IND vs BAN Test: ಬಾಂಗ್ಲಾ ವಿರುದ್ಧ ಸೇಡು ತೀರಿಸಿಕೊಂಡ ಟೀಂ ಇಂಡಿಯಾ, ಭಾರತ ತಂಡಕ್ಕೆ ರೋಚಕ ಗೆಲುವು

ಬಾಂಗ್ಲಾದೇಶದ ವಿರುದ್ಧ (India vs Bangladesh) ಢಾಕಾ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಎರಡನೇ ಟೆಸ್ಟ್​ ಪಂದ್ಯದಲ್ಲಿ (2nd Test) ಭಾರತ ತಂಡ ರೋಚಕ ಗೆಲುವನ್ನು ಸಾಧಿಸಿದೆ. ಈ ಮೂಲಕ ಬಾಂಗ್ಲಾದೇಶ ವಿರುದ್ಧದ 2 ಟೆಸ್ಟ್​ ಪಂದ್ಯಗಳ ಸರಣಿಯಲ್ಲಿ ಭಾರತ 2-0 ಅಂತರದಿಂದ ಸರಣಿ ಗೆದ್ದು ಬಾಂಗ್ಲಾವನ್ನುಕ್ಲೀನ್​ ಸ್ವೀಪ್​ ಮಾಡಿದೆ. ಈ ಮೂಲಕ ಏಕದಿನ ಸರಣಿ ಸೋಲಿನ ಸೇಡನ್ನು ತೀರಿಸಿಕೊಂಡಿದೆ. ಬಾಂಗ್ಲಾದೇಶ ನೀಡಿದ 145 ರನ್​ಗಳ ಸುಲಭ ಗುರಿ ಬೆನ್ನಟ್ಟಿದ ಭಾರತ ತಂಡ 4ನೇ ದಿನದಾಟದಲ್ಲಿ 7 ವಿಕೆಟ್​ ನಷ್ಟಕ್ಕೆ 145 ರನ್ ಗಳಿಸುವ ಮೂಲಕ ರೋಚಕ ಜಯ ದಾಖಲಿಸಿದೆ.

ಅಯ್ಯರ್​-ಅಶ್ವಿನ್​ ಗೆಲುವಿನ ಆಟ:

ಭಾರತದ ಗೆಲುವಿಗೆ ಕೇವಲ 145 ರನ್ ಗಳ ಸುಲಭ ಗುರಿಯನ್ನು ಬಾಂಗ್ಲಾ ತಂಡ ನೀಡಿತು. ಆದರೂ ಸಹ ಭಾರತ 2ನೇ ಇನ್ನಿಂಗ್ಸ್​ನಲ್ಲಿ ಆರಂಭಿಕ ಆಘಾತ ಎದುರಿಸಿತು. ಭಾರತದ 2ನೇ ಇನ್ನಿಂಗ್ಸ್​ನಲ್ಲಿ ಶುಭಮ್​ನ್ ಗಿಲ್​ 7 ರನ್, ನಾಯಕ ಕೆಎಲ್ ರಾಹುಲ್ 2 ರನ್, ಚೇತೇಶ್ವರ್ ಪೂಜಾರ 6 ರನ್ ಮತ್ತು ವಿರಾಟ್ ಕೊಹ್ಲಿ ಕೇವಲ 1 ರನ್ ಗಳಿಸಿ ವಿಕೆಟ್​ ಒಪ್ಪಿಸಿದರು. ಈ ಮೂಲಕ ಭಾರತ ಒಂದು ಹಂತದಲ್ಲಿ ಸಂಕಷ್ಟಕ್ಕೆ ಸಿಲುಕಿತ್ತು. ಅಲ್ಲದೇ 4ನೇ ದಿನದಾಟ ಆರಂಭದಲ್ಲಾದರೂ ಉತ್ತಮ ಪ್ರದರ್ಶನದ ನಿರೀಕ್ಷೆಯಲ್ಲಿದ್ದವರಿಗೆ ತೀರ್ವ ನಿರಾಸೆ ಉಂಟಾಯಿತು. ಇಂದು, ಅಕ್ಷರ್ ಪಟೇಲ್ 34 ರನ್, ಜಯದೇವ್​ ಉನದ್ಕಟ್ 13 ರನ್, ರಿಷಭ್ ಪಂತ್ 9 ರನ್ ಗಳಿಸಿ ದಿನದ ಆರಂಭದಲ್ಲಿಯೇ ವಿಕೆಟ್​ ಒಪ್ಪಿಸಿದರು.

A cracking unbeaten 71-run stand between @ShreyasIyer15 (29*) & @ashwinravi99 (42*) power #TeamIndia to win in the second #BANvIND Test and 2⃣-0⃣ series victory 👏👏

Scorecard - https://t.co/CrrjGfXPgL pic.twitter.com/XVyuxBdcIB

— BCCI (@BCCI) December 25, 2022

ಈ ವೇಳೆ ಪಂದ್ಯವು ಬಾಂಗ್ಲಾ ಪರ ಹೆಚ್ಚುವಾಲಿತ್ತು. ಅದರಲ್ಲಿಯೂ ಭಾರತದ ಬ್ಯಾಟ್ಸ್​ಮನ್​ಗಳು ರನ್​ಗಾಗಿ ಪರದಾಡುತ್ತಿದ್ದ ವೇಳೆ ಕ್ರೀಸ್​ಗೆ ಬಂದ ರವಿಚಂದ್ರನ್ ಅಶ್ವಿನ್​ ಮತ್ತು ಶ್ರೇಯಸ್​ ಅಯ್ಯರ್ ಅದ್ಭುತ ಜೊತೆಯಾಟ ಪಂದ್ಯವನ್ನು ಗೆಲುವಿನ ದಡ ಸೇರಿಸಿತು. ಈ ಜೋಡಿ ಆಕರ್ಷಕ 51 ರನ್ ಗಳ ಜೊತೆಯಾಟ ಗೆಲುವಿಗೆ ಪ್ರಮುಖ ಕಾರಣವಾಯಿತು. ಶ್ರೇಯಸ್​ ಅಯ್ಯರ್ 46 ಎಸೆತದಲ್ಲಿ 4 ಬೌಂಡರಿಗಳ ನೆರವಿನಿಂದ 29 ರನ್ ಮತ್ತು ರವಿಚಂದ್ರನ್ ಅಶ್ವಿನ್ 62 ಎಸೆತದಲ್ಲಿ 1 ಸಿಕ್ಸ್ ಮತ್ತು 4 ಫೋರ್​ ಮೂಲಕ 42 ರನ್ ಗಳಿಸಿ ಅಜೇಯರಾಗಿ ಉಳಿದರು.

ಇದನ್ನೂ ಓದಿ: IPL 2023: ಐಪಿಎಲ್​ ಹರಾಜಿನಲ್ಲಿ ಸೆಹ್ವಾಗ್​ ಸೋದರಳಿಯನಿಗೆ ಜಾಕ್​ಪಾಟ್​! ಭರ್ಜರಿ ಮೊತ್ತಕ್ಕೆ ಸೇಲ್​

ಹಸನ್​ ಭರ್ಜರಿ ಬೌಲಿಂಗ್​:

ಇನ್ನು, 2ನೇ ಇನ್ನಿಂಗ್ಸ್​ ನಲ್ಲಿ ಬಾಂಗ್ಲಾದೇಶ ಬೌಲರ್​ಗಳು ಅದ್ಭುತ ಬೌಲಿಂಗ್​ ಮಾಡಿತು. ಬಾಂಗ್ಲಾ ಪರ ಮೆಹಂದಿ ಹಸನ್​ 19 ಓವರ್​ ಗಳಲ್ಲಿ 63 ರನ್ ನೀಡಿ 5 ವಿಕೆಟ್​ ಪಡೆದು ಮಿಮಚಿದರೆ ನಾಯಕ ಶಕೀಬ್ ಅಲ್​ ಹಸನ್ 2 ವಿಕೆಟ್​ ಪಡೆದು ಮಿಂಚಿದರು. ಈ ವೇಳೆ ಭಾರತಕ್ಕೆ ಹಸನ್​ ಬೌಲಿಂಗ್​ ದಾಳಿ ಕೊಂಚ ಕಷ್ಟವನ್ನು ನೀಡಿತು.

ಅಕ್ಷರ್ ಪಟೇಲ್ ಉತ್ತಮ ಬ್ಯಾಟಿಂಗ್​-ಬೌಲಿಂಗ್​:

ಟೀಂ ಇಂಡಿಯಾ ಬಾಂಗ್ಲಾ ಟೆಸ್ಟ್​ ಸರಣಿಯಲ್ಲಿ ಅದ್ಭುತ ಬೌಲಿಂಗ್​ ಪ್ರದರ್ಶನ ನೀಡುತ್ತಿದೆ. ಭಾರತದ ಪರ ಅಕ್ಷರ್ ಪಟೇಲ್​ 3 ವಿಕೆಟ್​ ಕಬಳಿಸಿ ಮಿಂಚಿದರೆ 34 ರನ್ ಗಳಿಸಿ ಬ್ಯಾಟಿಂಗ್​ನಲ್ಲಿಯೂ ಮಿಂಚಿದರು. ಉಳಿದಂತೆ ಮೊಹಮ್ಮದ್ ಸಿರಾಜ್ ಮತ್ತು ರವಿಚಂದ್ರನ್ ಅಶ್ವಿನ್ ತಲಾ 2 ವಿಕೆಟ್​ ಪಡೆದರು. ಉಳಿದಂತೆ ಉಮೇಶ್ ಯಾದವ್ ಮತ್ತು ಜಯದೇವ್​ ಉನದ್ಕಟ್​ ತಲಾ 1 ವಿಕೆಟ್ ಪಡೆದರು.