IND vs IRE: ಆಗಸ್ಟ್​ನಲ್ಲಿ ಟೀಂ ಇಂಡಿಯಾ ಐರ್ಲೆಂಡ್ ಪ್ರವಾಸ, ಹಾರ್ದಿಕ್​ಗೆ ನಾಯಕತ್ವ? ಹಿರಿಯ ಆಟಗಾರರಿಗೆ ವಿಶ್ರಾಂತಿ

ಭಾರತ ಕ್ರಿಕೆಟ್ ತಂಡ ಈ ವರ್ಷದ ಆಗಸ್ಟ್‌ನಲ್ಲಿ ಮೂರು ಪಂದ್ಯಗಳ ಟಿ20 ಅಂತಾರಾಷ್ಟ್ರೀಯ ಸರಣಿಗಾಗಿ ಐರ್ಲೆಂಡ್‌ (IND vs IRE) ಪ್ರವಾಸ ಕೈಗೊಳ್ಳಲಿದೆ. ಮಾರ್ಚ್ 17 ಶುಕ್ರವಾರದಂದು ಕ್ರಿಕೆಟ್ ಐರ್ಲೆಂಡ್ ಈ ಮಾಹಿತಿಯನ್ನು ಬಹಿರಂಗಪಡಿಸಿದೆ. ಇದರೊಂದಿಗೆ, 50 ಓವರ್‌ಗಳ ವಿಶ್ವಕಪ್‌ಗೆ (ICC ODI World Cup) ಅರ್ಹತೆ ಪಡೆಯುವ ಸಾಧ್ಯತೆಯನ್ನು ಹೆಚ್ಚಿಸಲು ಮೇ ತಿಂಗಳಲ್ಲಿ ಬಾಂಗ್ಲಾದೇಶದ ವಿರುದ್ಧ ಚೆಲ್ಮ್ಸ್‌ಫೋರ್ಡ್‌ನಲ್ಲಿ ತನ್ನ ಅಂತಿಮ ODI ಸೂಪರ್ ಲೀಗ್ ಸರಣಿಯನ್ನು ಆಡಲು ವ್ಯವಸ್ಥೆ ಮಾಡಿದೆ. ಇತರ ಫಲಿತಾಂಶಗಳು ಐರ್ಲೆಂಡ್ (Ireland )ಪರವಾಗಿ ಹೋದರೆ, ಸೂಪರ್ ಲೀಗ್‌ನಲ್ಲಿ ಎಂಟನೇ ಸ್ಥಾನವನ್ನು ಗಳಿಸಲು ಬಾಂಗ್ಲಾದೇಶದ ವಿರುದ್ಧ 3-0 ಸರಣಿ ಗೆಲುವು ದಾಖಲಿಸಬೇಕಿದೆ. ಇಂತಹ ಪರಿಸ್ಥಿತಿಯಲ್ಲಿ ಅವರು ಜೂನ್-ಜುಲೈನಲ್ಲಿ ಜಿಂಬಾಬ್ವೆಯಲ್ಲಿ ಅರ್ಹತಾ ಪಂದ್ಯಗಳನ್ನು ಆಡದೆ ಅಕ್ಟೋಬರ್‌ನಲ್ಲಿ ಭಾರತದಲ್ಲಿ ನಡೆಯಲಿರುವ ವಿಶ್ವಕಪ್‌ಗೆ ಅರ್ಹತೆ ಪಡೆಯಬಹುದು.

ಟಿಂ ಇಂಡಿಯಾದ ಐರ್ಲೆಂಡ್​ ಪ್ರವಾಸ:

ಕ್ರಿಕೆಟ್ ಐರ್ಲೆಂಡ್, "ಈ ಆಗಸ್ಟ್‌ನಲ್ಲಿ ಏಷ್ಯಾದ ಅಗ್ರ ಆಟಗಾರರು ಮೂರು ಪಂದ್ಯಗಳ T20I ಸರಣಿಗಾಗಿ ಐರ್ಲೆಂಡ್‌ಗೆ ಭಾರತ ತಂಡ ಬರಲಿದೆ. ಈ ಮೂಲಕ ಕ್ರಿಕೆಟ್ ಅಭಿಮಾನಿಗಳು ವಿಶ್ವದ ನಂಬರ್ ಒನ್ ಟಿ20 ಅಂತರರಾಷ್ಟ್ರೀಯ ತಂಡವಾದ ಭಾರತವನ್ನು ವೀಕ್ಷಿಸಲು ಆನಂದಿಸಲು ಸಾಧ್ಯವಾಗುತ್ತದೆ‘ ಎಂದು ಬರೆದುಕೊಂಡಿದೆ. ಕಳೆದ ವರ್ಷ ಇದೇ ಸ್ಥಳದಲ್ಲಿ ನಡೆದ ಎರಡು ಪಂದ್ಯಗಳ ಸರಣಿಯಲ್ಲಿ ಭಾರತ ಟಿ20 ತಂಡದ ನೂತನ ನಾಯಕ ಹಾರ್ದಿಕ್ ಪಾಂಡ್ಯ ತಂಡವನ್ನು ಮುನ್ನಡೆಸಿದ್ದರು.

👉 BIG FIXTURES INCOMING

Ireland Men will face India, Bangladesh, England and compete for qualification to two world cups this summer.

➡️ Read more: https://t.co/6tLXcndt9e#BackingGreen ☘️🏏 pic.twitter.com/mhu8dRDjxC

— Cricket Ireland (@cricketireland) March 17, 2023

ಭಾರತ ಈ ವರ್ಷ ತನ್ನ ತವರಿನಲ್ಲಿ ಏಕದಿನ ವಿಶ್ವಕಪ್ ಆಡಬೇಕಿದೆ. ಹೀಗಿರುವಾಗ ವಿಶ್ವಕಪ್ ತಯಾರಿಯಲ್ಲಿ ವಿಶೇಷ ಪ್ರಾಮುಖ್ಯತೆ ಇಲ್ಲದ ಸರಣಿಯಲ್ಲಿ ಹಾರ್ದಿಕ್ ಪಾಂಡ್ಯ ಅವರನ್ನು ಆಡಿಸುವ ರಿಸ್ಕ್ ಅನ್ನು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ತೆಗೆದುಕೊಳ್ಳುತ್ತದೆಯೇ ಎಂಬುದನ್ನು ಕಾದು ನೋಡಬೇಕಿದೆ. ಆದಾಗ್ಯೂ, ಈ ಸರಣಿಯು ಐರ್ಲೆಂಡ್ ಕ್ರಿಕೆಟ್ ಮಂಡಳಿಗೆ ಹೆಚ್ಚಿನ ಪ್ರಾಮುಖ್ಯತೆಯನ್ನು ಹೊಂದಿದೆ ಏಕೆಂದರೆ ಅದರ ಪ್ರಸಾರ ಆದಾಯವು ಅವರ ಆರ್ಥಿಕ ಸ್ಥಿತಿಯನ್ನು ಸುಧಾರಿಸುತ್ತದೆ. ಈ ಸರಣಿಯನ್ನು ಆಗಸ್ಟ್ 18 ರಿಂದ 23ರ ವರೆಗೆ ಆಯೋಜಿಸಲಾಗಿದೆ.

ಇದನ್ನೂ ಓದಿ: MS Dhoni: ರಾಕಿ ಭಾಯ್​ ಫೇವರಿಟ್ ಕ್ರಿಕೆಟರ್​ ಯಾರು ಗೊತ್ತಾ? ಅವರೇ ಯಶ್​ ರೋಲ್ ಮಾಡೆಲ್ ಅಂತೆ!

ಕ್ರಿಕೆಟ್ ಐರ್ಲೆಂಡ್‌ನ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ವಾರೆನ್ ಡ್ಯುಟ್ರೋಮ್, "2023ರ ಬೇಸಿಗೆಯ ಋತುವು ಪುರುಷರ ಕ್ರಿಕೆಟ್‌ನ ಸಂದರ್ಭದಲ್ಲಿ ಒಂದು ಆಚರಣೆಯಂತೆ ಇರುತ್ತದೆ. ಇದು ಅಭಿಮಾನಿಗಳಿಗೆ ತುಂಬಾ ವಿಶೇಷವಾಗಲಿದೆ. ಭಾರತವು ಸತತ ಎರಡನೇ ವರ್ಷ ಐರ್ಲೆಂಡ್ ಪ್ರವಾಸ ಮಾಡಲಿದೆ ಎಂದು ನಾವು ಇಂದು ಖಚಿತಪಡಿಸಬಹುದು. ವಿಶ್ವಕಪ್ ಸೂಪರ್ ಲೀಗ್ ಅಡಿಯಲ್ಲಿ ಮೇ ತಿಂಗಳಲ್ಲಿ ಬಾಂಗ್ಲಾದೇಶ ವಿರುದ್ಧದ ಏಕದಿನ ಸರಣಿಯಲ್ಲಿ ನಮ್ಮ ತಂಡವು ಮೊದಲು ಭಾಗವಹಿಸಲಿದೆ. ಜೂನ್‌ನಲ್ಲಿ ಲಾರ್ಡ್ಸ್‌ನಲ್ಲಿ ಟೆಸ್ಟ್ ಪಂದ್ಯ ಮತ್ತು ನಂತರ ಸೆಪ್ಟೆಂಬರ್‌ನಲ್ಲಿ ಇಂಗ್ಲೆಂಡ್ ವಿರುದ್ಧದ ಏಕದಿನ ಸರಣಿಯನ್ನು ಆಡುವುದಾಗಿ ನಾವು ಈಗಾಗಲೇ ಘೋಷಿಸಿದ್ದೇವೆ ಎಂದು ಅವರು ತಿಳಿಸಿದ್ದಾರೆ.

ಪಾಂಡ್ಯಾಗೆ ನಾಯಕತ್ವ:

ಇನ್ನು, ಐರ್ಲೆಂಡ್​ ಪ್ರವಾಸದಲ್ಲಿ ಭಾರತ ತಂಡವನ್ನು ಹಾರ್ದಿಕ್ ಪಾಂಡ್ಯ ಮುನ್ನಡೆಸುವ ಸಾಧ್ಯತೆ ಇದೆ. ಆದರೆ ಬಿಸಿಸಿಐ ಮುಂಬರಲಿರುವ ವಿಶ್ವಕಪ್​ ಹಿನ್ನಲೆ ಪಾಂಡ್ಯ ಅವರಿಗೆ ಈ ಸರಣಿಯಿಂದ ದೂರವಿಡುವ ಸಾಧ್ಯತೆಯೂ ಹೆಚ್ಚಿದೆ. ಜೊತೆಗೆ ಐರ್ಲೆಂಡ್​ ಪ್ರವಾಸದ ವೇಳೆ ಭಾರತದ ಹಿರಿಯ ಆಟಗಾರರಾದ ರೋಹಿತ್ ಶರ್ಮಾ, ಕೆಎಲ್ ರಾಹುಲ್​, ಮೊಹಮ್ಮದ್ ಶಮಿ ಮತ್ತು ವಿರಾಟ್​ ಕೊಹ್ಲಿಗೆ ವಿಶ್ರಾಂತಿ ನಿಡುವ ಸಾಧ್ಯತೆ ಇದೆ.