• Home
  • »
  • News
  • »
  • sports
  • »
  • India vs New Zealand: ಟಾಸ್​ ಗೆದ್ದ ಭಾರತ ಬೌಲಿಂಗ್​ ಆಯ್ಕೆ, ಇಲ್ಲಿದೆ ಉಭಯ ತಂಡಗಳ ಪ್ಲೇಯಿಂಗ್ 11

India vs New Zealand: ಟಾಸ್​ ಗೆದ್ದ ಭಾರತ ಬೌಲಿಂಗ್​ ಆಯ್ಕೆ, ಇಲ್ಲಿದೆ ಉಭಯ ತಂಡಗಳ ಪ್ಲೇಯಿಂಗ್ 11

ಭಾರತ-ನ್ಯೂಜಿಲ್ಯಾಂಡ್

ಭಾರತ-ನ್ಯೂಜಿಲ್ಯಾಂಡ್

India vs New Zealand: ಟಾಸ್​ ಗೆದ್ದ ಭಾರತ ತಂಡ (Team India) ಬೌಲಿಂಗ್ ಆಯ್ಕೆ ಮಾಡಿದ್ದು, ನ್ಯೂಜಿಲ್ಯಾಂಡ್ (New Zealand)​ ತಂಡವು ಬ್ಯಾಟಿಂಗ್​ ಆರಂಭಿಸಿದೆ.

  • Share this:

 ಭಾರತ ಮತ್ತು ನ್ಯೂಜಿಲೆಂಡ್ (IND vs NZ) ನಡುವಿನ 3 ಪಂದ್ಯಗಳ ಸರಣಿಯ 2ನೇ ಏಕದಿನ ಪಂದ್ಯ ಇಂದು ರಾಯಪುರದ ಶಹೀದ್ ವೀರ್ ನಾರಾಯಣ ಸಿಂಗ್ ಅಂತರಾಷ್ಟ್ರೀಯ ಕ್ರೀಡಾಂಗಣದಲ್ಲಿ (Shaheed Veer Narayan Singh International Cricket Stadium, Raipur) ಈ ಪಂದ್ಯ ನಡೆಯುತ್ತಿದೆ. ಈಗಾಗಲೇ ಟಾಸ್​ ಗೆದ್ದ ಭಾರತ ತಂಡ (Team India) ಬೌಲಿಂಗ್ ಆಯ್ಕೆ ಮಾಡಿದ್ದು, ನ್ಯೂಜಿಲ್ಯಾಂಡ್ (New Zealand)​ ತಂಡವು ಬ್ಯಾಟಿಂಗ್​ ಆರಂಭಿಸಿದೆ. ಇಂದಿನ ಪಂದ್ಯವನ್ನು ಗೆದ್ದು ಸರಣಿಯನ್ನು ಕೈವಶಮಾಡಿಕೊಳ್ಳಲು ಭಾರತ ತಂಡ ಹವಣಿಸುತ್ತಿದ್ದರೆ, ಇತ್ತ ಕಿವೀಸ್​ ಪಂದ್ಯ ಗೆದ್ದು ಸರಣಿಯಲ್ಲಿ ಜೀವಂತವಾಗಿ ಉಳಿಯಲು ಸಿದ್ಧವಾಗಿದೆ. ಇನ್ನು, ಕಳೆದ 34 ವರ್ಷಗಳಿಂದ ನ್ಯೂಜಿಲ್ಯಾಂಡ್ ತಂಡ ಭಾರತದಲ್ಲಿ ಏಕದಿನ ಸರಣಿ ಗೆಲುವಿಗಾಗಿ ಕಾಯುತ್ತಿದೆ. ಈಗಾಗಳೇ ನ್ಯೂಜಿಲ್ಯಾಂಡ್​ ತಂಡದ ಪ್ರಮುಖ 3 ವಿಕೆಟ್​ಗಳು ಪತನವಾಗಿದ್ದು, ಮೊಹಮ್ಮದ್ ಶಮಿ 2 ಮತ್ತು ಸಿರಾಜ್ 1 ವಿಕೆಟ್​ ಪಡೆದಿದ್ದಾರೆ.


ಪಿಚ್​ ಯಾರಿಗೆ ಸಹಾಯಕ?:


ಶಹೀದ್ ವೀರ್ ನಾರಾಯಣ ಸಿಂಗ್ ಅಂತರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂ 2008 ರಲ್ಲಿ ಪೂರ್ಣಗೊಂಡಿತು. ಆದರೆ ಇಲ್ಲಿ ಇದುವರೆಗೆ ಯಾವುದೇ ಅಂತಾರಾಷ್ಟ್ರೀಯ ಪಂದ್ಯ ನಡೆದಿಲ್ಲ. ಏತನ್ಮಧ್ಯೆ, ಐಪಿಎಲ್‌ನ ಒಟ್ಟು ಆರು ಪಂದ್ಯಗಳು ನಡೆದಿವೆ. ಅಷ್ಟೇ ಅಲ್ಲ, ರಸ್ತೆ ಸುರಕ್ಷತೆ ವಿಶ್ವ ಸರಣಿಯ ಹಲವು ಐತಿಹಾಸಿಕ ಪಂದ್ಯಗಳನ್ನೂ ಇಲ್ಲಿ ಆಯೋಜಿಸಲಾಗಿತ್ತು.



ಶಹೀದ್ ವೀರ್ ನಾರಾಯಣ್ ಸಿಂಗ್ ಅಂತರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನಲ್ಲಿ ಇದುವರೆಗೆ ಒಟ್ಟು 6 ಐಪಿಎಲ್ ಪಂದ್ಯಗಳು ನಡೆದಿವೆ. ಏತನ್ಮಧ್ಯೆ,  ಗರಿಷ್ಠ ಸ್ಕೋರ್ 164 ರನ್ ಆಗಿದ್ದು, ಸರಾಸರಿ ಸ್ಕೋರ್ 149 ಆಗಿದೆ. ಈ ಅಂಕಿಅಂಶಗಳು ಟಿ20 ಸ್ವರೂಪದ್ದಾಗಿದ್ದರೂ ಸಹ ಏಕದಿನ ಮಾದರಿಯಲ್ಲಿಯೂ ಇದು ಬ್ಯಾಟಿಂಗ್​ ಸ್ನೇಹಿ ಪಿಚ್​ ಎಂದು ಪರಿಗಣಿಸಲಾಗುತ್ತದೆ.


ಇದನ್ನೂ ಓದಿ: Cristiano Ronaldo: ನೀವು ತುಂಬಾ ಚೆನ್ನಾಗಿ ಅಡುಗೆ ಮಾಡ್ತೀರಾ? ಹಾಗಿದ್ರೆ ನಾಲ್ಕೂವರೆ ಲಕ್ಷ ಸಂಬಳ, ಓಡಾಡೋದಕ್ಕೆ ಕಾರು, ವಾಸಕ್ಕೆ ಬಂಗ್ಲೆ ಸಿಗುತ್ತೆ!


ತಪ್ಪು ನಿರ್ಧಾರೆ ತೆಗೆದುಕೊಂಡ್ರಾ ರೋಹಿತ್?:


ಇನ್ನು, ಟಾಸ್ ಗೆದ್ದ ನಾಯಕ ರೋಹಿತ್ ಬೌಲಿಂಗ್ ಮಾಡಬೇಕೋ ಅಥವಾ ಬ್ಯಾಟಿಂಗ್ ಮಾಡಬೇಕೋ ಎಂಬುದನ್ನು ತಿಳಿಸಲು ಕೆಲ ಸೆಕೆಂಡುಗಳ ಕಾಲ ತೆಗೆದುಕೊಂಡರು. ಕಠಿಣ ಪರಿಸ್ಥಿತಿಯಲ್ಲಿ ನಾವು ಸವಾಲಿಗೆ ಸಿದ್ಧರಿದ್ದೇವೆ ಎಂದು ಹೇಳಿದರು. ಅಂತಹ ಪರಿಸ್ಥಿತಿಯಲ್ಲಿ, ನಾವು ಮೊದಲು ಬೌಲ್ ಮಾಡಲು ಬಯಸುತ್ತೇವೆ. ಮೊದಲ ಪಂದ್ಯದಲ್ಲಿ ಭಾರತ ಮೊದಲು ಬ್ಯಾಟಿಂಗ್ ಮಾಡಿ ಗೆದ್ದಿದ್ದು ಗೊತ್ತೇ ಇದೆ. ಹೀಗಾಗಿ ಈ ಬಾರಿ ರೋಹಿತ್​ ಬೌಲಿಂಗ್​ನ್ನು ಹೆಚ್ಚು ಪರೀಕ್ಷಿಸುವ ಸಲುವಾಗಿ ಬೌಲಿಂಗ್​ ಆಯ್ಕೆ ಮಾಡಿಕೊಂಡ ಸಾಧ್ಯತೆಗಳಿವೆ.




ಭಾರತ-ನ್ಯೂಜಿಲ್ಯಾಂಡ್ ಪ್ಲೇಯಿಂಗ್ 11:


ಭಾರತ ಪ್ಲೇಯಿಂಗ್ 11: ರೋಹಿತ್ ಶರ್ಮಾ (ನಾಯಕ), ಶುಭಮನ್ ಗಿಲ್, ವಿರಾಟ್ ಕೊಹ್ಲಿ, ಸೂರ್ಯಕುಮಾರ್ ಯಾದವ್, ಇಶಾನ್ ಕಿಶನ್ (ವಿಕೆಟ್ ಕೀಪರ್), ಹಾರ್ದಿಕ್ ಪಾಂಡ್ಯ, ವಾಷಿಂಗ್ಟನ್ ಸುಂದರ್, ಕುಲ್ದೀಪ್ ಯಾದವ್, ಮೊಹಮ್ಮದ್ ಶಮಿ, ಮೊಹಮ್ಮದ್ ಸಿರಾಜ್, ಶಾರ್ದೂಲ್ ಠಾಕೂರ್.


ನ್ಯೂಜಿಲ್ಯಾಂಡ್ ಪ್ಲೇಯಿಂಗ್ 11: ಫಿನ್ ಅಲೆನ್, ಡೆವೊನ್ ಕಾನ್ವೇ, ಹೆನ್ರಿ ನಿಕೋಲ್ಸ್, ಡೇರಿಲ್ ಮಿಚೆಲ್, ಟಾಮ್ ಲ್ಯಾಥಮ್ (ನಾಯಕ), ಗ್ಲೆನ್ ಫಿಲಿಪ್ಸ್, ಮೈಕೆಲ್ ಬ್ರೇಸ್‌ವೆಲ್, ಹೆನ್ರಿ ಶಿಪ್ಲಿ, ಮಿಚೆಲ್ ಸ್ಯಾಂಟ್ನರ್, ಲಾಕಿ ಫರ್ಗುಸನ್, ಬ್ಲೇರ್ ಟಿಕ್ನರ್.

Published by:shrikrishna bhat
First published: