IND vs NZ: ನ್ಯೂಜಿಲ್ಯಾಂಡ್​ ವಿರುದ್ಧ ಭಾರತಕ್ಕೆ ರೋಚಕ ಜಯ, ಬ್ರೇಸ್‌ವೆಲ್ ಏಕಾಂಗಿ ಹೋರಾಟ ವ್ಯರ್ಥ

ಭಾರತ ಮತ್ತು ನ್ಯೂಜಿಲ್ಯಾಂಡ್ (IND vs NZ)​ ನಡುವಿನ 3 ಪಂದ್ಯಗಳ ಏಕದಿನ ಸರಣಿಯ ಮೊದಲ ಪಂದ್ಯ ಇಂದು ಹೈದರಾಬಾದ್‌ನ ರಾಜೀವ್ ಗಾಂಧಿ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ (Rajiv Gandhi International Cricket Stadium, Hyderabad) ನಡೆಯಿತು. ಈ ಪಂದ್ಯದಲ್ಲಿ ಟಾಸ್​ ಗೆದ್ದು ಮೊದಲು ಬ್ಯಾಟ್​ ಮಾಡಿದ ಭಾರತ ಕಿವೀಸ್​ ತಂಡಕ್ಕೆ 350 ರನ್​ಗಳ ಟಾರ್ಗೆಟ್ ನೀಡಿತು. ಈ ಮೊತ್ತ ಬೆನ್ನಟ್ಟಿದ ನ್ಯೂಜಿಲ್ಯಾಂಡ್​ ತಂಡವು ನಿಗದಿತ 49.2 ಓವರ್​ಗಳಲ್ಲಿ 10 ವಿಕೆಟ್ ನಷ್ಟಕ್ಕೆ 337 ರನ್​ಗಳಿಸುವ ಮೂಲಕ 12 ರನ್​ಗಳಿಂದ ಸೋಲನ್ನಪ್ಪಿತು. ಈ ಮೂಲಕ ಭಾರತ 3 ಪಂದ್ಯಗಳ ಸರಣಿಯಲ್ಲಿ 1-0 ಮುನ್ನಡೆ ಸಾಧಿಸಿದೆ. 

ವ್ಯರ್ಥವಾದ ಬ್ರೇಸ್‌ವೆಲ್ ಏಕಾಂಗಿ ಹೋರಾಟ:

ಇನ್ನು, ಭಾರತ ನೀಡಿದ ಟಾರ್ಗೆಟ್ ಬೆನ್ನತ್ತಿದ ಕಿವೀಸ್​ 49.2 ಓವರ್​ಗಳಲ್ಲಿ 10 ವಿಕೆಟ್ ನಷ್ಟಕ್ಕೆ 337 ರನ್​ಗಳಿಸುವ ಮೂಲಕ 12 ರನ್​ಗಳಿಂದ ಸೋಲನ್ನಪ್ಪಿತು. ನ್ಯೂಜಿಲ್ಯಾಂಡ್​ ಆರಂಭದಲ್ಲಿ ಪಟಟಪನೇ ವಿಕೆಟ್​ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ಆದರೆ ಆಲ್​ರೌಂಡರ್​ ಮೈಕೆಲ್ ಬ್ರೇಸ್‌ವೆಲ್ ಅದ್ಭುತ ಶತಕದ ಬಳಿಕ ತಂಡ ಗೆಲುವಿನ ಸನಿಹಕ್ಕೆ ಬಂದಿತ್ತು. ಬ್ರೇಸ್‌ವೆಲ್ 78 ಎಸೆತದಲ್ಲಿ 10 ಸಿಕ್ಸ್ ಮತ್ತು 12 ಪೋರ್​ ಮೂಲಕ 140 ರನ್ ಗಳಿಸಿದರು. ಉಳಿದಂತೆ, ಕಿವೀಸ್​ ಪರ ಫಿನ್ ಅಲೆನ್ 40 ರನ್, ಡೆವೊನ್ ಕಾನ್ವೇ 10 ರನ್, ಹೆನ್ರಿ ನಿಕೋಲ್ಸ್ 18 ರನ್, ಡೇರಿಲ್ ಮಿಚೆಲ್ 9 ರನ್, ಟಾಮ್ ಲ್ಯಾಥಮ್ 24 ರನ್, ಗ್ಲೆನ್ ಫಿಲಿಪ್ಸ್ 11 ರನ್, ಮಿಚೆಲ್ ಸ್ಯಾಂಟ್ನರ್ 57 ರನ್, ಸಿಪಲ್ ಶೂನ್ಯ, ಲಾಕಿ ಫರ್ಗುಸನ್ 8 ರನ್ ಗಳಿಸಿದರು.

Michael Bracewell's heroic innings goes in vain as India edge the Kiwis in a high-scoring ODI in Hyderabad 🤯#INDvNZ | 📝: https://t.co/raJtMjMaEn pic.twitter.com/S3TU8hLGMr

— ICC (@ICC) January 18, 2023

ಇನ್ನು, ಟೀಂ ಇಂಡಿಯಾ ಪರ ಭವಲರ್​ಗಳು ಸಂಘಟಿತ ಬೌಲಿಂಗ್ ದಾಳಿ ನಡೆಸುವ ಮೂಲಕ ನ್ಯೂಜಿಲ್ಯಾಂಡ್​ ತಂಡಕ್ಕೆ ಆರಂಭಿಕ ಹಂತದಲ್ಲಿಯೇ ಆಘಾತ ನೀಡಿತು. ಭಾರತದ ಪರ ಮೊಹಮ್ಮದ್ ಸಿರಾಜ್ 10 ಓವರ್​ ಎಸೆದು 46 ರನ್ ನೀಡಿ ಪ್ರಮುಖ 4 ವಿಕೆಟ್​ ತೆಗೆದು ಮಿಂಚಿದರು. ಉಳಿದಂತೆ, ಕುಲ್​ದೀಪ್​ ಯಾದವ್ 2 ವಿಕೆಟ್​, ಮೊಹಮ್ಮದ್ ಶಮಿ, ಹಾರ್ದಿಕ್ ಪಾಂಡ್ಯ ಮತ್ತು ಶಾರ್ದೂಲ್ ಠಾಕೂರ್ ತಲಾ 1 ವಿಕೆಟ್ ಪಡೆದು ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.

ಇದನ್ನೂ ಓದಿ: IND vs NZ 1st ODI: ಹಾರ್ದಿಕ್‌ ನಾಟೌಟ್​ ಆದ್ರೂ ಔಟ್​ ನೀಡಿದ ಅಂಪೈರ್, ಕಣ್ಣು ಮುಚ್ಚಿ ಅಂಪೈರಿಂಗ್ ಮಾಡ್ತಿದ್ದೀರಾ ಎಂದ ಫ್ಯಾನ್ಸ್

ಶುಭ್​ಮನ್ ಗಿಲ್​ ಭರ್ಜರಿ ದ್ವಿಶತಕ:

ಭಾರತದ ಪರ ಇಂದು ಆರಂಬಿಕರಾಗಿ ಕಣಕ್ಕಿಳಿದ ರೋಹಿತ್ ಶರ್ಮಾ ಮತ್ತೆ ನಿರಾಸೆ ಮೂಡಿಸಿದರು. ಅವರು 38 ಎಸೆತದಲ್ಲಿ 2 ಸಿಕ್ಸ್ ಮತ್ತು 4 ಫೋರ್​ ಮೂಲಕ 34 ರನ್ ಗಳಿಸುವ ಮೂಲಕ ಮತ್ತೆ ಬೇಗ ವಿಕೆಟ್​ ಒಪ್ಪಿಸಿದರು. ಆದರೆ ಯುವ ಆಟಗಾರ ಶುಭ್​ಮನ್ ಗಿಲ್​ ಬ್ಯಾಕ್ ಟು ಬ್ಯಾಕ್ ಶತಕ ಸಿಡಿಸಿ ಮಿಂಚಿದರು. ಅಲ್ಲದೇ ಗಿಲ್​ ಕಿವೀಸ್​ ವಿರುದ್ಧ ದ್ವಿಶತಕ ಸಿಡಿಸಿ ಆರ್ಭಟಿಸಿದರು. ಅವರು, 149 ಬೌಲ್​ಗಳಿಗೆ 9 ಸಿಕ್ಸ್​ ಮತ್ತು 19 ಫೋರ್​ ಮೂಲಕ ಆಕರ್ಷಕ 208 ರನ್​ಗಳಿಸಿದರು. ಉಳಿದಂತೆ ವಿರಾಟ್ ಕೊಹ್ಲಿ 8 ರನ್, ಇಶಾನ್ ಕಿಶನ್ 5 ರನ್, ಸೂರ್ಯಕುಮಾರ್ ಯಾದವ್ 31 ರನ್, ಹಾರ್ದಿಕ್ ಪಾಂಡ್ಯ 28 ರನ್, ವಾಷಿಂಗ್ಟನ್​​ ಸುಂದರ್ 12 ರನ್, ಶಾರ್ದೂಲ್ ಠಾಕೂರ್ 3 ರನ್, ಕುಲ್​ದೀಪ್​ ಯಾದವ್ 5 ರನ್ ಮತ್ತು ಮೊಹಮ್ಮದ್ ಸಿರಾಜ್ 2 ರನ್ ಗಳಿಸಿದರು.

ದಾಖಲೆ ಬರೆದ ಗಿಲ್:

ಇನ್ನು, ದ್ವಿಶತಕದ ಬಳಿಕ ಶುಭ್​ಮನ್ ಗಿಲ್​ ಸಾಲು ಸಾಲು ದಾಖಲೆ ಬರೆದಿದ್ದಾರೆ. ಏಕದಿನ ಮಾದರಿಯಲ್ಲಿ ಅತಿವೇಗವಾಗಿ 1000 ರನ್ ಗಳಿಸಿದ ಭಾರತ ತಂಡದ ಮೊದಲ ಆಟಗಾರ ಎನಿಸಿಕೊಂಡಿದ್ದಾರೆ. ಈ ಹಿಂದೆ ವಿರಾಟ್ ಕೊಹ್ಲಿ ಮತ್ತು ಶಿಖರ್ ಧವನ್ ಹೆಸರಿನಲ್ಲಿ ಈ ವಿಶೇಷ ದಾಖಲೆಯಿತ್ತು. ಈ ಇಬ್ಬರೂ ಆಟಗಾರರು ಕ್ರಮವಾಗಿ 24-24 ಇನ್ನಿಂಗ್ಸ್‌ಗಳಲ್ಲಿ ತಮ್ಮ ಆರಂಭಿಕ 1000 ರನ್‌ಗಳನ್ನು ಪೂರ್ಣಗೊಳಿಸಿದ್ದರು.