LIVE NOW

(LIVE): ಐಪಿಎಲ್ 2018: ಮುಂಬೈ vs ಪಂಜಾಬ್: ರಾಹುಲ್ ಹೋರಾಟ ವ್ಯರ್ಥ: ಮುಂಬೈ​ಗೆ 3 ರನ್​ಗಳ ರೋಚಕ ಜಯ

Kannada.news18.com | May 17, 2018, 12:22 AM IST
facebook Twitter google Linkedin
Last Updated May 17, 2018
auto-refresh

Highlights

ನ್ಯೂಸ್ 18 ಕನ್ನಡ

ಮುಂಬೈ (ಮೇ. 16): ದಿನದಿಂದ ದಿನಕ್ಕೆ ಕುತೂಹಲ ಕೆರಳಿಸುತ್ತಿರುವ ಐಪಿಎಲ್ ಕದನದಲ್ಲಿ ಇಂದು ಮುಂಬೈ ಇಂಡಿಯನ್ಸ್ ಹಾಗೂ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡಗಳು ಸೆಣೆಸಾಟ ನಡೆಸಲಿದೆ. ಉತ್ತಮ ರನ್ ರೇಟ್ ಹೊಂದಿರುವ ಮುಂಬೈಗೆ ಹಾಗೂ ಬಲಿಷ್ಠ ಬ್ಯಾಟಿಂಗ್ ಪಡೆ ಇರುವ ಪಂಜಾಬ್ ತಂಡಕ್ಕೆ ಇಂದಿನ ಪಂದ್ಯ ಮಹತ್ವದ್ದಾಗಿದೆ. ಎರಡೂ ತಂಡಗಳು ಈ ವರೆಗೆ 12 ಪಂದ್ಯವಾಡಿದ್ದು ಪಂಜಾಬ್ 6ರಲ್ಲಿ ಜಯಗಳಿಸಿ 12 ಅಂಕ ಗಳಿಸಿದ್ದರೆ, ಮುಂಬೈ 5 ಜಯದೊಂದಿದೆ 10 ಅಂಕ ಹೊಂದಿದೆ. ಹಾಗಾಗಿ ಮುಂಬೈ ಇಂದಿನ ಪಂದ್ಯ ಗೆಲ್ಲಲೇ ಬೇಕಾಗಿದ್ದು, ಎಲ್ಲಾದರು ಸೋತರೆ ಕೂಟದಿಂದ ಹೊರ ಬಿದ್ದು ಪಂಜಾಬ್ ಹಾದಿ ಸುಗಮಗೊಳ್ಳಲಿದೆ.

ಮುಂಬೈ ತಂಡಕ್ಕೆ ಉತ್ತಮ ಆರಂಭ ದೊರಕುತ್ತಿದ್ದರು ಮಧ್ಯಮ ಕ್ರಮಾಂಕದಲ್ಲಿ ಸ್ಥಿರತೆ ಕಂಡುಬರುತ್ತಿಲ್ಲ. ನಾಯಕ ರೋಹಿತ್ ಶರ್ಮಾ ಮ್ಯಾಚ್ ವಿನ್ನಿಂಗ್ ಪ್ರದರ್ಶನ ನೀಡುತ್ತಿಲ್ಲ. ಆರಂಭಿಕರಾದ ಸೂರ್ಯಕುಮಾರ್ ಯಾದವ್ ಒಟ್ಟು 473 ರನ್​ ಗಳಿಸಿ ಉತ್ತಮ ಪ್ರದರ್ಶನ ತೋರುತ್ತಿದ್ದಾರೆ. ಇನ್ನು ಕೆಲ ಪಂದ್ಯಗಳಲ್ಲಿ ಎವಿನ್ ಲೆವಿಸ್ ಹಾಗೂ ಹಾರ್ದಿಕ್ ಪಾಂಡ್ಯ ಮಿಂಚಿದ್ದು ಬಿಟ್ಟರೆ ಉಳಿದ ಬ್ಯಾಟ್ಸ್​ಮನ್​ಗಳು ಇನ್ನೂ ಲಯಕಂಡುಕೊಂಡಿಲ್ಲ. ಬೌಲಿಂಗ್‍ನಲ್ಲು ಜಸ್‍ಪ್ರೀತ್ ಬುಮ್ರಾ, ಕ್ರುನಾಲ್ ಪಾಂಡ್ಯ, ಮಯಾಂಕ್ ಮಾರ್ಕಂಡೆ, ಮಿಚೆಲ್ ಮೆಕ್ಲೆನಘನ್ ಇನ್ನಷ್ಟು ಶ್ರಮ ವಹಿಸಬೇಕಿದೆ.

ಇತ್ತ ಪಂಜಾಬ್ ತಂಡ ಕಳೆದ ಆರ್​ಸಿಬಿ ವಿರುದ್ಧದ ಪಂದ್ಯದಲ್ಲಿ 88 ರನ್‍ಗೆ ಆಲೌಟ್ ಆಗುವ ಮೂಲಕ ಹೀನಾಯ ಸೋಲು ಕಂಡಿತ್ತು. ಈ ಆಘಾತದಿಂದ ಹೊರಬರ ಬೇಕಾದರೆ ಅಶ್ವಿನ್ ಪಡೆ ಇಂದಿನ ಪಂದ್ಯ ಗೆಲ್ಲಲೇ ಬೇಕಾಗಿದೆ. ಆರಂಭದಲ್ಲಿ ಕೆ. ಎಲ್. ರಾಹುಲ್ ಹಾಗೂ ಕ್ರಿಸ್ ಗೇಲ್ ತಂಡಕ್ಕೆ ಉತ್ತಮ ಆರಂಭ ಒದಗಿಸುತ್ತಿದ್ದರು. ಆದರೆ ಗೇಲ್ ಈಗ ಮಂಕಾಗದ್ದು ತಂಡಕ್ಕೆ ಹಿನ್ನಡೆಯಾಗುತ್ತಿದೆ. ಬೌಲಿಂಗ್‍ನಲ್ಲಿ ಮುಜೀದ್ ಉರ್ ರೆಹಮಾನ್ ಗಾಯಗೊಂಡಿದ್ದು ಇಂದಿನ ಪಂದ್ಯದಲ್ಲಿ ಆಡುವುದು ಅನುಮಾನ. ಹಾಗಾಗಿ ನಾಯಕ ಆರ್. ಅಶ್ವಿನ್, ಅಕ್ಷರ್ ಪಟೇಲ್, ಆಂಡ್ರೋ ಟೈ, ಮೋಹಿತ್ ಶರ್ಮಾ ಬೌಲಿಂಗ್​ನಲ್ಲಿ ತಮ್ಮ ನೈಜ ಪ್ರದರ್ಶನ ತೋರಬೇಕಾಗಿದೆ.

ಪಂದ್ಯ ಆರಂಭ: ರಾತ್ರಿ 8 ಗಂಟೆಗೆ(ವಾಂಖೆಡೆ ಕ್ರೀಡಾಂಗಣ, ಮುಂಬೈ)

ಮುಖಾಮುಖಿ: 21

ಮುಂಬೈ ಇಂಡಿಯನ್ಸ್: ಗೆಲುವು-11

ಕಿಂಗ್ಸ್ ಇಲೆವೆನ್ ಪಂಜಾಬ್: ಗೆಲುವು-10
Load More