T20 WC 2022 IND vs PAK: ಭಾರತೀಯರಿಗೆ ದೀಪಾವಳಿ ಗಿಫ್ಟ್ ಕೊಟ್ಟ ಟೀಂ ಇಂಡಿಯಾ, ಪಾಕ್​ ಎದುರು ಮತ್ತೆ ಅಬ್ಬರಿಸಿದ ಕಿಂಗ್ ಕೊಹ್ಲಿ

ಇಂದು ಟಿ20 ವಿಶ್ವಕಪ್​ನ (T20 WC 2022) ಸೂಪರ್ 12 ಹಂತದ 3ನೇ ಪಂದ್ಯದಲ್ಲಿ ಭಾರತ ಮತ್ತು ಪಾಕಿಸ್ತಾನ (IND vs PAK) ತಂಡಗಳು ಮುಖಾಮುಖಿ ಆದವು. ಮೊದಲು ಬ್ಯಾಟಿಂಗ್​ ಮಾಡಿದ ಪಾಕಿಸ್ತಾನ ತಂಡವು ನಿಗದಿತ 20 ಓವರ್​ ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ  159 ರನ್ ಗಳಿಸಿತು. ಈ ಮೊತ್ತ ಬೆನ್ನಟ್ಟಿದ ಭಾರತ ತಂಡವು 20 ಓವರ್​ ಗಳಲ್ಲಿ 6  ವಿಕೆಟ್ ನಷ್ಟಕ್ಕೆ 160 ರನ್ ಗಳಿಸುವ ಮೂಲಕ ಗೆಲುವು ದಾಖಲಿಸಿತು. ಈ ಮೂಲಕ ಪಾಕಿಸ್ತಾನ ಎದುರು ಭಾರತ ತಂಡ 4 ವಿಕೆಟ್​ಗಳ ರೋಚಕ ಜಯ ದಾಖಲಿಸಿತು.

ಅಬ್ಬರಿಸಿದ ಕಿಂಗ್​ ಕೊಹ್ಲಿ:

ಕಿಂಗ್​ ಕೊಹ್ಲಿ ಇಂದು ಪಾಕ್ ಎದುರು ಭರ್ಜರಿ ಬ್ಯಾಟಿಂಗ್​ ಮಾಡಿದರು. ಸಂಕಷ್ಟದ ಸಮಯದಲ್ಲಿ ವಿರಾಟ್ ಕೊಹ್ಲಿ ಮತ್ತು ಹಾರ್ದಿಕ್ ಪಾಂಡ್ಯ ಉತ್ತಮ 100 ರನ್ ಗಳ ಜೊತೆಯಾಟ ಆಡುವ ಮೂಲಕ ತಂಡಕ್ಕೆ ಗೆಲುವನ್ನು ತಂದುಕೊಟ್ಟರು. ವಿರಾಟ್ ಕೊಹ್ಲಿ 53 ಬೌಲ್​ಗೆ 4 ಸಿಕ್ಸ್ 6 ಬೌಂಡರಿ ಮೂಲಕ 82 ರನ್ ಗಳಿಸಿ ಔಟಾಗದೇ ಉಳಿದರು. ಹಾರ್ದಿಕ್ ಪಾಂಡ್ಯ 37 ಎಸೆತದಲ್ಲಿ 2 ಸಿಕ್ಸ್ ಮತ್ತು 1 ಬೌಂಡರಿ ಮೂಲಕ 40 ರನ್ ಗಳಸಿದರು.

The KING is back 👑

Take a bow, Virat Kohli 🙌#T20WorldCup | #INDvPAK pic.twitter.com/OdAnbmso0h

— ICC (@ICC) October 23, 2022

ನಸೀಮ್​ ಶಾ ಬೌಲಿಂಗ್​ ನಲ್ಲಿ ರಾಹುಲ್​ ಕೇವಲ 4 ರನ್ ಗಳಿಸಿ ಔಟ್​ ಆದರೆ ನಾಯಕ ರೋಹಿತ್ ಶರ್ಮಾ ಹಾರೀಸ್​ ಹ್ಯಾರಿಸ್ ರೌಫ್ ಎಸೆತದಲ್ಲಿ ಕ್ಯಾಚ್ ನೀಡಿ 4 ರನ್ ಗಳಿಸಿ ವಿಕೆಟ್ ಒಪ್ಪಿದರು. ನಂತರ ಬಂದ ಸೂರ್ಯಕುಮಾರ್ ಯಾದವ್ ಮೇಲೆ ಸಾಕಷ್ಟು ನಿರೀಕ್ಷೆಗಳಿದ್ದವು. ಅಲ್ಲದೇ ಆರಂಭದಲ್ಲಿ ವೇಗವಾಗಿ ಆಡಿದ ಅವರು 10 ಬೌಲ್​ಗೆ 2 ಪೋರ್​ ಸಿಡಿಸಿ 15 ರನ್ ಗಳಿಸಿ ಹ್ಯಾರಿಸ್ ರೌಫ್ ಗೆ ವಿಕೆಟ್​ ಒಪ್ಪಿಸಿದರೆ ಅಕ್ಷರ್ ಪಟೇಲ್​ 2 ರನ್ ಗಳಿಸಿ ರನೌಟ್​ ಆದರು.

ಇದನ್ನೂ ಓದಿ: T20 WC 2022 IND vs PAK: ರಾಷ್ಟ್ರ ಗೀತೆ ಹಾಡುವಾಗ ಕಣ್ಣೀರಿಟ್ಟ ರೋಹಿತ್ ಶರ್ಮಾ!

ಅದ್ಭುತ ಬೌಲಿಂಗ್ ದಾಳಿ ಮಾಡಿದ ಭಾರತ:

ಇನ್ನು, ಟಾಸ್​ ಗೆದ್ದು ಮೊದಲು ಬೌಲಿಂಗ್ ಮಾಡಿದ ಭಾರತ ತಂಡ ಉತ್ತಮ ದಾಳಿ ಮಾಡಿತು. ಭಾರತದ ಪರ ಅರ್ಷದೀಪ್ ಸಿಂಗ್ 4 ಓವರ್ ಮಾಡಿ 32 ರನ್ ನೀಡಿ 3 ವಿಕೆಟ್​ ಹಾಗೂ ಹಾರ್ದಿಕ್ ಪಾಂಡ್ಯ ಸಹ 4 ಓವರ್​ಗೆ 30 ರನ್ ನೀಡಿ 3 ವಿಕೆಟ್ ಪಡೆದು ಮಿಂಚಿದರು. ಉಳಿದಂತೆ ಭುವನೇಶ್ವರ್ ಕುಮಾರ್ ಮತ್ತು ಮೊಹಮ್ಮದ್ ಶಮಿ ತಲಾ 1 ವಿಕೆಟ್ ಪಡೆದರು. ಈ ಮೂಲಕ ಪಾಕಿಸ್ತಾನ ತಂಡವನ್ನು ಅಲ್ಪ ಮೊತ್ತಕ್ಕೆ ಕಟ್ಟಿಹಾಕುವಲ್ಲಿ ಭಾರತ ಯಶಸ್ವಿಯಾಯಿತು.

ಇದನ್ನೂ ಓದಿ: T20 World Cup 2022 IND vs PAK: ಪಾಕಿಸ್ತಾನದಲ್ಲಿ ರೋಹಿತ್ ಶರ್ಮಾಗೆ ಹೀಗೆ ಕರೆಯುತ್ತಾರಂತೆ, ಕೇಳಿದ್ರೆ ಅಚ್ಚರಿ ಪಡ್ತೀರಾ!

ಪಾಂಡ್ಯಾ -ಅರ್ಷದೀಪ್​ ಬೆಂಕಿ ಬೌಲಿಂಗ್​ಗೆ ತತ್ತರಿಸಿದ್ದ ಪಾಕ್:

ಅರ್ಷದೀಪ್​ ಸಿಂಗ್​ ಪಾಕಿಸ್ತಾನದ ನಾಯಕ ಬಾಬರ್ ಅಜಮ್ ಅವರನ್ನು ಎಲ್​ಬಿ ಮಾಡುವ ಮೂಲಕ ಶೂನ್ಯಕ್ಕೆ ಫೇವೆಲಿಯನ್ ಕಳಿಸಿದರು.  ಮೊಹಮ್ಮದ್ ರಿಜ್ವಾನ್ ಅವರು ಅರ್ಷದೀಪ್​ ಬೌಲಿಂಗ್​ನಲ್ಲಿ ಭುವನೇಶ್ವರ್ ಕುಮಾರ್ ಗೆ ಕ್ಯಾಚ್ ನೀಡಿ 4 ರನ್ ಗಳಿಸಿ ಔಟಾದರು. ಉಳಿದಂತೆ ಶಾಬಾಜ್ ಖಾನ್ 5 ರನ್ ಮತ್ತು ಹೈದರ್ ಅಲಿ ಸಹ 2 ರನ್, ಇಫ್ತಿಖರ್ ಅಹ್ಮದ್  34 ಎಸೆತದಲ್ಲಿ 2 ಬೌಂಡರಿ ಜೊತೆ 4 ಸಿಕ್ಸ್ ಸಿಡಿಸಿ 51 ರನ್ ಗಳಿಸುವ ಮೂಲಕ ತಂಡಕ್ಕೆ ನೆರವಾಗಿದ್ದರು. ಇವರ ಜೊತೆ ಶಾನ್ ಮಸೂದ್ 42 ಬೌಲ್​ಗೆ 5 ಫೊರ್ ಗಳ ಮೂಲಕ 52 ರನ್ ಗಳಿಸಿದ್ದರು. ಆದರೆ ಪಾಂಡ್ಯ ಮತ್ತು ಅರ್ಷದೀಪ್ ದಾಳಿಗೆ ಪಾಕ್ ತತ್ತರಿಸಿತ್ತು.