• Home
  • »
  • News
  • »
  • sports
  • »
  • India vs Bangladesh 1st Test: ಟೀಂ ಇಂಡಿಯಾ ಲಕ್ಕಿ ಕ್ಯಾಪ್ಟನ್ ಕೆಎಲ್​​ ರಾಹುಲ್​​​; ಇಲ್ಲಿದೆ ಸಾಕ್ಷಿ, ನೀವು ಒಪ್ಪಿಕೊಳ್ಳುತ್ತೀರಾ?

India vs Bangladesh 1st Test: ಟೀಂ ಇಂಡಿಯಾ ಲಕ್ಕಿ ಕ್ಯಾಪ್ಟನ್ ಕೆಎಲ್​​ ರಾಹುಲ್​​​; ಇಲ್ಲಿದೆ ಸಾಕ್ಷಿ, ನೀವು ಒಪ್ಪಿಕೊಳ್ಳುತ್ತೀರಾ?

ಕೆಎಲ್​ ರಾಹುಲ್

ಕೆಎಲ್​ ರಾಹುಲ್

ಕೆಎಲ್​​ ರಾಹುಲ್ ಟೀಂ ಇಂಡಿಯಾದ ಲಕ್ಕಿ ಕ್ಯಾಪ್ಟನ್​ ಅಂತಲೂ ಪ್ರಚಾರ ನಡೆಯುತ್ತಿದೆ. ಏಕೆಂದರೆ ಕೆಎಲ್​ ರಾಹುಲ್ ನಾಯಕತ್ವದಲ್ಲೇ ವಿರಾಟ್​​ ಕೊಹ್ಲಿ, ಪೂಜಾರ ತಮ್ಮ ಶತಕದ ದಾಹವನ್ನು ನೀಗಿಸಿಕೊಂಡಿದ್ದರು. ಇತ್ತ ಇಶಾನ್​ ಕಿಶನ್, ಶುಭ್​​ಮನ್​​ ಗಿಲ್​​ ಸ್ಮರಣೀಯ ಶತಕಗಳನ್ನು ಸಿಡಿಸಿದ್ದಾರೆ.

ಮುಂದೆ ಓದಿ ...
  • Share this:

ಟೀಂ ಇಂಡಿಯಾ (Team India) ಆರಂಭಿಕ ಆಟಗಾರ ಕೆಎಲ್​​ ರಾಹುಲ್ (KL Rahul)​​, ಟಿ20 ಮತ್ತು ಏಕದಿನ ಮಾದರಿ ಕ್ರಿಕೆಟ್​ ಮಾತ್ರವಲ್ಲದೇ ಟೆಸ್ಟ್​ ಕ್ರಿಕೆಟ್​​ನಲ್ಲೂ (Test Cricket) ನಮ್ಮ ಕಳಪೆ ಫಾರ್ಮ್​ ಮುಂದುವರಿಸಿದ್ದಾರೆ. ಈ ನಡುವೆ ಅಭಿಮಾನಿಗಳು ಕೆಎಲ್​ ರಾಹುಲ್​​ರನ್ನು ಸಖತ್​ ಟ್ರೋಲ್​ ಮಾಡುತ್ತಿದ್ದಾರೆ. ಟೀಂ ಇಂಡಿಯಾ ನಾಯಕ ರೋಹಿತ್ ಶರ್ಮಾ (Rohit Sharma) ಗಾಯಗೊಂಡಿರುವ ಕಾರಣ ಬಿಸಿಸಿಐ (BCCI) ಅವರಿಗೆ ಟೆಸ್ಟ್​ ಕ್ಯಾಪ್ಟನ್​ ಪಟ್ಟವನ್ನು ನೀಡಿದ್ದಾರೆ. ಬಾಂಗ್ಲಾ ವಿರುದ್ಧದ ಮೂರನೇ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾ ಕೆಎಲ್​ ರಾಹುಲ್​​ ನಾಯಕತ್ವದಲ್ಲಿ ಗೆಲುವು ಪಡೆದಿತ್ತು. ಈ ನಡುವೆ ಕೆಎಲ್​​ ರಾಹುಲ್ ಟೀಂ ಇಂಡಿಯಾದ ಲಕ್ಕಿ ಕ್ಯಾಪ್ಟನ್​ ಅಂತಲೂ ಪ್ರಚಾರ ನಡೆಯುತ್ತಿದೆ. ಏಕೆಂದರೆ ಕೆಎಲ್​ ರಾಹುಲ್ ನಾಯಕತ್ವದಲ್ಲೇ ವಿರಾಟ್​​ ಕೊಹ್ಲಿ, ಪೂಜಾರ ತಮ್ಮ ಶತಕದ ದಾಹವನ್ನು ನೀಗಿಸಿಕೊಂಡಿದ್ದರು. ಇತ್ತ ಇಶಾನ್​ ಕಿಶನ್, ಶುಭ್​​ಮನ್​​ ಗಿಲ್​​ ಸ್ಮರಣೀಯ ಶತಕಗಳನ್ನು ಸಿಡಿಸಿದ್ದಾರೆ.


ಟೀಂ ಇಂಡಿಯಾ ಕಮ್​​ಬ್ಯಾಕ್​ ಬಳಿಕ ನಿರಾಸ ಪ್ರದರ್ಶನ


ಕೆಎಲ್​ ರಾಹುಲ್​​, ಹರ್ನಿಯಾ ಶಸ್ತ್ರ ಚಿಕಿತ್ಸೆಗೆ ಒಳಗಾಗಿದ್ದ ಬಳಿಕ ಸುದೀರ್ಘ ಕಾಲ ಟೀಂ ಇಂಡಿಯಾದಿಂದ ದೂರವಾಗಿದ್ದರು. ಏಷ್ಯಾ ಕಪ್​​ನಲ್ಲಿ ಟೀಂ ಇಂಡಿಯಾ ಕಮ್​​ಬ್ಯಾಕ್​ ಮಾಡಿದರು ನಿರೀಕ್ಷಿತ ಪ್ರದರ್ಶನ ನೀಡಲು ವಿಫಲರಾಗಿದ್ದರು.


ಆ ಬಳಿಕ ಟಿ20 ವಿಶ್ವಕಪ್​ನಲ್ಲೂ ಸಣ್ಣ ತಂಡಗಳ ಮೇಲೆ ಅರ್ಧ ಶತಕಗಳಿಸಿದ್ದು ಹೊರತುಪಡಿಸಿದರೆ, ಬಲಿಷ್ಠ ತಂಡಗಳ ವಿರುದ್ಧ ತಮ್ಮ ಸಾಮರ್ಥ್ಯವನ್ನು ತೋರಿಸುವಲ್ಲಿ ವಿಫಲರಾಗಿದ್ದರು. ಉಳಿದಂತೆ ಬಾಂಗ್ಲಾ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ಮಧ್ಯಮ ಕ್ರಮಾಂಕದಲ್ಲಿ ಬ್ಯಾಟಿಂಗ್​​ಗೆ ಇಳಿದರು, ಉಳಿದ ಎರಡು ಪಂದ್ಯದಲ್ಲಿ ನಿರಾಸೆ ಮೂಡಿಸಿದ್ದರು.


India vs Bangladesh 1st Test 2022 Kl Rahul lucky Captain for team india sns
ಟೀಂ ಇಂಡಿಯಾ


ರಾಹುಲ್​ ಲಕ್ಕಿ ಕ್ಯಾಪ್ಟನ್​ ಅಂತಿದ್ದಾರೆ ನೆಟ್ಟಿಗರು


ಬಿಸಿಸಿಐ ಪದೇ ಪದೇ ಅವಕಾಶಗಳನ್ನು ನೀಡುತ್ತಿದ್ದರು ಕೂಡ ಅವುಗಳನ್ನು ಸದುಪಯೋಗಪಡಿಸಿಕೊಳ್ಳಲು ರಾಹುಲ್​ ಯಶಸ್ವಿಯಾಗಿಲ್ಲ ಅಂತಲೇ ಹೇಳಬಹುದು. ಇದರಿಂದ ಸಾಕಷ್ಟು ಅಭಿಮಾನಿಗಳು ಅವರನ್ನು ತಂಡದಿಂದ ಕೈಬಿಡಬೇಕು ಎಂದು ಆಗ್ರಹಿಸುತ್ತಿದ್ದಾರೆ.


ಆದರೆ ಬಾಂಗ್ಲಾ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಕ್ಯಾಪ್ಟನ್ ರೋಹಿತ್ ಶರ್ಮಾ ಗಾಯಗೊಂಡಿದ್ದ ಕಾರಣ, ರಾಹುಲ್ ಟೆಸ್ಟ್​ ತಂಡದ ನಾಯಕರಾಗಿ ಜವಾಬ್ದಾರಿ ಪಡೆದುಕೊಂಡಿದ್ದಾರೆ. ಆದರೆ ರಾಹುಲ್​ ತಂಡದಲ್ಲಿ ಇರೋದು ತಂಡಕ್ಕೆ ನಷ್ಟ ಅಂತ ಫ್ಯಾನ್ಸ್​ ಆಕ್ರೋಶ ವ್ಯಕ್ತಪಡಿಸುತ್ತಿದ್ದರೆ, ಲಕ್​​ನಿಂದ ಕ್ಯಾಪ್ಟನ್​ ಆಗಿದ್ದಾರೆ ಅಂತ ಹಲವರು ಕಾಮೆಂಟ್ ಮಾಡುತ್ತಿದ್ದಾರೆ.


ಭರ್ಜರಿ ಫಾರ್ಮ್​ನಲ್ಲಿ ಟೀಂ ಇಂಡಿಯಾ ಆಟಗಾರರು


ಕೆಎಲ್​ ರಾಹುಲ್​ ನಾಯಕತ್ವದಲ್ಲಿ ಬಾಂಗ್ಲಾದೇಶದ ವಿರುದ್ಧ ಮೂರನೇ ಏಕದಿನ ಪಂದ್ಯ ಆಡಿದ್ದ ಟೀಂ ಇಂಡಿಯಾ, ಮೊದಲ ಎರಡು ಪಂದ್ಯಗಳ ಸೋಲಿಗೆ ಪ್ರತೀಕಾರ ತೀರಿಸಿಕೊಂಡಿತ್ತು.


ಇದನ್ನೂ ಓದಿ: KL Rahul Marriage: ಶೀಘ್ರದಲ್ಲೇ ಕೆಎಲ್​ ರಾಹುಲ್​ ಕಲ್ಯಾಣೋತ್ಸವ! ಮದುವೆ ಆಗ್ತಿದ್ದೀನಿ ರಜೆ ಕೊಡಿ ಅಂದ್ರಂತೆ ಕ್ರಿಕೆಟಿಗ!


ಇಶಾನ್​ ಕಿಶನ್​ 210 ರನ್​ ಗಳಿಸಿ ದ್ವಿಶತಕ ಸಾಧನೆ ಮಾಡಿದರೆ, ಕೊಹ್ಲಿ 113 ರನ್ ಗಳಿಸಿ ತಮ್ಮ ಶತಕದ ಬರವನ್ನು ನೀಗಿಸಿಕೊಂಡಿದ್ದರು. ಪಂದ್ಯದಲ್ಲಿ 8 ವಿಕೆಟ್​ ನಷ್ಟಕ್ಕೆ ಟೀಂ ಇಂಡಿಯಾ 409 ರನ್ ಗಳಿಸಿತ್ತು. ಅಲ್ಲದೇ 227 ರನ್​​ಗಳ ಅಂತರದಲ್ಲಿ ಭಾರೀ ಗೆಲುವು ಕೂಡ ಪಡೆದುಕೊಂಡಿತ್ತು.


India vs Bangladesh 1st Test 2022 Kl Rahul lucky Captain for team india sns
ಕೆಎಲ್​ ರಾಹುಲ್


ಬಾಂಗ್ಲಾ ವಿರುದ್ಧದ ಮೊದಲ ಟೆಸ್ಟ್​ನಲ್ಲೂ ಗೆಲುವು


ಇನ್ನು, ಚಟ್ಟೋಗ್ರಾಮ್​​ನಲ್ಲಿ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದಲ್ಲಿ ಟೀಂ ಇಂಡಿಯಾ ಭರ್ಜರಿ ಗೆಲುವು ಸಾಧಿಸಿದೆ. ಟೆಸ್ಟ್​ ಪಂದ್ಯದ ಎರಡನೇ ಇನ್ನಿಂಗ್ಸ್​​​ನಲ್ಲಿ ಗಿಲ್​​, ಪೂಜಾರ ಶತಕ ಸಾಧಿಸಿದ ಪರಿಣಾಮ ಬಾಂಗ್ಲಾ ದೇಶಕ್ಕೆ ಟೀಂ ಇಂಡಿಯಾ 513 ರನ್​ಗಳ ಬೃಹತ್​ ಮೊತ್ತವನ್ನು ಟಾರ್ಗೆಟ್​ ಆಗಿ ನೀಡಿತ್ತು.


ಇದನ್ನೂ ಓದಿ: Year Ender 2022: ವಿಶ್ವಕಪ್ ಗೆದ್ದ ಭಾರತ, ಮಹತ್ವದ ಪ್ರಶಸ್ತಿ ಮಿಸ್ ಮಾಡಿಕೊಂಡ ಕೊಹ್ಲಿ-ರೋಹಿತ್; ಹೇಗಿತ್ತು ಈ ವರ್ಷ ಟೀಂ ಇಂಡಿಯಾ ಕ್ರಿಕೆಟ್​ ಜರ್ನಿ


ಕೆಎಲ್​ ರಾಹುಲ್ ನಾಯಕತ್ವದಲ್ಲಿ ಟೀಂ ಇಂಡಿಯಾ ಆಟಗಾರರು ಅತ್ಯುತ್ತಮ ಪ್ರದರ್ಶನ ನೀಡುತ್ತಿದ್ದಾರೆ ಎಂಬ ಪೋಸ್ಟ್​ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್​ ಆಗುತ್ತಿದೆ. ಏಷ್ಯಾ ಕಪ್​​​ ಕೊನೆಯ ಪಂದ್ಯದಲ್ಲಿ ರೋಹಿತ್ ಶರ್ಮಾ ವಿಶ್ರಾಂತಿ ಪಡೆದುಕೊಂಡಿದ್ದ ಕಾರಣ ರಾಹುಲ್​ ಕ್ಯಾಪ್ಟನ್​ ಆಗಿದ್ದರು.



ಮುಂದಿನ ಶತಕ ಕೆಎಲ್ ರಾಹುಲ್​​ ಅವರದ್ದೇನಾ?


ಅಂದು ಅಫ್ಘಾನ್​​ ವಿರುದ್ಧ ನಡೆದ ಪಂದ್ಯದಲ್ಲಿ ವಿರಾಟ್​ ಕೊಹ್ಲಿ ಶತಕ ಸಿಡಿಸಿ, 1000 ದಿನಗಳ ಬಳಿಕ ಶತಕ ಸಿಡಿಸಿದ ಸಾಧನೆ ಮಾಡಿದ್ದರು. ಬಾಂಗ್ಲಾ ವಿರುದ್ಧ ಮೂರನೇ ಏಕದಿನ ಪಂದ್ಯದಲ್ಲಿ ಬರೋಬ್ಬರಿ ಮೂರು ವರ್ಷಗಳ ಬಳಿಕ ಏಕದಿನ ಮಾದರಿ ಕ್ರಿಕೆಟ್​ನಲ್ಲಿ ಶತಕ ಸಿಡಿಸಿದ ಸಾಧನೆ ಮಾಡಿದ್ದರು.



ಅಲ್ಲಿವರೆಗೂ ಏಕದಿನ ಕ್ರಿಕೆಟ್​ನಲ್ಲಿ ಶತಕ ಸಿಡಿಸದ ಇಶಾನ್​ ಕಿಶನ್​​, ಬಾಂಗ್ಲಾ ವಿರುದ್ಧ ದ್ವಿಶತಕವನ್ನೇ ಸಿಡಿಸಿದ್ದರು. ಶುಭ್​ಮನ್ ಗಿಲ್​​ ಟೆಸ್ಟ್​ನಲ್ಲಿ ಮೊದಲ ಶತಕ ಗಳಿಸಿದರೆ, ಪೂಜಾರ ಬರೋಬ್ಬರಿ ನಾಲ್ಕು ವರ್ಷಗಳ ಬಳಿಕ ಟೆಸ್ಟ್​ನಲ್ಲಿ ಶತಕ ಸಾಧಿಸಿದ್ದು ಕೂಡ ರಾಹುಲ್ ನಾಯಕತ್ವದ ಪಂದ್ಯದಲ್ಲಿಯೇ.


ಕಾಕತಾಳೀಯವಾದರು ಲಕ್ಕಿ ಕ್ಯಾಪ್ಟನ್​ ಅಂತ ಪ್ರಚಾರ


ಇದೆಲ್ಲವೂ ಕಾಕತಾಳೀಯವಾದರು ಸಹ ಸಾಮಾಜಿಕ ಜಾಲತಾಣದಲ್ಲಿ ಮಾತ್ರ ರಾಹುಲ್​ ನಾಯಕತ್ವದಲ್ಲಿ ನಡೆದಿದೆ ಅಂತ ಪ್ರಚಾರ ಮಾಡಲಾಗುತ್ತಿದೆ. ಆಟಗಾರರು ಭರ್ಜರಿ ಪ್ರದರ್ಶನ ನೀಡಿದ ಕಾರಣ ಟೀಂ ಇಂಡಿಯಾ ಗೆಲುವು ಪಡೆಯಿತಾ? ಇಲ್ಲ ಎಂದರೇ, ರಾಹುಲ್ ಕ್ಯಾಪ್ಟನ್​ ಆಗಿದ್ದರಿಂದ ಆಟಗಾರರು ಉತ್ತಮ ಪ್ರದರ್ಶನ ನೀಡಿದ್ರಾ? ಆದರೆ, ತನ್ನದೇ ನಾಯತ್ವದಲ್ಲಿ ರಾಹುಲ್​ ಏಕೆ ಸೆಂಚುರಿ ಸಾಧಿಸಿಲ್ಲ? ಮುಂದಿನ ಶತಕ ಸಾಧಿಸುವುದು ರಾಹುಲ್​​​ ಅವರೇನಾ ಎಂಬ ಪ್ರಶ್ನೆಗಳನ್ನು ನೆಟ್ಟಿಗರು ಕೇಳುತ್ತಿದ್ದಾರೆ.

Published by:Sumanth SN
First published:

ಸುದ್ದಿ 18ಕನ್ನಡ ಟ್ರೆಂಡಿಂಗ್

ಮತ್ತಷ್ಟು ಓದು