IND vs BAN 1st Test: ಟೀಂ ಇಂಡಿಯಾ 404 ರನ್​ಗಳಿಗೆ ಆಲೌಟ್​, ಮೊದಲ ಇನ್ನಿಂಗ್ಸ್​ನಲ್ಲಿ ಭರ್ಜರಿ ಬ್ಯಾಟಿಂಗ್​ ಮಾಡಿದ ಭಾರತ

ಭಾರತ ಮತ್ತು ಬಾಂಗ್ಲಾದೇಶ (IND vs BAN Test) ನಡುವಿನ ಎರಡು ಟೆಸ್ಟ್‌ಗಳ ಸರಣಿಯ ಮೊದಲ ಪಂದ್ಯ ಚಿತ್ತಗಾಂಗ್‌ನಲ್ಲಿ (Zahur Ahmed Chowdhury Stadium) ನಡೆಯುತ್ತಿದೆ. ಈಗಾಗಲೇ ಭಾರತ ತಂಡ ಮೊದಲು ಬ್ಯಾಟಿಂಗ್​ ಮಾಡಿದ್ದು, ಮೊದಲ ಇನ್ನಿಂಗ್ಸ್​​ನಲ್ಲಿ 133.5 ಓವರ್​ಗಳಲ್ಲಿ 404 ರನ್ ಗಳಿಸಿ ಆಲೌಟ್​ ಆಗಿದೆ. ಬಾಂಗ್ಲಾದೇಶ ಇದೀಗ ತನ್ನ ಮೊದಲ ಇನ್ನಿಂಗ್ಸ್ ಆರಂಭಿಸಿದ್ದು, ಆರಂಭಿಕ ಆಘಾತ ಅನುಭವಿಸಿದೆ. ಬಾಂಗ್ಲಾ 2 ವಿಕೆಟ್​ ಪತನವಾಗಿದೆ. ಇಂದು ಭಾರತದ ಪರ ರವಿಚಂದ್ರನ್ ಅಶ್ವಿನ್​ ಆಕರ್ಷಕ ಅರ್ಧಶತಕ ಸಿಡಿಸಿ ಮಿಂಚಿದರು.

ಆಕರ್ಷಕ ಅರ್ಧಶತಕ ಸಿಡಿಸಿದ ಅಶ್ವಿನ್​:

2ನೇ ದಿನದಾಟದ ಭೋಜನ ವಿರಾಮದ ನಂತರ ಭಾರತ ತಂಡ ಆಲೌಟ್​ ಆಗುವ ಮೂಲಕ ತನ್ನ ಇನ್ನಿಂಗ್ಸ್​ ಅಂತ್ಯಗೊಳಿಸಿದೆ. ಭಾರತ ತಂಡ ಮೊದಲ ಇನ್ನಿಂಗ್ಸ್​ನಲ್ಲಿ 133. 5 ಓವರ್​ಗೆ 404 ರನ್ ಗಳಿಸಿದೆ. ಇಂದು ಭಾರತದ ಪರ ರವಿಂದ್ರನ್ ಅಶ್ವಿನ್​ 113 ಎಸೆತದಲ್ಲಿ 2 ಫೋರ್​ ಮತ್ತು 2 ಸಿಕ್ಸ್ ಮೂಲಕ 58 ರನ್ ಗಳಿಸಿದರು. ಉಳಿಂದತೆ ಕುಲದೀಪ್​ ಯಾವದ್ 40 ರನ್ ಮತ್ತು ಉಮೇಶ್​ ಯಾದವ್ 15 ರನ್, ಮೊಹಮ್ಮದ್ ಸಿರಾಜ್ 4 ರನ್, ಶ್ರೇಯಸ್​ ಐಯ್ಯರ್ ಇಂದು 192 ಎಸೆತದಲ್ಲಿ 10 ಬೌಂಡರಿ ಸಿಡಿಸಿ 86 ರನ್ ಗಳಿಸಿ ವಿಕೆಟ್​ ಒಪ್ಪಿಸಿದರು. ಉಳಿದಂತೆ ನಾಯಕ ಕೆಎಲ್ ರಾಹುಲ್​ 54 ಬೌಲ್​ಗೆ 22 ರನ್ ಮತ್ತು ಶುಭ್​ಮನ್ ಗಿಲ್​ 40 ಎಸೆತದಲ್ಲಿ 20 ರನ್ ಗಳಿಸಿ ವಿಕೆಟ್​ ಒಪ್ಪಿಸಿದರು. ಬಳಿಕ ಬಂದ ವಿರಾಟ್ ಕೊಹ್ಲಿ ಸಹ ಕೇವಲ 1 ರನ್ ಗಳಿಸಿ ತಜುಲ್​ ಇಸ್ಲಾಂಗೆ ವಿಕೆಟ್​ ನೀಡಿದರು. ರಿಷಭ್ ಪಂತ್​ 46 ರನ್, ಚೇತೇಶ್ವರ್ ಪೂಜಾರ 203 ಎಸೆತದಲ್ಲಿ 11 ಪೋರ್​ ಮೂಲಕ 90 ರನ್ ಗಳಿಸಿ ವಿಕೆಟ್​ ಒಪ್ಪಿಸುವ ಮೂಲಕ ಶತಕ ಮಿಸ್​ ಮಾಡಿಕೊಂಡರು. ಅಕ್ಷರ್​ ಪಟೇಲ್ 14 ರನ್ ಗಳಿಸಿದರು.

#TeamIndia all out for 404 in the first innings.

Half-centuries for Cheteshwar Pujara (90), Shreyas Iyer (86) & Ashwin Ravi (58)👏 👏

Valuable 40s from Rishabh Pant (46) and Kuldeep Yadav (40)@mdsirajofficial into the attack gets a wicket on the first delivery.#BANvIND pic.twitter.com/4esaKrTtfi

— BCCI (@BCCI) December 15, 2022

ಇನ್ನು, ಬಾಂಗ್ಲಾದೇಶ ತಂಡವು 2ನೇ ದಿನ ಉತ್ತಮ ಬೌಲಿಂಗ್ ದಾಳಿ ನಡೆಸಿತು. ಬಾಂಗ್ಲಾ ಪರ ತೈಜುಲ್ ಇಸ್ಲಾಂ ಮತ್ತು ಮೆಹದಿ ಹಸನ್ ಮಿರಾಜ್ ತಲಾ 4 ವಿಕೆಟ್​ ಪಡೆದು ಮಿಂಚಿದರು. ಉಳಿಂದತೆ ಮೆಹದಿ  ಖಾಲಿದ್ ಅಹ್ಮದ್ ಮತ್ತು ಇಬಾದತ್ ಹೊಸೈನ್ ತಲಾ 1 ವಿಕೆಟ್ ಪಡೆದರು.

ಇದನ್ನೂ ಓದಿ: KL Rahul-Athiya Shetty: ಡೇಟ್​ ಫಿಕ್ಸ್ ಆದ್ಮೇಲೆ ಮಗಳ ಮದುವೆಗೆ ನನ್ನನ್ನು ಕರೆಯಿರಿ, ರಾಹುಲ್-ಆಥಿಯಾ ವಿವಾಹದ ವದಂತಿಗೆ ಬಿಗ್ ಟ್ವಿಸ್ಟ್

ಭಾರತ-ಬಾಂಗ್ಲಾದೇಶ ಪ್ಲೇಯಿಂಗ್​ 11:

ಭಾರತದ ಆಡುವ XI : ಶುಭಮನ್ ಗಿಲ್, ಕೆಎಲ್ ರಾಹುಲ್ (ಸಿ), ಚೇತೇಶ್ವರ ಪೂಜಾರ, ವಿರಾಟ್ ಕೊಹ್ಲಿ, ಶ್ರೇಯಸ್ ಅಯ್ಯರ್, ರಿಷಬ್ ಪಂತ್ (WK), ರವಿಚಂದ್ರನ್ ಅಶ್ವಿನ್, ಅಕ್ಷರ್ ಪಟೇಲ್, ಕುಲದೀಪ್ ಯಾದವ್, ಮೊಹಮ್ಮದ್ ಸಿರಾಜ್, ಉಮೇಶ್ ಯಾದವ್

ಬಾಂಗ್ಲಾದೇಶ ಪ್ಲೇಯಿಂಗ್ XI: ಝಾಕಿರ್ ಹಸನ್, ನಜ್ಮುಲ್ ಹೊಸೈನ್ ಶಾಂಟೊ, ಲಿಟನ್ ದಾಸ್, ಶಾಕಿಬ್ ಅಲ್ ಹಸನ್ (ಸಿ), ಮುಶ್ಫಿಕರ್ ರಹೀಮ್ (ವಾಕ್), ಯಾಸಿರ್ ಅಲಿ, ನೂರುಲ್ ಹಸನ್, ಮೆಹದಿ ಹಸನ್ ಮಿರಾಜ್, ತೈಜುಲ್ ಇಸ್ಲಾಂ, ಖಾಲಿದ್ ಅಹ್ಮದ್ ಮತ್ತು ಇಬಾದತ್ ಹೊಸೈನ್.