• Home
  • »
  • News
  • »
  • sports
  • »
  • IND vs NZ ODI: ಟೀಂ ಇಂಡಿಯಾ ದಾಳಿಗೆ ತತ್ತರಿಸಿದ ನ್ಯೂಜಿಲ್ಯಾಂಡ್​, ಅಲ್ಪಮೊತ್ತಕ್ಕೆ ಕುಸಿದ ಕಿವೀಸ್​

IND vs NZ ODI: ಟೀಂ ಇಂಡಿಯಾ ದಾಳಿಗೆ ತತ್ತರಿಸಿದ ನ್ಯೂಜಿಲ್ಯಾಂಡ್​, ಅಲ್ಪಮೊತ್ತಕ್ಕೆ ಕುಸಿದ ಕಿವೀಸ್​

ಭಾರತ ತಂಡ

ಭಾರತ ತಂಡ

IND vs NZ ODI: ಕಿವೀಸ್​ ಪಡೆ ತತ್ತರಿಸಿ ಹೋಯಿತು. ಈ ಮೂಲಕ ತಂಡವು 34.3 ಓವರ್​ಗಳಿಗೆ 10 ವಿಕೆಟ್​ ನಷ್ಟಕ್ಕೆ 108  ರನ್​ಗಳಿಸುವ ಮೂಲಕ ಭಾರತಕ್ಕೆ 109 ರನ್​ಗಳ ಅಲ್ಪಮೊತ್ತದ ಟಾರ್ಗೆಟ್​ ನೀಡಿದೆ. 

  • Share this:

 ಭಾರತ ಮತ್ತು ನ್ಯೂಜಿಲೆಂಡ್ (IND vs NZ) ನಡುವಿನ 3 ಪಂದ್ಯಗಳ ಸರಣಿಯ 2ನೇ ಏಕದಿನ ಪಂದ್ಯ ಇಂದು ರಾಯಪುರದ ಶಹೀದ್ ವೀರ್ ನಾರಾಯಣ ಸಿಂಗ್ ಅಂತರಾಷ್ಟ್ರೀಯ ಕ್ರೀಡಾಂಗಣದಲ್ಲಿ (Shaheed Veer Narayan Singh International Cricket Stadium, Raipur) ನಡೆಯುತ್ತಿದೆ. ಟಾಸ್ ಸೋತ ನ್ಯೂಜಿಲ್ಯಾಂಡ್ (New Zealand)​ ತಂಡವು ಮೊದಲು ಬ್ಯಾಟಿಂಗ್​ ಮಾಡಿತು. ಆದರೆ ಭಾರತೀಯ ಬೌಲರ್​ಗಳ ಸಂಘಟಿತ ದಾಳಿಗೆ ಕಿವೀಸ್​ ಪಡೆ ತತ್ತರಿಸಿ ಹೋಯಿತು. ಈ ಮೂಲಕ ತಂಡವು 34.3 ಓವರ್​ಗಳಿಗೆ 10 ವಿಕೆಟ್​ ನಷ್ಟಕ್ಕೆ 108  ರನ್​ಗಳಿಸುವ ಮೂಲಕ ಭಾರತಕ್ಕೆ 109 ರನ್​ಗಳ ಅಲ್ಪಮೊತ್ತದ ಟಾರ್ಗೆಟ್​ ನೀಡಿದೆ. ಶಹೀದ್ ವೀರ್ ನಾರಾಯಣ್ ಸಿಂಗ್ ಅಂತರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನಲ್ಲಿ ಇದುವರೆಗೆ ಒಟ್ಟು 6 ಐಪಿಎಲ್ ಪಂದ್ಯಗಳು ನಡೆದಿವೆ. 


ಪೆವಿಲಿಯನ್​ ಪರೇಡ್​ ನಡೆಸಿದ ಕಿವೀಸ್ ಪಡೆ:


ಇನ್ನು, ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ಆರಂಭಿಸಿದ ನ್ಯೂಜಿಲ್ಯಾಂಡ್​ ತಂಡವು ಆರಂಭದಲ್ಲಿಯೇ ಹಿನ್ನಡೆ ಅನುಭವಿಸಿತು. ತಂಡವು ಕೇವಲ 15 ರನ್​ಗಳಿಸುವಷ್ಟರಲ್ಲಿ ಪ್ರಮುಖ 5 ವಿಕೆಟ್​ಗಳನ್ನು ಕಳೆದುಕೊಂಡಿತು. ಬಳಿಕ 34.3 ಓವರ್​ಗಳಿಗೆ 10 ವಿಕೆಟ್​ ನಷ್ಟಕ್ಕೆ 108  ರನ್​ಗಳಿಸಲಷ್ಟೇ ಶಕ್ತವಾಯಿತು.



