IND vs NZ: ಟೀಂ ಇಂಡಿಯಾಗೆ ಭರ್ಜರಿ ಜಯ, ಸರಣಿ ಆಸೆ ಇನ್ನೂ ಜೀವಂತ

ಭಾರತ ಮತ್ತು ನ್ಯೂಜಿಲ್ಯಾಂಡ್ (IND vs NZ ) ನಡುವಿನ 3 ಪಂದ್ಯಗಳ ಟಿ20 ಸರಣಿಯ 2ನೇ ಪಂದ್ಯವು ಇಂದು ಅಟಲ್ ಬಿಹಾರಿ ವಾಜಪೇಯಿ ಏಕಾನಾ ಕ್ರಿಕೆಟ್ ಸ್ಟೇಡಿಯಂನಲ್ಲಿ (Ekana Sports City) ನಡೆಯಿತು. ಇಂದಿನ ಪಂದ್ಯದಲ್ಲಿ ಭಾರತ ಗೆಲ್ಲುವ ಮೂಲಕ 3 ಪಂದ್ಯಗಳ ಸರಣಿಯಲ್ಲಿ 1-1 ಅಂತರದಿಂದ ಸಮಬಲ ಸಾಧಿಸಿದೆ. ಈ ಮೂಲಕ ಭಾರತ ತಂಡಕ್ಕೆ (Team India) ಸರಣಿ ಆಸೆ ಇನ್ನೂ ಜೀವಂತವಾಗಿಸಿಕೊಂಡಿದೆ. ಇನ್ನು, ಕಿವೀಸ್​ ನೀಡಿದ ಅಲ್ಪಮೊತ್ತವನ್ನು ಬೆನ್ನಟ್ಟಿದ ಭಾರತ ತಂಡ ಸಹ ಕಷ್ಟಪಟ್ಟು ಗೆಲುವನ್ನು ಸಾಧಿಸಿದೆ. ಭಾರತ ತಂಡ ನಿಗದಿತ 19.5 ಓವರ್​ಗಳಲ್ಲಿ 4 ವಿಕೆಟ್​ ನಷ್ಟಕ್ಕೆ 101 ರನ್​ಗಳಿಸುವ ಮೂಲಕ 6 ವಿಕೆಟ್​ಗಳ ಜಯ ದಾಖಲಿಸಿದೆ. ಆದರೆ ಇಂದು ಭಾರತ ಬೌಲಿಂಗ್​ನಲ್ಲಿ ಮಿಂಚಿದರೂ ಬ್ಯಾಟಿಂಗ್​ನಲ್ಲಿ ಮತ್ತೆ ವಿಫಲವಾಯಿತು. ಅದರಲ್ಲಿಯೂ ನಿಧಾನಗತಿಯ ಬ್ಯಾಟಿಂಗ್​ ಮಾಡುವ ಮೂಲಕ ಅಂತಿಮವಾಗಿ ಗೆಲುವು ಕಂಡರು.

ನಿಧಾನಗತಿಯ ಬ್ಯಾಟಿಂಗ್​ ಮಾಡಿದ ಭಾರತ:

ಇನ್ನು, ಕಿವೀಸ್​ ನೀಡಿದ ಟಾರ್ಗೆಟ್​ ಬೆನ್ನಟ್ಟಿದ ಭಾರತ ತಂಡ ನಿಧಾನಗತಿಯ ಬ್ಯಾಟಿಂಗ್​ ಮಾಡಿತು. ಭಾರತ ತಂಡ ಭಾರತದ ಪರ ಶುಭ್​ಮನ್ ಗಿಲ್​ 11 ರನ್​, ಇಶಾನ್ ಕಿಶನ್ 19 ರನ್, ರಾಹುಲ್ ತ್ರಿಪಾಠಿ 13 ರನ್​, ವಾಷಿಂಗ್ಟನ್​ ಸುಂದರ್​ 10 ರನ್​, ಸೂರ್ಯಕುಮಾರ್ ಯಾದವ್ 26 ರನ್​ ಮತ್ತು ಹಾರ್ದಿಕ್​ ಪಾಂಡ್ಯ 15 ರನ್ ಗಳಿಸುವ ಮೂಲಕ ಅಂತಿಮವಾಗಿ ತಂಡಕ್ಕೆ ಜಯ ತಂದುಕೊಡುವಲ್ಲಿ ಸಹಾಯಕರಾದರು.

.@surya_14kumar hits the winning runs as #TeamIndia secure a 6-wicket win in Lucknow & level the #INDvNZ T20I series 1️⃣-1️⃣

Scorecard ▶️ https://t.co/p7C0QbPSJs#INDvNZ | @mastercardindia pic.twitter.com/onXTBVc2Wu

— BCCI (@BCCI) January 29, 2023

ಅಲ್ಪಮೊತ್ತವನ್ನೂ ಸಹ ಕಿವೀಸ್​ ಬೌಲರ್​ಗಳು ಉತ್ತಮ ರೀತಿಯಲ್ಲಿ ಡಿಪೆನ್ಸ್ ಮಾಡಿಕೊಂಡರು. ಪಂದ್ಯವನ್ನು ಕೊನೆಯ ಎಸೆತದವರೆಗೂ ತೆಗೆದುಕೊಂಡು ಹೋಗುವಲ್ಲಿ ಯಶಸ್ವಿಯಾದರು. ಕಿವೀಸ್​ ಪರ ಇಶ್ ಸೋಧಿ ಮತ್ತು ಮೈಕೆಲ್ ಬ್ರೇಸ್​ವೆಲ್ ತಲಾ 1 ವಿಕೆಟ್​ ಪಡೆದರು.

ಇದನ್ನೂ ಓದಿ: WU19 T20 WC: ಚೊಚ್ಚಲ ವಿಶ್ವಕಪ್​ ಗೆದ್ದು ಇತಿಹಾಸ ನಿರ್ಮಿಸಿದ ಟೀಂ ಇಂಡಿಯಾ, ಹಿಸ್ಟರಿ ರಿಪೀಟ್​ ಮಾಡಿದ ವುಮೆನ್ಸ್

ರನ್​ ಗಳಿಸಲು ಕಷ್ಟಪಟ್ಟ ಕಿವೀಸ್​ ಪ್ಲೇಯರ್​:

ನ್ಯೂಜಿಲ್ಯಾಂಡ್​ ಪರ ಫಿನ್ ಅಲೆನ್ 11 ರನ್, ಡೆವೊನ್ ಕಾನ್ವೇ 11 ರನ್, ಮಾರ್ಕ್ ಚಾಪ್​ಮನ್ 14 ರನ್, ಡೇರಿಲ್ ಮಿಚೆಲ್ 8 ರನ್, ಗ್ಲೆನ್ ಫಿಲಿಪ್ಸ್ 5 ರನ್, ಮಿಚೆಲ್ ಸ್ಯಾಂಟ್ನರ್ 19 ರನ್, ಮೈಕೆಲ್ ಬ್ರೇಸ್​ವೆಲ್ 14 ರನ್, ಇಶ್ ಸೋಧಿ 1 ರನ್, ಲಾಕಿ ಫರ್ಗುಸನ್ ಶೂನ್ಯ ಮತ್ತು ಜಾಕೋಬ್ ಡಫಿ 6 ರನ್ ಗಳಿಸಲಷ್ಟೇ ಶಕ್ತರಾದರು. ವಿಶೆಷ ಎಂಬಂತೆ ಯಾವೊಬ್ಬ ಬ್ಯಾಟ್ಸ್​ಮನ್​ ಸಹ 20ರ ಗಡಿ ದಾಟುವಲ್ಲಿ ಯಶಸ್ವಿಯಾಗಲಿಲ್ಲ.

ಅರ್ಷದೀಪ್​ ಸಿಂಗ್​ ಭರ್ಜರಿ ಬೌಲಿಂಗ್:

ಇಂದಿನ ಪಂದ್ಯದಲ್ಲಿ ಕಿವೀಸ್​ ವಿರುದ್ಧ ಭಾರತ ತಂಡ ಉತ್ತಮ ಬೌಲಿಂಗ್​ ದಾಳಿ ನಡೆಸಿತು. ಭಾರತದ ಪರ ಅರ್ಷದೀಪ್​ ಸಿಂಗ್ ಇಂದು 2 ಓವರ್​ ಬೌಲ್​ ಮಾಡಿ​ ಕೇವಲ 8 ರನ್ ನೀಡುವ ಮೂಲಕ ಪ್ರಮುಖ 2 ವಿಕೆಟ್​ ಪಡೆದು ಉತ್ತಮ ಬೌಲಿಂಗ್​ ಮಾಡಿದರು. ಉಳಿದಂತೆ ಹಾರ್ದಿಕ್ ಪಾಂಡ್ಯ, ವಾಷಿಂಗ್ಟನ್​ ಸುಂದರ್, ಚಹಾಲ್, ದೀಪಕ್ ಹೂಡ ಮತ್ತು ಕುಲ್​ದೀಪ್ ಯಾದವ್ ತಲಾ 1 ವಿಕೆಟ್​ ಪಡೆಯುವ ಮೂಲಕ ಮಿಂಚಿದರು.