• Home
  • »
  • News
  • »
  • sports
  • »
  • IND vs NZ ODI: ಟೀಂ ಇಂಡಿಯಾ ದಾಳಿಗೆ ತತ್ತರಿಸಿದ ಕಿವೀಸ್​, ಭಾರತ ತಂಡಕ್ಕೆ ಸರಣಿ ಜಯ

IND vs NZ ODI: ಟೀಂ ಇಂಡಿಯಾ ದಾಳಿಗೆ ತತ್ತರಿಸಿದ ಕಿವೀಸ್​, ಭಾರತ ತಂಡಕ್ಕೆ ಸರಣಿ ಜಯ

ಭಾರತಕ್ಕೆ ಸರಣಿ ಜಯ

ಭಾರತಕ್ಕೆ ಸರಣಿ ಜಯ

IND vs NZ ODI: ಭಾರತ ಮತ್ತು ನ್ಯೂಜಿಲೆಂಡ್ (IND vs NZ) ನಡುವಿನ 3 ಪಂದ್ಯಗಳ ಏಕದಿನ ಸರಣಿಯನ್ನು ಭಾರತ 3-0 ಅಂತರದಿಂದ ಗೆಲ್ಲುವ ಮೂಲಕ ಕಿವೀಸ್ ತಂಡವನ್ನು ಕ್ಲೀನ್​ ಸ್ವಿಪ್​ ಮಾಡಿದೆ.

  • Share this:

ಭಾರತ ಮತ್ತು ನ್ಯೂಜಿಲೆಂಡ್ (IND vs NZ) ನಡುವಿನ 3 ಪಂದ್ಯಗಳ ಏಕದಿನ ಸರಣಿಯನ್ನು ಭಾರತ 3-0 ಅಂತರದಿಂದ ಗೆಲ್ಲುವ ಮೂಲಕ ಕಿವೀಸ್ ತಂಡವನ್ನು ಕ್ಲೀನ್ ಸ್ವೀಪ್​ ಮಾಡಿದೆ. ಈ ಮೂಲಕ ಭಾರತ ತಂಡ (Team India) ಸತತ ಸರಣಿ ಗೆಲುವಿನ ಓಟವನ್ನು ಮುಂದುವರೆಸಿದೆ. ಭಾರತ ನೀಡಿದ 386 ರನ್​​ಗಳ ಬೃಹತ್ ಟಾರ್ಗೆಟ್​ ಬೆನ್ನಟ್ಟಿದ ನ್ಯೂಜಿಲ್ಯಾಂಡ್ (New Zealand)​ ತಂಡವು  41.2 ಓವರ್​ಗಳಲ್ಲಿ ತನ್ನೆಲ್ಲಾ 10 ವಿಕೆಟ್​ಗಳನ್ನು ಕಳೆದುಕೊಂಡು 295 ರನ್​ ಗಳಿಸಿತು. ಈ ಮೂಲಕ ಭಾರತವು 90 ರನ್​ಗಳ ಭರ್ಜರಿ ಜಯ ದಾಖಲಿಸಿದೆ.


ಟೀಂ ಇಂಡಿಯಾ ದಾಳಿಗೆ ಕಿವೀಸ್​ ತತ್ತರ:


ಇನ್ನು, ಭಾರತ ನೀಡಿದ 386 ರನ್ ಗುರಿ ಬೆನ್ನಟ್ಟಿದ ನ್ಯೂಜಿಲ್ಯಾಂಡ್​ ತಂಡವು 41.2 ಓವರ್​ಗಳಲ್ಲಿ ತನ್ನೆಲ್ಲಾ 10 ವಿಕೆಟ್​ಗಳನ್ನು ಕಳೆದುಕೊಂಡು 295 ರನ್​ ಗಳಿಸುವ ಮೂಲಕ 90 ರನ್​ಗಳ ಸೋಲನ್ನಪ್ಪಿತು. ಕಿವೀಸ್​ ಪರ ಟೀಂ ಇಂಡಿಯಾ ವಿರುದ್ಧ ಇಂದು ಡೆವೊನ್ ಕಾನ್ವೇ ಶತಕದ ಆಟವಾಡಿದರು. ಅವರು 100 ಎಸೆತದಲ್ಲಿ 8 ಸಿಕ್ಸ್ ಮತ್ತು 12 ಪೋರ್​​ ಮೂಲಕ 138 ರನ್​ ಗಳಿಸಿ ಮಿಂಚಿದರು. ಉಳಿದಂತೆ ಫಿನ್ ಅಲೆನ್ ಶೂನ್ಯ, ಹೆನ್ರಿ ನಿಕೋಲ್ಸ್ 42 ರನ್, ಡ್ಯಾರಿಲ್ ಮಿಚೆಲ್ 24 ರನ್, ಟಾಮ್ ಲ್ಯಾಥಮ್ 0 ರನ್, ಗ್ಲೆನ್ ಫಿಲಿಪ್ಸ್ 5 ರನ್, ಮೈಕೆಲ್ ಬ್ರೇಸ್‌ವೆಲ್ 26 ರನ್, ಮಿಚೆಲ್ ಸ್ಯಾಂಟ್ನರ್ 34 ರನ್, ಲಾಕಿ ಫರ್ಗುಸನ್ 7 ರನ್, ಜಾಕೋಬ್ ಡಫಿ ಶೂನ್ಯ ಮತ್ತು ಬ್ಲೇರ್ ಟಿಕ್ನರ್ 0 ರನ್ ಗಳಿಸಿದರು.



ಭಾರತದ ಭರ್ಜರಿ ಬೌಲಿಂಗ್ ದಾಳಿ:


ನ್ಯೂಜಿಲ್ಯಾಂಡ್​ ಪರ ಇಂದು ಭಾರತೀಯ ಬೌಲರ್​ಗಳು ಭರ್ಜರಿ ಪ್ರದರ್ಶನ ನೀಡಿದರು. ಭಾರತದ ಪರ ಶಾರ್ದೂಲ್ ಠಾಕೂರ್ ಮತ್ತು ಕುಲ್​ದೀಪ್ ಯಾದವ್ ತಲಾ 3 ವಿಕೆಟ್ ಪಡೆದು ಮಿಂಚಿದರು. ಉಳಿದಂತೆ ಚಹಾಲ್ 2 ಮತ್ತು ಉಮ್ರಾನ್ ಮಲಿಕ್ 1, ಹಾರ್ದಿಕ್ ಪಾಂಡ್ಯ 1 ವಿಕೆಟ್ ಪಡೆದು ಮಿಂಚಿದರು.


ಇದನ್ನೂ ಓದಿ: Shubman Gill: ಬಾಬರ್ ಅಜಮ್​ ದಾಖಲೆ ಮುರಿದ ಗಿಲ್! ಶುಭ್​ಮನ್ ಅಬ್ಬರಕ್ಕೆ ರೆಕಾರ್ಡ್​​ಗಳೆಲ್ಲಾ ಉಡೀಸ್​


ರೋಹಿತ್-ಗಿಲ್​ ಭರ್ಜರಿ ಶತಕ:


ನಾಯಕ ರೋಹಿತ್ ಶರ್ಮಾ ಸುಮಾರು 3 ವರ್ಷಗಳ ಬಳಿಕ ಏಕದಿನ ಕ್ರಿಕೆಟ್​ನಲ್ಲಿ ಶತಕ ಸಿಡಿಸಿ ಮಿಂಚಿದ್ದಾರೆ. ರೋಹಿತ್​ 85 ಎಸೆತದಲ್ಲಿ 6 ಸಿಕ್ಸ್ ಮತ್ತು 9 ಪೋರ್​ ಮೂಲಕ 101 ರನ್​ ಗಳಿಸಿದರೆ, ಶುಭ್​ಮನ್ ಗಿಲ್​ 78 ಎಸೆತದಲ್ಲಿ 5 ಸಿಕ್ಸ್ ಮತ್ತು 13 ಪೋರ್​ಗಳ ಮೂಲಕ 112 ರನ್ ಗಳಿಸಿ ಮಿಂಚಿದರು. ಉಳಿದಂತೆ ಹಾರ್ದಿಕ್​ ಪಾಂಡ್ಯ 38 ಎಸೆತದಲ್ಲಿ 3 ಸಿಕ್ಸ್ ಮತ್ತು 3 ಬೌಂಡರಿ ಮೂಲಕ 54 ರನ್ ಗಳಿಸಿದರು. ಇನ್ನು, ವಿರಾಟ್ ಕೊಹ್ಲಿ 36 ರನ್, ಇಶಾನ್ ಕಿಶನ್ 17 ರನ್, ಸೂರ್ಯಕುಮಾರ್ ಯಾದವ್ 14 ರನ್, ಶಾರ್ದೂಲ್ ಠಾಕೂರ್ 25 ರನ್, ಕುಲ್​ದೀಪ್ ಯಾದವ್ 3 ರನ್ ಮತ್ತು ಉಮ್ರಾನ್ ಮಲಿಕ್​ 2 ರನ್ ಗಳಿಸಿದರು.




ಬೌಲಿಂಗ್​ನಲ್ಲಿ ಎಡವಿದ ಕಿವೀಸ್:


ಇನ್ನು, ಟಾಸ್​ ಗೆದ್ದು ಮೊದಲು ಬೌಲಿಂಗ್ ಮಾಡಿದ ನ್ಯೂಜಿಲ್ಯಾಂಡ್​ ತಂಡ ಭಾರತೀಯರ ಬ್ಯಾಟಿಂಗ್​ಗೆ ತತ್ತರಿಸಿತು. ಕಿವೀಸ್ ಪರ ಜಾಕೋಬ್ ಡಫಿ 10 ಓವರ್​ ಬಾಲ್ ಮಾಡಿ 100 ರನ್ ನೀಡಿ 3 ವಿಕೆಟ್​ ಪಡೆದರು. ಉಳಿದಂತೆ ಬ್ಲೇರ್ ಟಿಕ್ನರ್ 3 ವಿಕೆಟ್​ ಮತ್ತು ಮೈಕೆಲ್ ಬ್ರೇಸ್‌ವೆಲ್ 1 ವಿಕೆಟ್​ ಪಡೆದರು. ಈ ಮೂಲಕ ಕಿವೀಸ್​ ಬೌಲಿಂಗ್​ ಈ ಸರಣಿಯಲ್ಲಿ ಸಂಪೂರ್ಣ ವಿಫಲವಾಯಿತು.

Published by:shrikrishna bhat
First published: