• Home
  • »
  • News
  • »
  • sports
  • »
  • IND vs BAN Test: ಟೀಂ ಇಂಡಿಯಾಗೆ ಸುಲಭ ಗೆಲುವಿನ ಗುರಿ, ದಿನದಾಟದ ಅಂತ್ಯಕ್ಕೆ ಬಾಂಗ್ಲಾ ಮೇಲುಗೈ

IND vs BAN Test: ಟೀಂ ಇಂಡಿಯಾಗೆ ಸುಲಭ ಗೆಲುವಿನ ಗುರಿ, ದಿನದಾಟದ ಅಂತ್ಯಕ್ಕೆ ಬಾಂಗ್ಲಾ ಮೇಲುಗೈ

IND vs BAN

IND vs BAN

IND vs BAN Test: ಭಾರತ ತಂಡಕ್ಕೆ ಆರಂಭಿಕ ಆಘಾತ ಎದುರಾಗಿದ್ದು, 3ನೇ ದಿನದಾಟದ ಅಂತ್ಯಕ್ಕೆ 23 ಓವರ್​ಗೆ 45 ರನ್​ಗಳಿಸಿ 4 ವಿಕೆಟ್​ ಕಳೆದುಕೊಂಡಿದೆ.

  • Share this:

ಬಾಂಗ್ಲಾದೇಶದ ವಿರುದ್ಧ (India vs Bangladesh) ಢಾಕಾ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಎರಡನೇ ಟೆಸ್ಟ್​ ಪಂದ್ಯದ (2nd Test) ಮೊದಲ ಇನ್ನಿಂಗ್ಸ್​​ನಲ್ಲಿ ಟೀಂ ಇಂಡಿಯಾ (Team India) 316 ರನ್​ಗಳಿಗೆ ಆಲೌಟ್​ ಆಯ್ತು. ಬಳಿಕ 2ನೇ ಇನ್ನಿಂಗ್ಸ್ ಆರಂಭಿಸಿದ ಬಾಂಗ್ಲಾ ತಂಡವು ಟೀಂ ಇಂಡಿಯಾ ಬೌಲಿಂಗ್​ ದಾಳಿಗೆ ತತ್ತರಿಸಿತು. ಆ ಮೂಲಕ 3ನೇ ದಿನದಾಟದ ಬೋಜನ ವಿರಾದ ನಂತರದಲ್ಲಿ ತನ್ನೆಲ್ಲಾ ವಿಕೆಟ್​ಗಳನ್ನು ಕಳೆದುಕೊಂಡು 231 ರನ್ ಗಳಿಸುವ ಮೂಲಕ ಭಾರತಕ್ಕೆ 145 ರನ್ ಗಳ ಗೆಲುವಿನ ಗುರಿ ನೀಡಿದೆ. ಈ ಮೊತ್ತ ಬೆನ್ನಟ್ಟಿದ ಭಾರತ ತಂಡಕ್ಕೆ ಆರಂಭಿಕ ಆಘಾತ ಎದುರಾಗಿದ್ದು, 3ನೇ ದಿನದಾಟದ ಅಂತ್ಯಕ್ಕೆ 23 ಓವರ್​ಗೆ 45 ರನ್​ಗಳಿಸಿ 4 ವಿಕೆಟ್​ ಕಳೆದುಕೊಂಡಿದೆ. ಇನ್ನು, ಭಾರತದ ಗೆಲುವಿಗೆ 100 ರನ್ ಗಳ ಅಗತ್ಯವಿದೆ.


ಲಿಟ್ಟನ್ ದಾಸ್​ ಏಕಾಂಗಿ ಹೋರಾಟ:


ಇನ್ನು, ಭಾರತ ಆಲೌಟ್​ ಬಳಿಕ 2ನೇ ಇನ್ನಿಂಗ್ಸ್ ಆರಂಭಿಸಿದ ಬಾಂಗ್ಲಾದೇಶ ಉತ್ತಮ ಆರಂಭವನ್ನು ಪಡೆಯಲಿಲ್ಲ. ಅಲ್ಲದೇ ಬಹುಬೇಗ ತನ್ನೆಲ್ಲಾ ವಿಕೆಟ್​ ಕಳೆದುಕೊಳ್ಳುವ ಮೂಲಕ 231 ರನ್ ಗಳಿಸುವ ಮೂಲಕ ಭಾರತಕ್ಕೆ 145 ರನ್ ಗಳ ಗೆಲುವಿನ ಗುರಿ ನೀಡಿತು. ನಜ್ಮುಲ್ ಹೊಸೈನ್ ಶಾಂಟೊ 5 ರನ್, ಜಾಕಿರ್ ಹಸನ್ 51 ರನ್, ಮೊಮಿನುಲ್ ಹಕ್ 5 ರನ್, ಲಿಟನ್ ದಾಸ್ 73 ರನ್, ಮುಶ್ಫಿಕರ್ ರಹೀಮ್ 9 ರನ್, ಶಕೀಬ್ ಅಲ್ ಹಸನ್ ಶೂನ್ಯ, ನೂರುಲ್ ಹಸನ್ 31 ರನ್, ಮೆಹಿದಿ ಹಸನ್ ಮಿರಾಜ್ ಶೂನ್ಯ, ತೈಜುಲ್ ಇಸ್ಲಾಂ 1 ರನ್, ಖಾಲಿದ್ ಅಹ್ಮದ್ 4 ರನ್, ತಸ್ಕಿನ್ ಅಹ್ಮದ್ 31 ರನ್ ಗಳಿಸಿದರು.



ಅಕ್ಷರ್ ಪಟೇಲ್ ಮಿಂಚಿನ ಬೌಲಿಂಗ್​:


ಟೀಂ ಇಂಡಿಯಾ ಬಾಂಗ್ಲಾ ಟೆಸ್ಟ್​ ಸರಣಿಯಲ್ಲಿ ಅದ್ಭುತ ಬೌಲಿಂಗ್​ ಪ್ರದರ್ಶನ ನೀಡುತ್ತಿದೆ. ಭಾರತದ ಪರ ಅಕ್ಷರ್ ಪಟೇಲ್​ 3 ವಿಕೆಟ್​ ಕಬಳಿಸಿ ಮಿಂಚಿದರೆ, ಮೊಹಮ್ಮದ್ ಸಿರಾಜ್ ಮತ್ತು ರವಿಚಂದ್ರನ್ ಅಶ್ವಿನ್ ತಲಾ 2 ವಿಕೆಟ್​ ಪಡೆದರು. ಉಳಿದಂತೆ ಉಮೇಶ್ ಯಾದವ್ ಮತ್ತು ಜಯದೇವ್​ ಉನದ್ಕಟ್​ ತಲಾ 1 ವಿಕೆಟ್ ಪಡೆದರು.


ಇದನ್ನೂ ಓದಿ: IPL 2023: ಐಪಿಎಲ್​ ಹರಾಜಿನಲ್ಲಿ ಸೆಹ್ವಾಗ್​ ಸೋದರಳಿಯನಿಗೆ ಜಾಕ್​ಪಾಟ್​! ಭರ್ಜರಿ ಮೊತ್ತಕ್ಕೆ ಸೇಲ್​


ಭಾರತಕ್ಕೆ ಸುಲಭ ಗುರಿ:


ಇನ್ನು, ಭಾರತದ ಗೆಲುವಿಗೆ ಕೇವಲ 145 ರನ್ ಗಳ ಸುಲಭ ಗುರಿಯನ್ನು ಬಾಂಗ್ಲಾ ತಂಡ ನೀಡಿದೆ. ಆದರೂ ಸಹ ಭಾರತ 2ನೇ ಇನ್ನಿಂಗ್ಸ್​ನಲ್ಲಿ ಆರಂಭಿಕ ಆಘಾತ ಎದುರಿಸಿದೆ. ಭಾರತದ 2ನೇ ಇನ್ನಿಂಗ್ಸ್​ನಲ್ಲಿ ಶುಭಮ್​ನ್ ಗಿಲ್​ 7 ರನ್, ನಾಯಕ ಕೆಎಲ್ ರಾಹುಲ್ 2 ರನ್, ಚೇತೇಶ್ವರ್ ಪೂಜಾರ 6 ರನ್ ಮತ್ತು ವಿರಾಟ್ ಕೊಹ್ಲಿ ಕೇವಲ 1 ರನ್ ಗಳಿಸಿ ವಿಕೆಟ್​ ಒಪ್ಪಿಸಿದ್ದಾರೆ. ಇನ್ನು, 3ನೇ ದಿನದಾಟದ ಅಂತ್ಯಕ್ಕೆ ಅಕ್ಷರ್ ಪಟೇಲ್ 26 ರನ್ ಮತ್ತು ಜಯದೇವ್ ಉನದ್ಕಟ್​ 3 ರನ್ ಗಳಿಸಿ ನಾಳೆಗೆ ಕ್ರಿಸ್​ ಕಾಯ್ದುಕೊಂಡಿದ್ದಾರೆ.


ಭಾರತ-ಬಾಂಗ್ಲಾದೇಶ ಪ್ಲೇಯಿಂಗ್​ 11:


ಭಾರತ ಪ್ಲೇಯಿಂಗ್​ 11: ಕೆಎಲ್ ರಾಹುಲ್ (ನಾಯಕ), ಶುಭಮನ್ ಗಿಲ್, ಚೇತೇಶ್ವರ ಪೂಜಾರ, ವಿರಾಟ್ ಕೊಹ್ಲಿ, ರಿಷಬ್ ಪಂತ್ (ವಿಕೆಟ್ ಕೀಪರ್), ಶ್ರೇಯಸ್ ಅಯ್ಯರ್, ಅಕ್ಷರ್ ಪಟೇಲ್, ರವಿಚಂದ್ರನ್ ಅಶ್ವಿನ್, ಜಯದೇವ್ ಉನದ್ಕತ್, ಉಮೇಶ್ ಯಾದವ್, ಮೊಹಮ್ಮದ್ ಸಿರಾಜ್.


ಬಾಂಗ್ಲಾದೇಶ ಪ್ಲೇಯಿಂಗ್​ 11: ನಜ್ಮುಲ್ ಹೊಸೈನ್ ಶಾಂಟೊ, ಜಾಕಿರ್ ಹಸನ್, ಮೊಮಿನುಲ್ ಹಕ್, ಲಿಟನ್ ದಾಸ್, ಮುಶ್ಫಿಕರ್ ರಹೀಮ್, ಶಕೀಬ್ ಅಲ್ ಹಸನ್ (ಸಿ), ನೂರುಲ್ ಹಸನ್ (ವಿಕೆ), ಮೆಹಿದಿ ಹಸನ್ ಮಿರಾಜ್, ತೈಜುಲ್ ಇಸ್ಲಾಂ, ಖಾಲಿದ್ ಅಹ್ಮದ್, ತಸ್ಕಿನ್ ಅಹ್ಮದ್.

Published by:shrikrishna bhat
First published: