IPL 2022: ಮೊದಲ ಪಂದ್ಯದಲ್ಲೇ ಜಡ್ಡುಗೆ ಸೋಲಿನ ರುಚಿ ತೋರಿಸಿದ ಕೆಕೆಆರ್​! ಧೋನಿ ಅರ್ಧ ಶತಕ ವ್ಯರ್ಥ

ಸಾಕಷ್ಟು ರೋಚಕತೆ ಮೂಡಿಸಿದ್ದ ಕೆಕೆಆರ್(KKR)​ ತಂಡ ಹಾಗೂ ಚೆನ್ನೈ ಸೂಪರ್​ ಕಿಂಗ್ಸ್(Chennai Super Kings)​ ನಡುವಿನ ರಣರಂಗದಲ್ಲಿ ಕೆಕೆಆರ್​ ಗೆದ್ದು ಬೀಗಿದೆ. ಮೊದಲ ಪಂದ್ಯದಲ್ಲೇ ಚೆನ್ನೈ ತಂಡದ ನೂತನ ನಾಯಕ ರವೀಂದ್ರ ಜಡೇಜಾಗೆ ಸೋಲಿನ ರುಚಿ ತೋರಿಸಿದ್ದಾರೆ ಕೆಕೆಆರ್ ನಾಯಕ ಶ್ರೇಯಸ್​ ಅಯ್ಯರ್​

ಶ್ರೇಯಸ್​ ಅಯ್ಯರ್​, ಧೋನಿ

ಶ್ರೇಯಸ್​ ಅಯ್ಯರ್​, ಧೋನಿ

  • Share this:
    ಇಂದು ಐಪಿಎಲ್​ 2022(IPL 2022) 15ನೇ ಆವೃತ್ತಿಗೆ ಚಾಲನೆ ಸಿಕ್ಕಿದೆ. ಮೊದಲ ಪಂದ್ಯದಲ್ಲೇ ಸಾಕಷ್ಟು ರೋಚಕತೆ ಮೂಡಿಸಿದ್ದ ಕೆಕೆಆರ್(KKR)​ ತಂಡ ಹಾಗೂ ಚೆನ್ನೈ ಸೂಪರ್​ ಕಿಂಗ್ಸ್(Chennai Super Kings)​ ನಡುವಿನ ರಣರಂಗದಲ್ಲಿ ಕೆಕೆಆರ್​ ಗೆದ್ದು ಬೀಗಿದೆ. ಮೊದಲ ಪಂದ್ಯದಲ್ಲೇ ಚೆನ್ನೈ ತಂಡದ ನೂತನ ನಾಯಕ ರವೀಂದ್ರ ಜಡೇಜಾ(Ravindra Jadega) ಸೋಲಿನ ರುಚಿ ತೋರಿಸಿದ್ದಾರೆ ಕೆಕೆಆರ್ ನಾಯಕ ಶ್ರೇಯಸ್​ ಅಯ್ಯರ್(Shreyas Iyer)​. ಹೌದು, 132 ರನ್​ಗಳ ಸಾಧಾರಣ ಗುರಿ ಬೆನ್ನತ್ತಿದ್ದ ಕೆಕೆಆರ್​ ತಂಡ ಯಾವುದೇ ಟೆನ್ಶನ್​ ಇಲ್ಲದೇ ಗುರಿ ಮುಟ್ಟಿ ಗೆಲುವಿನ ನಗೆ ಬೀರಿದೆ.

    132 ರನ್​ಗಳ ಗುರಿ ಬೆನ್ನತ್ತಿದ್ದ ಕೆಕೆಆರ್​​, ಅಂಜಿಕ್ಯಾ ರಹಾನೆ(Ajinkya Rahane) ಹಾಗೂ ವೆಂಕಟೇಶ್​ ಅಯ್ಯರ್​ ಆರಂಭಿಕ ಆಟಗಾರರಾಗಿ ಗ್ರೌಂಡ್​ಗೆ ಎಂಟ್ರಿಯಾಗಿದ್ದರು. ಈ ಜೋಡಿ 43 ರನ್​ಗಳ ಯಶಸ್ವಿಯಾಗಿ ಪೂರೈಸಿದ್ದಾಗ ವೆಂಕಟೇಶ್​ ಅಯ್ಯರ್​, ಬ್ರಾವೋಗೆ ವಿಕೆಟ್​ ಒಪ್ಪಿಸಿದರು. ಬಳಿಕ ಸ್ಕ್ರೀಜ್​ಗೆ ಬಂದ ನಿತಿಶ್​ ರಾಣಾ 21 ರನ್​ಗಳಿಸಲಷ್ಟೇ ಸಕ್ತರಾದರು.ಕೆಕೆಆರ್​ ತಂಡ 76ರನ್​ಗಳಿಸಿದ್ದಾಗ ಮತ್ತೆ ಬ್ರಾವೋಗೆ ನಿತಿಶ್​ ರಾಣಾ ಔಟ್​ ಆದರು. ಆರಂಭಿಕ ಆಟಗಾರನಾಗಿ ಬಂದಿದ್ದ ಅಜಿಂಕ್ಯಾ ರಹಾನೆ ಉತ್ತಮ್ಮ ಪ್ರದರ್ಶನ  ನೀಡಿದರು 34 ಬಾಲ್​ಗಳಲ್ಲಿ 44 ರನ್​ಗಳಿಸಿ ರವೀಂದ್ರ ಜಡೇಜಾಗೆ ಕ್ಯಾಚ್​ ನೀಡಿ ಔಟ್​ ಆದರು.

    ವಿನ್ನಿಂಗ್​ ಟಚ್​ ನೀಡಿದ ಶ್ರೇಯಸ್-ಜ್ಯಾಕ್ಷನ್​!

    ನಿತೀಶ್​ ರಾಣಾ ಔಟ್​ ಆಗುತ್ತಿದ್ದಂತೆ ನಾಯಕ ಶ್ರೇಯಸ್​ ಅಯ್ಯರ್​ ಸ್ಕ್ರೀಜ್​ಗೆ ಬಂದ ಶ್ರೇಯಸ್​ ಅಯ್ಯರ್​ ತಾಳ್ಮೆ ಕಳೆದುಕೊಳ್ಳದೇ ತಂಡವನ್ನು ಗೆಲುವಿನ ದಡಕ್ಕೆ ತಲುಪಿಸಿದ್ದಾರೆ. ಇವರಿಗೆ ಸಾಥ್​ ನೀಡಿದ ಸ್ಯಾಮ್​ ಬಿಲ್ಲಿಂಗ್ಸ್​ ಅದ್ಭುತ ಆಟವಾಡಿದರು.  ಸ್ಯಾಮ್​ ಬಿಲ್ಲಿಂಗ್ಸ್ 22​ ಬಾಲ್​ಗೆ 25 ರನ್​ ಗಳಿಸಿ ಔಟ್​ ಆದರು. ಇನ್ನೂ ಶ್ರೇಯಸ್​ ಅಯ್ಯರ್​ ಔಟಾಗದೆ 19 ಬಾಲ್​ಗಳಲ್ಲಿ20 ರನ್​ಗಳಿಸಿ ಗೆಲುವಿನ ನಗೆ ಬೀರಿದರು.

    ಚಾಂಪಿಯನ್​ ಆಟ ಆಡಿದ ಧೋನಿ!

    ಹೌದು, ಐಪಿಎಲ್​ 2022ರ ಮೊದಲ ಪಂದ್ಯದಲ್ಲೇ ಮಹೇಂದ್ರ ಸಿಂಗ್​ ಧೋನಿ ಚಾಂಪಿಯನ್​ ಆಟ ಆಡಿದ್ದಾರೆ. 38 ಬಾಲ್​ಗಳಲ್ಲಿ ಅಜೇಯ 50 ರನ್​ ಬಾರಿಸಿದ್ದಾರೆ. ಗ್ರೌಂಡ್​ನ ಮೂಲೆ ಮೂಲೆಗೆ ಬಾಲ್​ ಅನ್ನು ಕಳುಹಿಸಿದ್ದಾರೆ. 2 ವರ್ಷದ ಬಳಿಕ ಧೋನಿ ಅವರ ಬ್ಯಾಟ್​ನಿಂದ ರನ್​ ಬಂದಿದ್ದು, ಸ್ಟೇಡಿಯಂನಲ್ಲಿ ನೆರೆದಿದ್ದ ಧೋನಿ ಅಭಿಮಾನಿಗಳು ಫುಲ್​ ಥ್ರಿಲ್​ ಆಗಿದ್ದಾರೆ. ರನ್​ ಕಲೆಹಾಕಲು ತಿಣುಕಾಡುತ್ತಿದ್ದ ಸಿಎಸ್​ಕೆ ತಂಡಕ್ಕೆಧೋನಿ ಆಸರೆಯಾದರು.

    ಇದನ್ನೂ ಓದಿ: ಚಾಂಪಿಯನ್​ ಆಟ ಆಡಿದ ಧೋನಿ.. 3 ವರ್ಷದ ಬಳಿಕ 50 ರನ್​ ಸ್ಕೋರ್​ ಮಾಡಿದ ಮಾಹಿ!

    ರನ್​ ಕಲೆಹಾಕಲು ತಿಣುಕಾಡಿದ ಸಿಎಸ್​ಕೆ ಆಟಗಾರರು!

    ಬ್ಯಾಟಿಂಗ್​ ಮಾಡಲು ಬಂದಿದ್ದ ಗಾಯಕ್​ವಾಡ್​ ಹಾಗೂ ಕಾನ್ವೆ ಹೆಚ್ಚು ಹೊತ್ತು ಸ್ಕ್ರೀಜ್​ನಲ್ಲಿ ನಿಲ್ಲಲಿಲ್ಲ. ರುಥುರಾಜ್​ ಗಾಯಕ್​ವಾಡ್​ ಡಕ್ ಔಟ್​ ಆಗಿ ಪೆವಿಲಿಯನ್​ ಸೇರಿದರು. ಮತ್ತೆ 28 ರನ್​ ಇರುವಾಘ ಕಾನ್ವೆ ತನ್ನ ವಿಕೆಟ್​ ಒಪ್ಪಿಸಿ ವಾಪಾಸ್​ ಆದರು. ಕೊಂಚ ಮಟ್ಟಿಗೆ ಸಿಎಸ್​ಕೆ ಅಭಿಮಾನಿಗಳಲ್ಲಿ ಆಸೆ ಮೂಡಿಸಿದ ರಾಬಿನ್​ ಉತ್ತಪ್ಪ, 21 ಬಾಲ್​ಗಳಲ್ಲಿ 28ರನ್​ ಗಳಿಸಿ ಔಟ್​ ಆದರು. ಇದಾದ ನಂತರ ಅಂಬಟಿ ರಾಯುಡು ರನ್​ಔಟ್​ಗೆ ಬಲಿಯಾದರು. ಇನ್ನೂ ಶಿವಂ ದುಬೆ ಸುಲಭ ಕ್ಯಾಚ್​ ನೀಡಿ ಪೆವಿಲಿಯನ್​ಗೆ ಮರಳಿದರು.

    ಇದನ್ನೂ ಓದಿ: ಕರ್ನಾಟಕದ ಡಿಜಿ, ಐಜಿಪಿ ಅಳಿಯ IPLನ ಸ್ಟಾರ್ ಕ್ಯಾಪ್ಟನ್ ಮಯಾಂಕ್ ಅಗರ್ವಾಲ್!

    ಐಪಿಎಲ್​ 2022 ಮೊದಲ ಬಾಲೇ ನೋ ಬಾಲ್​!

    ಹೌದು, ಮೊದಲ ಓವರ್​​ನಲ್ಲಿ ಬೌಲ್​ ಮಾಡಲು ಬಂದ ಉಮೇಶ್​ ಯಾದವ್​ ಐಪಿಎಲ್​ 2022ರ ಮೊದಲ ಬಾಲ್​ ಅನ್ನು ನೋ ಬಾಲ್​ ಮಾಡಿದರು. ಇದನ್ನು ಕಂಡ ನೆಟ್ಟಿಗರು ಉಮೇಶ್​ ಯಾದವ್​ ಅವರನ್ನು ಸಿಕ್ಕಾಪಟ್ಟೆ ಟ್ರೋಲ್​ ಮಾಡುತ್ತಿದ್ದಾರೆ
    Published by:Vasudeva M
    First published: