IND vs NZ T20: ಕಿವೀಸ್​ ವಿರುದ್ಧ ಟೀಂ ಇಂಡಿಯಾಗೆ ದಾಖಲೆಯ ಜಯ, ಸರಣಿ ಗೆದ್ದು ಬೀಗಿದ ಹಾರ್ದಿಕ್ ಪಡೆ

ಭಾರತ ಮತ್ತು ನ್ಯೂಜಿಲ್ಯಾಂಡ್​ ಟಿ20 ಅಂತಾರಾಷ್ಟ್ರೀಯ ಸರಣಿಯ ಮೂರನೇ ಮತ್ತು ಅಂತಿಮ ಪಂದ್ಯ ಇಂದು ಅಹಮದಾಬಾದ್‌ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ (Narendra Modi Stadium) ನಡೆಯಿತು. ಈ ಪಂದ್ಯದಲ್ಲಿ ಭಾರತ ತಂಡ ಕಿವೀಸ್​ ವಿರುದ್ಧ ಭರ್ಜರಿ ಜಯ ದಾಖಲಿಸುವ ಮೂಲಕ 3 ಪಂದ್ಯಗಳ ಸರಣಿಯನ್ನು 2-1 ಅಂತರದಿಂದ ಗೆದ್ದುಕೊಂಡಿತು. ಭಾರತ ನೀಡಿದ್ದ 235 ರನ್​ಗಳ ಬೃಹತ್ ಮೊತ್ತ ಬೆನ್ನಟ್ಟಿದ ನ್ಯೂಜಿಲ್ಯಾಂಡ್​ ತಂಡವು 12.1 ಓವರ್​ಗಲ್ಲಿ 10 ವಿಕೆಟ್​ ನಷ್ಟಕ್ಕೆ 66 ರನ್​ ಗಳಿಸುವ ಮೂಲಕ ಹೀನಾಯ ಸೋಲನ್ನಪ್ಪಿತು. ಈ ಮೂಲಕ ಭಾರತ ತಂಡ 168 ರನ್​ ಗಳ ಭರ್ಜರಿ ಜಯ ದಾಖಲಿಸಿತು.

ಹಾರ್ದಿಕ್​ ಭರ್ಜರಿ ಬೌಲಿಂಗ್​:

ಇನ್ನು, ಭಾರತೀಯ ಬೌಲರ್​ಗಳು ಇಂದು ಕಿವೀಸ್​ ವಿರುದ್ಧ ಭರ್ಜರಿ ಬೌಲಿಂಗ್​ ದಾಳಿ ನಡೆಸಿದರು. ಟೀಂ ಇಂಡಿಯಾ ಪರ ನಾಯಕ ಹಾರ್ದಿಕ್ ಪಾಂಡ್ಯ 4 ಓವರ್​ ಬಾಲ್ ಮಾಡಿ 16 ರನ್ ನೀಡಿ ಪ್ರಮುಖ 4 ವಿಕೆಟ್​ ಪಡೆದರು. ಉಳಿದಂತೆ ಅರ್ಷದೀಪ್​ ಸಿಂಗ್​, ಉಮ್ರಾನ್ ಮಲಿಕ್ ಮತ್ತು ಶಿವಂ ಮಾವಿ ತಲಾ 2 ವಿಕೆಟ್​ ಪಡೆದು ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.

𝘼𝙣 𝙚𝙢𝙥𝙝𝙖𝙩𝙞𝙘 𝙫𝙞𝙘𝙩𝙤𝙧𝙮!#TeamIndia win the third and final T20I by 1️⃣6️⃣8️⃣ runs and clinch the #INDvNZ series 2️⃣-1️⃣ 👌

Scorecard - https://t.co/1uCKYafzzD #INDvNZ @mastercardindia pic.twitter.com/QXHSx2J19M

— BCCI (@BCCI) February 1, 2023

ಇನ್ನು, ಭಾರತ ನೀಡಿದ ಬೃಹತ್ ಮೊತ್ತದ ಟಾರ್ಗೆಟ್ ಬೆನ್ನಟ್ಟಿದ ನ್ಯೂಜಿಲ್ಯಾಂಡ್​ ತಂಡವು 12.1 ಓವರ್​ಗಲ್ಲಿ 10 ವಿಕೆಟ್​ ನಷ್ಟಕ್ಕೆ 66 ರನ್ ಗಳಿಸಲಷ್ಟೇ ಶಕ್ತವಾಯಿತು. ಈ ಮೂಲಕ 168 ರನ್​ಗಳ ಬೃಹತ್​ ಮೊತ್ತದ ಸೋಲನ್ನು ಅನುಭವಿಸಿತು. ಕಿವೀಸ್​ ಪರ ಫಿನ್ ಅಲೆನ್ 3 ರನ್, ಡೆವೊನ್ ಕಾನ್ವೇ 1 ರನ್, ಮಾರ್ಕ್ ಚಾಪ್ಮನ್ ಶೂನ್ಯ, ಗ್ಲೆನ್ ಫಿಲಿಪ್ಸ್ 2 ರನ್, ಡೇರಿಲ್ ಮಿಚೆಲ್ 35 ರನ್, ಮೈಕೆಲ್ ಬ್ರೇಸ್ವೆಲ್ 8 ರನ್, ಮಿಚೆಲ್ ಸ್ಯಾಂಟ್ನರ್ 13 ರನ್, ಇಶ್ ಸೋಧಿ 0 ರನ್, ಲಾಕಿ ಫರ್ಗುಸನ್ 0 ರನ್, ಬೆನ್ ಲಿಸ್ಟರ್ 0 ರನ್ ಮತ್ತು ಬ್ಲೇರ್ ಟಿಕ್ನರ್ 1 ರನ್ ಗಳಸಲಷ್ಟೇ ಶಕ್ತರಾದರು.

ಇದನ್ನೂ ಓದಿ: Shubman Gill: ಚೊಚ್ಚಲ ಶತಕದಿಂದಲೇ ರೋಹಿತ್-ಕೊಹ್ಲಿ ದಾಖಲೆ ಮುರಿದ ಗಿಲ್​, ಈಗ ಭಾರತೀಯರಲ್ಲಿ ಇವರೇ ನಂಬರ್​ 1

ಶುಭ್​ಮನ್ ಗಿಲ್​ ಭರ್ಜರಿ ಶತಕ:

ಇನ್ನು, ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ ಮಾಡಿದ ಭಾರತ ತಂಡದ ಪರ ಶುಭ್​ಮನ್​ ಗಿಲ್​ ಭರ್ಜರಿ ಶತಕ ಸಿಡಿಸಿದರು. ಅದೂ ಸಹ ಈ ಶತಕ ಗಿಲ್​ ಚೊಚ್ಚಲ ಟಿ20 ಶತಕ ಸಿಡಿಸಿದರು. ಶುಭ್​ಮನ್ ಗಿಲ್​ 63 ಎಸೆತದಲ್ಲಿ 7 ಸಿಕ್ಸ್ ಮತ್ತು 12 ಪೋರ್​ ಮೂಲಕ 126 ರನ್​ ಗಳಿಸಿ ಅಜೇಯರಾಗಿ ಉಳಿದರು. ಉಳಿದಂತೆ ಭಾರತದ ಪರ ಇಶಾನ್ ಕಿಶನ್ 1 ರನ್, ರಾಹುಲ್ ತ್ರಿಪಾಠಿ 44 ರನ್, ಸೂರ್ಯಕುಮಾರ್ ಯಾದವ್ 24 ರನ್, ನಾಯಕ ಹಾರ್ದಿಕ್ ಪಾಂಡ್ಯ 30 ರನ್, ದೀಪಕ್​ ಹೂಡ 2 ರನ್​ ಗಳಿಸುವ ಮೂಲಕ ತಂಡದ ಮೊತ್ತ ಹೆಚ್ಚಿಸುವಲ್ಲಿ ಯಶಸ್ವಿಯಾದರು.

ದಾಖಲೆ ಬರೆದ ಗಿಲ್​:

ಇನ್ನು, ಚೊಚ್ಚಲ ಶತಕದ ಮೂಲಕ ಶುಭ್​ಮನ್ ಗಿಲ್​ ದಿಗ್ಗಜ ಆಟಗಾರರ ದಾಖಲೆಯನ್ನು ಮುರಿದಿದ್ದಾರೆ.  ಭಾರತೀಯ ಟಿ20 ಕ್ರಿಕೆಟ್ ಇತಿಹಾಸದಲ್ಲಿ ಅತಿ ದೊಡ್ಡ ಸ್ಕೋರ್ ಮಾಡಿದ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು. ಭಾರತದ ಪರ ಟಿ20 ಮಾದರಿಯಲ್ಲಿ ಯಾವುದೇ ಬ್ಯಾಟ್ಸ್‌ಮನ್ ಈವರೆಗೂ 126 ರನ್ ಗಳಿಸಲು ಸಾಧ್ಯವಾಗಿರಲಿಲ್ಲ.