India vs Bangladesh Test: ಆಪದ್ಬಾಂಧವರಾದ ಪಂತ್​​, ಅಯ್ಯರ್; ಮೊದಲ ಇನ್ನಿಂಗ್ಸ್​​ನಲ್ಲಿ ಟೀಂ ಇಂಡಿಯಾಗೆ ಮುನ್ನಡೆ

ಬಾಂಗ್ಲಾ ದೇಶದ ವಿರುದ್ಧ (India vs Bangladesh) ಢಾಕಾ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಎರಡನೇ ಟೆಸ್ಟ್​ ಪಂದ್ಯದ (2nd Test ) ಮೊದಲ ಇನ್ನಿಂಗ್ಸ್​​ನಲ್ಲಿ ಟೀಂ ಇಂಡಿಯಾ (Team India) 316 ರನ್​ಗಳಿಗೆ ಆಲೌಟ್​ ಆಯ್ತು. ವಿಕೆಟ್​ ನಷ್ಟವಿಲ್ಲದೆ 19 ರನ್​​ಗಳಿಂದ ಎರಡನೇ ದಿನ ಇನ್ನಿಂಗ್ಸ್​​ ಆರಂಭಿಸಿದ್ದ ಟೀಂ ಇಂಡಿಯಾಗೆ ಬಾಂಗ್ಲಾ ಸ್ಪಿನ್ನರ್ ತೈಜುಲ್​ ಇಸ್ಲಾಂ ದೊಡ್ಡ ಹೊಡೆತ ನೀಡಿದ್ದರು. ಸತತವಾಗಿ ಟೀಂ ಇಂಡಿಯಾ ಕ್ಯಾಪ್ಟನ್ (Team India Captain) ಕೆಎಲ್ ರಾಹುಲ್​ (10 ರನ್), ಶುಭ್​ಮನ್ ಗಿಲ್​​ (20 ರನ್​) ಅವರನ್ನು ಎಲ್​​ಬಿ ಬಲೆಗೆ ಕೆಡವಿದ್ದರು. ಇದರೊಂದಿಗೆ ಟೀಂ ಇಂಡಿಯಾ 38 ರನ್​ಗಳಿಗೆ ತನ್ನ ಇಬ್ಬರು ಆರಂಭಿಕರನ್ನು ಕಳೆದುಕೊಂಡಿತ್ತು. ಈ ಹಂತದಲ್ಲಿ ಪೂಜಾರ (55 ಎಸೆತಗಳಲ್ಲಿ 24 ರನ್​​), ಕೊಹ್ಲಿ (73 ಎಸೆತಗಳಲ್ಲಿ 24 ರನ್​​) ಗಳಿಸಿ ತಂಡದ ಮೊತ್ತ ಹೆಚ್ಚಿಸುವ ಪ್ರಯತ್ನ ಮಾಡಿದ್ದರು. ಆದರೆ ಪೂಜಾರ, ಜೈಜುಲ್​​ಗೆ ವಿಕೆಟ್ ಒಪ್ಪಿಸಿದ ಪರಿಣಾಮ ಮಧ್ಯಾಹ್ನ ಊಟದ ವಿರಾಮದ ವೇಳೆಗೆ ಟೀಂ ಇಂಡಿಯಾ 3 ವಿಕೆಟ್​ ನಷ್ಟಕ್ಕೆ 86 ರನ್ ಗಳಿಸಿತ್ತು.

ತಾಳ್ಮೆಯಿಂದ ಬ್ಯಾಟ್ ಬೀಸುತ್ತಿದ್ದ ವಿರಾಟ್​ ಕೊಹ್ಲಿ ಅವರನ್ನು ಟಸ್ಕಿನ್‌ ಅಹ್ಮದ್‌ಗೆ ವಿಕೆಟ್​ ಒಪ್ಪಿಸಿದರು. ಪರಿಣಾಮ ಕೇವಲ 94 ರನ್​ಗಳಿಗೆ ಪ್ರಮುಖ 4 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ಈ ಹಂತದಲ್ಲಿ ಕ್ರಿಸ್​​ಗೆ ಬಂದ ರಿಷಭ್​ ಪಂತ್ 105 ಎಸೆತಗಳಲ್ಲಿ 93 ರನ್, ಶ್ರೇಯಸ್​​ ಅಯ್ಯರ್ 105 ಎಸೆತಗಳಲ್ಲಿ 87 ರನ್ ಗಳಿಸಿ ಟೀಂ ಇಂಡಿಯಾಗೆ ನೆರವಾದರು. ಈ ಇಬ್ಬರ ಜೋಡಿ ಐದನೇ ವಿಕೆಟ್​ಗೆ 159 ರನ್​ಗಳ ಜೊತೆಯಾಟ ನೀಡಿತ್ತು.

Stumps on Day 2 of the 2nd Test.

Bangladesh 227 & 7/0, trail #TeamIndia (314) by 80 runs.

Scorecard - https://t.co/XZOGpedaAL #BANvIND pic.twitter.com/34yNqtidji

— BCCI (@BCCI) December 23, 2022

ಶತಕ ಮಿಸ್​ ಮಾಡಿಕೊಂಡ ರಿಷಭ್​ ಪಂತ್

ಬಿರುಸಿನ ಆಟ ಪ್ರದರ್ಶಿಸಿದ ರಿಷಭ್ ಪಂತ್, ಶತಕ ಸಿಡಿಸಲಿದ್ದಾರೆ ಅಂತ ಅಭಿಮಾನಿಗಳು ಭಾವಿಸಿದ್ದರು. ಆದರೆ ಮೆಹದಿ ಹಸನ್ ಬೌಲಿಂಗ್​ನಲ್ಲಿ ವಿಕೆಟ್​ ಒಪ್ಪಿಸಿದ ಪಂತ್, ಶತಕ ಸಿಡಿಸುವ ಅವಕಾಶದಿಂದ ವಂಚಿತರಾದರು. ಅಯ್ಯರ್ ಸಹ 87 ರನ್ ಗಳಿಸಿದ್ದ ವೇಳೆ ವಿಕೆಟ್​ ಒಪ್ಪಿಸಿ ಹಿಂದಿರುಗಿದರು.

ಉಳಿದಂತೆ ಟೀಂ ಇಂಡಿಯಾ ಪರ ಆರ್.ಅಶ್ವಿನ್​ 12 ರನ್, ಉಮೇಶ್ ಯಾದವ್ 14 ರನ್, ಜಯದೇವ್​ ಉನಾದ್ಕತ್ 14 ರನ್ ಗಳಿಸಿ ಹಿಂದಿರುಗಿದರು. ಇದರೊಂದಿಗೆ ಟೀಂ ಇಂಡಿಯಾ 314 ರನ್​ ಗಳಿಗೆ ಆಲೌಟ್​ ಆಯ್ತು. ಬಾಂಗ್ಲಾ ಪರ ಸ್ಪಿನ್ನರ್​​ಗಳಾದ ತೈಜುಲ್ ಇಸ್ಲಾಂ, ಶಕೀಬ್ ತಲಾ 4 ವಿಕೆಟ್​ ಪಡೆದುಕೊಂಡರು. ಇನ್ನು, 2ನೇ ದಿನದಾಟದ ಅಂತಿ ಸೆಷನ್​​ನಲ್ಲಿ 6 ಓವರ್​ ಬ್ಯಾಟಿಂಗ್​ ಮಾಡಿದ ಬಾಂಗ್ಲಾ, ವಿಕೆಟ್​ ನಷ್ಟವಿಲ್ಲದೇ 7 ರನ್ ಗಳಿಸಿದೆ. ಮೊದಲ ಇನ್ನಿಂಗ್ಸ್​ನಲ್ಲಿ ಟೀಂ ಇಂಡಿಯಾಗೆ 87 ರನ್​ಗಳ ಮುನ್ನಡೆ ಸಿಕ್ಕಿದೆ.

Rishabh Pant has missed out on his century by seven runs 👀

The solid 159-run stand has been broken!#WTC23 | #BANvIND | 📝: https://t.co/lyiPy1msJi pic.twitter.com/408ClTYlDl

— ICC (@ICC) December 23, 2022

ಢಾಕಾ ಟೆಸ್ಟ್ ಪಂದ್ಯದ ಮೊದಲ ದಿನ ಬಾಂಗ್ಲಾ ದೇಶ 227 ರನ್​​ಗಳಿಗೆ ಆಲೌಟ್​ ಆಗಿತ್ತು. ಮೊಮಿನುಲ್ 84 ರನ್​ ಗಳಿಸಿ ಟಾಪ್​ ಸ್ಕೋರರ್​ ಆಗಿ ನಿಂತಿದ್ದರು. ಭಾರತ ಪರ ಉಮೇಶ್ ಯಾದವ್, ಅಶ್ವಿನ್​ ತಲಾ 4 ವಿಕೆಟ್​ ಪಡೆದುಕೊಂಡಿರೇ, 12 ವರ್ಷಗಳ ಬಳಿಕ ಟೆಸ್ಟ್​ ಕ್ರಿಕೆಟ್​​ಗೆ ರೀ ಎಂಟ್ರಿ ಕೊಟ್ಟಿದ್ದ ಜಯದೇವ್​​ ಉನಾದ್ಕತ್​​ ಎರಡು ವಿಕೆಟ್​ ಗಳಿಸಿದ್ದರು.