India vs Bangladesh 1st Test: ಸೆಂಚುರಿ ಮಿಸ್​ ಆಯ್ತು ಅಲ್ವಾ; ಕ್ಯಾಪ್ಟನ್​ ಕೆಎಲ್​ ರಾಹುಲ್ ಸಖತ್ ಟ್ರೋಲ್

ಬಾಂಗ್ಲಾದೇಶದ (Bangladesh) ವಿರುದ್ಧ ನಡೆಯುತ್ತಿರುವ ಮೊದಲ ಟೆಸ್ಟ್​ ಪಂದ್ಯದಲ್ಲಿ ಟೀಂ ಇಂಡಿಯಾ (Team India) ನಾಯಕ ಕೆಎಲ್ ರಾಹುಲ್ (KL Rahul)  ಮತ್ತೊಮ್ಮೆ ಬ್ಯಾಟಿಂಗ್​ನಲ್ಲಿ ವಿಫಲರಾಗಿದ್ದಾರೆ. ಮೊದಲ ಇನ್ನಿಂಗ್ಸ್​​ನಲ್ಲಿ ಕೇವಲ 22 ರನ್​​ಗಳಿದ್ದ ರಾಹುಲ್, ಎರಡನೇ ಇನ್ನಿಂಗ್ಸ್​​ನಲ್ಲೂ ಅಭಿಮಾನಿಗಳಿಗೆ ನಿರಾಸೆ ಮೂಡಿಸಿದರು. ಕೇವಲ 23 ರನ್ ಗಳಿಗೆ ಪೆವಿಲಿಯನ್ ಸೇರಿದ ರಾಹುಲ್​​​ರನ್ನು ಫ್ಯಾನ್ಸ್​ ಸಖತ್ ಟ್ರೋಲ್ ಮಾಡ್ತಿದ್ದಾರೆ. ಎರಡನೇ ಇನ್ನಿಂಗ್​​ನಲ್ಲಿ ಕೆಎಲ್​ ರಾಹುಲ್ ಎಚ್ಚರಿಕೆಯ ಇನ್ನಿಂಗ್ಸ್​​ ಆಡಲು ಮುಂದಾಗಿದ್ದೇ, ಫ್ಯಾನ್ಸ್ ಅಸಮಾಧಾನಗೊಳ್ಳಲು ಕಾರಣ ಎನ್ನಲಾಗಿದೆ. ಏಕೆಂದರೆ ಟೆಸ್ಟ್​ ಪಂದ್ಯಕ್ಕೂ ಮುನ್ನ ಮಾತನಾಡಿದ್ದ ಕ್ಯಾಪ್ಟನ್​​, ಟೀಂ ಇಂಡಿಯಾ ಈ ಟೂರ್ನಿಯಲ್ಲಿ ಅಗ್ರೆಸ್ಸಿವ್ ಆಟಕ್ಕೆ ಮುಂದಾಗುತ್ತದೆ ಎಂದು ಹೇಳಿದ್ದರು. ಆದರೆ ಹಾಗೇ ಹೇಳಿದ ರಾಹುಲ್​​ ಮಾತ್ರ, ತಾಳ್ಮೆಯ ಆಟಕ್ಕೆ ಮುಂದಾಗಿದ್ದು, ಹಲವರ ಅಸಮಾಧಾನಕ್ಕೆ ಕಾರಣವಾಗಿತ್ತು ಎಂದು ಹೇಳಬಹುದು.

ಕ್ಯಾಪ್ಟನ್ ಇನ್ನಿಂಗ್ಸ್​ ಆಡಲಿಲ್ಲ ಕೆಎಲ್​ ರಾಹುಲ್

ಮೊದಲ ಇನ್ನಿಂಗ್ಸ್​ನಲ್ಲಿ ಆಫ್​ ಸೈಡ್​ ಹೋಗುತ್ತಿದ್ದ ಚೆಂಡನ್ನು ವಿಕೆಟ್​​​ ಮೇಲೆ ಬರುವಂತೆ ಆಡಿದ್ದ ರಾಹುಲ್​​​, ಕಡಿಮೆ ಮೊತ್ತಕ್ಕೆ ಔಟ್​ ಆಗಿದ್ದರು. ಎರಡನೇ ಇನ್ನಿಂಗ್ಸ್​​ನಲ್ಲಿಯಾದರೂ ಕ್ಯಾಪ್ಟನ್ ಇನ್ನಿಂಗ್ಸ್​ ಆಡುತ್ತಾರೆ ಎಂದುಕೊಂಡರೆ ಕೇವಲ 23 ರನ್ ಗಳಿಸಿದರು.

ಈ ಇನ್ನಿಂಗ್ಸ್​ನಲ್ಲಿ ಸಹ ಖಲೀದ್ ಅಹ್ಮದ್ ಬೌಲಿಂಗ್​​ನಲ್ಲಿ ಔಟ್​​ ಆಗಿದ್ದು, ಖಲೀದ್​ ಎಸೆದ ಚೆಂಡನ್ನು ಅಂದಾಜು ಮಾಡಲಾಗದೆ, ಸುಲಭ ಕ್ಯಾಚ್​ ಕೊಟ್ಟು ಔಟ್​ ಆಗಿದ್ದರು. ಇದರೊಂದಿಗೆ ಅಸಮಾಧಾನ ಹೊರ ಹಾಕಿರುವ ನೆಟ್ಟಿಗರು, ಜಸ್ಟ್​​ 77 ರನ್​ಗಳ ಅಂತರದಲ್ಲಿ ಶತಕ ಮಿಸ್ ಮಾಡಿಕೊಂಡಿದ್ದೀರಿ ಎಂದು ಕಾಮೆಂಟ್ ಮಾಡುತ್ತಾ ಟ್ರೋಲ್​ ಮಾಡಿದ್ದಾರೆ.

ಕೆಎಲ್ ರಾಹುಲ್

ಇದನ್ನೂ ಓದಿ: IND vs BAN Test: ಶತಕ ಸಿಡಿಸಿದ ಪೂಜಾರ-ಗಿಲ್​, ಬಾಂಗ್ಲಾಗೆ ಬೃಹತ್​ ಟಾರ್ಗೆಟ್​; 3ನೇ ದಿನದಾಟ ಅಂತ್ಯ

ಟೆಸ್ಟ್​ ಸರಣಿ ಆರಂಭಕ್ಕೂ ಮುನ್ನ ಅಗ್ರೆಸ್ಸಿವ್ ಆಟ ಎಂದಿದ್ದ ರಾಹುಲ್

ಟೆಸ್ಟ್ ಸರಣಿಗೂ ಮುನ್ನ ನಡೆದ ಏಕದಿನ ಕ್ರಿಕೆಟ್ ಸರಣಿಯಲ್ಲೂ ರಾಹುಲ್ ನಿರೀಕ್ಷಿತ ಪ್ರದರ್ಶನ ತೋರಿರಲಿಲ್ಲ. ಮೊದಲ ಏಕದಿನ ಪಂದ್ಯದಲ್ಲಿ ಅರ್ಧ ಶತಕ ಗಳಿಸಿದ್ದ ರಾಹುಲ್, ಆ ಬಳಿಕ ನಡೆದ ಎರಡು ಪಂದ್ಯಗಳಲ್ಲಿ ಉತ್ತಮ ಸ್ಕೋರ್ ಗಳಿಸಲು ವಿಫಲರಾಗಿದ್ದರು.

ರಾಹುಲ್​ ಬ್ಯಾಟಿಂಗ್​ನಲ್ಲಿ ವಿಫಲರಾಗಿದ್ದು ಟ್ರೋಲ್​​ ಆಗಲು ಒಂದು ಕಾರಣವಾದರೆ, ಟೆಸ್ಟ್​ ಪಂದ್ಯಕ್ಕೂ ಮುನ್ನ ಅವರು ಆಡಿದ್ದ ಮಾತುಗಳು ಕೂಡ ಹೆಚ್ಚು ಟ್ರೋಲ್​ ಆಗಲು ಕಾರಣವಾಗಿದೆ. ಪಂದ್ಯಕ್ಕೂ ಮುನ್ನ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ್ದ ರಾಹುಲ್, ಭಾರತವು ಬಾಂಗ್ಲಾದೇಶದ ವಿರುದ್ಧ ಆಕ್ರಮಣಕಾರಿ ಕ್ರಿಕೆಟ್​ ಆಡಲಿದೆ. ವಿಶ್ವ ಟೆಸ್ಟ್​ ಚಾಂಲಿಯನ್​ ಶಿಫ್ ಫೈನಲ್​ ಮುಂದಿದ್ದು, ಇಂಗ್ಲೆಂಡ್​ನಲ್ಲಿ ಆಡಿದಂತೆ ಆಕ್ರಮಣಕಾರಿ ಆಗಿರಬೇಕಾಗುತ್ತದೆ ಎಂದರು ಹೇಳಿದ್ದರು.

ಬ್ಯಾಟಿಂಗ್​​​ನಲ್ಲೂ ಗಮನ ಸೆಳೆದಿದ್ದ ಆರ್.ಅಶ್ವಿನ್​

ಉಳಿದಂತೆ, ಟೆಸ್ಟ್​ ಮೊದಲ ಇನ್ನಿಂಗ್ಸ್​ನಲ್ಲಿ ಟೀಂ ಇಂಡಿಯಾ ಪರ ಅನುಭವಿ ಸ್ಪಿನ್ನರ್ ಆರ್​.ಅಶ್ವಿನ್​ ಅರ್ಧ ಶತಕ ಗಳಿಸಿ ಮಿಂಚಿದ್ದರು. ಇದನ್ನು ರಾಹುಲ್​ ಟ್ರೋಲ್​​ ಬಳಿಸಿಕೊಂಡಿರುವ ಫ್ಯಾನ್ಸ್, ಸ್ಪೆಷಲಿಸ್ಟ್​ ಬ್ಯಾಟರ್​ಗಳಿಗಿಂತ ಅಶ್ವಿನ್​ ಉತ್ತಮವಾಗಿ ಆಡಿದ್ದಾರೆ. ಅದರಲ್ಲೂ ರಾಹುಲ್​ಗಿಂತ, ಅಶ್ವಿನ್​ ಆಟ ಸಾವಿರ ಪಟ್ಟು ಉತ್ತಮವಾಗಿದೆ ಅಂತ ಕಾಲೆಳೆದಿದ್ದಾರೆ. ಅಂಕಿ ಅಂಶಗಳನ್ನು ಗಮನಿಸಿದರೆ, ಟೀಂ ಇಂಡಿಯಾ ಬ್ಯಾಟಿಂಗ್​ ಲೋ ಅರ್ಡರ್​​ನಲ್ಲಿ ಅಶ್ವಿನ್​ ಉತ್ತಮ ಆಟಗಾರ ಎಂಬುವುದು ಸಾಬೀತಾಗುತ್ತದೆ.

That's Stumps on Day 3 of the first #BANvIND Test!

Bangladesh move to 42/0 after #TeamIndia secured a 512-run lead!

We will be back for Day 4 action tomorrow.

Scorecard ▶️ https://t.co/CVZ44NpS5m pic.twitter.com/scqMCXxlG2

— BCCI (@BCCI) December 16, 2022

ವೃತ್ತಿ ಜೀವನದಲ್ಲಿ 87ನೇ ಟೆಸ್ಟ್ ಪಂದ್ಯ ಆಡುತ್ತಿರುವ ಅಶ್ವಿನ್, 27.17ರ ಸರಾಸರಿಯಲ್ಲಿ 2989 ರನ್​​ಗಳನ್ನು ಟೆಸ್ಟ್​​ ಮಾದರಿಯಲ್ಲಿ ಗಳಿಸಿದ್ದಾರೆ. ಇದರಲ್ಲಿ 5 ಶತಕ, 13 ಅರ್ಧ ಶತಕಗಳು ಸೇರಿದೆ.

ಹೆಚ್ಚು ಆಫ್​ ಸೆಂಚುರಿ ಗಳಿಸಿದ ಆಲ್​ರೌಂಡರ್​​ಗಳ ಒಟ್ಟಿಯಲ್ಲಿ ದಿಗ್ಗಜ ಆಟಗಾರ ಕಪಿಲ್​ ದೇವ್​ ಬಳಿಕ ಅಶ್ವಿನ್ ಸ್ಥಾನವನ್ನು ಪಡೆದುಕೊಂಡಿದ್ದಾರೆ. ಸದ್ಯ ಟೀಂ ಇಂಡಿಯಾ ಪರ ಆಡುತ್ತಿರುವ ಆಟಗಾರರ ಪಟ್ಟಿಯಲ್ಲಿ ಕೊಹ್ಲಿ (8,074 ರನ್), ಪೂಜಾರ (6,882 ರನ್), ರೋಹಿತ್ ಶರ್ಮಾ (3,137 ರನ್) ಬಳಿಕ ಹೆಚ್ಚು ಟೆಸ್ಟ್ ರನ್​ ಗಳಿಸಿದ ಆಟಗಾರ ಅಶ್ವಿನ್​ ಎನಿಸಿಕೊಂಡಿದ್ದಾರೆ.