ನ್ಯೂಜಿಲ್ಯಾಂಡ್​ ಪರ ಫಿನ್ ಅಲೆನ್ 0 ರನ್, ಡೆವೊನ್ ಕಾನ್ವೇ 7 ರನ್, ಹೆನ್ರಿ ನಿಕೋಲ್ಸ್ 2 ರನ್, ಡೇರಿಲ್ ಮಿಚೆಲ್ 1 ರನ್, ಟಾಮ್ ಲ್ಯಾಥಮ್ 1 ರನ್, ಗ್ಲೆನ್ ಫಿಲಿಪ್ಸ್ 36 ರನ್, ಮೈಕೆಲ್ ಬ್ರೇಸ್‌ವೆಲ್ 22 ರನ್, ಹೆನ್ರಿ ಶಿಪ್ಲಿ 2 ರನ್, ಮಿಚೆಲ್ ಸ್ಯಾಂಟ್ನರ್ 27 ರನ್, ಲಾಕಿ ಫರ್ಗುಸನ್ 1 ರನ್ ಮತ್ತು ಬ್ಲೇರ್ ಟಿಕ್ನರ್ 2 ರನ್​ ಗಳಿಸಿದರು.


ಇದನ್ನೂ ಓದಿ: Kaviya Maran: ಐಪಿಎಲ್‌ ಸುಂದರಿಗೆ ಮೈದಾನದಲ್ಲಿಯೇ ಮದುವೆ ಪ್ರಪೋಸಲ್! ಓಕೆ ಅಂತಾರಾ ಕೋಟಿ ಸಂಪತ್ತಿನ ಒಡತಿ?


ಟೀಂ ಇಂಡಿಯಾ ಭರ್ಜರಿ ಬೌಲಿಂಗ್​ ದಾಳಿ:


ಟಾಸ್​ ಗೆದ್ದು ರೋಹಿತ್ ಶರ್ಮಾ ತಪ್ಪು ನಿರ್ಧಾರ ತೆಗೆದುಕೊಂಡರು ಎಂದು ಅನೇಕ ವಿಶ್ಲೇಷಕರು ಹೇಳುತ್ತಿರುವ ನಡುವೆಯೇ ಭಾರತೀಯ ಬೌಲರ್​ಗಳು ಭರ್ಜರಿ ಬೌಲಿಂಗ್​ ಮಾಡಿದರು. ಭಾರತದ ಪರ ಮೊಹಮ್ಮದ್ ಶಮಿ 6 ಓವರ್​ ಬಾಲ್​ ಮಾಡಿ 18 ರನ್​ಗೆ 3 ವಿಕೆಟ್​ ಪಡೆದು ಮಿಂಚಿದರು. ಉಳಿದಂತೆ ಹಾರ್ದಿಕ್ ಪಾಂಡ್ಯ ಮತ್ತು ವಾಷಿಂಗ್ಟನ್​ ಸುಂದರ್​ ತಲಾ 2 ವಿಕೆಟ್​ ಪಡೆದರು. ಜೊತೆಗೆ ಮೊಹಮ್ಮದ್ ಸಿರಾಜ್, ಶಾರ್ದೂಲ್ ಠಾಕೂರ್ ಮತ್ತು ಕುಲ್​ದೀಪ್ ಯಾದವ್ ತಲಾ 1 ವಿಕೆಟ್ ಪಡೆದರು. ಈ ಮೂಲಕ ಭಾರತ ತಂಡದ ಬೌಲರ್​ಗಳು ಇಂದು ನ್ಯೂಜಿಲ್ಯಾಂಡ್​ ವಿರುದ್ಧ ಸಂಘಟಿತ ದಾಳಿ ನಡೆಸಿದರು.




ಭಾರತ-ನ್ಯೂಜಿಲ್ಯಾಂಡ್ ಪ್ಲೇಯಿಂಗ್ 11:


ಭಾರತ ಪ್ಲೇಯಿಂಗ್ 11: ರೋಹಿತ್ ಶರ್ಮಾ (ನಾಯಕ), ಶುಭಮನ್ ಗಿಲ್, ವಿರಾಟ್ ಕೊಹ್ಲಿ, ಸೂರ್ಯಕುಮಾರ್ ಯಾದವ್, ಇಶಾನ್ ಕಿಶನ್ (ವಿಕೆಟ್ ಕೀಪರ್), ಹಾರ್ದಿಕ್ ಪಾಂಡ್ಯ, ವಾಷಿಂಗ್ಟನ್ ಸುಂದರ್, ಕುಲ್ದೀಪ್ ಯಾದವ್, ಮೊಹಮ್ಮದ್ ಶಮಿ, ಮೊಹಮ್ಮದ್ ಸಿರಾಜ್, ಶಾರ್ದೂಲ್ ಠಾಕೂರ್.


ನ್ಯೂಜಿಲ್ಯಾಂಡ್ ಪ್ಲೇಯಿಂಗ್ 11: ಫಿನ್ ಅಲೆನ್, ಡೆವೊನ್ ಕಾನ್ವೇ, ಹೆನ್ರಿ ನಿಕೋಲ್ಸ್, ಡೇರಿಲ್ ಮಿಚೆಲ್, ಟಾಮ್ ಲ್ಯಾಥಮ್ (ನಾಯಕ), ಗ್ಲೆನ್ ಫಿಲಿಪ್ಸ್, ಮೈಕೆಲ್ ಬ್ರೇಸ್‌ವೆಲ್, ಹೆನ್ರಿ ಶಿಪ್ಲಿ, ಮಿಚೆಲ್ ಸ್ಯಾಂಟ್ನರ್, ಲಾಕಿ ಫರ್ಗುಸನ್, ಬ್ಲೇರ್ ಟಿಕ್ನರ್.

Published by:shrikrishna bhat
First published: