• Home
  • »
  • News
  • »
  • sports
  • »
  • Hardik Pandya: ಮೈದಾನದಲ್ಲೇ ಪಾಂಡ್ಯ ಉಗ್ರ ರೂಪ! ಸಹ ಆಟಗಾರನಿಗೆ ಕೆಟ್ಟದಾಗಿ ಬೈದ ಹಾರ್ದಿಕ್

Hardik Pandya: ಮೈದಾನದಲ್ಲೇ ಪಾಂಡ್ಯ ಉಗ್ರ ರೂಪ! ಸಹ ಆಟಗಾರನಿಗೆ ಕೆಟ್ಟದಾಗಿ ಬೈದ ಹಾರ್ದಿಕ್

ಹಾರ್ದಿಕ್ ಪಾಂಡ್ಯ

ಹಾರ್ದಿಕ್ ಪಾಂಡ್ಯ

IND vs SL ODI: ಹಾರ್ದಿಕ್ ಪಾಂಡ್ಯ ಟೀಂ ಇಂಡಿಯಾದ ಭವಿಷ್ಯದ ನಾಯಕನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಆದರೆ ಶ್ರೀಲಂಕಾ ವಿರುದ್ಧದ ಟಿ20 ಸರಣಿಯ ವೇಳೆ ಅವರು ಕೋಪಗೊಂಡ ಘಟನೆ ನಡೆದಿದೆ.

  • Share this:

ಹಾರ್ದಿಕ್ ಪಾಂಡ್ಯ ಟೀಂ ಇಂಡಿಯಾದ ಭವಿಷ್ಯದ ನಾಯಕನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಶ್ರೀಲಂಕಾ (IND vs SL) ವಿರುದ್ಧದ ಟಿ20 ಸರಣಿಯ ವೇಳೆ ಅವರಿಗೆ ತಂಡದಲ್ಲಿ ದೊಡ್ಡ ಜವಾಬ್ದಾರಿಯನ್ನೂ ನೀಡಲಾಗಿತ್ತು. ರೋಹಿತ್ ಶರ್ಮಾ ಏಕದಿನ ಕ್ರಿಕೆಟ್​ಗೆ ಮರಳಿದ ಬಳಿಕ ಅವರು ತಂಡದ ನಾಯಕತ್ವವನ್ನು ಪಡೆದರು. ಆದರೆ KL ರಾಹುಲ್ ಬದಲಿಗೆ ತಂಡದ ಹೊಸ ಉಪನಾಯಕರಾಗಿ ಹಾರ್ದಿಕ್​ ಕಾಣಿಸಿಕೊಂಡಿದ್ದಾರೆ. ಹಾರ್ದಿಕ್ (Hardik Pandya) ತನ್ನ ವರ್ತನೆಯಿಂದ ಆಗಾಗ ಸುದ್ದಿಯಲ್ಲಿರುತ್ತಾರೆ. ಕೋಲ್ಕತ್ತಾದ ಈಡನ್ ಗಾರ್ಡನ್ಸ್‌ನಲ್ಲಿ (Eden Gardens) ನಡೆದ 2ನೇ ಏಕದಿನ ಪಂದ್ಯದ ವೇಳೆಯೂ ಅವರು ತಮ್ಮ ವರ್ತನೆಯಿಂದಾಗಿ ಎಲ್ಲರ ಗಮನ ಸೆಳೆದಿದ್ದಾರೆ. ಸದ್ಯ ಈ ಕುರಿತ ವಿಡಿಯೋ ಒಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಇದರಲ್ಲಿ ಹಾರ್ದಿಕ್ ಅವರು ಸ್ಪಿನ್ನರ್ ಯುಜ್ವೇಂದ್ರ ಚಾಹಲ್ ಅವರನ್ನು ನಿಂದಿಸಿದ್ದಾರೆ ಎಂದು ಆರೋಪಿಸಲಾಗುತ್ತಿದೆ.


ಅಷ್ಟಕ್ಕೂ ಪಾಂಡ್ಯ ಕೋಪಗೊಂಡಿದ್ದು ಏಕೆ?:


ಶ್ರೀಲಂಕಾ ವಿರುದ್ಧದ 2ನೇ ಪಂದ್ಯಕ್ಕೆ ನಾಯಕ ರೋಹಿತ್ ಶರ್ಮಾ ಕುಲದೀಪ್ ಯಾದವ್ ಬದಲಿಗೆ ಯುಜ್ವೇಂದ್ರ ಚಹಾಲ್ ಅವರನ್ನು ಆಡುವ ಅಂತಿಮ ತಂಡದಲ್ಲಿ ಸೇರಿಸಿದರು. ಯುಜುವೇಂದ್ರ ಚಾಹಲ್ ಪಂದ್ಯವನ್ನು ಆಡಲು ಸಂಪೂರ್ಣ ಫಿಟ್ ಆಗಿಲ್ಲದ ಕಾರಣ ಈ ರೀತಿ ಮಾಡಲಾಗಿದೆ ಎಂದು ಅವರು ಹೇಳಿದ್ದರು. ಸಿಕ್ಕ ಅವಕಾಶವನ್ನು ಸದುಪಯೋಗಪಡಿಸಿಕೊಂಡ ಕುಲದೀಪ್ 3 ವಿಕೆಟ್ ಪಡೆದರು.


ಈ ಸಮಯದಲ್ಲಿ ಭಾರತದ ಫೀಲ್ಡಿಂಗ್ ಸಮಯದಲ್ಲಿನ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ಸಾಕಷ್ಟು ವೈರಲ್ ಆಗುತ್ತಿದೆ. ಈ ವಿಡಿಯೋದಲ್ಲಿ ಓವರ್ ಮುಗಿದ ನಂತರ ತಂಡದ ಸದಸ್ಯರ ಬಳಿಗೆ ಬಂದು ನೀರು ಕೊಡುವುದು ಚಹಾಲ್ ಅವರ ಜವಾಬ್ದಾರಿಯಾಗಿತ್ತು. ಚಹಾಲ್ ಬಹುಶಃ ನೀರು ತರುವ ಬದಲು ಡಗ್‌ಔಟ್‌ನಲ್ಲಿ ಕುಳಿತುಕೊಂಡಿದ್ದರು ಎಂದು ಹೇಳಲಾಗುತ್ತಿದೆ. ಇದಕ್ಕಾಗಿ ಸಿಟ್ಟಾದ ಹಾರ್ದಿಕ್​ ಕೋಪಗೊಂಡಿದ್ದಾರೆ ಎಂದು ವರದಿಯಾಗಿದೆ.


ಅಷ್ಟಕ್ಕೂ ಚಹಾಲ್ ಮಾಡಿದ ತಪ್ಪೇನು?:


ಹಾರ್ದಿಕ್ ಪಾಂಡ್ಯ ಅವರಿಗೆ ನೀರಿನ ಅಗತ್ಯವಿತ್ತು. ಇದೇ ಕಾರಣಕ್ಕೆ ಯುಜುವೇಂದ್ರ ಚಾಹಲ್ ಅವರನ್ನು ನೀರಿಗಾಗಿ ಕರೆದಿದ್ದಾರೆ. ನೀರು ಸಿಗದಿದ್ದಕ್ಕೆ ಹಾರ್ದಿಕ್ ಕೋಪಗೊಂಡಿದ್ದು, ಯುಜುವೇಂದ್ರ ಚಾಹಲ್ ಅವರಿಗೆ ಕೆಟ್ಟದಾಗಿ ಬೈದಿದ್ದಾರೆ. ಇದು ಸ್ಟಂಪ್​ ಮೈಕ್​ನಲ್ಲಿ ರೆಕಾರ್ಡ್​ ಆಗಿದೆ. ವಿಡಿಯೋ ವೈರಲ್ ಆದಂದಿನಿಂದ ಹಾರ್ದಿಕ್ ವರ್ತನೆಗೆ ಅಭಿಮಾನಿಗಳು ಅಸಮಾಧಾನ ವ್ಯಕ್ತಪಡಿಸುತ್ತಿದ್ದಾರೆ. ನ್ಯೂಸ್ 18 ಈ ವೀಡಿಯೊವನ್ನು ಬಳಸುವುದಿಲ್ಲ. ವೀಡಿಯೊದಲ್ಲಿ ಮಾತನಾಡಿರುವ ರೀತಿಯ ಪದಗಳನ್ನು ಬಳಸಿರುವುದರಿಂದ ನಾವು ಅದನ್ನು ಹಂಚಿಕೊಳ್ಳಲು ಸಾಧ್ಯವಿಲ್ಲ.


ಇದನ್ನೂ ಓದಿ: Naomi Osaka: ಮದುವೆ ಆಗದೇ ಗರ್ಭಿಣಿಯಾಗ್ತಿದ್ದಾರೆ 25ರ ಹರೆಯದ ಆಟಗಾರ್ತಿ, ಸಂತಸದ ಸುದ್ದಿ ಕೇಳಿ ಫ್ಯಾನ್ಸ್‌ ಶಾಕ್!


ಸರಣಿ ಗೆದ್ದ ಟೀಂ ಇಂಡಿಯಾ:


ಇನ್ನು, ಭಾರತ ತಂಡವು ಶ್ರೀಲಂಕಾ ವಿರುದ್ಧದ 3 ಪಂದ್ಯಗಳ ಸರಣಿಯಲ್ಲಿ ಇನ್ನೂ 1 ಪಂದ್ಯ ಬಾಕಿ ಇರುವಂತೆಯೇ 2-0 ಅಂತರದಿಂದ ಸರಣಿಯನ್ನು ಗೆದ್ದಿದೆ. ಇಂದು ನಡೆದ ಪಂದ್ಯದಲ್ಲಿ ನಾಯಕ ರೋಹಿತ್ ಶರ್ಮಾ 17 ರನ್ ಮತ್ತು ಶುಭ್​ಮನ್ ಗಿಲ್ 21 ರನ್ ಗಳಿಸಿ ವಿಕೆಟ್ ಒಪ್ಪಿಸಿದರು. ಬಳಿಕ ಬಂದ ವಿರಾಟ್ ಕೊಹ್ಲಿ ಸಹ ಕೇವಲ 4 ರನ್ ಗಳಿಸಿ ಔಟ್​ ಆದರು. ಆದರೆ ಕನ್ನಡಿಗ ಕೆಎಲ್ ರಾಹುಲ್​ 103 ಎಸೆತದಲ್ಲಿ 64 ರನ್ ಗಳಿಸುವ ಮೂಲಕ ತಂಡದ ಗೆಲುವುನಲ್ಲಿ ಪ್ರಮುಖ ಪಾತ್ರವಹಿಸಿದರು. ಉಳಿದಂತೆ ಶ್ರೇಯಸ್​ ಅಯ್ಯರ್ 28 ರನ್, ಹಾರ್ದಿಕ್ ಪಾಂಡ್ಯ 36 ರನ್, ಅಕ್ಷರ್ ಪಟೇಲ್ 21 ರನ್ ಮತ್ತು ಕುಲ್​ದೀಪ್​ ಯಾದವ್ 10 ರನ್ ಗಳಿಸಿದರು.

Published by:shrikrishna bhat
First published:

ಸುದ್ದಿ 18ಕನ್ನಡ ಟ್ರೆಂಡಿಂಗ್

ಮತ್ತಷ್ಟು ಓದು