೋಟಿ ವೇಸ್ಟ್​ ಆಗಲಿಲ್ಲ.. ಮೊದಲ ಪಂದ್ಯದಲ್ಲೇ ಮಿಂಚಿದ ಇಶಾನ್ ಕಿಶನ್!

ವ್ಯರ್ಥವಾದ ಕಿಶನ್ ಹಾಗೂ ತಾಂಪಿ ಆಟ:

ಇನ್ನು, ಮುಂಬೈ ಪರ ಬಿಸೆಲ್ ತಾಂಪಿ 4 ಓವರ್​ಗೆ 35 ರನ್​ ನೀಡಿ 3 ವಿಕೆಟ್ ಪಡೆದರೆ ಮುರುಗನ್ ಅಶ್ವೀನ್ 2 ಹಾಗೂ ಮೀಲ್ಸ್ 1 ವಿಕೆಟ್ ಪಡೆದರು. ಇದಕ್ಕೂ ಮೊದಲು ಬ್ಯಾಟಿಂಗ್​ ನಲ್ಲಿ ಅದ್ಭುತ ಪ್ರದರ್ಶನ ನೀಡಿದ  ಇಶಾನ್ ಕಿಶನ್, ಕೇವಲ 48 ಬಾಲ್​ಗಳಲ್ಲಿ 11 ಫೋರ್ ಮತ್ತು​ 1 ಸಿಕ್ಸ್ ನೆರವಿನಿಂದ ಬರೋಬ್ಬರಿ 81 ರನ್​ಗಳಿಸಿದರೂ ಮುಂಬೈ ತಂಡ ಗೆಲ್ಲಲೂ ಸಾಧ್ಯವಾಗಲಿಲ್ಲ.

ಟಾಸ್​ ಗೆದ್ದ ಪಂಜಾಬ್ ಬೌಲಿಂಗ್ ಆಯ್ಕೆ:

ಇಂದಿನ ಎರಡನೇ ಪಂದ್ಯದಲ್ಲಿ ಬೆಂಗಳೂರು ಮತ್ತು ಪಂಜಾಬ್ ತಂಡಗಳು ಸೆಣಸುತ್ತಿದ್ದು, ಟಾಸ್​ ಗೆದ್ದ ಪಂಜಾಬ್ ಮೊದಲು ಬೆಂಗಳೂರು ತಂಡವನ್ನು ಬ್ಯಾಟಿಂಗ್ ಇಳಿಸಿದೆ.
Published by:shrikrishna bhat
First published: