IND vs NZ T20: ಟೀಂ ಇಂಡಿಯಾ ವಿರುದ್ಧ ಅಬ್ಬರಿಸಿದ ಕಿವೀಸ್​, ಬಿಗ್​ ಟಾರ್ಗೆಟ್​ ನೀಡಿದ ನ್ಯೂಜಿಲ್ಯಾಂಡ್​

ಭಾರತ ಮತ್ತು ನ್ಯೂಜಿಲ್ಯಾಂಡ್ (IND vs NZ )​ ನಡುವಿನ 3 ಪಂದ್ಯಗಳ ಟಿ20 ಸರಣಿಯ ಮೊದಲ ಪಂದ್ಯ ಇಂದು ರಾಂಚಿಯ ಜೆಎಸ್‌ಸಿಎ ಅಂತಾರಾಷ್ಟ್ರೀಯ ಸ್ಟೇಡಿಯಂನಲ್ಲಿ ​​(JSCA International Stadium Complex) ನಡೆಯುತ್ತಿದೆ. ಈಗಾಗಲೇ ಟಾಸ್​ ಗೆದ್ದ ಬಾರತ ತಂಡ (Team India) ಮೊದಲು ಬೌಲಿಂಗ್ ಮಾಡುವ ಮೂಲಕ ಕಿವೀಸ್​ ತಂಡ ಬ್ಯಾಟಿಂಗ್​ ಮಾಡಿತು. ಈ ಮೂಲಕ ನ್ಯೂಜಿಲ್ಯಾಂಡ್​ ತಂಡವು ನಿಗದಿತ 20 ಓವರ್​ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 176 ರನ್​ಗಳಿಸುವ ಮೂಲಕ ಭಾರತ ತಂಡಕ್ಕೆ ಉತ್ತಮ ಮೊತ್ತದ ಟಾರ್ಗೆಟ್​ ನೀಡಿದೆ. ಈಗಾಗಲೇ ಏಕದಿನ ಸರಣಿಯನ್ನು ಗೆದ್ದಿರುವ ಭಾರತ ತಂಡ ಟಿ20 ಸರಣಿಯನ್ನೂ ಗೆಲ್ಲುವ ನಿರೀಕ್ಷೆಯಲ್ಲಿ ಕಣಕ್ಕಿಳಿದಿದೆ.

ಕಿವೀಸ್ ಪರ ಅಬ್ಬರಿಸಿದ ಡೆವೊನ್ ಕಾನ್ವೇ:

ಇನ್ನು, ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ಮಾಡಿದ ನ್ಯೂಜಿಲ್ಯಾಂಡ್​ ತಂಡ ನಿಗದಿತ 20 ಓವರ್​ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 176 ರನ್​ ಗಳಿಸಿತು. ಕಿವೀಸ್​ ಪರ ಇಂದು ಡೆವೊನ್ ಕಾನ್ವೇ ಉತ್ತಮ ಬ್ಯಾಟಿಂಗ್​ ಮಾಡುವ ಮೂಲಕ ಆಕರ್ಷಕ ಅರ್ಧಶತಕ ಸಿಡಿಸಿ ಮಿಂಚಿದರು. ಅವರು 35 ಎಸೆತದಲ್ಲಿ 7 ಪೋರ್​ ಮತ್ತು 1 ಸಿಕ್ಸ್ ಮೂಲಕ 52 ರನ್​ಗಳಿಸಿದರು. ಉಳಿದಂತೆ ಫಿನ್ ಅಲೆನ್ 35 ರನ್, ಮಾರ್ಕ್ ಚಾಪ್ಮನ್ ಶೂನ್ಯ, ಗ್ಲೆನ್ ಫಿಲಿಪ್ಸ್ 17 ರನ್,  ಮೈಕೆಲ್ ಬ್ರೇಸ್ವೆಲ್ 1 ರನ್, ಮಿಚೆಲ್ ಸ್ಯಾಂಟ್ನರ್ 7 ರನ್ ಮತ್ತು ಅಂತಿಮ ಓವರ್​ನಲ್ಲಿ ಡೇರಿಲ್ ಮಿಚೆಲ್ ಅಬ್ಬರಿಸುವ ಮೂಲಕ 30 ಎಸೆತದಲ್ಲಿ 3 ಪೋರ್​ ಮತ್ತು 5 ಸಿಕ್ಸ್ ಮೂಲಕ 59 ರನ್ ಗಳಿಸಿದರು.

ಟೀಂ ಇಂಡಿಯಾ ಸಂಘಟಿತ ದಾಳಿ:

ಇನ್ನು, ಟಾಸ್ ಗೆದ್ದ ಭಾರತ ತಂಡ ಮೊದಲು ಬೌಲಿಂಗ್​ ಮಾಡುವ ಮೂಲಕ ಕಿವೀಸ್​ ತಂಡವನ್ನು ನಿಯಂತ್ರಿಸಲು ಯಶಸ್ವಿಯಾಯಿತು. ಭಾರತದ ಪರ ವಾಷಿಂಗ್ಟನ್​ ಸುಂದರ್​ 2 ವಿಕೆಟ್​ ಪಡೆದರು. ಉಳಿದಂತೆ ಅರ್ಷದೀಪ್​ ಸಿಂಗ್​, ಶಿವಂ ಮಾವಿ ಮತ್ತು ಕುಲ್​ದೀಪ್​ ಸಿಂಗ್​ ತಲಾ 1 ವಿಕೆಟ್ ಪಡೆದರು. ಆದರೆ ಕೊನೆಯ 20ನೇ ಓವರ್​ನಲ್ಲಿ ಅರ್ಷದೀಪ್​​ ಸಿಂಗ್​ ಹೆಚ್ಚು ದುಬಾರಿಯಾದರು.

ಇದನ್ನೂ ಓದಿ: MS Dhoni: ಟೀಂ ಇಂಡಿಯಾ ಆಟಗಾರರ ಜೊತೆ ಕಾಣಿಸಿಕೊಂಡ ಧೋನಿ, ಡ್ರೆಸ್ಸಿಂಗ್ ರೂಂಗೆ ಎಂಟ್ರಿ ಕೊಟ್ಟಿದ್ದೇಕೆ ಕ್ಯಾಪ್ಟನ್​ ಕೂಲ್?

ಪಂದ್ಯ ವೀಕ್ಷಿಸಿದ ಧೋನಿ:

ಭಾರತ ಮತ್ತು ನ್ಯೂಜಿಲ್ಯಾಂಡ್​ ನಡುವಿನ ಮೊದಲ ಏಕದಿನ ಪಂದ್ಯ ಇಂದು ಧೋನಿಯ ತವರಾದ ರಾಂಚಿಯಲ್ಲಿ ನಡೆಯುತ್ತಿದೆ. ಹೀಗಾಗಿ ಧೋನಿ ಸಹ ಕುಟುಂಬ ಸಮೇತವಾಗಿ ಧೋನಿ ಇಂದಿನ ಪಂದ್ಯವನ್ನು ವೀಕ್ಷಿಸುತ್ತಿದ್ದಾರೆ. ಅಲ್ಲದೇ ಕಳೆದ ದಿನ ಧೋನಿ ಟೀಂ ಇಂಡಿಯಾ ಜೊತೆ ಕಾಣಿಸಿಕೊಂಡಿದ್ದರು. ಮಾಹಿ ತಂಡದ ಆಟಗಾರರೊಂದಿಗೆ ಸಂವಾದ ನಡೆಸಿದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಎಂಎಸ್ ಧೋನಿ ಯುವ ತಂಡದಲ್ಲಿ ತುಂಬಾ ಸಂತೋಷದಿಂದ ಕಂಡುಬಂಡಿತ್ತು. ಇದರ ವಿಡಿಯೋವನ್ನು ಬಿಸಿಸಿಐ ಟ್ವಿಟರ್​ನಲ್ಲಿ ಹಂಚಿಕೊಂಡಿತ್ತು.

ಭಾರತ- ನ್ಯೂಜಿಲ್ಯಾಂಡ್​ ಪ್ಲೇಯಿಂಗ್​ 11:

ಭಾರತ​ ಪ್ಲೇಯಿಂಗ್​ 11: ಶುಭಮನ್ ಗಿಲ್, ಇಶಾನ್ ಕಿಶನ್ (ವಿಕೆಟ್ ಕೀಪರ್), ರಾಹುಲ್ ತ್ರಿಪಾಠಿ, ಸೂರ್ಯಕುಮಾರ್ ಯಾದವ್, ಹಾರ್ದಿಕ್ ಪಾಂಡ್ಯ (ನಾಯಕ), ವಾಷಿಂಗ್ಟನ್ ಸುಂದರ್, ದೀಪಕ್ ಹೂಡಾ, ಉಮ್ರಾನ್ ಮಲಿಕ್, ಶಿವಂ ಮಾವಿ, ಕುಲದೀಪ್ ಯಾದವ್, ಅರ್ಷದೀಪ್ ಸಿಂಗ್.

ನ್ಯೂಜಿಲ್ಯಾಂಡ್​ ಪ್ಲೇಯಿಂಗ್​ 11: ಫಿನ್ ಅಲೆನ್, ಡೆವೊನ್ ಕಾನ್ವೇ (ವಾಕ್), ಮಾರ್ಕ್ ಚಾಪ್ಮನ್, ಡೇರಿಲ್ ಮಿಚೆಲ್, ಗ್ಲೆನ್ ಫಿಲಿಪ್ಸ್, ಮಿಚೆಲ್ ಸ್ಯಾಂಟ್ನರ್ (ಸಿ), ಮೈಕೆಲ್ ಬ್ರೇಸ್ವೆಲ್, ಜಾಕೋಬ್ ಡಫಿ, ಇಶ್ ಸೋಧಿ, ಲಾಕಿ ಫರ್ಗುಸನ್, ಬ್ಲೇರ್ ಟಿಕ್ನರ್.