IND vs NZ T20: ಟೀಂ ಇಂಡಿಯಾ ದಾಳಿಗೆ ತತ್ತರಿಸಿದ ಕಿವೀಸ್​, ಭಾರತಕ್ಕೆ ಸುಲಭ ಟಾರ್ಗೆಟ್​

ಭಾರತ ಮತ್ತು ನ್ಯೂಜಿಲ್ಯಾಂಡ್ (IND vs NZ ) ನಡುವಿನ 3 ಪಂದ್ಯಗಳ ಟಿ20 ಸರಣಿಯ 2ನೇ ಪಂದ್ಯವು ಇಂದು ಅಟಲ್ ಬಿಹಾರಿ ವಾಜಪೇಯಿ ಏಕಾನಾ ಕ್ರಿಕೆಟ್ ಸ್ಟೇಡಿಯಂನಲ್ಲಿ (Ekana Sports City) ನಡೆಯುತ್ತಿದೆ. ಟಾಸ್​ ಗೆದ್ದ ನ್ಯೂಜಿಲ್ಯಾಂಡ್​ ತಂಡವು ಮೊದಲು ಬ್ಯಾಟಿಂಗ್​ ಆಯ್ಕೆ ಮಾಡಿಕೊಂತು. ಆದರೆ ಕಿವೀಸ್​ ನಾಯಕನ ನಿರ್ಧಾರವನ್ನು ಭಾರತೀಯ ಬೌಲರ್​ಗಳು ತಲೆಕೆಳಗಾಗಿಸಿದರು. ಟೀಂ ಇಂಡಿಯಾ (Team India) ದಾಳಿಗೆ ಕಿವೀಸ್​ ತತ್ತರಿಸಿತು. ಅಂತಿಮವಾಗಿ ನ್ಯೂಜಿಲ್ಯಾಂಡ್​ ತಂಡವು ನಿಗದಿತ 20 ಓವರ್​ಗೆ 8 ವಿಕೆಟ್ ನಷ್ಟಕ್ಕೆ 99 ರನ್​ಗಳಿಸುವ ಮೂಲಕ ಭಾರತಕ್ಕೆ 100 ರನ್​ಗಳ ಸುಲಭ ಟಾರ್ಗೆಟ್​ ನೀಡಿದೆ. ಇನ್ನು, ನ್ಯೂಜಿಲೆಂಡ್ ಸರಣಿಯಲ್ಲಿ 1-0 ಮುನ್ನಡೆ ಸಾಧಿಸಿದ್ದು, ಭಾರತ ತಂಡಕ್ಕೆ ಇಂದಿನ ಪಂದ್ಯ ಅತ್ಯಂತ ಮಹತ್ವದ್ದಾಗಿದೆ.

ಅಲ್ಪ ಮೊತ್ತಕ್ಕೆ ಕುಸಿದ ಕಿವೀಸ್:

ಇನ್ನು, ಟಾಸ್​ ಗೆದ್ದು ಬ್ಯಾಟಿಂಗ್​ ಮಾಡಿದ ನ್ಯೂಜಿಲ್ಯಾಂಡ್​ ತಂಡ 20 ಓವರ್​ಗೆ 8 ವಿಕೆಟ್ ನಷ್ಟಕ್ಕೆ 99 ರನ್ ಗಳಿಸುವ ಮೂಲಕ ಅಲ್ಪ ಮೊತ್ತಕ್ಕೆ ಕುಸಿಯಿತು. ನ್ಯೂಜಿಲ್ಯಾಂಡ್​ ಪರ ಫಿನ್ ಅಲೆನ್ 11 ರನ್, ಡೆವೊನ್ ಕಾನ್ವೇ 11 ರನ್, ಮಾರ್ಕ್ ಚಾಪ್​ಮನ್ 14 ರನ್, ಡೇರಿಲ್ ಮಿಚೆಲ್ 8 ರನ್, ಗ್ಲೆನ್ ಫಿಲಿಪ್ಸ್ 5 ರನ್, ಮಿಚೆಲ್ ಸ್ಯಾಂಟ್ನರ್ 19 ರನ್, ಮೈಕೆಲ್ ಬ್ರೇಸ್​ವೆಲ್ 14 ರನ್, ಇಶ್ ಸೋಧಿ 1 ರನ್, ಲಾಕಿ ಫರ್ಗುಸನ್ ಶೂನ್ಯ ಮತ್ತು ಜಾಕೋಬ್ ಡಫಿ 6 ರನ್ ಗಳಿಸಲಷ್ಟೇ ಶಕ್ತರಾದರು. ವಿಶೆಷ ಎಂಬಂತೆ ಯಾವೊಬ್ಬ ಬ್ಯಾಟ್ಸ್​ಮನ್​ ಸಹ 20ರ ಗಡಿ ದಾಟುವಲ್ಲಿ ಯಶಸ್ವಿಯಾಗಲಿಲ್ಲ.

.@arshdeepsinghh scalped 2⃣ wickets & was our top performer from the first innings of the second #INDvNZ T20I 👌 👌 #TeamIndia | @mastercardindia

Here's a summary of his bowling display 🔽 pic.twitter.com/UYs6LE9VUC

— BCCI (@BCCI) January 29, 2023

ಟಾಸ್​ ಸೋತರೂ ಸಹ ಭಾರತೀಯ ಬೌಲರ್​ಗಳು ಇಂದು ಕಿವೀಸ್​ ವಿರುದ್ಧ ಉತ್ತಮ ಬೌಲಿಂಗ್​ ದಾಳಿ ನಡೆಸಿದರು. ಆರಂಬದಿಂದಲೂ ಕಿವೀಸ್​ ಬ್ಯಾಟ್ಸ್​ಮನ್​ಗಳನ್ನು ಕಟ್ಟಿಹಾಕುವಲ್ಲಿ ಟೀಂ ಇಂಡಿಯಾ ಬೌಲರ್​ಗಳು ಯಶಸ್ವಿಯಾದರು. ಅಲ್ಲದೇ ಈಗಾಗಲೇ ಹಾರ್ದಿಕ್ ನಾಯಕತ್ವದಲ್ಲಿ ಯಾವುದೇ ಸರಣಿಯನ್ನು ಭಾರತ ತಂಡ ಸೋತಿಲ್ಲ. ಹೀಗಾಗಿ ಹಾರ್ದಿಕ್ ಸಹ ಇಂದಿನ ಪಂದ್ಯವನ್ನು ಗೆದ್ದು ಸರಣಿಯಲ್ಲಿ ಜೀವಂತಾಗಿರಲು ಪ್ರಯತ್ನಿಸಲಿದೆ.

ಇದನ್ನೂ ಓದಿ: WU19 T20 WC: ಚೊಚ್ಚಲ ವಿಶ್ವಕಪ್​ ಗೆದ್ದು ಇತಿಹಾಸ ನಿರ್ಮಿಸಿದ ಟೀಂ ಇಂಡಿಯಾ, ಹಿಸ್ಟರಿ ರಿಪೀಟ್​ ಮಾಡಿದ ವುಮೆನ್ಸ್

ಭಾರತದ ಪರ ಅರ್ಷದೀಪ್​ ಸಿಂಗ್ ಇಂದು 2 ಓವರ್​ ಬೌಲ್​ ಮಾಡಿ​ ಕೇವಲ 8 ರನ್ ನೀಡುವ ಮೂಲಕ ಪ್ರಮುಖ 2 ವಿಕೆಟ್​ ಪಡೆದು ಉತ್ತಮ ಬೌಲಿಂಗ್​ ಮಾಡಿದರು. ಉಳಿದಂತೆ ಹಾರ್ದಿಕ್ ಪಾಂಡ್ಯ, ವಾಷಿಂಗ್ಟನ್​ ಸುಂದರ್, ಚಹಾಲ್, ದೀಪಕ್ ಹೂಡ ಮತ್ತು ಕುಲ್​ದೀಪ್ ಯಾದವ್ ತಲಾ 1 ವಿಕೆಟ್​ ಪಡೆಯುವ ಮೂಲಕ ಮಿಂಚಿದರು.

ಭಾರತ - ನ್ಯೂಜಿಲ್ಯಾಂಡ್​ ಪ್ಲೇಯಿಂಗ್​ 11:

ಭಾರತ ಪ್ಲೇಯಿಂಗ್​ 11: ಶುಭ್​ಮನ್ ಗಿಲ್, ಇಶಾನ್ ಕಿಶನ್ (ವಿಕೆಟ್ ಕೀಪರ್), ರಾಹುಲ್ ತ್ರಿಪಾಠಿ, ಸೂರ್ಯಕುಮಾರ್ ಯಾದವ್, ಹಾರ್ದಿಕ್ ಪಾಂಡ್ಯ (ನಾಯಕ) ದೀಪಕ್ ಹೂಡಾ, ವಾಷಿಂಗ್ಟನ್ ಸುಂದರ್, ಕುಲ್ದೀಪ್ ಯಾದವ್, ಶಿವಂ ಮಾವಿ, ಅರ್ಷದೀಪ್ ಸಿಂಗ್, ಯುಜ್ವೇಂದ್ರ ಚಹಾಲ್.

ನ್ಯೂಜಿಲ್ಯಾಂಡ್ ಪ್ಲೇಯಿಂಗ್​ 11: ಫಿನ್ ಅಲೆನ್, ಡೆವೊನ್ ಕಾನ್ವೇ, ಮಾರ್ಕ್ ಚಾಪ್​ಮನ್, ಡೇರಿಲ್ ಮಿಚೆಲ್, ಗ್ಲೆನ್ ಫಿಲಿಪ್ಸ್, ಮಿಚೆಲ್ ಸ್ಯಾಂಟ್ನರ್ (ನಾಯಕ), ಮೈಕೆಲ್ ಬ್ರೇಸ್​ವೆಲ್, ಜಾಕೋಬ್ ಡಫಿ, ಇಶ್ ಸೋಧಿ, ಲಾಕಿ ಫರ್ಗುಸನ್, ಬ್ಲೇರ್ ಟಿಕ್ನರ್.