IND vs NZ ODI: ಕಿವೀಸ್​ ಬೌಲರ್​ಗಳ ಬೆವರಿಳಿಸಿದ ಶುಭ್​ಮನ್ ಗಿಲ್, ದ್ವಿಶತಕ ಸಿಡಿಸಿ ಅಬ್ಬರಿಸಿದ ಯಂಗ್​ ಗನ್​

ರೋಹಿತ್ ಶರ್ಮಾ ನಾಯಕತ್ವದ ಭಾರತೀಯ ಕ್ರಿಕೆಟ್ ತಂಡವು ಈಗ 3 ಪಂದ್ಯಗಳ ODI ಸರಣಿಯಲ್ಲಿ ನ್ಯೂಜಿಲೆಂಡ್ (IND vs NZ) ಅನ್ನು ಎದುರಿಸುತ್ತಿದೆ. ಹೈದರಾಬಾದ್‌ನ ರಾಜೀವ್ ಗಾಂಧಿ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ (Rajiv Gandhi International Cricket Stadium, Hyderabad) ಇಂದು ನಡೆಯುತ್ತಿರುವ ಪಂದ್ಯದಲ್ಲಿ ಭಾರತದ ಪರ ಶುಭ್​ಮನ್ ಗಿಲ್​ ಭರ್ಜರಿ ಬ್ಯಾಟಿಂಗ್ ಮಾಡಿದ್ದಾರೆ. ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ತಂಡವು ನಿಗದಿತ 50 ಓವರ್​ಗಳಲ್ಲಿ 8  ವಿಕೆಟ್ ನಷ್ಟಕ್ಕೆ 349 ರನ್​ಗಳಿಸುವ ಮೂಲಕ ಪ್ರವಾಸಿ ನ್ಯೂಜಿಲ್ಯಾಂಡ್​ ತಂಡಕ್ಕೆ 350  ರನ್​ಗಳ ಬೃಹತ್ ಟಾರ್ಗೆಟ್ ನೀಡಿದೆ. ಇಂದಿನ ಪಂದ್ಯದಲ್ಲಿ ಯುವ ಆರಂಭಿಕ ಆಟಗಾರ ಶುಭ್​ಮನ್ ಗಿಲ್​ ಭರ್ಜರಿ ದ್ವಿಶತಕ ಸಿಡಿಸವ ಮೂಲಕ ಎಲ್ಲರನ್ನೂ ಅಚ್ಚರಿಗೊಳಿಸಿದರು.

ಭರ್ಜರಿ ದ್ವಿಶತಕ ಸಿಡಿಸಿದ ಗಿಲ್:

ಇನ್ನು, ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ತಂಡ ನಿಗದಿತ 50 ಓವರ್​ಗಳಲ್ಲಿ 8  ವಿಕೆಟ್ ನಷ್ಟಕ್ಕೆ 349 ರನ್​ಗಳಿಸಿತು. ಭಾರತದ ಪರ ಇಂದು ಆರಂಬಿಕರಾಗಿ ಕಣಕ್ಕಿಳಿದ ರೋಹಿತ್ ಶರ್ಮಾ ಮತ್ತೆ ನಿರಾಸೆ ಮೂಡಿಸಿದರು. ಅವರು 38 ಎಸೆತದಲ್ಲಿ 2 ಸಿಕ್ಸ್ ಮತ್ತು 4 ಫೋರ್​ ಮೂಲಕ 34 ರನ್ ಗಳಿಸುವ ಮೂಲಕ ಮತ್ತೆ ಬೇಗ ವಿಕೆಟ್​ ಒಪ್ಪಿಸಿದರು. ಆದರೆ ಯುವ ಆಟಗಾರ ಶುಭ್​ಮನ್ ಗಿಲ್​ ಬ್ಯಾಕ್ ಟು ಬ್ಯಾಕ್ ಶತಕ ಸಿಡಿಸಿ ಮಿಂಚಿದರು. ಅಲ್ಲದೇ ಗಿಲ್​ ಕಿವೀಸ್​ ವಿರುದ್ಧ ದ್ವಿಶತಕ ಸಿಡಿಸಿ ಆರ್ಭಟಿಸಿದರು. ಅವರು, 149 ಬೌಲ್​ಗಳಿಗೆ 9 ಸಿಕ್ಸ್​ ಮತ್ತು 19 ಫೋರ್​ ಮೂಲಕ ಆಕರ್ಷಕ 208 ರನ್​ಗಳಿಸಿದರು. ಉಳಿದಂತೆ ವಿರಾಟ್ ಕೊಹ್ಲಿ 8 ರನ್, ಇಶಾನ್ ಕಿಶನ್ 5 ರನ್, ಸೂರ್ಯಕುಮಾರ್ ಯಾದವ್ 31 ರನ್, ಹಾರ್ದಿಕ್ ಪಾಂಡ್ಯ 28 ರನ್, ವಾಷಿಂಗ್ಟನ್​​ ಸುಂದರ್ 12 ರನ್, ಶಾರ್ದೂಲ್ ಠಾಕೂರ್ 3 ರನ್, ಕುಲ್​ದೀಪ್​ ಯಾದವ್ 5 ರನ್ ಮತ್ತು ಮೊಹಮ್ಮದ್ ಸಿರಾಜ್ 2 ರನ್ ಗಳಿಸಿದರು.

2⃣0⃣0⃣ !🔥 🎇

𝑮𝒍𝒐𝒓𝒊𝒐𝒖𝒔 𝑮𝒊𝒍𝒍!🙌🙌

One mighty knock! 💪 💪

The moment, the reactions & the celebrations 🎉 👏

Follow the match 👉 https://t.co/IQq47h2W47 #TeamIndia | #INDvNZ | @ShubmanGill pic.twitter.com/sKAeLqd8QV

— BCCI (@BCCI) January 18, 2023

ಯುವ ಪ್ಲೇಯರ್ ಶುಭ್​ಮನ್ ಗಿಲ್​ ಇಂದು ನ್ಯೂಜಿಲ್ಯಾಂಡ್​ ವಿರುದ್ಧ ಭರ್ಜರಿಯಾಗಿ ಬ್ಯಾಟಿಂಗ್​ ಮಾಡಿದರು. ಅವರು 149 ಬೌಲ್​ಗಳಿಗೆ 9 ಸಿಕ್ಸ್​ ಮತ್ತು 19 ಫೋರ್​ ಮೂಲಕ ಆಕರ್ಷಕ 208 ರನ್ ಗಳಿಸಿ ಅಬ್ಬರಿಸಿದರು. ಈವರೆಗೆ ಭಾರತದ ಪರ ಸಚಿನ್ ತೆಂಡೂಲ್ಕರ್, ವಿರೇಂದ್ರ ಸೆಹ್ವಾಗ್​, ರೋಹಿತ್ ಶರ್ಮಾ 3 ಬಾರಿ ಮತ್ತು ಇಶಾನ್ ಕಿಶನ್ ದ್ವಿಶತಕ ಸಿಡಿಸಿದ್ದರು. ಇದೀಗ ಈ ಸಾಲಿಗೆ ಶುಭ್​ಮನ್ ಗಿಲ್​ ಸೇರ್ಪಡೆಗೊಂಡಿದ್ದಾರೆ.

ಇದನ್ನೂ ಒದಿ: ICC Rankings: ಐಸಿಸಿ ರ‍್ಯಾಂಕಿಂಗ್​ನಲ್ಲಿ ಭಾರತೀಯರದ್ದೇ ಕಾರುಬಾರು, ಏಕದಿನ ಶ್ರೇಯಾಂಕದಲ್ಲಿ ಕಿಂಗ್​ ಕೊಹ್ಲಿ ದರ್ಬಾರ್​ ಸ್ಟಾರ್ಟ್​​!

ಗಿಲ್​ ಅಬ್ಬರಕ್ಕೆ ತತ್ತರಿಸಿದ ಕಿವೀಸ್​ ಬೌಲರ್ಸ್​:

ಇನ್ನು, ಟಾಸ್​ ಸೋತು ಮೊದಲು ಮೊದಲು ಬೌಲಿಂಗ್​ ಮಾಡಿದ ನ್ಯೂಜಿಲ್ಯಾಂಡ್​ ತಂಡವು ಉತ್ತಮ ದಾಳಿ ನಡೆಸುವಲ್ಲಿ ಎಡವಿತು. ಅದರಲ್ಲಿಯೂ ಭಾರತದ ಪರ ಶುಭ್​ಮನ್ ಗಿಲ್​ ಅಬ್ಬರಕ್ಕೆ ಬೌಲರ್ಸ್​ಗಳು ತತ್ತರಿಸಿ ಹೋದರು. ಕಿವೀಸ್​ ಪರ ಡೇರಿಲ್ ಮಿಚೆಲ್ ಮತ್ತು ಹೆನ್ರಿ ನಿಕೋಲ್ಸ್ 2 ವಿಕೆಟ್​ ಪಡೆದರು. ಲಾಕಿ ಫರ್ಗುಸನ್, ಮಿಚೆಲ್ ಸ್ಯಾಂಟ್ನರ್ ಮತ್ತು ಬ್ಲೇರ್ ಟಿಕ್ನರ್ ತಲಾ 1 ವಿಕೆಟ್​ ಪಡೆದರು.

ಭಾರತ-ನ್ಯೂಜಿಲ್ಯಾಂಡ್ ಪ್ಲೇಯಿಂಗ್​ 11:

ಭಾರತ ಪ್ಲೇಯಿಂಗ್​ 11: ರೋಹಿತ್ ಶರ್ಮಾ (ನಾಯಕ), ಶುಭಮನ್ ಗಿಲ್, ವಿರಾಟ್ ಕೊಹ್ಲಿ, ಸೂರ್ಯಕುಮಾರ್ ಯಾದವ್, ಇಶಾನ್ ಕಿಶನ್ (ವಿಕೆಟ್ ಕೀಪರ್), ಹಾರ್ದಿಕ್ ಪಾಂಡ್ಯ, ವಾಷಿಂಗ್ಟನ್ ಸುಂದರ್, ಶಾರ್ದೂಲ್ ಠಾಕೂರ್, ಕುಲದೀಪ್ ಯಾದವ್, ಮೊಹಮ್ಮದ್ ಶಮಿ, ಮೊಹಮ್ಮದ್ ಸಿರಾಜ್.

ನ್ಯೂಜಿಲೆಂಡ್ ಪ್ಲೇಯಿಂಗ್​ 11: ಫಿನ್ ಅಲೆನ್, ಡೆವೊನ್ ಕಾನ್ವೇ, ಹೆನ್ರಿ ನಿಕೋಲ್ಸ್, ಡೇರಿಲ್ ಮಿಚೆಲ್, ಟಾಮ್ ಲ್ಯಾಥಮ್ (c, wk), ಗ್ಲೆನ್ ಫಿಲಿಪ್ಸ್, ಮೈಕೆಲ್ ಬ್ರೇಸ್‌ವೆಲ್, ಮಿಚೆಲ್ ಸ್ಯಾಂಟ್ನರ್, ಸಿಪಲ್, ಬ್ಲೇರ್ ಟಿಕ್ನರ್, ಲಾಕಿ ಫರ್ಗುಸನ್.