• Home
  • »
  • News
  • »
  • sports
  • »
  • India vs Sri Lanka, 2nd ODI: ಕನ್ನಡಿಗ ಭರ್ಜರಿ ಬ್ಯಾಟಿಂಗ್​, ಟೀಂ ಇಂಡಿಯಾಗೆ ಸರಣಿ ಜಯ

India vs Sri Lanka, 2nd ODI: ಕನ್ನಡಿಗ ಭರ್ಜರಿ ಬ್ಯಾಟಿಂಗ್​, ಟೀಂ ಇಂಡಿಯಾಗೆ ಸರಣಿ ಜಯ

ಭಾರತ ತಂಡಕ್ಕೆ ಜಯ

ಭಾರತ ತಂಡಕ್ಕೆ ಜಯ

India vs Sri Lanka, 2nd ODI: ಭಾರತ ತಂಡ 43.2 ಓವರ್​ಗಳಲ್ಲಿ 6 ವಿಕೆಟ್​ ನಷ್ಟಕ್ಕೆ 219 ರನ್ ಗಳಿಸುವ ಮೂಲಕ 4 ವಿಕೆಟ್​ಗಳ ಜಯ ದಾಖಲಿಸಿತು. ಈ ಮೂಲಕ ಟೀಂ ಇಂಡಿಯಾ 3 ಸರಣಿಯಲ್ಲಿ 2-0 ಅಂತರದಿಂದ ಸರಣಿ ಕೈವಶ ಮಾಡಿಕೊಂಡಿದೆ.

  • Share this:

ಭಾರತ ಮತ್ತು ಶ್ರೀಲಂಕಾ (IND vs SL) ನಡುವೆ ಎರಡನೇ ಏಕದಿನ ಪಂದ್ಯ ಕೋಲ್ಕತ್ತಾದ ಐತಿಹಾಸಿಕ ಈಡನ್ ಗಾರ್ಡನ್ಸ್ ಕ್ರೀಡಾಂಗಣದಲ್ಲಿ (Eden Gardens) ನಡೆಯಿತು. ಟಾಸ್ ಗೆದ್ದ  216 ರನ್​ಗಳ ಟಾರ್ಗೆಟ್​ ನೀಡಿತು. ಈ ಮೊತ್ತ ಬೆನ್ನಟ್ಟಿದ ಭಾರತ ತಂಡ 43.2 ಓವರ್​ಗಳಲ್ಲಿ 6 ವಿಕೆಟ್​ ನಷ್ಟಕ್ಕೆ 219 ರನ್ ಗಳಿಸುವ ಮೂಲಕ 4 ವಿಕೆಟ್​ಗಳ ಜಯ ದಾಖಲಿಸಿತು. ಈ ಮೂಲಕ ಟೀಂ ಇಂಡಿಯಾ 3 ಸರಣಿಯಲ್ಲಿ 2-0 ಅಂತರದಿಂದ ಸರಣಿ ಕೈವಶ ಮಾಡಿಕೊಂಡಿದೆ.


ಟೀಂ ಇಂಡಿಯಾಗೆ ಆಸರೆಯಾದ ಕನ್ನಡಿಗ:


ಕಳೆದ ಪಂದ್ಯದಲ್ಲಿ ಅಬ್ಬರಿಸಿದ್ದ ಆರಂಭಿಕರು ಇಂದು ಬೇಗ ಫೇವೆಲಿಯನ್​ ಸೇರಿದರು. ನಾಯಕ ರೋಹಿತ್ ಶರ್ಮಾ 17 ರನ್ ಮತ್ತು ಶುಭ್​ಮನ್ ಗಿಲ್ 21 ರನ್ ಗಳಿಸಿ ವಿಕೆಟ್ ಒಪ್ಪಿಸಿದರು. ಬಳಿಕ ಬಂದ ವಿರಾಟ್ ಕೊಹ್ಲಿ ಸಹ ಕೇವಲ 4 ರನ್ ಗಳಿಸಿ ಔಟ್​ ಆದರು. ಆದರೆ ಕನ್ನಡಿಗ ಕೆಎಲ್ ರಾಹುಲ್​ 103 ಎಸೆತದಲ್ಲಿ 64 ರನ್ ಗಳಿಸುವ ಮೂಲಕ ತಂಡದ ಗೆಲುವುನಲ್ಲಿ ಪ್ರಮುಖ ಪಾತ್ರವಹಿಸಿದರು. ಉಳಿದಂತೆ ಶ್ರೇಯಸ್​ ಅಯ್ಯರ್ 28 ರನ್, ಹಾರ್ದಿಕ್ ಪಾಂಡ್ಯ 36 ರನ್, ಅಕ್ಷರ್ ಪಟೇಲ್ 21 ರನ್ ಮತ್ತು ಕುಲ್​ದೀಪ್​ ಯಾದವ್ 10 ರನ್ ಗಳಿಸಿದರು.



ಸಂಘಟಿತ ಬೌಲಿಂಗ್​ ದಾಳಿ ಮಾಡಿದ ಶ್ರೀಲಂಕಾ:


ಇನ್ನು, ಶ್ರೀಲಂಕಾ ಕಡಿಮೆ ಮೊತ್ತದ ಟಾರ್ಗೆಟ್​ ನೀಡಿದರೂ ಭಾರತವನ್ನು ಕಟ್ಟಿಹಾಕುವಲ್ಲಿ ಒಂದು ಹಂತದಲ್ಲಿ ಯಶಸ್ವಿಯಾಗಿತ್ತು ಎಂದು ಹೇಳಬಹುದು. ಲಂಕಾ ಪರ ಕುಸನ್ ರಾಜಿತ ಕುಮಾರ, ಚಾಮಿಕ ಕರುಣಾರತ್ನೆ ತಲಾ 2 ವಿಕೆಟ್​ ಪಡೆದು ಮಿಂಚಿದರೆ, ಧನಂಜಯ್ ಡಿ ಸಿಲ್ವಾ ಮತ್ತು ಕುಸಾಲ್​ ರಂಜಿತ್​ ತಲಾ 1 ವಿಕೆಟ್​ ಪಡೆದರು.


ಬ್ಯಾಟಿಂಗ್​ನಲ್ಲಿ ಎಡವಿದ ಶ್ರೀಲಂಕಾ:


ಇನ್ನು, ಟಾಸ್​ ಗೆದ್ದು ಮೊದಲು ಬ್ಯಾಟ್​ ಮಾಡಿದ ಶ್ರೀಲಂಕಾ ತಂಡವು 39.4 ಓವರ್​ಗಳಲ್ಲಿ 10 ವಿಕೆಟ್​ ನಷ್ಟಕ್ಕೆ 215 ರನ್ ಗಳಿಸಿತು. ಕುಸಲ್ ಮೆಂಡಿಸ್ 34 ರನ್, ಅವಿಷ್ಕ ಫೆರ್ನಾಂಡೋ 20 ರನ್, ಚರಿತ್ ಅಸಲಂಕಾ 15 ರನ್, ಧನಂಜಯ್ ಡಿ ಸಿಲ್ವಾ ಶೂನ್ಯ, ನುವಾನಿಡು ಫೆರ್ನಾಂಡೋ 50 ರನ್, ನಾಯಕ ದಸುನ್ ಶಾನಕ 2 ರನ್, ವನಿಂದು ಹಸರಂಗ 21 ರನ್, ಚಾಮಿಕ ಕರುಣಾರತ್ನೆ 17 ರನ್,  ದುನಿತ್ ವೆಲಾಲಗೆ 32 ರನ್, ಕುಸನ್ ರಾಜಿತ ಕುಮಾರ 17 ರನ್ ಮತ್ತು ಕೊನೆಯಲ್ಲಿ ಲಹೀರು ಕುಮಾರಾ ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದರು.


ಇದನ್ನೂ ಓದಿ: Dhoni-Kohli: ಕೊಹ್ಲಿ, ಧೋನಿಯ ಪುಟ್ಟ ಮಕ್ಕಳ ಬಗ್ಗೆ ಅಶ್ಲೀಲ ಕಾಮೆಂಟ್! ಕಿಡಿಗೇಡಿಗಳ ವಿರುದ್ಧ ಮಹಿಳಾ ಆಯೋಗ ಗರಂ


ನಂಬಿಕೆ ಉಳಿಸಿಕೊಂಡ ಕುಲ್​ದೀಪ್ ಯಾದವ್:


ಇನ್ನು, ಟಾಸ್​ ಸೋತು ಮೊದಲು ಬೌಲಿಂಗ್ ಮಾಡಿದ ಭಾರತ ತಂಡಕ್ಕೆ ಇಂದು ಸಿರಾಜ್​ ಮತ್ತು ಕುಲ್​ದೀಪ್​ ಭಾರತದ ಪರ ಭರ್ಜರಿ ಬೌಲಿಂಗ್ ಮಾಡಿದರು. ಮೊಹಮ್ಮದ್ ಸಿರಾಜ್​ 5.4 ಓವರ್​ ಮಾಡಿ 30 ರನ್ ನೀಡಿ 3 ವಿಕೆಟ್ ಪಡೆದರೆ, ಕುಲ್​ದೀಪ್ ಯಾದವ್ 10 ಓವರ್ ಮಾಡಿ 51 ರನ್ ನೀಡಿ 3 ವಿಕೆಟ್ ಪಡೆದರು. ಉಳಿದಂತೆ ಉಮ್ರಾನ್ ಮಲಿಕ್ 2 ವಿಕೆಟ್ ಮತ್ತು ಅಕ್ಷರ್ ಪಟೇಲ್ 1 ವಿಕೆಟ್ ಪಡೆದು ಮಿಂಚಿದರು. ಇಂದು ಚಹಾಲ್​ ಬದಲಿಗೆ ಕುಲ್​ದೀಪ್​ ಯಾದವ್ ಅವರಿಗೆ ರೋಹಿತ್ ಶರ್ಮಾ ಅವಕಾಶ ನೀಡಿದ್ದರು. ಸಿಕ್ಕ ಅವಕಾಶವನ್ನು ಯಾದವ್​ ಸರಿಯಾಗಿ ಬಳಿಸಿಕೊಂಡಿದ್ದಾರೆ.

Published by:shrikrishna bhat
First published: