IND vs NZ: ಕಿವೀಸ್​ ವಿರುದ್ಧ ಭಾರತಕ್ಕೆ ಭರ್ಜರಿ ಜಯ, ಸರಣಿ ಕೈವಶ ಮಾಡಿಕೊಂಡ ರೋಹಿತ್ ಪಡೆ

 ಭಾರತ ಮತ್ತು ನ್ಯೂಜಿಲೆಂಡ್ (IND vs NZ) ನಡುವಿನ 3 ಪಂದ್ಯಗಳ ಸರಣಿಯ 2ನೇ ಏಕದಿನ ಪಂದ್ಯ ಇಂದು ರಾಯಪುರದ ಶಹೀದ್ ವೀರ್ ನಾರಾಯಣ ಸಿಂಗ್ ಅಂತರಾಷ್ಟ್ರೀಯ ಕ್ರೀಡಾಂಗಣದಲ್ಲಿ (Shaheed Veer Narayan Singh International Cricket Stadium, Raipur) ನಡೆಯಿತು. ಕಿವೀಸ್​ ನೀಡಿದ ಅಲ್ಪಮೊತ್ತವನ್ನು ಬೆನ್ನಟ್ಟಿದ ಭಾರತ ತಂಡ 20.1 ಓವರ್​ಗಳಿಗೆ 2 ವಿಕೆಟ್​ಗೆ 111 ರನ್​ಗಳಿಸುವ ಮೂಲಕ 8 ವಿಕೆಟ್​ಗಳ ಜಯ ದಾಖಲಿಸಿದೆ. ಈ ಮೂಲಕ ಭಾರತ 3 ಪಂದ್ಯಗಳ ಸರಣಿಯನ್ನು 2-0 ಅಂತರದಿಂದ ಇನ್ನು 1 ಪಂದ್ಯ ಬಾಕಿ ಇರುವಂತೆಯೇ ಜಯ ದಾಖಲಿಸಿದೆ.

ಭರ್ಜರಿ ಬ್ಯಾಟಿಂಗ್ ಮಾಡಿದ ರೋಹಿತ್:

ಇನ್ನು, ಕಿವೀಸ್​ ನೀಡಿದ ಸಣ್ಣ ಟಾರ್ಗೆಟ್​ ಬೆನ್ನಟ್ಟಿದ ಭಾರತ ತಂಡ  20.1 ಓವರ್​ಗಳಿಗೆ 2 ವಿಕೆಟ್​ಗೆ 111 ರನ್​ಗಳಿಸುವ ಮೂಲಕ 8 ವಿಕೆಟ್​ಗಳ ಜಯ ದಾಖಲಿಸಿದೆ. ಭಾರತದ ಪರ ನಾಯಕ ರೋಹಿತ್ ಶರ್ಮಾ 50 ಎಸೆತದಲ್ಲಿ 7 ಪೋರ್​ 2 ಸಿಕ್ಸ್​ ಮೂಲಕ 51 ರನ್ ಗಳಿಸಿದರು. ಉಳಿದಂತೆ ಶುಭ್​ಮನ್ ಗಿಲ್ 40 ರನ್, ವಿರಾಟ್ ಕೊಹ್ಲಿ 11 ರನ್ ಮತ್ತು ಇಶಾನ್ ಕಿಶನ್ 8 ರನ್ ಗಳಿಸುವ ಮೂಲಕ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು.

Bowlers inspire India's ODI series win against New Zealand in Raipur 💪#INDvNZ | 📝 Scorecard: https://t.co/laPYXU43A1 pic.twitter.com/rmIYa6r0NM

— ICC (@ICC) January 21, 2023

ಟಾಸ್​ ಗೆದ್ದು ರೋಹಿತ್ ಶರ್ಮಾ ತಪ್ಪು ನಿರ್ಧಾರ ತೆಗೆದುಕೊಂಡರು ಎಂದು ಅನೇಕ ವಿಶ್ಲೇಷಕರು ಹೇಳುತ್ತಿರುವ ನಡುವೆಯೇ ಭಾರತೀಯ ಬೌಲರ್​ಗಳು ಭರ್ಜರಿ ಬೌಲಿಂಗ್​ ಮಾಡಿದರು. ಭಾರತದ ಪರ ಮೊಹಮ್ಮದ್ ಶಮಿ 6 ಓವರ್​ ಬಾಲ್​ ಮಾಡಿ 18 ರನ್​ಗೆ 3 ವಿಕೆಟ್​ ಪಡೆದು ಮಿಂಚಿದರು. ಉಳಿದಂತೆ ಹಾರ್ದಿಕ್ ಪಾಂಡ್ಯ ಮತ್ತು ವಾಷಿಂಗ್ಟನ್​ ಸುಂದರ್​ ತಲಾ 2 ವಿಕೆಟ್​ ಪಡೆದರು. ಜೊತೆಗೆ ಮೊಹಮ್ಮದ್ ಸಿರಾಜ್, ಶಾರ್ದೂಲ್ ಠಾಕೂರ್ ಮತ್ತು ಕುಲ್​ದೀಪ್ ಯಾದವ್ ತಲಾ 1 ವಿಕೆಟ್ ಪಡೆದರು. ಈ ಮೂಲಕ ಭಾರತ ತಂಡದ ಬೌಲರ್​ಗಳು ಇಂದು ನ್ಯೂಜಿಲ್ಯಾಂಡ್​ ವಿರುದ್ಧ ಸಂಘಟಿತ ದಾಳಿ ನಡೆಸಿದರು.

ಇದನ್ನೂ ಓದಿ: Hardik Pandya: ಹಾರ್ದಿಕ್ ಹಿಡಿದ ಕ್ಯಾಚ್ ಪಂದ್ಯದ ದಿಕ್ಕನ್ನೇ ಬದಲಿಸಿತು! ಪಾಂಡ್ಯ ಮ್ಯಾಜಿಕ್‌ ಫೀಲ್ಡಿಂಗ್‌ಗೆ ನೆಟ್ಟಿಗರು ಕ್ಲೀನ್ ಬೋಲ್ಡ್

ಅಲ್ಪಮೊತ್ತಕ್ಕೆ ಕುಸಿದಿದ್ದ ಕಿವೀಸ್​:

ಇನ್ನು, ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ಆರಂಭಿಸಿದ ನ್ಯೂಜಿಲ್ಯಾಂಡ್​ ತಂಡವು ಆರಂಭದಲ್ಲಿಯೇ ಹಿನ್ನಡೆ ಅನುಭವಿಸಿತು. ತಂಡವು ಕೇವಲ 15 ರನ್​ಗಳಿಸುವಷ್ಟರಲ್ಲಿ ಪ್ರಮುಖ 5 ವಿಕೆಟ್​ಗಳನ್ನು ಕಳೆದುಕೊಂಡಿತು. ಬಳಿಕ 34.3 ಓವರ್​ಗಳಿಗೆ 10 ವಿಕೆಟ್​ ನಷ್ಟಕ್ಕೆ 108 ರನ್​ಗಳಿಸಲಷ್ಟೇ ಶಕ್ತವಾಯಿತು. ನ್ಯೂಜಿಲ್ಯಾಂಡ್​ ಪರ ಫಿನ್ ಅಲೆನ್ 0 ರನ್, ಡೆವೊನ್ ಕಾನ್ವೇ 7 ರನ್, ಹೆನ್ರಿ ನಿಕೋಲ್ಸ್ 2 ರನ್, ಡೇರಿಲ್ ಮಿಚೆಲ್ 1 ರನ್, ಟಾಮ್ ಲ್ಯಾಥಮ್ 1 ರನ್, ಗ್ಲೆನ್ ಫಿಲಿಪ್ಸ್ 36 ರನ್, ಮೈಕೆಲ್ ಬ್ರೇಸ್‌ವೆಲ್ 22 ರನ್, ಹೆನ್ರಿ ಶಿಪ್ಲಿ 2 ರನ್, ಮಿಚೆಲ್ ಸ್ಯಾಂಟ್ನರ್ 27 ರನ್, ಲಾಕಿ ಫರ್ಗುಸನ್ 1 ರನ್ ಮತ್ತು ಬ್ಲೇರ್ ಟಿಕ್ನರ್ 2 ರನ್​ ಗಳಿಸಿದರು.

ಅದ್ಭುತ ಕ್ಯಾಚ್​ ಹಿಡಿದ ಹಾರ್ದಿಕ್​ ಪಾಂಡ್ಯ:

ಹಾರ್ದಿಕ್ ಪಾಂಡ್ಯ ನ್ಯೂಜಿಲೆಂಡ್ ಇನಿಂಗ್ಸ್ ನ 10ನೇ ಓವರ್ ಬೌಲ್ ಮಾಡಿದರು. ಡೆವೊನ್ ಕಾನ್ವೆ ನಾಲ್ಕನೇ ಎಸೆತದಲ್ಲಿ ನೇರ ಶಾಟ್ ಹೊಡೆದರು. ಈ ಚೆಂಡು ಗಾಳಿಯಲ್ಲಿ ನೆಲದ ಮಟ್ಟದಲ್ಲಿ ಇರುವಾಗ ಪಾಂಡ್ಯ ಒಂದು ಕೈಯಿಂದ ಡೈವಿಂಗ್ ಮಾಡಿ ಅತ್ಯುತ್ತಮ ಕ್ಯಾಚ್ ಹಿಡಿದರು. ಕಾನ್ವೇ 16 ಎಸೆತಗಳಲ್ಲಿ 7 ರನ್ ಗಳಿಸಿ ಔಟಾದರು. ಇದು ಕಿವೀಸ್ ತಂಡದ ನಾಲ್ಕನೇ ವಿಕೆಟ್ ಆಗಿತ್ತು.