IND vs SA: ಟೀಂ ಇಂಡಿಯಾ ಗೆಲುವಿಗೆ ವರುಣನ ಅಡ್ಡಿ, ಭಾರತ - ಆಫ್ರಿಕಾ ಪಂದ್ಯ ರದ್ದು

ಭಾರತ ಮತ್ತು ದಕ್ಷಿಣ ಆಫ್ರಿಕಾ (IND vs SA) ನಡುವಿನ ಐದನೇ ಹಾಗೂ ಕೊನೆಯ ಟಿ20 (5th T20) ಪಂದ್ಯವು ಮಳೆಯಿಂದಾಗಿ ರದ್ದಾಗಿದೆ. ಹೀಗಾಗಿ ಉಭಯ ತಂಡಗಳು ಈಗಾಗಲೇ ಸರಣಿಯಲ್ಲಿ 2-2ರ ಸಮಬಲ ಸಾದಿಸಿರುವುದರಿಂದ ಸರಣಿಯನ್ನು ಎರಡೂ ತಂಡಗಳಿಗೂ ಹಂಚಿಕೆ ಮಾಡಲಾಗಿದೆ. ಇಂದು ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ (M Chinnaswamy Stadium) ಪಂದ್ಯ ನಡೆಯಬೇಕಿತ್ತು. ಆದರೆ ಬೆಂಗಳೂರಿನಲ್ಲಿ ಸತತ ಮಳೆಯ ಕಾರಣದಿಂದಾಗಿ ಪಂದ್ಯವನ್ನು ಅಧಿಕೃತವಾಗಿ ರದ್ದು ಮಾಡಿರುವುದಾಗಿ ಬಿಸಿಸಿಐ ತಿಳಿಸಿದೆ.  ಇನ್ನು, ಸತತ 2 ಗೆಲುವುಗಳನ್ನು ಕಂಡಿರುವ ರಿಷಭ್ ಪಂತ್ (Rishabh pant) ನಾಯಕತ್ವದ ಟೀಂ ಇಂಡಿಯಾ ಇಂದಿನ ಪಂದ್ಯವನ್ನು ಗೆಲ್ಲುವ ಮೂಲಕ ಸರಣಿಯನ್ನು ಕೈವಶ ಮಾಡಿಕೊಳುವ ತವಕದಲ್ಲಿತ್ತು.

ಮಳೆಯಿಂದ ಉಭಯ ತಂಡಗಳಿಗೆ ಸರಣಿ ಹಂಚಿಕೆ:

ಇನ್ನು, ಬೆಂಗಳೂರಲ್ಲಿ ಆರಂಭವಾಗಿದ್ದ ಭಾರತ ಮತ್ತು ದಕ್ಷಿಣ ಆಫ್ರಿಕಾ ಸರಣಿಯ ಕೊನೆ ಪಂದ್ಯವು ಮಳೆಯಿಂದಾಗಿ ರದ್ದಾಗಿದೆ. ಈ ಕುರಿತುತು ಬಿಸಿಸಿಐ ಮಾಹಿತಿ ನೀಡಿದ್ದು, ಸರಣಿಯನ್ನು ಈಗಾಗಲೇ ಉಭಯ ತಂಡಗಳು 2-2 ರಿಂದ ಸಮಬಲ ಸಾಧಿಸಿರುವುದರಿಂದ ಎರಡೂ ತಂಡಗಳಿಗೂ ಸರಣಿಯ ಫಲಿತಾಂಶವನ್ನು ಹಂಚಿಕೆ ಮಾಡಲಾಗಿದೆ. ಇದರಿಂದಾಗಿ 2011ರಿಂದ ದಕ್ಷಿಣ ಆಫ್ರಿಕಾ ಭಾರತದ ನೆದಲ್ಲಿ ಯಾವುದೇ ಟಿ20 ಸರಣಿಯನ್ನೂ ಸೋಲದ ದಾಖಲೆಯನ್ನು ಹಾಗೆಯೇ ಉಳಿಸಿಕೊಂಡಿದೆ.

🚨 Update 🚨

Play has heen officially called off.

The fifth & final @Paytm #INDvSA T20I has been abandoned due to rain. #TeamIndia pic.twitter.com/tQWmfaK3SV

— BCCI (@BCCI) June 19, 2022

ಟಾಸ್ ಸೋತು ಮೊದಲು ಬ್ಯಾಟಿಂಗ್ ಆರಂಭಿಸಿರುವ ಭಾರತ ತಂಡ 3.3 ಓವರ್​ ಗಳಲ್ಲಿ 28 ರನ್ ಗೆ 2 ವಿಕೆಟ್ ಕಳೆದುಕೊಂಡಿತು. ಮಳೆಯ ಕಾರಣ ಪಂದ್ಯವನ್ನು 19 ಓವರ್​ಗಳಿಗೆ ಸೀಮಿತಗೊಳಿಸಲಾಗಿತ್ತು. ಆದರೆ ಮಳೆ ನಿಲ್ಲದ ಕಾರಣ ಪಂದ್ಯವು ಅಂತಿಮವಾಗಿ ರದ್ದುಪಡಿಸಲಾಗಿದ ಎಂದು ಬಿಸಿಸಿಐ ಘೋಷಿಸಿತು. ದಕ್ಷಿಣ ಆಫ್ರಿಕಾ ಪರ ಲುಂಗಿ ನಿಗಾಡಿ 2 ವಿಕೆಟ್ ಪಡೆದುಕೊಂಡರೆ, ಭಾರತದ ಪರ ಇಶಾನ್ ಕಿಶನ್ 15 ರನ್, ರುತುರಾಜ್ ಗಾಯಕ್ವಾಡ 10 ಮತ್ತು ರಿಷಭ್ ಪಂತ್ 1 ರನ್ ಗಳಿಸಿದ್ದರು.

ಇದನ್ನೂ ಓದಿ: Yuvraj Singh: ತಂದೆಯರ ದಿನದಂದು ಮಗನ ಫೋಟೋ ಹಂಚಿಕೊಂಡ ಯುವರಾಜ್ ಸಿಂಗ್, ಮಗುವಿನ ಹೆಸರೇನು ಗೊತ್ತಾ?Yuvraj Singh: ತಂದೆಯರ ದಿನದಂದು ಮಗನ ಫೋಟೋ ಹಂಚಿಕೊಂಡ ಯುವರಾಜ್ ಸಿಂಗ್, ಮಗುವಿನ ಹೆಸರೇನು ಗೊತ್ತಾ?