RCB vs PBKS: ಪಂಜಾಬ್ ಎದುರು ಅಬ್ಬರಿಸಿದ RCB, ಮೊದಲ ಪಂದ್ಯದಲ್ಲೇ ನಾಯಕನ ಆರ್ಭಟ

ಟಾಸ್​ ಗೆದ್ದ ಪಂಜಾಬ್ ಕಿಂಗ್ಸ್​ ತಂಡದ ನಾಯಕ ಮಾಯಾಂಕ್​ ಅಗರ್ವಾಲ್ ಬೌಲಿಂಗ್ ಆಯ್ದುಕೊಂಡು, ಆರ್​ಸಿಬಿ ತಂಡವನ್ನು ಮೊದಲು ಬ್ಯಾಟ್ ಮಾಡಲು ಆಹ್ವಾನಿಸಿತು. ಆದರೆ ಮಾಯಾಂಕ್ ಲೆಕ್ಕಾಚಾರವನ್ನು ತಲೆಕೆಳಗು ಮಾಡಿದ ಆರ್​ಸಿಬಿ ಹುಡುಗರು ಈ ಬಾರಿ ಐಪಿಎಲ್​ನ 3ನೇ ಪಂದ್ಯದಲ್ಲಿಯೇ 200 ರ ಗಡಿ ದಾಟಿಸಿದ್ದಾರೆ

ಆರ್​ಸಿಬಿ ನಾಯಕ ಫಾಫ್ ಡುಪ್ಲೇಸಿಸ್

ಆರ್​ಸಿಬಿ ನಾಯಕ ಫಾಫ್ ಡುಪ್ಲೇಸಿಸ್

  • Share this:
ಐಪಿಎಲ್​ನ (IPL 2022)  3ನೇ ಪಂದ್ಯದಲ್ಲಿ ಆರ್​ಸಿಬಿ ಹಾಗೂ ಪಂಜಾಬ್ ಕಿಂಗ್ಸ್ (RCB vs PBKS) ತಂಡಗಳು ಸೆಣಸಾಡುತ್ತಿದೆ. ಟಾಸ್​ ಗೆದ್ದ ಪಂಜಾಬ್ ಕಿಂಗ್ಸ್​ ತಂಡದ ನಾಯಕ ಮಾಯಾಂಕ್​ ಅಗರ್ವಾಲ್ ಬೌಲಿಂಗ್ ಆಯ್ದುಕೊಂಡು, ಆರ್​ಸಿಬಿ ತಂಡವನ್ನು ಮೊದಲು ಬ್ಯಾಟ್ ಮಾಡಲು ಆಹ್ವಾನಿಸಿತು. ಆದರೆ ಮಾಯಾಂಕ್ ಲೆಕ್ಕಾಚಾರವನ್ನು ತಲೆಕೆಳಗು ಮಾಡಿದ ಆರ್​ಸಿಬಿ ಹುಡುಗರು ಈ ಬಾರಿ ಐಪಿಎಲ್​ನ 3ನೇ ಪಂದ್ಯದಲ್ಲಿಯೇ 200 ರ ಗಡಿ ದಾಟಿಸಿದ್ದಾರೆ. ಈ ಮೂಲಕ ಆರ್​ಸಿಬಿ ಅಭಿಮಾನಿಗಳಿಗೆ ಭರ್ಜರಿ ಗಿಫ್ಟ್ ನೀಡಿದೆ. ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ ಬೆಂಗಳೂರು ತಂಡ ನಿಗದಿತ 20 ಓವರ್​ ಗಳಲ್ಲಿ ಕೇವಲ 2 ವಿಕೆಟ್ ನಷ್ಟಕ್ಕೆ 205 ರನ್​ ಗಳಿಸಿದೆ. ಈ ಬಾರಿ ಹೊಸ ನಾಯಕನಾಗಿ ಆರ್​ಸಿಬಿ ಗೆ ಆಯ್ಕೆ ಆಗಿರುವ ಫಾಫ್ ಡುಪ್ಲೆಸಿಸ್ (Faf du plessis) ಬಿರುಸಿನ ಆಟದಿಂದ ಹೊಸ ಬರಸವಸೆಯನ್ನು ಮೂಡಿಸಿದ್ದಾರೆ.  

ಉತ್ತಮ ಆರಂಭ ನೀಡಿದ ಪಾಫ್ -ರಾವತ್ ಜೋಡಿ:

ಮೊದಲು ಬ್ಯಾಟ್ ಮಾಡಿದ ಆರ್​ಸಿಬಿ ನಾಯಕ ಫಾಫ್ ಡುಪ್ಲೆಸಿಸ್ ಜೊತೆ ಅನೂಜ್ ರಾವತ್ ಇನಿಂಗ್ಸ್ ಆರಂಭಿಸಿ ಭದ್ರ ಅಡಿಪಾಯ ಹಾಕಿದರು. ಮೊದಲ ವಿಕೆಟ್​ಗೆ 50 ರನ್​ಗಳ ಜೊತೆಯತಾಟವಾಡುವ ಮೂಲಕ ತಂಡಕ್ಕೆ ಉತ್ತಮ ಆರಂಭ ಒದಗಿಸಿದರು ನಂತರ ವಿರಾಟ್ ಕೊಹ್ಲಿ ಜೊತೆ ಅಬ್ಬರಿಸಿದ ಫಾಫ್ ಡುಪ್ಲೆಸಿಸ್ 36 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದರು.

ನಾಯಕನಾಗಿ ಅಬ್ಬರಿಸಿದ ಫಾಫ್:

ಅರ್ಧಶತಕದ ಬಳಿಕ ಅಬ್ಬರಿಸಲು ಆರಂಭಿಸಿದ ಫಾಫ್ ಸಿಕ್ಸ್​ಗಳ ಮೇಲೆ ಸಿಕ್ಸ್ ಸಿಡಿಸಿದರು. ಡುಪ್ಲೇಸಿಸ್ 57 ಎಸೆತಗಳಲ್ಲಿ 3 ಫೋರ್​ ಜೊತೆಗೆ ಅಬ್ಬರದ 7 ಸಿಕ್ಸ್​ಗಳ ನೆರವಿನಿಂದ ಬರೋಬ್ಬರಿ 88 ರನ್​ ಗಳಿಸಿದರು. ಇದೇ ವೇಳೆ 65 ರನ್​ ಗಳಿಸಿದ ವೇಳೆ ಫಾಫ್ ಐಪಿಎಲ್​ನಲ್ಲಿ 3 ಸಾವಿರ ರನ್ ಪೂರೈಸಿದ ಬ್ಯಾಟ್ಸ್​ಮನ್​ಗಳ ಪಟ್ಟಿಯಲ್ಲಿ ಸ್ಥಾನ ಪಡೆದರು. ಐಪಿಎಲ್​ನಲ್ಲಿ 101 ಪಂದ್ಯಗಳನ್ನಾಡಿರುವ ಡುಪ್ಲೆಸಿಸ್ 94 ಇನಿಂಗ್ಸ್ ಆಡಿದ್ದಾರೆ. ಈ ವೇಳೆ 23 ಅರ್ಧಶತಕದೊಂದಿಗೆ 3 ಸಾವಿರಕ್ಕೂ ಅಧಿಕ ರನ್ ಕಲೆಹಾಕಿದ್ದಾರೆ.

ಇದನ್ನೂ ಓದಿ: IPL 2022 PBKS vs RCB Head to Head: ಆರ್​ಸಿಬಿ vs ಪಂಜಾಬ್: ಎಬಿ ಡಿವಿಲಿಯರ್ಸ್ ಇಲ್ಲದ ಮ್ಯಾಚಲ್ಲಿ ಬೆಂಗಳೂರು ಗೆಲ್ಲುತ್ತಾ?

ಗೆಲುವಿನ ಬರವಸೆ ಮೂಡಿಸಿರುವ ಫಾಫ್:

ಈಗಾಗಲೇ ಐಪಿಎಲ್​ ನಲ್ಲಿ ಮೂರು ತಂಡಗಳ ಪರ ಆಡಿರುವ ಫಾಫ್ ಈ ಬಾರಿ ಆರ್​ಸಿಬಿ ಪರ ನಾಯಕನಾಗಿ ಮೊದಲ ಪಂದ್ಯವನ್ನು ಆಡಿದ್ದಾರೆ. ಅಲ್ಲದೇ ಮೊದಲ ಪಂದ್ಯದಲ್ಲಿಯೇ ಅಬರಬಿಸಿರುವ ಡುಪ್ಲೇಸಿಸ್ ಈ ಬಾರಿ ಬೆಂಗಳೂರು ರಾಯಲ್ ಚಾಲೆಂಜರ್ಸ್​ ತಂಡವು ಕಪ್​ ಗೆಲ್ಲುವ ಆಸೆಯನ್ನು ಈಡೇರಿಸುವ ಮುನ್ಸೂಚನೆಯನ್ನು ನೀಡಿದ್ದಾರೆ. ಅಲ್ಲದೆ ನಾಯಕನಾಗಿ ಮೊದಲ ಪಂದ್ಯದಲ್ಲೇ ಅರ್ಧಶತಕ ಬಾರಿಸಿ ಅಬ್ಬರಿಸಿದ್ದಾರೆ.

ಮೊದಲು ಬ್ಯಾಟ್​ ಮಾಡಿದ ಆರ್​ಸಿಬಿ:

ಮೊದಲು ಬ್ಯಾಟ್ ಮಾಡಿದ ಬೆಂಗಳೂರು ತಂಡವು ನಿಗದಿತ 20 ಓವರ್ ಗಳಲ್ಲಿ 2 ವಿಕೆಟ್​ ನಷ್ಟಕ್ಕೆ 205 ರನ್​ ಗಳಿಸಿದೆ. ಆರ್​ಸಿಬಿ ಪರ ಫಾಫ್ 88, ಅನೂಜ್ ರಾವತ್ 21, ಕೊಹ್ಲಿ 41 ಮತ್ತು ದಿನೇಶ್ ಕಾರ್ತಿಕ್ 31 ರನ್​ ಗಳಿಸಿ ಮಿಂಚಿದರು.

ಇದನ್ನೂ ಓದಿ: IPL 2022: ಡೆಲ್ಲಿ ವಿರುದ್ಧ ಮುಂಬೈ ಇಂಡಿಯನ್ಸ್​ಗೆ ಸೋಲು, ಇಶಾನ್ ಕಿಶನ್ ಅರ್ಧ ಶತಕ ವ್ಯರ್ಥ

RCB ಮತ್ತು PBKS ತಂಡಗಳು:

ಆರ್​ಸಿಬಿ ತಂಡ: ಫಾಫ್ ಡುಪ್ಲೆಸಿಸ್, ಅನೂಜ್ ರಾವತ್, ವಿರಾಟ್ ಕೊಹ್ಲಿ, ಶೆರ್ಫಾನ್ ರುದರ್​ಫೋರ್ಡ್​, ದಿನೇಶ್ ಕಾರ್ತಿಕ್, ಡೇವಿಡ್ ವಿಲ್ಲಿ, ಶಹಬಾಜ್ ಅಹ್ಮದ್, ವನಿಂದು ಹಸರಂಗ, ಹರ್ಷಲ್ ಪಟೇಲ್, ಮೊಹಮ್ಮದ್ ಸಿರಾಜ್, ಆಕಾಶ್ ದೀಪ್

ಪಂಜಾಬ್ ಕಿಂಗ್ಸ್ ತಂಡ:  ಮಯಾಂಕ್ ಅಗರ್ವಾಲ್ (ನಾಯಕ), ಶಿಖರ್ ಧವನ್, ಲಿಯಾಮ್ ಲಿವಿಂಗ್‌ಸ್ಟೋನ್, ಭಾನುಕಾ ರಾಜಪಕ್ಸೆ (ವಿಕೆಟ್ ಕೀಪರ್), ಶಾರುಖ್ ಖಾನ್, ಒಡಿಯನ್ ಸ್ಮಿತ್, ರಾಜ್ ಬಾವಾ, ಅರ್ಷ್‌ದೀಪ್ ಸಿಂಗ್, ಹರ್‌ಪ್ರೀತ್ ಬ್ರಾರ್, ಸಂದೀಪ್ ಶರ್ಮಾ, ರಾಹುಲ್ ಚಾಹರ್
Published by:shrikrishna bhat
First published: