• Home
  • »
  • News
  • »
  • sports
  • »
  • IND vs BAN Test: ಬೃಹತ್​ ಮೊತ್ತದತ್ತ ಟೀಂ ಇಂಡಿಯಾ, ಅಶ್ವಿನ್ ಭರ್ಜರಿ ಬ್ಯಾಟಿಂಗ್

IND vs BAN Test: ಬೃಹತ್​ ಮೊತ್ತದತ್ತ ಟೀಂ ಇಂಡಿಯಾ, ಅಶ್ವಿನ್ ಭರ್ಜರಿ ಬ್ಯಾಟಿಂಗ್

IND vs BAN 1st Test

IND vs BAN 1st Test

IND vs BAN Test: ಮೊದಲ ದಿನದಾಟ ಅಂತ್ಯಕ್ಕೆ  ಭಾರತ 90 ಓವರ್​ಗಳಿಗೆ 6 ವಿಕೆಟ್​ ನಷ್ಟಕ್ಕೆ 278 ರನ್ ಗಳಿಸಿತ್ತು. ಇಂದು 2ನೇ ದಿನದಾಟದ ಭೋಜನ ವಿರಾಮದ ವೇಳೆ ಭಾರತ ತಂಡ 120 ಓವರ್​ಗಳಿಗೆ 7 ವಿಕೆಟ್ ನಷ್ಟಕ್ಕೆ 348 ರನ್ ಗಳಿಸಿದೆ.

  • Share this:

ಭಾರತ ಮತ್ತು ಬಾಂಗ್ಲಾದೇಶ (IND vs BAN Test) ನಡುವಿನ ಎರಡು ಟೆಸ್ಟ್‌ಗಳ ಸರಣಿಯ ಮೊದಲ ಪಂದ್ಯ ಚಿತ್ತಗಾಂಗ್‌ನಲ್ಲಿ (Zahur Ahmed Chowdhury Stadium) ನಡೆಯುತ್ತಿದೆ. ಭಾರತ ತಂಡದ ನಾಯಕ ಕೆಎಲ್ ರಾಹುಲ್ (KL Rahul) ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. ಆದರೆ ಆರಂಭಿಕ ಆಘಾತದ ನಡುವೆಯೂ ಟೀಂ ಇಂಡಿಯಾ ಉತ್ತಮ ಮೊತ್ತ ಗಳಿಸುತ್ತಿದೆ. ಮೊದಲ ದಿನದಾಟ ಅಂತ್ಯಕ್ಕೆ  ಭಾರತ 90 ಓವರ್​ಗಳಿಗೆ 6 ವಿಕೆಟ್​ ನಷ್ಟಕ್ಕೆ 278 ರನ್ ಗಳಿಸಿತ್ತು. ಇಂದು 2ನೇ ದಿನದಾಟದ ಭೋಜನ ವಿರಾಮದ ವೇಳೆ ಭಾರತ ತಂಡ 120 ಓವರ್​ಗಳಿಗೆ 7 ವಿಕೆಟ್ ನಷ್ಟಕ್ಕೆ 348 ರನ್ ಗಳಿಸಿದೆ.


ಶತಕ ವಂಚಿತರಾದ ಐಯ್ಯರ್:


ಇನ್ನು, ಮೊದಲ ದಿನದಾಟದ ಅಂತ್ಯಕ್ಕೆ ಕ್ರೀಸ್​ ಕಾಯ್ದುಕೊಂಡಿದ್ದ ಶ್ರೇಯಸ್​​ ಐಯ್ಯರ್ ಇಂದು ಶತಕ ಸಿಡಿಸುತ್ತಾರೆ ಎಂದು ಎಲ್ಲರೂ ಭಾವಿಸಿದ್ದರು. ಆದರೆ ಐಯ್ಯರ್ ಇಂದು 192 ಎಸೆತದಲ್ಲಿ 10 ಬೌಂಡರಿ ಸಿಡಿಸಿ 86 ರನ್ ಗಳಿಸಿ ವಿಕೆಟ್​ ಒಪ್ಪಿಸಿದರು. ಉಳಿದಂತೆ ನಾಯಕ ಕೆಎಲ್ ರಾಹುಲ್​ 54 ಬೌಲ್​ಗೆ 22 ರನ್ ಮತ್ತು ಶುಭ್​ಮನ್ ಗಿಲ್​ 40 ಎಸೆತದಲ್ಲಿ 20 ರನ್ ಗಳಿಸಿ ವಿಕೆಟ್​ ಒಪ್ಪಿಸಿದರು. ಬಳಿಕ ಬಂದ ವಿರಾಟ್ ಕೊಹ್ಲಿ ಸಹ ಕೇವಲ 1 ರನ್ ಗಳಿಸಿ ತಜುಲ್​ ಇಸ್ಲಾಂಗೆ ವಿಕೆಟ್​ ನೀಡಿದರು. ರಿಷಭ್ ಪಂತ್​ 46 ರನ್, ಚೇತೇಶ್ವರ್ ಪೂಜಾರ 203 ಎಸೆತದಲ್ಲಿ 11 ಪೋರ್​ ಮೂಲಕ 90 ರನ್ ಗಳಿಸಿ ವಿಕೆಟ್​ ಒಪ್ಪಿಸುವ ಮೂಲಕ ಶತಕ ಮಿಸ್​ ಮಾಡಿಕೊಂಡರು. ಅಕ್ಷರ್​ ಪಟೇಲ್ 14 ರನ್ ಗಳಿಸಿದರು. ಸದ್ಯ ಭಾರತ ತಂಡವು ಭೋಜನ ವಿರಾಮದ ವೇಳೆಗೆ ರವಿಚಂದ್ರನ್ ಅಶ್ವಿನ್​ 40 ರನ್ ಮತ್ತು ಕುಲದೀಪ್​ ಯಾದವ್ 21 ರನ್ ಗಳಿಸಿ ಕ್ರೀಸ್​ನಲ್ಲಿದ್ದಾರೆ. ತಂಡದ ಮೊತ್ತವು 120 ಓವರ್​ಗಳಿಗೆ 7 ವಿಕೆಟ್ ನಷ್ಟಕ್ಕೆ 348 ರನ್ ಗಳಿಸಿದೆ.



ಟೀಂ ಇಂಡಿಯಾದ ವಿಕೆಟ್ ಕೀಪರ್ ರಿಷಭ್ ಪಂತ್ ಅತಿ ಕಡಿಮೆ ಟೆಸ್ಟ್ ಆಡಿದ್ದಾರೆ. ಆದಾಗ್ಯೂ, ಸುದೀರ್ಘ ಸ್ವರೂಪದಲ್ಲಿ 50 ಸಿಕ್ಸರ್‌ಗಳನ್ನು ಬಾರಿಸಿದ ಎರಡನೇ ಭಾರತೀಯ ಕ್ರಿಕೆಟಿಗ ಎನಿಸಿಕೊಂಡರು. ಮೊದಲ ದಿನದ ಎರಡನೇ ಸೆಷನ್‌ನಲ್ಲಿ ಪಂತ್ ಈ ಮೈಲಿಗಲ್ಲು ತಲುಪಿದರು.


ಬೌಲಿಂಗ್​ನಲ್ಲಿ ಎಡವಿದ ಬಾಂಗ್ಲಾ:


ಇನ್ನು, ಟಾಸ್​ ಸೋತು ಮೊದಲು ಬೌಲಿಂಗ್ ಮಾಡಿದ ಬಾಂಗ್ಲಾ ಆರಂಭದಲ್ಲಿ ಭರ್ಜರಿ ಬೌಲಿಂಗ್ ದಾಳಿ ನಡೆಸಿತು. ಬಾಂಗ್ಲಾ ಪರ ತೈಜುಲ್ ಇಸ್ಲಾಂ 3 ವಿಕೆಟ್​ ಪಡೆದು ಮಿಂಚಿದರು. ಉಳಿಂದತೆ ಮೆಹದಿ ಹಸನ್ ಮಿರಾಜ್ 2 ವಿಕೆಟ್​ ಪಡೆದರು. ಖಾಲಿದ್ ಅಹ್ಮದ್ ಮತ್ತು ಇಬಾದತ್ ಹೊಸೈನ್ ತಲಾ 1 ವಿಕೆಟ್ ಪಡೆದರು.


ಇದನ್ನೂ ಓದಿ: Rishabh Pant: ವಿಶ್ವ ಕ್ರಿಕೆಟ್​ನಲ್ಲಿ ಹೊಸ ದಾಖಲೆ ಬರೆದ ಪಂತ್​, ಈ ಸಾಧನೆ ಮಾಡಿದ 2ನೇ ಭಾರತೀಯ ಪ್ಲೇಯರ್​


ಭಾರತ-ಬಾಂಗ್ಲಾದೇಶ ಪ್ಲೇಯಿಂಗ್​ 11:


ಭಾರತದ ಆಡುವ XI : ಶುಭಮನ್ ಗಿಲ್, ಕೆಎಲ್ ರಾಹುಲ್ (ಸಿ), ಚೇತೇಶ್ವರ ಪೂಜಾರ, ವಿರಾಟ್ ಕೊಹ್ಲಿ, ಶ್ರೇಯಸ್ ಅಯ್ಯರ್, ರಿಷಬ್ ಪಂತ್ (WK), ರವಿಚಂದ್ರನ್ ಅಶ್ವಿನ್, ಅಕ್ಷರ್ ಪಟೇಲ್, ಕುಲದೀಪ್ ಯಾದವ್, ಮೊಹಮ್ಮದ್ ಸಿರಾಜ್, ಉಮೇಶ್ ಯಾದವ್


ಬಾಂಗ್ಲಾದೇಶ ಪ್ಲೇಯಿಂಗ್ XI: ಝಾಕಿರ್ ಹಸನ್, ನಜ್ಮುಲ್ ಹೊಸೈನ್ ಶಾಂಟೊ, ಲಿಟನ್ ದಾಸ್, ಶಾಕಿಬ್ ಅಲ್ ಹಸನ್ (ಸಿ), ಮುಶ್ಫಿಕರ್ ರಹೀಮ್ (ವಾಕ್), ಯಾಸಿರ್ ಅಲಿ, ನೂರುಲ್ ಹಸನ್, ಮೆಹದಿ ಹಸನ್ ಮಿರಾಜ್, ತೈಜುಲ್ ಇಸ್ಲಾಂ, ಖಾಲಿದ್ ಅಹ್ಮದ್ ಮತ್ತು ಇಬಾದತ್ ಹೊಸೈನ್.

Published by:shrikrishna bhat
First published: